Daily Murli for Saturday 28 September 2024

28-09-2024 praatahmurli om shanti "baapdaada"' madhuban

“meethe bachche - jab tum nambarvaar satopradhaan banenge tab yeh natural calamities va vinaash ka force badhega aur yeh puraani duniya samaapta hogi''

prashn:- kaun-sa purooshaartha karne vaalon ko baap ka poora varsa praapta hota hai?

uttar:- poora varsa lena hai to pahle baap ko apna vaaris banaao arthaat jo kuchh tumhaare paas hai, woh sab baap par balihaar karo। baap ko apna bachcha bana lo to poore varse ke adhikaari ban jaayenge। 2. sampoorn pavitra bano tab poora varsa milega। sampoorn pavitra nahin to mochra khaakar thodi-si maani (roti) mil jaayegi।

om shanti। bachchon ko sirf ek ki yaad mein nahin baithna hai। teen ki yaad mein baithna hai। bhal ek hi hai parantu tum jaante ho woh baap bhi hai, shikshak bhi hai, satguru bhi hai। ham sabko vaapis le jaane aaye hain, yeh nai baat tum hi samajhte ho। bachche jaante hain woh jo bhakti sikhaate hain, shaastra sunaate hain, woh sab hain manushya। inko to manushya nahin kahenge na। yeh to hai niraakaar, niraakaar aatmaon ko baith padhaate hain। aatma shareer dvaara sunti hai। yeh gyaan buddhi mein hona chaahiye। abhi tum behad ke baap ki yaad mein baithe ho। behad ke baap ne kaha hai - roohaani bachchon, mujhe yaad karo to paap kat jaaen। yahaan shaastra aadi ki koi baat nahin। jaante ho baap hamko raajayog sikhla rahe hain। kitna bhaari teacher hai, oonch te oonch, to pad bhi oonch te oonch praapta karaate hain। jab tum satopradhaan ban jaayenge nambarvaar purooshaartha anusaar tab phir ladaai hogi। natural calamities bhi hongi। yaad bhi zaroor karna hai। buddhi mein saara gyaan bhi hona chaahiye। sirf ek hi baar purooshottam sangamayug par baap aakar samjhaate hain, nai duniya ke liye। chhote bachche bhi baap ko yaad karte hain। tum to samajhdaar ho, jaante ho baap ko yaad karne se vikarma vinaash honge aur baap se oonch pad paayenge। yeh bhi jaante ho in lakshmi-naaraayan ne nai duniya mein jo pad paaya hai woh shivbaaba se hi paaya hai। yeh lakshmi-naaraayan hi phir 84 ka chakra lagaakar abhi brahma-sarasvati bane hain। yahi phir lakshmi-naaraayan banenge। abhi purooshaartha kar rahe hain। srishti ke aadi, madhya, ant ka tumko gyaan hai। ab tum andha-shraddha se devtaaon ke aage maatha nahin jhukaayenge। devtaaon ke aage manushya jaakar apne ko patit siddha karte hain। kehte hain aap sarvagun sampanna ho, ham paapi vikaari hain, koi gun nahin hai। tum jinki mahima gaate the, abhi tum svayan ban rahe ho। kehte hain - baba, yeh shaastra aadi kab se padhna shuru hua hai? baap kehte hain jab se raavan raajya shuru hua hai। yeh sab hai bhakti ki saamagri। tum jab yahaan baithte ho to buddhi mein saara gyaan dhaaran hona chaahiye। yeh sanskaar aatma le jaayegi। bhakti ke sanskaar nahin jaane hain। bhakti ke sanskaar vaale puraani duniya mein manushyon ke paas hi janma lenge। yeh bhi zaroor hai। tumhaari buddhi mein yeh gyaan ka chakra chalna chaahiye। saath-saath baba ko bhi yaad karna hai। baba hamaara baap bhi hai। baap ko yaad kiya to vikarma vinaash honge। baba hamaara teacher bhi hai to padhaai buddhi mein aayegi aur srishti chakra ka gyaan buddhi mein hai, jisse tum chakravarti raaja banenge। (yaad ki yaatra chal rahi hai)

om shanti। bhakti aur gyaan। baap ko kaha jaata hai gyaan ka saagar। unko bhakti ka saara maaloom hai - bhakti kab shuru hui, kab poori hogi। manushyon ko yeh pata nahin। baap hi aakar samjhaate hain। satayug mein tum devi-devta vishwa ke maalik the। vahaan bhakti ka naam nahin। ek bhi mandir nahin tha। sab devi-devta hi the। peechhe jab aadhi duniya puraani hoti hai yaani 2500 varsha poore hote hain athva treta aur dvaapar ka sangam hota hai tab raavan aata hai। sangam to zaroor chaahiye। treta aur dvaapar ke sangam par raavan aate hain jabki devi-devta vaam maarga mein girte hain। yeh sivaae tumhaare koi nahin jaante। baap bhi aate hain kaliyug ant aur satayug aadi ke sangam par aur raavan aata hai treta aur dvaapar ke sangam par। ab us sangam ko kalyaankaari nahin kahenge। unko to akalyaankaari hi kahenge। baap ka hi naam kalyaankaari hai। dvaapar se akalyaankaari yug shuru hota hai। baap to hai chaitanya beejroop। unko saare jhaad ki knowledge hai। woh beej bhi agar chaitanya ho to samjhaave - mere se yeh jhaad aise nikalta hai। parantu jad hone kaaran bata nahin sakta। ham samajh sakte hain ki beej daalne se pahle jhaad chhota-sa nikalta hai। phir bada ho phal dena shuru karta hai। parantu chaitanya hi sab kuchh bata sakte hain। duniya mein to aajkal manushya kya-kya karte rehte hain। invention nikaalte rehte hain। chandrama mein jaane ki koshish karte hain। yeh sab baaten abhi tum sun rahe ho। chandrama taraph kitna ooncha laakhon miles tak chale jaate hain, jaanch karne ke liye ki dekhen chandrama kya cheez hai? samudra mein kitna door tak jaate hain, jaanch karte hain, parantu ant pa nahin sakte, paani hi paani hai। aeroplane mein oopar jaate hain, unhon ko petrol itna daalna hai jo phir vaapis bhi aa saken। aakaash behad hai na, saagar bhi behad hai। jaise yeh behad ka gyaan saagar hai, woh hai paani ka behad ka saagar। aakaash tatva bhi behad hai। dharti bhi behad hai, chalte jaao। saagar ke neeche phir dharti hai। pahaadi kis par khadi hai? dharti par। phir dharti ko khodte hain to pahaad nikal aata, uske neeche phir paani bhi nikal aata hai। saagar bhi dharni par hai। uska koi ant nahin pa sakte hain ki kahaan tak paani hai, kahaan tak dharti hai? parampita paramatma jo behad ka baap hai, unke liye beanta nahin kahenge। manushya bhal kehte hain eeshvar beanta hai, maaya bhi beanta hai। parantu tum samajhte ho eeshvar to beanta ho hi nahin sakta। baaki yeh aakaash beanta hai। yeh 5 tatva hain, aakaash, vaayu… yeh 5 tatva tamopradhaan ban jaate hain। aatma bhi tamopradhaan banti hai phir baap aakar satopradhaan banaate hain। kitni chhoti aatma hai, 84 janma bhogti hai। yeh chakra phirta hi rehta hai। yeh anaadi naatak hai, inka ant nahin hota। yeh parmapra se chala aata hai। kab se shuru hua - yeh kahen to phir ant bhi ho। baaki yeh baat samjhaani hai - kab se nai duniya shuru hoti hai। phir puraani hoti hai। yeh 5 hazaar varsha ka chakra hai jo phirta hi rehta hai। abhi tum jaante ho, baaki unhon ne to dhukka (gapoda) laga diya hai। shaastron mein likha hai ki satayug ki aayu itne laakhon varsha hai। to manushya sunte-sunte unko hi sach samajh lete hain। yeh pata nahin padta - bhagwan kab aakar apna parichay denge? na jaanne ke kaaran kah dete hain kaliyug ki aayu 40 hazaar varsha abhi padi hai। jab tak tum na samjhaao। abhi tum nimitta ho samjhaane ke liye ki kalpa 5 hazaar varsha ka hai, na ki laakhon varsha ka hai।

bhakti maarga ki kitni saamagri hai, manushyon ko paisa hota hai to phir kharcha karte hain। baap kehte hai main tumko kitne paise dekar jaata hoon! behad ka baap to zaroor behad ka varsa denge। isse sukh bhi milta hai, aayu bhi badi hoti hai। baap bachchon ko kehte hain - mere laadle bachchon, aayushvaan bhav। vahaan tumhaari aayu 150 varsha rehti hai, kabhi kaal nahin kha sakta hai। baap var dete hain, tumko aayushvaan banaate hain। tum amar banenge। vahaan kabhi akaale mrityu nahin hogi। vahaan tum bahut sukhi rehte ho isliye kaha jaata hai sukhdhaam। aayu bhi badi hoti, dhan bhi bahut milta hai, sukhi bhi bahut rehte ho। kangaal se sirtaaj ban jaate hain। tumhaari buddhi mein hai - baap aate hain devi-devta dharma ki sthaapna karne। woh to zaroor chhota jhaad hoga। vahaan hai hi ek dharma, ek raajya, ek bhaasha। usko hi kaha jaata hai vishwa mein shanti। saare vishwa mein ham hi paartadhaari hain। yeh duniya nahin jaanti। agar jaanti ho to bataaye kab se ham part bajaate aaye hain? abhi tum bachchon ko baap samjha rahe hain। geet mein bhi hai na - baba se jo milta hai so aur koi se nahin milta। saari prithvi, aasmaan, saari vishwa ki raajdhaani de dete hain। yeh lakshmi-naaraayan vishwa ke maalik the phir baad mein jo raajaayen aadi hote hain woh bhaarat ke the। gaayan bhi hai jo baba dete hain, woh aur koi de na sake। baap hi aakar praapti karaate hain। to yeh saara gyaan buddhi mein rehna chaahiye jo koi ko bhi samjha sako। itna samajhne ka hai। ab samjha kaun sakte hain? jo bandhanmukta ho। baba ke paas jab koi aate hain to baba poochhte hain - kitne bachche hain? to kehte 5 bachche apne hain aur chhatha bachcha shivbaaba hai to zaroor sabse bada bachcha thahra na। shivbaaba ke ban gaye to phir shivbaaba apna bachcha banaae vishwa ka maalik bana dete hain। bachche vaaris ho jaate hain। yeh lakshmi-naaraayan shiv-baba ke poore vaaris hain। aage janma mein shivbaaba ko sab kuchh de diya। to varsa zaroor bachchon ko milna chaahiye। baba ne kaha - mujhe vaaris banaao phir doosra koi nahin। kehte - baba yeh sab kuchh aapka hai, aapka phir hamaara hai। aap hamko saare vishwa ki baadshaahi ka varsa dete ho kyonki tumko jo kuchh tha woh de diya। drama mein noondh hai na। arjun ko vinaash bhi dikhaaya to chaturbhuj bhi dikhaaya। arjun koi aur to nahin hai, inko saakshaatkaar hua। dekha, raajaai milti hai to kyon na shivbaaba ko vaaris banaaoon। woh phir hamko vaaris banaate hain। yeh sauda to bahut achha hai। kabhi koi se kuchh poochha nahin। gupta sab kuchh diya। isko kaha jaata hai gupta daan। kisko kya pata, inhon ko kya ho gaya। kinhon ne samjha inko vairaagya aaya, shaayad sannyaasi ban gaya। to yeh bachchiyaan bhi kehti hain - 5 bachche to apne hain, baaki ek bachcha ham inko banaayenge। isne bhi sab kuchh baba ke aage rakh diya, jisse bahuton ki service ho। baba ko dekh sabko khyaal aaya, sab gharbaar chhod bhaag aaye। vahaan se hi hangaama shuru hua। gharbaar chhodne ki unhonne himmat dikhaai। shaastron mein bhi likha hai - bhatthi bani thi kyonki unhon ko ekaanta zaroor chaahiye। sivaae baap ke aur koi yaad na rahe। mitra-sambandhiyon aadi ki bhi yaad na rahe kyonki aatma jo patit bani hai unko paavan zaroor banaana hai। baap kehte hain grihastha vyavhaar mein rehte pavitra bano। is par hi museebat aati hai। kehte the yeh stri-puroosh ke beech mein jhagda daalne vaala gyaan hai kyonki ek pavitra bane, doosra na banen to maaraamaari chal pade। in sabne maaren khaai hain kyonki achaanak nai baat hui na। sab aashcharya khaane lage, yeh kya hua jo itne sab bhaagte hain। manushyon mein samajh to nahin hai। itna kehte the - koi taakat hai! aisa to kabhi hua nahin jo apna gharbaar chhod bhaage। drama mein yeh sab charitra shivbaaba ke hain। koi haath khaali bhaage, yeh bhi khel hai। gharbaar aadi sab chhod bhaage, kuchh bhi yaad nahin raha। baaki sirf yeh shareer hai, jisse kaam karna hai। aatma ko bhi yaad ki yaatra se pavitra banaana hai, tab hi pavitra aatmaayen vaapis ja sakti hain। svarga mein apvitra aatma to ja na sake। kaayda nahin। muktidhaam mein pavitra hi chaahiye। pavitra banne mein hi kitne vighna padte hain। aage koi satsang aadi mein jaane ke liye rookaavat thode hi hoti thi। kahaan bhi chale jaate the। yahaan pavitrata ke kaaran vighna padte hain। yeh to samajhte hain - pavitra banne bigar vaapis ghar ja na saken। dharmaraaj dvaara mochre (sajaayen) khaane padenge। phir thodi maani milegi। mochra nahin khaayenge to pad bhi achha milega। yeh samajh ki baat hai। baap kehte hain - meethe bachchon, tumko hamaare paas aana hai। yeh puraana shareer chhod pavitra aatma ban aana hai। phir jab 5 tatva satopradhaan naye ho jaayenge tab tumko shareer naye satopradhaan milenge। saare uthal-paathal ho naye ban jaayenge। jaise baba inmen aakar baithte hain, vaise aatma bigar koi takleeph garbha mahal mein jaakar baithegi। phir jab samay hota hai to baahar aa jaati hai to jaise bijli chamak jaati hai kyonki aatma pavitra hai। yeh sab drama mein noondh hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) aatma ko paavan banaane ke liye ekaanta ki bhatthi mein rehna hai। ek baap ke sivaae doosra koi bhi mitra-sambanghi yaad na aaye।

2) buddhi mein saara gyaan rakh, bandhanmukta ban doosron ki service karni hai। baap se sachcha sauda karna hai। jaise baap ne sab kuchh gupta kiya, aise gupta daan karna hai।

vardaan:- maaya ke vikraal roop ke khel ko saakshi hokar dekhne vaale maayaajeet bhav

maaya ko welcome karne vaale uske vikraal roop ko dekhkar ghabraate nahin। saakshi hokar khel dekhne se maja aata hai kyonki maaya ka baahar se sher ka roop hai lekin usmein taakat billi jitni bhi nahin hai। sirf aap ghabraakar use bada bana dete ho - kya karoon..kaise hoga...lekin yahi paath yaad rakho jo ho raha hai vo achha aur jo hone vaala hai vo aur achha। saakshi hokar khel dekho to maayaajeet ban jaayenge।

slogan:- jo sahansheel hain woh kisi ke bhaav-svabhaav mein jalte nahin, vyartha baaton ko ek kaan se sun doosre se nikaal dete hain।