Daily Murli for Monday 21 October 2024

21-10-2024 praatahmurli om shanti "baapdaada"' madhuban

“meethe bachche - sachche baap ke saath sachche bano, sachchaai ka chart rakho, gyaan ka ahankaar chhod yaad mein rahne ka poora-poora purooshaartha karo''

prashn:- mahaaveer bachchon ki mukhya nishaani kya hogi?

uttar:- mahaaveer bachche woh jinki buddhi mein nirantar baap ki yaad ho। mahaaveer maana shaktimaan। mahaaveer woh jinhen nirantar khushi ho, jo aatma-abhimaani ho, zara bhi deh ka ahankaar na ho। aise mahaaveer bachchon ki buddhi mein rehta ki ham aatma hain, baba humein padha rahe hain।

om shanti। roohaani baap roohaani bachchon se poochhte hain - apne ko rooh ya aatma samajh baithe ho? kyonki baap jaante hain yeh kuchh difficult hai, ismen hi mehnat hai। jo aatma-abhimaani hokar baithe hain unko hi mahaaveer kaha jaata hai। apne ko aatma samajh baap ko yaad karna - unko mahaaveer kaha jaata hai। hamesha apne se poochhte raho ki ham aatma-abhimaani hain? yaad se hi mahaaveer bante hain, goya supreme bante hain। aur jo bhi dharma vaale aate hain woh itne supreme nahin bante hain। woh to aate bhi der se hain। tum nambarvaar supreme bante ho। supreme arthaat shaktimaan va mahaaveer। to andar mein yeh khushi hoti hai ki ham aatma hain। ham sab aatmaon ka baap hamko padhaate hain। yeh bhi baap jaante hain koi apna chart 25 percent dikhaate hain, koi 100 percent dikhaate hain। koi kehte hain 24 ghante mein aadha ghanta yaad thaharti hai to kitna percent hua? apni badi sambhaal rakhni hai। dheere-dheere mahaaveer banna hai। phat se nahin ban sakte hain, mehnat hai। woh jo brahm gyaani, tatva gyaani hain, aise mat samjho woh apne ko koi aatma samajhte hain। woh to brahm ghar ko paramatma samajhte hain aur svayan ko kehte hain aham brahmasmi। ab ghar se thode hi yog lagaaya jaata hai। abhi tum bachche apne ko aatma samajhte ho। yeh apna chart dekhna hai - 24 ghante mein ham kitna samay apne ko aatma samajhte hain? abhi tum bachche jaante ho ham eeshvareey service par hain, on godly service। yahi sabko bataana hai ki baap sirf kehte hain manamnaabhav arthaat apne ko aatma samajh mujhe yaad karo। yeh hai tumhaari service। jitni tum service karenge utna phal bhi milega। yeh baaten achhi reeti samajhne ki hain। achhe-achhe mahaarthi bachche bhi is baat ko poora samajhte nahin hain। ismen badi mehnat hai। mehnat bigar phal thode hi mil sakta hai।

baba dekhte hain koi chart banaakar bhej dete hain, koi se to chart likhna pahunchta hi nahin hai। gyaan ka ahankaar hai। yaad mein baithne ki mehnat pahunchti nahin। baap samjhaate hain mool baat hai hi yaad ki। apne par nazar rakhni hai ki hamaara chart kaisa rehta hai? woh note karna hai। kai kehte hain chart likhne ki phursat nahin। mool baat to baap kehte hain apne ko aatma samajh alpha ko yaad karo। yahaan jitna samay baithte ho to beech-beech mein apne dil se poochho ki ham kitna samay yaad mein baithe? yahaan jab baithte ho to tumko yaad mein hi rehna hai aur chakra phiraao to bhi harja nahin। hamko baba ke paas zaroor jaana hai। pavitra satopradhaan hokar jaana hai। is baat ko achhi reeti samajhna hai। kai to phat se bhool jaate hain। sachcha-sachcha chart apna bataate nahin hain। aise bahut mahaarthi hain। sach to kabhi nahin bataayenge। aadhaakalpa jhooth duniya chali hai to jhooth jaise andar jam gaya hai। ismen bhi jo saadhaaran hain woh to jhat chart likhenge। baap kehte hain tum paapon ko bhasma kar paavan honge, yaad ki yaatra se। sirf gyaan se to paavan nahin honge। baaki phaayda kya। pukaarte bhi ho paavan banne ke liye। uske liye chaahiye yaad। har ek ko sachchaai se apna chart bataana chaahiye। yahaan tum pauna ghanta baithe ho to dekhna hai paune ghante mein ham kitna samay apne ko aatma samajh baap ki yaad mein the? kaiyon ko to sach bataane mein lajja aati hai। baap ko sach nahin bataate। woh samaachaar denge yeh service ki, itnon ko samjhaaya, yeh kiya। parantu yaad ki yaatra ka chart nahin likhte। baap kehte hain yaad ki yaatra mein na rahne kaaran hi tumhaara koi ko teer nahin lagta hai। gyaan talvaar mein jauhar nahin bharta hai। gyaan to sunaate hain, baaki yog ka teer lag jaae - woh bada mushkil hai। baba to kehte hain paune ghante mein 5 minute bhi yaad ki yaatra mein nahin baithte honge। samajhte hi nahin hain ki kaise apne ko aatma samajh aur baap ko yaad karen। kai to kehte hain ham nirantar yaad mein rehte hain। baba kehte hain yeh avastha abhi ho nahin sakti। agar nirantar yaad karte phir to karmaateet avastha aa jaae, gyaan ki paraakaashtha ho jaae। thoda hi kisko samjhaane se bahut teer lag jaae। mehnat hai na। vishwa ka maalik koi aise thode hi ban jaayenge। maaya tumhaari buddhi ka yog kahaan ka kahaan le jaayegi। mitra-sambandhi aadi yaad aate rahenge। kisko vilaayat jaana hoga to sab mitra-sambandhi, steamer, aeroplane aadi hi yaad aate rahenge। vilaayat jaane ki jo practical ichchha hai woh kheenchati hai। buddhi ka yog bilkul toot jaata hai। aur koi taraph buddhi na jaae, ismen badi mehnat ki baat hai। sirf ek baap ki hi yaad rahe। yeh deh bhi yaad na aaye। yeh avastha tumhaari pichhaadi ko hogi।

din-pratidin jitna yaad ki yaatra ko badhaate rahen, ismen tumhaara hi kalyaan hai। jitna yaad mein rahenge utna tumhaari kamaai hogi। agar shareer chhoot gaya phir yeh kamaai to kar nahin sakenge। jaakar chhota bachcha banenge। to kamaai kya kar sakenge। bhal aatma yeh sanskaar le jaayegi parantu teacher to chaahiye na jo phir smriti dilaaye। baap bhi smriti dilaate hain na। baap ko yaad karo - yeh sivaae tumhaare aur koi ko pata nahin hai ki baap ki yaad se hi paavan banenge। woh to ganga snaan ko hi oonch maante hain isliye ganga snaan hi karte rehte hain। baba to in sab baaton ka anubhvi hai na। isne to bahut guru kiye hain। woh snaan karne jaate hain paani ka। yahaan tumhaara snaan hota hai yaad ki yaatra se। sivaae baap ki yaad ke tumhaari aatma paavan ban hi nahin sakti। inka naam hi hai yog arthaat yaad ki yaatra। gyaan ko snaan nahin samajhna। yog ka snaan hai। gyaan to padhaai hai, yog ka snaan hai, jisse paap katte hain। gyaan aur yog do cheejen hain। yaad se hi janma-janmaantar ke paap bhasma hote hain। baap kehte hain is yaad ki yaatra se hi tum paavan ban satopradhaan ban jaayenge। baap to bahut achhi reeti samjhaate hain - meethe-meethe bachchon in baaton ko achhi reeti samjho। yeh bhoolo nahin। yaad ki yaatra se hi janma-janmaantar ke paap katenge, baaki gyaan to hai kamaai। yaad aur padhaai donon alag cheez hai। gyaan aur vigyaan - gyaan maana padhaai, vigyaan maana yog athva yaad। kisko oonch rakhenge - gyaan ya yog? yaad ki yaatra bahut badi hai। ismen hi mehnat hai। svarga mein to sab jaayenge। satayug hai svarga, treta hai semi svarga। vahaan to is padhaai anusaar jaakar viraajmaan honge। baaki mukhya hai yog ki baat। pradarshani va museum aadi mein bhi tum gyaan samjhaate ho। yog thode hi samjha sakenge। sirf itna kahenge apne ko aatma samajh baap ko yaad karo। baaki gyaan to bahut dete ho। baap kehte hain pahle-pahle baat hi yeh bataao ki apne ko aatma samajh baap ko yaad karo। is gyaan dene ke liye hi tum itne chitra aadi banaate ho। yog ke liye koi chitra ki darkaar nahin hai। chitra sab gyaan ki samjhaani ke liye banaaye jaate hain। apne ko aatma samajhne se deh ka ahankaar bilkul toot jaata hai। gyaan mein to zaroor mukh chaahiye varnan karne ke liye। yog ki to ek hi baat hai - apne ko aatma samajh baap ko yaad karna hai। padhaai mein to deh ki darkaar hai। shareer bigar kaise padhenge va padhaayenge।

patit-paavan baap hai to unke saath yog lagaana pade na। parantu koi jaante nahin hain। baap khud aakar sikhlaate hain, manushya-manushya ko kabhi sikhla na saken। baap hi kehte hain mujhe yaad karo, isko kaha jaata hai paramatma ka gyaan। paramatma hi gyaan ka saagar hai। yeh badi samajhne ki baaten hain। sabko yahi bolo ki behad ke baap ko yaad karo। woh baap nai duniya sthaapan karte hain। woh samajhte hi nahin ki nai duniya sthaapan honi hai, jo bhagwan ko yaad karen। dhyaan mein bhi nahin hai to khyaal karen hi kyon। yeh bhi tum jaante ho। parampita paramatma shiv bhagwan ek hi hai। kehte bhi hain brahma devtaae namah phir pichhaadi mein kehte hain shiv parmaatmaae namah। woh baap hai hi oonch te oonch। parantu woh kya hai, yeh bhi nahin samajhte। agar patthar thikkar mein hai phir namah kaahe ki। arth rahit bolte rehte hain। yahaan to tumko aavaaz se pare jaana hai arthaat nirvaandhaam, shantidham mein jaana hai। shantidham, sukhdhaam kaha jaata hai। woh hai svargadhaam। narka ko dhaam nahin kahenge। akshar bade sahaj hain। Christ ka dharma kahaan tak chalega? yeh bhi un logon ko kuchh pata nahin। kehte bhi hain Christ se 3 hazaar varsha pahle paradise tha arthaat devi devtaaon ka raajya tha to phir 2 hazaar varsha Christian ka hua, ab phir devta dharma hona chaahiye na। manushyon ki buddhi kuchh kaam nahin karti। drama ke raaz ko na jaanne kaaran kitne plan banaate rehte hain। yeh baaten badi avastha vaali boodhi maataayen to samajh na saken। baap samjhaate hain abhi tum sabki vaanaprastha avastha hai। vaani se pare jaana hai। woh bhal kehte hain nirvaandhaam gaya parantu jaata koi nahin hai। punarjanma phir bhi lete zaroor hain। vaapis koi bhi jaata nahin। vaanaprastha mein jaane ke liye guru ka sang karte hain। bahut vaanaprastha aashram hain। maataayen bhi bahut hain। vahaan bhi tum service kar sakte ho। vaanaprastha ka arth kya hai, tumko baap baith samjhaate hain। abhi tum sab vaanaprasthi ho। saari duniya vaanaprasthi hai। jo bhi manushya maatra dekhte ho sab vaanaprasthi hain। sarva ka sadgati daata ek hi satguru hai। sabko jaana hi hai। jo achhi reeti purooshaartha karte hain woh apna oonch pad paate hain। isko kaha hi jaata hai - kayaamat ka samay। kayaamat ke arth ko bhi woh log samajhte nahin hain। tum bachchon mein bhi nambarvaar samajhte hain। badi oonch manzil hai। sabko samajhna hai - abhi hamko ghar jaana hai zaroor। aatmaon ko vaani se pare jaana hai phir part repeat karenge। parantu baap ko yaad karte-karte jaayenge to oonch pad paayenge। daivi gun bhi dhaaran karne hain। koi ganda kaam chori aadi nahin karna chaahiye। tum punya aatma banenge hi yog se, gyaan se nahin। aatma pavitra chaahiye। shantidham mein pavitra aatmaayen hi ja sakti hain। sab aatmaayen vahaan rehti hain। abhi aati rehti hain। ab baaki jo bhi hogi woh yahaan aati rahengi।

tum bachchon ko yaad ki yaatra mein bahut rehna hai। yahaan tumko madad achhi milegi। ek-do ka bal milta hai na। tum thode bachchon ki hi taakat kaam karti hai। govardhan pahaad dikhaate hain na, anguli par uthaaya। tum gop-gopiyaan ho na। satayugi devi-devtaaon ko gop-gopiyaan nahin kaha jaata hai। anguli tum dete ho। iron ej ko golden ej va narka ko svarga banaane ke liye tum ek baap ke saath buddhi ka yog lagaate ho। yog se hi pavitra hona hai। in baaton ko bhoolna nahin hai। yeh taakat tumko yahaan milti hai। baahar mein to aasuri manushyon ka sang rehta hai। vahaan yaad mein rehna bada mushkil hai। itna adol vahaan tum rah nahin sakenge। sangathan chaahiye na। yahaan sab ekras ikatthe baithte hain to madad milegi। yahaan dhandha aadi kuchh bhi nahin rehta hai। buddhi kahaan jaayegi! baahar mein rahne se dhandha ghar aadi kheechenga zaroor। yahaan to kuchh hai nahin। yahaan ka vaayumandal achha shuddh rehta hai। drama anusaar kitna door pahaadi par aakar tum baithe ho। yaadgaar bhi saamne accurate khada hai। oopar mein svarga dikhaaya hai। nahin to kahaan banaaven। to baba kehte hain yahaan aakar baithte ho to apni jaanch rakho - ham baap ki yaad mein baithte hain? svadarshan chakra bhi phirta rahe। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apne yaad ke chart par poori nazar rakhni hai, dekhna hai ham baap ko kitna samay yaad karte hain। yaad ke samay buddhi kahaan-kahaan bhatakti hai?

2) is kayaamat ke samay mein vaani se pare jaane ka purooshaartha karna hai। baap ki yaad ke saath daiveegun bhi zaroor dhaaran karne hain। koi ganda kaam chori aadi nahin karna hai।

vardaan:- vyartha va disturb karne vaale bol se mukta double light avyakt pharishta bhav

avyakt pharishta banna hai to vyartha bol jo kisi ko bhi achhe nahin lagte hain unhein sada ke liye samaapta karo। baat hoti hai do shabdon ki lekin use lamba karke bolte rehna, yeh bhi vyartha hai। jo chaar shabdon mein kaam ho sakta hai vo 12-15 shabdon mein nahin bolo। kam bolo-dheere bolo…yeh slogan gale mein daalkar rakho। vyartha va disturb karne vaale bol se mukta bano to avyakt pharishta banne mein bahut madad milegi।

slogan:- jo svayan ko parmaatma pyaar ke peechhe kurbaan karte hain, saphalta unke gale ki maala ban jaati hai।