Daily Murli for Saturday 12 October 2024

12-10-2024 praatahmurli om shanti "baapdaada"' madhuban

“meethe bachche - baap khivaiya ban aaya hai tum sabki naeeya ko vishay saagar se nikaal ksheer saagar mein le jaane, abhi tumko is paar se us paar jaana hai''

prashn:- tum bachche har ek ka part dekhte hue kiski bhi ninda nahin kar sakte ho - kyon?

uttar:- kyonki tum jaante ho yeh anaadi bana-banaaya drama hai, ismen har ek actor apna-apna part baja rahe hain। kisi ka bhi koi dosh nahin hai। yeh bhakti maarga bhi phir se paas hona hai, ismen jara bhi change nahin ho sakti।

prashn:- kin do shabdon mein saare chakra ka gyaan samaaya hua hai?

uttar:- aaj aur kal। kal ham satayug mein the, aaj 84 janmon ka chakra lagaakar narka mein pahunche, kal phir svarga mein jaayenge।

om shanti। ab bachche saamne baithe hain, jahaan se aate hain vahaan apne centres par jab rehte hain to vahaan aise nahin samjhenge ki ham oonch te oonch baba ke sammukh baithe hain। vahi hamaara teacher bhi hai, vahi hamaari naeeya ko paar lagaane vaala hai, jisko hi guru kehte hain। yahaan tum samajhte ho ham sammukh baithe hain, hamko is vishay saagar se nikaal ksheer saagar mein le jaate hain। paar le jaane vaala baap bhi sammukh baitha hai, woh ek hi shiv baap ki aatma hai, jisko hi supreme athva oonch te oonch bhagwan kaha jaata hai। abhi tum bachche samajhte ho ham oonch te oonch bhagwan shivbaaba ke saamne baithe hain। woh ismen (brahma tan mein) baithe hain, woh tumko paar bhi pahunchaate hain। unko rath bhi zaroor chaahiye na। nahin to shreemat kaise den। abhi tum bachchon ko nishchay hai - baba hamaara baba bhi hai, teacher bhi hai, paar le jaane vaala bhi hai। abhi ham aatmaayen apne ghar shantidham mein jaane vaali hain। woh baba hamko raasta bata rahe hain। vahaan centres par baithne aur yahaan sammukh baithne mein raat-din ka farka hai। vahaan aise nahin samjhenge ki ham sammukh baithe hain। yahaan yeh mahsoosta aati hai। abhi ham purooshaartha kar rahe hain। purooshaartha karaane vaale ko khushi rahegi। abhi ham paavan bankar ghar ja rahe hain। jaise naatak ke actors hote hain to samajhte hain ab naatak poora hua। abhi baap aaye hain ham aatmaon ko le jaane। yeh bhi samjhaate hain tum ghar kaise ja sakte ho, woh baap bhi hai, naeeya ko paar karne vaala khivaiya bhi hai। woh log bhal gaate hain parantu samajhte kuchh bhi nahin hain ki naeeya kisko kaha jaata hai, kya woh shareer ko le jaayega? abhi tum bachche jaante ho hamaari aatma ko paar le jaate hain। abhi aatma is shareer ke saath veshyaalay mein vishay vaitarni nadi mein padi hai। ham asal rahvaasi shantidham ke the, hamko paar le jaane vaala arthaat ghar le jaane vaala baap mila hai। tumhaari raajdhaani thi jo maaya raavan ne saari chheen li hai। woh raajdhaani phir zaroor leni hai। behad ka baap kehte hain - bachchon, ab apne ghar ko yaad karo। vahaan jaakar phir ksheersaagar mein aana hai। yahaan hai vish ka saagar, vahaan hai ksheer ka saagar aur mool vatan hai shanti ka saagar। teenon dhaam hain। yeh to hai duhkhadhaam।

baap samjhaate hain - meethe-meethe bachchon, apne ko aatma samajh baap ko yaad karo। kahne vaala kaun hai, kis dvaara kehte hain? saara din ‘meethe-meethe bachche' kehte rehte hain। abhi aatma patit hai, jis kaaran phir shareer bhi aisa milega। abhi tum samajhte ho ham pakke-pakke sone ke jevar the phir khaad padte-padte jhoothe ban gaye hain। ab woh jhooth kaise nikle, isliye yeh yaad ke yaatra ki bhatthi hai। agni mein sona pakka hota hai na। baap baar-baar samjhaate hain, yeh samjhaani jo tumko deta hoon, har kalpa deta aaya hoon। hamaara part hai phir 5 hazaar varsha ke baad aakar kehta hoon ki bachche paavan bano। satayug mein bhi tumhaari aatma paavan thi, shanti-dhaam mein bhi paavan aatma rehti hai। woh to hai hamaara ghar। kitna sweet ghar hai। jahaan jaane ke liye manushya kitna maatha maarte hain। baap samjhaate hain abhi sabko jaana hai phir part bajaane ke liye aana hai। yeh to bachchon ne samjha hai। bachche jab duhkhi hote hain to kehte hain - he bhagwan, humein apne paas bulaao। hamko yahaan duhkh mein kyon chhoda hai। jaante hain baap paramdham mein rehte hain। to kehte hain - he bhagwan, hamko paramdham mein bulaao। satayug mein aise nahin kahenge। vahaan to sukh hi sukh hai। yahaan anek duhkh hain tab pukaarte hain - he bhagwan! aatma ko yaad rehti hai। parantu bhagwan ko jaante bilkul nahin hain। abhi tum bachchon ko baap ka parichay mila hai। baap rehte hi hain paramdham mein। ghar ko hi yaad karte hain। aise kabhi nahin kahenge raajdhaani mein bulaao। raajdhaani ke liye kabhi nahin kahenge। baap to raajdhaani mein rehte bhi nahin। woh rehte hi hain shantidham mein। sab shanti maangate hain। paramdham mein bhagwan ke paas to zaroor shanti hi hogi, jisko muktidhaam kaha jaata hai। woh hai aatmaon ke rahne ka sthaan, jahaan se aatmaayen aati hain। satayug ko ghar nahin kahenge, woh hai raajdhaani। ab tum kahaan-kahaan se aaye ho। yahaan aakar sammukh baithe ho। baap ‘bachche-bachche' kah baat karte hain। baap ke roop mein bachche-bachche bhi kehte hain phir teacher ban srishti ke aadi-madhya-ant ka raaz athva history-geography samjhaate hain। yeh baaten koi shaastron mein nahin hain। tum bachche jaante ho mool vatan hai ham aatmaon ka ghar। sookshm vatan to hai hi divya drishti ki baat। baaki satayug, treta, dvaapar, kaliyug to yahaan hi hota hai। part bhi tum yahaan bajaate ho। sookshm vatan ka koi part nahin। yeh saakshaatkaar ki baat hai। kal aur aaj, yeh to achhi reeti buddhi mein hona chaahiye। kal ham satayug mein the phir 84 janma lete-lete aaj narka mein aa gaye hain। baap ko bulaate bhi narka mein hain। satayug mein to athaah sukh hain, to koi bulaate hi nahin। yahaan tum shareer mein ho tab baat karte ho। baap bhi kehte hain main jaani jaananhaar hoon arthaat srishti ke aadi-madhya-ant ko jaanta hoon। parantu sunaaoon kaise! vichaar ki baat hai na isliye likha hua hai - baap rath lete hain। kehte hain mera janma tumhaare sadrishya nahin hai। main ismen pravesh karta hoon। rath ka bhi parichay dete hain। yeh aatma bhi naam-roop dhaaran karte-karte tamopradhaan bani hai। is samay sab chhore hain, kyonki baap ko jaante nahin hain। to sab chhore aur chhoriyaan ho gaye। aapas mein ladte hain to kehte hain na - chhore-chhoriyaan ladte kyon ho! to baap kehte hain mujhe to sab bhool gaye hain। aatma hi kehti hai chhore-chhoriyaan। laukik baap bhi aise kehte hain, behad ka baap bhi kehte hain chhore-chhoriyaan yeh haal kyon hua hai? koi dhani dhoni hai? tumko behad ka baap jo svarga ka maalik banaate hain, jisko tum aadhaakalpa se pukaarte aaye ho, unke liye kehte ho thikkar bhittar mein hai। baap ab sammukh baith samjhaate hain। abhi tum bachche samajhte ho ham baba ke paas aaye hain। yeh baba hi hamko padhaate hain। hamaari naeeya paar karte hain kyonki yeh naeeya bahut puraani ho gai hai। to kehte hain inko paar lagaao phir hamko nai do। puraani naeeya khauphnaak hoti hai। kahaan raaste mein toot pade, accident ho jaae। to tum kehte ho hamaari naeeya puraani ho gai hai, ab humein nai do। inko vastra bhi kehte hain, naeeya bhi kehte hain। bachche kehte baba hamko to aise (lakshmi-naaraayan) vastra chaahiye।

baap kehte hain - meethe-meethe bachchon, svargavaasi banne chaahte ho? har 5 hazaar varsha baad tumhaare yeh kapde puraane hote hain phir naya deta hoon। yeh hai aasuri chola। aatma bhi aasuri hai। manushya gareeb hoga to kapde bhi gareebi ke pahnenge। saahookaar hoga to kapde bhi saahookaari ke pahnenge। yeh baaten abhi tum jaante ho। yahaan tumko nasha chadhta hai ham kiske saamne baithe hain। centres par baithte ho to vahaan tumko yeh bhaasna nahin aayegi। yahaan sammukh hone se khushi hoti hai kyonki baap direct baith samjhaate hain। vahaan koi samjha-yega to buddhiyog kahaan-kahaan bhaagta rahega। kehte hain na - gorakhdhandhe mein phanse rehte hain। phursat kahaan milti hai। main tumko samjha raha hoon। tum bhi samajhte ho - baba is mukh dvaara hamko samjhaate hain। is mukh ki bhi kitni mahima hai। gaoomukh se amrit peene ke liye kahaan-kahaan jaakar dhakke khaate hain। kitni mehnat se jaate hain। manushya samajhte hi nahin hain ki yeh gaoomukh kya hai? kitne bade samajhdaar manushya vahaan jaate hain, ismen phaayda kya? aur hi time vesta hota hai। baba kehte hain yeh sooryaasta aadi kya dekhenge। phaayda to inmen kuchh nahin। phaayda hota hi hai padhaai mein। geeta mein padhaai hai na। geeta mein koi bhi hathayog aadi ki baat nahin। usmein to raajayog hai। tum aate bhi ho raajaai lene ke liye। tum jaante ho is aasuri duniya mein to kitne ladaai-jhagde aadi hain। baba to hamko yogbal se paavan banaae vishwa ka maalik bana dete hain। deviyon ko hathiyaar de diye hain parantu vaastav mein ismen hathiyaaron aadi ki koi baat hai nahin। kaali ko dekho kitna bhayaanak banaaya hai। yeh sab apne-apne man ki bhraantiyon se baith banaaya hai। deviyaan koi aisi 4-8 bhujaaon vaali thode hi hongi। yeh sab bhakti maarga hai। so baap samjhaate hain - yeh ek behad ka naatak hai। ismen koi ki ninda aadi ki baat nahin। anaadi drama bana hua hai। ismen farka kuchh bhi padta nahin hai। gyaan kisko kaha jaata, bhakti kisko kaha jaata, yeh baap samjhaate hain। bhakti maarga se phir bhi tumko paas karna padega। aise hi tum 84 ka chakra lagaate-lagaate neeche aayenge। yeh anaadi bana-banaaya bada achha naatak hai jo baap samjhaate hain। is drama ke raaz ko samajhne se tum vishwa ke maalik ban jaate ho। wonder hai na! bhakti kaise chalti hai, gyaan kaise chalta hai, yeh khel anaadi bana hua hai। ismen kuchh bhi change nahin ho sakta। woh to kah dete brahm mein leen ho gaya, jyoti jyot samaaya, yeh sankalp ki duniya hai, jisko jo aata hai woh kehte rehte hain। yeh to bana-banaaya khel hai। manushya bioscope dekhkar aate hain। kya usko sankalp ka khel kahenge? baap baith samjhaate hain - bachche, yeh behad ka naatak hai jo hoobhu repeat hoga। baap hi aakar yeh knowledge dete hain kyonki woh knowledgeful hai। manushya srishti ka beejroop hai, chaitanya hai, unko hi saari knowledge hai। manushyon ne to laakhon varsha aayu dikha di hai। baap kehte hain itni aayu thode hi ho sakti hai। bioscope laakhon varsha ka ho to koi ki buddhi mein nahin baithe। tum to saara varnan karte ho। laakhon varsha ki baat kaise varnan karenge। to woh sab hai bhakti maarga। tumne hi bhakti maarga ka part bajaaya। aise-aise duhkh bhogte-bhogte ab ant mein aa gaye ho। saara jhaad jadajdeebhoot avastha ko paaya hua hai। ab vahaan jaana hai। apne ko halka kar do। isne bhi halka kar diya na। to sab bandhan toot jaaen। nahin to bachche, dhan, kaarkhaane, graahak, raaje, rajvaade aadi yaad aate rahenge। dhandha hi chhod diya to phir yaad kyon aayenge। yahaan to sab kuchh bhoolna hai। inko bhool apne ghar aur raajdhaani ko yaad karna hai। shantidham aur sukhdhaam ko yaad karna hai। shantidham se phir hamko yahaan aana pade। baap kehte hain mujhe yaad karo, inko hi yog agni kaha jaata hai। yeh raajayog hai na। tum raajarishi ho। rishi pavitra ko kaha jaata hai। tum pavitra bante ho raajaai ke liye। baap hi tumhein sab satya bataate hain। tum bhi samajhte ho yeh naatak hai। sab actors yahaan zaroor hone chaahiye। phir baap sabko le jaayenge। yeh eeshvar ki baraat hai na। vahaan baap aur bachche rehte hain phir yahaan aate hain part bajaane। baap to sadaiv vahaan rehte hain। mujhe yaad hi duhkh mein karte hain। vahaan phir main kya karoonga। tumko shantidham, sukhdhaam mein bheja baaki kya chaahiye! tum sukhdhaam mein the baaki sab aatmaayen shantidham mein thi phir nambarvaar aate gaye। naatak aakar poora hua। baap kehte hain - bachche, ab gaphlat mat karo। paavan to zaroor banna hai। baap kehte hain yeh vahi drama anusaar part baj raha hai। tumhaare liye drama anusaar main kalpa-kalpa aata hoon। nai duniya mein ab chalna hai na। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ab yeh jhaad puraana jadajdeebhoot ho gaya hai, aatma ko vaapas ghar jaana hai isliye apne ko sab bandhanon se mukta kar halka bana lena hai। yahaan ka sab kuchh buddhi se bhool jaana hai।

2) anaadi drama ko buddhi mein rakh kisi bhi paartadhaari ki ninda nahin karni hai। drama ke raaz ko samajh vishwa ka maalik banna hai।

vardaan:- silence ki shakti dvaara aatma shakti ke udaan ki teevragti karne vaale vishwa parivartak bhav

science ke saadhnon ki raphtaar ko science dvaara kat bhi kar sakte hain, pakad bhi sakte hain lekin aatma ki gati ko abhi tak na koi pakad saka hai, na pakad sakta hai, ismen science apne ko fail samajhti hai। jahaan science fail hai vahaan silence ki shakti se jo chaaho vo kar sakte ho। to aatma shakti ki udaan teevragti se karo, is shakti se sva parivartan, chaahe kisi ki vritti ka parivartan, vaayumandal ka parivartan kar vishwa parivartak ban sakte ho। teevrata ki nishaani hai socha aur hua।

slogan:- shiksha daata ke saath merciful ban sahayogi bano।