Daily Murli for Wednesday 11 September 2024

11-09-2024 praatahmurli om shanti "baapdaada"' madhuban

“meethe bachche - tum baap ke paas aaye ho apne characters sudhaarne, tumhein abhi daivi characters banaane hain''

prashn:- tum bachchon ko okhen banda karke baithne ki mana kyon ki jaati hai?

uttar:- kyonki nazar se nihaal karne vaala baap tumhaare sammukh hai। agar okhen banda hongi to nihaal kaise honge। school mein okhen banda karke nahin baithte hain। okhen banda hongi to susti aayegi। tum bachche to school mein padhaai padh rahe ho, yeh source oph income hai। laakhon padmon ki kamaai ho rahi hai, kamaai mein susti, udaasi nahin aa sakti।

om shanti। meethe-meethe roohaani bachchon prati baap samjhaate hain। yeh to bachche jaante hain ki roohaani baap paramdham se aakar hamko padha rahe hain। kya padha rahe hain? baap ke saath aatma ka yog lagaana sikhlaate hain jisko yaad ki yaatra kaha jaata hai। yeh bhi bataaya hai - baap ko yaad karte-karte meethe roohaani bachche tum pavitra ban apne pavitra shantidham mein pahunch jaayenge। kitni sahaj samjhaani hai। apne ko aatma samjho aur apne preetam behad ke baap ko yaad karo to tumhaare janma-janmaantar ke paap jo hain, woh bhasma hote jaayenge। isko hi yog agni kaha jaata hai। yeh bhaarat ka praacheen raajayog hai, jo baap hi har 5 hazaar varsha ke baad aakar sikhlaate hain। behad ka baap hi bhaarat mein, is saadhaaran tan mein aakar tum bachchon ko samjhaate hain। is yaad se hi tumhaare janma-janmaantar ke paap kat jaayenge kyonki baap patit-paavan hai aur sarvashaktimaan hai। tumhaari aatma ki battery abhi tamopradhaan ban gai hai। jo satopradhaan thi ab unko phir se satopradhaan kaise banaayen, jo tum satopradhaan duniya mein ja sako va shantidham ghar mein ja sako। bachchon ko yeh bahut achhi reeti yaad rakhna hai। baap bachchon ko yeh dose dete hain। yeh yaad ki yaatra uthte-baithte, chalte-phirte tum kar sakte ho। jitna ho sake grihastha vyavhaar mein rehte hue kamal phool samaan pavitra rehna hai। baap ko bhi yaad karna hai aur saath-saath daivi-gun bhi dhaaran karne hai kyonki duniya vaalon ke to aasuri characters hain। tum bachche yahaan aaye ho daivi characters banaane। in lakshmi-naaraayan ke characters bade meethe the। bhakti maarga mein unhon ki hi mahima gaai hui hai। bhakti maarga kab se shuru hota hai, yeh bhi kisko pata nahin hai। abhi tumne samjha hai aur raavan raajya kab se shuru hua, yeh bhi ab samjha hai। tum bachchon ko yeh saari knowledge buddhi mein rakhni hai। jabki jaante ho ham gyaan saagar roohaani baap ke bachche hain, ab roohaani baap hamko padhaane aate hain। yeh bhi jaante ho yeh koi ordinary baap nahin hai। yeh hai roohaani baap, jo hamko padhaane aaya hai। unka nivaas sthaan sadaiv brahmalok mein hai। laukik baap to sabke yahaan hain। yeh bachchon ko achhi reeti nishchay mein rakhna hai - ham aatmaon ko padhaane vaala parampita paramatma hai, jo behad ka baap hai। bhakti maarga mein laukik baap hote hue bhi parampita paramatma ko bulaate hain। unka ek hi naam yathaartha shiv hai। baap khud samjhaate hain - meethe-meethe bachchon, mera naam ek hi shiv hai। bhal anek naam anek mandir banaaye hain parantu woh sab hai bhakti maarga ki saamagri। yathaartha naam mera ek hi shiv hai। tum bachchon ko aatma hi kehte hain, saaligraam kahen to bhi harja nahin। anekaanek saaligraam hain। shiv ek hi hai। woh hai behad ka baap, baaki sab hain bachche। iske pahle tum had ke bachche, had ke baap ke paas rehte the। gyaan to tha nahin। baaki anek prakaar ki bhakti karte rehte the। aadhaakalpa bhakti ki hai, dvaapar se lekar bhakti shuru hoti hai। raavanraajya bhi shuru hua hai। yeh hai bahut sahaj baat। parantu itni sahaj baat bhi koi mushkil samajhte hain। raavanraajya kab se shuru hota hai, yeh bhi koi nahin jaanta। tum meethe bachche jaante ho - baap hi gyaan ka saagar hai। jo unke paas hai woh aakar bachchon ko dete hain। shaastra to hain bhakti maarga ke।

abhi tum samajh gaye ho - gyaan, bhakti aur phir hai vairaagya। yeh 3 mukhya hain। sannyaasi log bhi jaante hain - gyaan bhakti aur vairaagya। parantu sannyaasiyon ka hai apna had ka vairaagya। woh behad ka vairaagya sikhla na saken। do prakaar ke vairaagya hain - ek hai had ka, doosra hai behad ka। woh hai hathayogi sannyaasiyon ka vairaagya। yeh hai behad ka। tumhaara hai raajayog, woh gharbaar chhod jangal mein chale jaate hain to unhon ka naam hi pad jaata hai sannyaasi। hathayogi gharbaar chhodte hain pavitra rahne ke liye। yeh bhi hai achha। baap kehte hain - bhaarat to bahut pavitra tha। itna pavitra khanda aur koi hota nahin। bhaarat ki to bahut oonchi mahima hai jo bhaaratvaasi khud nahin jaante hain। baap ko bhoolne kaaran sab kuchh bhool jaate hain arthaat naastik nidhanke ban padte hain। satayug mein kitni sukh-shanti thi। abhi kitni duhkh-ashaanti hai! mool vatan to hai hi shantidham, jahaan ham aatmaayen rehti hain। aatmaayen apne ghar se yahaan aati hain behad ka part bajaane। abhi yeh hai purooshottam sangamayug jabki behad ka baap aate hain nai duniya mein le chalne ke liye। baap aakar uttam te uttam banaate hain। oonch te oonch bhagwan kaha jaata hai। parantu woh kaun hai, kisko kaha jaata hai, yeh kuchh bhi samajhte nahin hain। ek bada ling rakh diya hai। samajhte hain yeh niraakaar paramatma hai। ham aatmaon ka woh baap hai - yeh bhi nahin samajhte, sirf pooja karte hain। hamesha shivbaaba kehte hain, roodra baba va babulnaath baba nahin kahenge। tum likhte bhi ho shivbaaba yaad hai? varsa yaad hai? yeh slogans ghar-ghar mein lagaane chaahiye - shivbaaba ko yaad karo to paap bhasma honge kyonki patit-paavan ek hi baap hai। is patit duniya mein to ek bhi paavan ho nahin sakta। paavan duniya mein phir ek bhi patit nahin ho sakta। shaastron mein to sab jagah patit likh diye hain। treta mein bhi kehte raavan tha, seeta churaai gai। shreekrishna ke saath kans, jaraasandhi, hiranyakashyap aadi dikhaaye hain। shreekrishna par kalank laga diye hain। ab satayug mein yeh sab ho nahin sakte। kitne jhoothe kalank lagaaye hain। baap par bhi kalank lagaaye hain to devtaaon par bhi kalank lagaaye hain। sabki glaani karte rehte hain। to ab baap kehte hain yeh yaad ki yaatra hai aatma ko pavitra banaane ki। paavan ban phir paavan duniya mein jaana hai। baap 84 ka chakra bhi samjhaate hain। abhi tumhaara yeh antim janma hai phir ghar jaana hai। ghar mein shareer to nahin jaayega। sab aatmaayen jaani hain isliye meethe-meethe roohaani bachchon, apne ko aatma samajhkar baitho, deh nahin samjho। aur satsangon mein to tum deh-abhimaani ho baithte ho। yahaan baap kehte hain dehi-abhimaani hokar baitho। jaise mere mein yeh sanskaar hain, main gyaan ka saagar hoon… tum bachchon ko bhi aisa banna hai। behad ke baap aur had ke baap ka contrast bhi batlaate hain। behad ka baap baith tumko saara gyaan samjhaate hain। aage nahin jaante the। abhi srishti ka chakra kaise phirta hai, unka aadi-madhya-ant aur chakra ki aayu kitni hai, sab batlaate hain। bhakti maarga mein to kalpa ki aayu laakhon varsha sunaakar ghor andhiyaare mein daal diya hai। neeche hi utarte aaye hain। kehte bhi hain na jitna ham bhakti karenge utna baap ko neeche kheenchenge। baap aakar hamko paavan banaayenge। baap ko kheenchate hain kyonki patit hain, bade duhkhi ban jaate hain। phir kehte hain ham baap ko bulaate hain। baap bhi dekhte hain bilkul duhkhi tamopradhaan ban gaye hain, 5 hazaar varsha poore hue hain tab phir aate hain। yeh padhaai koi is puraani duniya ke liye nahin hai। tumhaari aatma dhaaran kar saath le jaayegi। jaise main gyaan ka saagar hoon, tum bhi gyaan ki nadiyaan ho। yeh knowledge koi is duniya ke liye nahin hai। yeh to chhi-chhi duniya, chhi-chhi shareer hai, inko to chhodna hai। shareer to yahaan pavitra ho nahin sakta। main aatmaon ka baap hoon। aatmaon ko hi pavitra banaane aaya hoon। in baaton ko manushya to kuchh bhi samajh nahin sakte hain, bilkul hi pattharbuddhi, patit hain isliye gaate hain patit-paavan… aatma hi patit bani hai। aatma hi sab kuchh karti hai। bhakti bhi aatma karti hai, shareer bhi aatma leti hai।

ab baap kehte hain main tum aatmaon ko le jaane aaya hoon। main behad ka baap tum aatmaon ke bulaave par aaya hoon। tumne kitna pukaara hai। abhi tak bhi bulaate rehte hain - he patit-paavan, O god father aakar is puraani duniya ke duhkhon se, devil se liberate karo to ham sab ghar mein chale jaaven। aur to koi ko pata hi nahin hai - hamaara ghar kahaan hai, ghar mein kaise, kab jaayenge। mukti mein jaane ke liye kitna maatha maarte hain, kitne guru karte hain। janma-janmaantar maatha maarte chale aaye hain। ve guru log jeevanmukti ke sukh ko to jaante hi nahin। ve chaahte hain mukti। kehte bhi hain vishwa mein shanti kaise ho? sannyaasi bhi mukti ko hi jaante hain। jeevanmukti ko to jaante nahin। parantu mukti-jeevanmukti donon varsa baap hi dete hain। tum jab jeevanmukti mein rehte ho to baaki sab mukti mein chale jaate hain। abhi tum bachche knowledge le rahe ho, yeh banne ke liye। tumne hi sabse jaasti sukh dekha hai phir sabse jaasti duhkh bhi tumne dekha hai। aadi sanaatan devi-devta dharma vaale tum hi phir dharma-bhrashta, karma-bhrashta ho gaye ho। tum pavitra pravritti maarga vaale the, yeh lakshmi-naaraayan pavitra pravritti maarga ke hain। gharbaar chhodna yeh sannyaasiyon ka dharma hai। sannyaasi bhi pahle achhe the। tum bhi pahle bahut achhe the, abhi tamopradhaan bane ho। baap kehte hain yeh drama ka khel hai। baap samjhaate hain - yeh padhaai hai hi nai duniya ke liye। patit shareer, patit duniya mein drama anusaar hamko phir 5 hazaar varsha ke baad aana padta hai। na kalpa laakhon varsha ka hai, na main sarvavyaapi hoon। yeh to tum meri glaani karte aaye ho। main phir bhi tum par kitna upkaar karta hoon। jitni shivbaaba ki glaani ki hai, utna aur koi ki nahin ki hai। jo baap tumko vishwa ka maalik banaate hain unke liye tum kehte rehte ho sarvavyaapi hai। jab glaani ki bhi had ho jaati hai, tab phir main aakar upkaar karta hoon। yeh hai purooshottam sangamayug, kalyaankaari yug। jabki tumko pavitra banaane aata hoon। kitni sahaj yukti paavan banaane ki batlaate hain। tumne bhaktimaarga mein bahut dhakke khaaye hain, talaav mein bhi snaan karne jaate hain, samajhte hain isse paavan ban jaayenge। ab kahaan woh paani aur kahaan patit-paavan baap। woh sab hai bhaktimaarga, yeh hai gyaan maarga। manushya kitne ghor andhiyaare mein hain। kumbhakran ki neend mein soye hue hain। yeh to tum jaante ho - gaaya bhi jaata hai vinaashkaale vipreet buddhi vinshayanti। abhi tumhaari nambarvaar purooshaartha anusaar preet buddhi hai। poori nahin hai, kyonki maaya ghadi-ghadi bhula deti hai। yeh hai 5 vikaaron ki ladaai। paanch vikaaron ko raavan kaha jaata hai। raavan par gadhe ka sheesh dikhaate hain।

baba ne yeh bhi samjhaaya hai - school mein kab okhen banda karke nahin baithna hota hai। woh to bhaktimaarga mein bhagwan ko yaad karne ki shiksha dete hain ki okhen banda karke baitho। yahaan to baap kehte hain yeh school hai। suna bhi hai nazar se nihaal....... kehte hain yeh jaadoogar hai। are, woh to gaayan bhi hai। devtaayen bhi nazar se nihaal hote hain। nazar se manushya ko devta banaane vaala jaadoogar hua na। baap baith battery charge kare aur bachche okhen banda kar baithen to kya kahenge! school mein okhen banda kar nahin baithte। nahin to susti aati hai। padhaai to hai source oph income। laakhon padmon ki kamaai hai। kamaai mein kabhi ubaasi nahin lenge। yahaan aatmaon ko sudhaarna hai। yeh em object khadi hai। unhon ki raajdhaani dekhni ho to jaao delvaada mein। woh hai jad, yeh hai chetanya delvaada mandir। devtaayen bhi hain, svarga bhi hai। sarva ka sadgati daata aabu mein hi aate hain, isliye bade te bada teertha aabu thahra। jo bhi dharma sthaapak athva guru log hain, sabki sadgati baap yahaan aakar karte hain। yeh sabse bada teertha hai, parantu gupta hai। inko koi jaante nahin hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) jo sanskaar baap mein hain, vahi sanskaar dhaaran karne hain। baap samaan gyaan ka saagar banna hai। dehi-abhimaani hokar rahne ka abhyaas karna hai।

2) aatma roopi battery ko satopradhaan banaane ke liye chalte-phirte yaad ki yaatra mein rehna hai। daivi characters dhaaran karne hain। bahut-bahut meetha banna hai।

vardaan:- trikaaldarshi ban divya buddhi ke vardaan ko kaarya mein lagaane vaale saphalta sampanna bhav

baapdaada ne har bachche ko divya buddhi ka vardaan diya hai। divya buddhi dvaara hi baap ko, apne aapko aur teenon kaalon ko spashta jaan sakte ho। sarvashaktiyon ko dhaaran kar sakte ho। divya buddhi vaali aatma koi bhi sankalp ko karma va vaani mein laane ke pahle har bol va karma ke teenon kaal jaankar practical mein aati hai। unke aage past aur future bhi itna spashta hota hai jitna present spashta hai। aise divya buddhi vaale trikaaldarshi hone ke kaaran sada saphalta sampanna ban jaate hain।

slogan:- sampoorn pavitrata ko dhaaran karne vaale hi parmaananda ka anubhav kar sakte hain।