Daily Murli for Friday 20 September 2024

20-09-2024 praatahmurli om shanti "baapdaada"' madhuban

“meethe bachche - tumhein baap samaan khudaai khidmatgaar banna hai, sangam par baap aate hain tum bachchon ki khidmat (seva) karne''

prashn:- yeh purooshottam sangamayug hi sabse suhaavna aur kalyaankaari hai - kaise?

uttar:- isi samay tum bachche stri aur puroosh donon hi uttam bante ho। yeh sangamayug hai hi kaliyug ant aur satayug aadi ke beech ka samay। is samay hi baap tum bachchon ke liye eeshvareey university kholte hain, jahaan tum manushya se devta bante ho। aisi university saare kalpa mein kabhi nahin hoti। isi samay sabki sadgati hoti hai।

om shanti। roohaani baap roohaani bachchon ko baith samjhaate hain। yahaan baithe-baithe ek to tum baap ko yaad karte ho kyonki woh patit-paavan hai, unko yaad karne se hi paavan satopradhaan banne ki tumhaari em hai। aise nahin, sato tak em hai। satopradhaan banna hai isliye baap ko bhi zaroor yaad karna hai phir sweet hom ko bhi yaad karna hai kyonki vahaan jaana hai phir maal-milkiyat bhi chaahiye isliye apne svarga dhaam ko bhi yaad karna hai kyonki yeh praapti hoti hai। bachche jaante hain ham baap ke bachche bane hain, barobar baap se shiksha lekar ham svarga mein jaayenge - nambarvaar purooshaartha anusaar। baaki jo bhi jeev ki aatmaayen hain woh shantidham mein chali jaayengi। ghar to zaroor jaana hai। bachchon ko yeh bhi maaloom hua, abhi hai raavan raajya। iski bhent mein satayug ko phir naam diya jaata hai raam raajya। do kala kam ho jaati hain। unko sooryavanshi, unko chandravanshi kaha jaata hai। jaise Christian ki dynasty ek hi chalti hai, vaise yeh bhi hai ek hi dynasty। parantu usmein sooryavanshi aur chandravanshi hain। yeh baaten koi bhi shaastron mein nahin hain। baap baith samjhaate hain, jisko hi gyaan athva knowledge kaha jaata hai। svarga sthaapan ho gaya phir knowledge ki darkaar nahin। yeh knowledge bachchon ko purooshottam sangamayug par hi sikhlaai jaati hai। tumhaare centres par va museum mein bahut bade-bade aksharon mein zaroor likha hua ho ki bahnon aur bhaaiyon yeh purooshottam sangamayug hai, jo ek hi baar aata hai। purooshottam sangamayug ka arth bhi nahin samajhte hain to yeh bhi likhna hai - kaliyug ant aur satayug aadi ka sangam। to sangamayug sabse suhaavna, kalyaankaari ho jaata hai। baap bhi kehte hain main purooshottam sangamayug par hi aata hoon। to sangamayug ka arth bhi samjhaaya hai। veshyaalay ka ant, shivaalay ka aadi - isko kaha jaata hai purooshottam sangamayug। yahaan sab hain vikaari, vahaan sab hain nirvikaari। to zaroor uttam to nirvikaari ko kahenge na। puroosh aur stri donon uttam bante hain isliye naam hi hai purooshottam। in baaton ka baap aur tum bachchon ke sivaae kisko pata nahin ki yeh sangamayug hai। kiske khyaal mein nahin aata ki purooshottam sangamayug kab hota hai। abhi baap aaye hue hain, woh hai manushya srishti ka beejroop। unki hi itni mahima hai, woh gyaan ka saagar, aanand ka saagar hai, patit-paavan hai। gyaan se sadgati karte hain। aise tum kabhi nahin kahenge ki bhakti se sadgati। gyaan se sadgati hoti hai aur sadgati hai hi satayug mein। to zaroor kaliyug ka ant aur satayug aadi ke sangam par aayenge। kitna clear kar baap samjhaate hain। naye bhi aate hain, hoobhu jaise kalpa-kalpa aaye hain, aate rehte hain। raajdhaani aise hi sthaapan honi hai। tum bachchon ko maaloom hai - ham khudaai khidmatgaar sachche-sachche thahre। ek ko thode hi padhaayenge। ek padhte hain phir in dvaara tum padhkar auron ko padhaate ho isliye yahaan yeh badi university kholni padti hai। saari duniya mein aur koi university hai hi nahin। na koi duniya mein jaanta hai ki eeshvareey university bhi hoti hai। abhi tum bachche jaante ho - geeta ka bhagwan shiv aakar yeh university kholte hain। nai duniya ka maalik devi-devta banaate hain। is samay aatma jo tamopradhaan ban gai hai, phir usko hi satopradhaan banna hai। is samay sab tamopradhaan hain na। bhal kai kumaar bhi pavitra rehte hain, kumaariyaan bhi pavitra rehti hain, sannyaasi bhi pavitra rehte hain parantu aajkal woh pavitrata nahin hai। pahle-pahle jab aatmaayen aati hain, woh pavitra rehti hain। phir apvitra ban jaati hain kyonki tum jaante ho satopradhaan, sato, rajo, tamo se sabko paas hona hota hai। ant mein sab tamopradhaan ban jaate hain। abhi baap sammukh baith samjhaate hain - yeh jhaad tamopradhaan jadajdeebhoot avastha ko paaya hua hai, puraana ho gaya hai to zaroor inka vinaash hona chaahiye। yeh hai variety dharmon ka jhaad, isliye kehte hain viraat leela। kitna bada behad ka jhaad hai। woh to jad jhaad hote hain, jo beej daalo woh jhaad nikalta hai। yeh phir hai variety dharmon ka variety chitra। hain sab manushya, parantu unmein variety bahut hai, isliye viraat leela kaha jaata hai। sab dharma kaise nambarvaar aate hain, yeh bhi tum jaante ho। sabko jaana hai phir aana hai। yeh drama bana hua hai। hai bhi kudarti drama। kudrat yeh hai jo itni chhoti si aatma athva param aatma mein kitna part bhara hua hai। param - aatma ko milaakar paramatma kaha jaata hai। tum unko baba kehte ho kyonki sabhi aatmaon ka woh supreme baap hai na। bachche jaante hain aatma hi saara part bajaati hai। manushya yeh nahin jaante। woh to kah dete aatma nirlep hai। vaastav mein yeh akshar wrong hai। yeh bhi bade-bade aksharon mein likh dena chaahiye - aatma nirlep nahin hai। aatma hi jaise-jaise achhe va bure karma karti hai to aisa woh phal paati hai। bure sanskaaron se patit ban padti hai, tab to devtaaon ke aage jaakar unki mahima gaate hain। abhi tumko 84 janmon ka pata pad gaya hai, aur koi bhi manushya nahin jaanta। tum unko 84 janma siddha kar batlaate ho to kehte hain - kya shaastra sab jhoothe hain? kyonki suna hai manushya 84 laakh yoniyaan lete hain। abhi baap baith samjhaate hain vaastav mein sarva shaastramai shiromni hai hi geeta। baap abhi hamko raajayog sikhla rahe hain jo 5 hazaar varsha pahle sikhlaaya tha।

tum jaante ho ham pavitra the, pavitra grihastha dharma tha। abhi inko dharma nahin kahenge। adharmi ban pade hain arthaat vikaari ban gaye hain। is khel ko tum bachche samajh gaye ho। yeh behad ka drama hai jo har 5 hazaar varsha baad repeat hota rehta hai। laakhon varsha ki baat to koi samajh bhi na sake। yeh to jaise kal ki baat hai। tum shivaalay mein the, aaj veshyaalay mein ho phir kal shivaalay mein honge। satayug ko kaha jaata hai shivaalay, treta ko semi kaha jaata hai। itne varsha vahaan rahenge। punarjanma mein to aana hi hai। inko kaha jaata hai raavan raajya। tum aadhaakalpa patit banen, ab baap kehte hain grihastha vyavhaar mein rehte kamal phool samaan pavitra bano। kumaar aur kumaariyaan to hain hi pavitra। unhon ko phir samjhaaya jaata hai - aise grihastha mein phir jaana nahin hai jo phir pavitra hone ka purooshaartha karna pade। bhagvaanuvaach hai ki paavan bano, to behad ke baap ka maanna pade na। tum grihastha vyavhaar mein rehte kamal phool samaan rah sakte ho। phir bachchon ko patit banne ki aadat kyon daalte ho। jabki baap 21 janmon ke liye patit hone se bachaate hain। ismen lok laaj kul ki maryaada bhi chhodni pade। yeh hai behad ki baat। bachelors (kumaar) to sab dharmon mein bahut rehte hain parantu safety se rehna zara mushkil hota hai, phir bhi raavan raajya mein rehte hain na। vilaayat mein bhi aise bahut manushya shaadi nahin karte hain phir pichhaadi mein kar lete hain companionship ke liye। criminal aai se nahin karte hain। aise bhi duniya mein bahut hote hain। poori sambhaal karte hain, phir jab marte hain to kuchh unko dekar jaate hain। kuchh dharmaau laga dete hain। trust banaakar jaate hain। vilaayat mein bhi bade-bade trust hote hain jo phir yahaan bhi madad karte hain। yahaan aisa trust nahin hoga jo vilaayat ko bhi madad kare। yahaan to gareeb log hain, kya madad karenge! vahaan to unhon ke paas paise bahut hain। bhaarat to gareeb hai na। bhaaratvaasiyon ki kya haalat hai! bhaarat kitna sirtaaj tha, kal ki baat hai। khud bhi kehte hain 3 hazaar varsha pahle paradise tha। baap hi banaate hain। tum jaante ho baap kaise oopar se neeche aate hain - patiton ko paavan banaane। woh hai hi gyaan ka saagar, patit-paavan, sarva ka sadgati daata arthaat sabko paavan banaane vaala। tum bachche jaante ho meri mahima to sab gaate hain। main yahaan patit duniya mein hi aata hoon tumko paavan banaane। tum paavan ban jaate ho to phir pahle-pahle paavan duniya mein aate ho। bahut sukh uthaate ho phir raavan raajya mein girte ho। bhal gaate to hain parampita paramatma gyaan ka saagar, shanti ka saagar, patit-paavan hai। parantu paavan banaane ke liye kab aayenge - yeh koi bhi jaante hi nahin hain। baap kehte hain tum meri mahima karte ho na। ab main aaya hoon tumko apna parichay de raha hoon। main har 5 hazaar varsha ke baad is purooshottam sangamayug par aata hoon, kaise aata hoon woh bhi samjhaata hoon। chitra bhi hain। brahma koi sookshm vatan mein nahin hota hai। brahma yahaan hai aur brahman bhi yahaan hain, jisko great-great grand father kaha jaata hai, jiska phir sijra banta hai। manushya srishti ka sijra to prajaapita brahma se hi chalega na। prajaapita hai to zaroor unki praja hogi। kukh vanshaavli to ho na sake, zaroor adopted honge। great-great grand father hai to zaroor adopt kiya hoga। tum sab adopted bachche ho। abhi tum brahman bane ho phir tumko devta banna hai। shoodra se brahman phir brahman se devta, yeh baajoli ka khel hai। viraat roop ka bhi chitra hai na। vahaan se sabko yahaan aana hai zaroor। jab sab aa jaate hain phir creator bhi aate hain। woh creator director hai, act bhi karte hain। baap kehte hain - he aatmaayen tum mujhe jaante ho। tum aatmaayen mere sab bachche ho na। tumne pahle satayug mein shareerdhaari ban kitna achha sukh ka part bajaaya phir 84 janma baad tum kitna duhkh mein aa gaye ho। drama ke creator, director, producer hote hain na। yeh hai behad ka drama। behad drama ko koi bhi jaante nahin hain। bhakti maarga mein aisi-aisi baaten bataate hain jo manushyon ki buddhi mein vahi baith gayi hain।

ab baap kehte hain - meethe-meethe bachchon, yeh sab bhakti maarga ke shaastra hain। bhakti maarga ki dher saamagri hai, jaise beej ki saamagri jhaad hai, itne chhote beej se jhaad kitna athaah phail jaata hai। bhakti ka bhi itna vistaar hai। gyaan to beej hai, usmein koi bhi saamagri ki darkaar nahin rehti hai। baap kehte hain apne ko aatma samajh baap ko yaad karo aur koi vrat nem nahin hai। yeh sab banda ho jaata hai। tumko sadgati mil jaayegi phir koi baat ki darkaar nahin। tumne hi bahut bhakti ki hai। uska phal tumko dene ke liye aaya hoon। devtaayen shivaalay mein the na, tab to mandir mein jaakar unhon ki mahima gaate hain। ab baap samjhaate hain - meethe-meethe bachchon, mainne 5 hazaar varsha pahle bhi tumko samjhaaya tha ki apne ko aatma samjho। deh ke sab sambandh chhod mujh ek baap ko yaad karo to is yog agni se tumhaare paap bhasma ho jaayenge। baap jo kuchh abhi samjhaate hain, kalpa-kalpa samjhaate aaye hain। geeta mein bhi koi-koi akshar achhe hain। manamnaabhav arthaat mujhe yaad karo। shivbaaba kehte hain main yahaan aaya hoon। kiske tan mein aata hoon, woh bhi bataata hoon। brahma dvaara sab vedon-shaastron ka saar tumko sunaata hoon। chitra bhi dikhaate hain parantu arth nahin samajhte। abhi tum samajhte ho - shivbaaba kaise brahma tan dvaara sab shaastron aadi ka saar sunaate hain। 84 janmon ke drama ka raaz bhi tumko samjhaate hain। inke hi bahut janmon ke ant mein aata hoon। yahi phir pahle number ka prince bante hain phir 84 janmon mein aate hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is raavan raajya mein rehte patit loklaaz kul ki maryaada ko chhod behad baap ki baat maanni hai, grihastha vyavhaar mein kamal phool samaan rehna hai।

2) is variety viraat leela ko achhi tarah samajhna hai, ismen part bajaane vaali aatma nirlep nahin, achhe-bure karma karti aur uska phal paati hai, is raaz ko samajhkar shreshtha karma karne hain।

vardaan:- baap ke sanskaaron ko apne original sanskaar banaane vaale shubhbhaavna, shubhkaamnaadhaari bhav

abhi tak kai bachchon mein feeling ke, kinaara karne ke, parchintan karne va sunne ke bhinna-bhinna sanskaar hain, jinhen kah dete ho ki kya karen mere ye sanskaar hain…ye mera shabd hi purushaartha mein dheela karta hai। yeh raavan ki cheez hai, meri nahin। lekin jo baap ke sanskaar hain vahi braahmanon ke original sanskaar hain। woh sanskaar hain vishvakalyaankaari, shubh chintan-dhaari। sabke prati shubh bhaavna, shubhkaamnaadhaari।

slogan:- jinmen samarthi hai vahi sarva shaktiyon ke khajaane ka adhikaari hai।