Daily Murli for Wednesday 6 November 2024

06-11-2024 praatahmurli om shanti "baapdaada"' madhuban

“meethe bachche - baba ki drishti had aur behad se bhi paar jaati hai, tumhein bhi had (satayug), behad (kaliyug) se paar jaana hai''

prashn:- oonch te oonch gyaan ratnon ki dhaarna kin bachchon ko achhi hoti hai?

uttar:- jinka buddhiyog ek baap ke saath hai, pavitra bane hain, unhein in ratnon ki dhaarna achhi hogi। is gyaan ke liye shuddh bartan chaahiye। ulte-sulte sankalp bhi banda ho jaane chaahiye। baap ke saath yog lagaate-lagaate bartan sona bane tab ratna thahar saken।

om shanti। meethe-meethe roohaani bachchon ko roohaani baap baith roz-roz samjhaate hain। yeh to samjhaaya hai bachchon ko - gyaan, bhakti aur vairaagya ka yeh srishti chakra bana hua hai। buddhi mein yeh gyaan rehna chaahiye। tum bachchon ko had aur behad se paar jaana hai। baap to had aur behad se paar hai। unka bhi arth samajhna chaahiye na। roohaani baap baith samjhaate hain। yeh bhi topic samjhaani hai ki gyaan, bhakti, peechhe hai vairaagya। gyaan ko kaha jaata hai din, jabki nai duniya hai। usmein yeh bhakti agyaan hai nahin। woh hai had ki duniya kyonki vahaan bahut thode hote hain। phir aahiste-aahiste vriddhi hoti hai। aadha samay baad bhakti shuru hoti hai। vahaan sannyaas dharma hota hi nahin। sannyaas va tyaag hota nahin। phir baad mein srishti ki vriddhi hoti hai। oopar se aatmaayen aati jaati hain। yahaan vriddhi hoti rehti। had se shuru hoti hai, behad mein jaati hai। baap ki to had aur behad se paar drishti jaati hai। jaante hain had mein kitne thode bachche hote hain phir raavan raajya mein kitni vriddhi ho jaati hai। ab tumko had aur behad se bhi paar jaana hai। satayug mein kitni chhoti duniya hai। vahaan sannyaas va vairaagya aadi hota nahin। baad mein dvaapar se lekar phir aur dharma shuru hote hain। sannyaas dharma bhi hota hai jo gharbaar ka sannyaas karte hain। sabko jaanna to chaahiye na। unko kaha jaata hathayog aur had ka sannyaas। sirf gharbaar chhod jangal mein jaate hain। dvaapar se bhakti shuru hoti hai। gyaan to hota hi nahin। gyaan maana satayug-treta sukh। bhakti maana agyaan aur duhkh। yeh achhi reeti samjhaana hota hai phir duhkh aur sukh se paar jaana hai। had behad se paar। manushya jaanch karte hain na। kahaan tak samudra hai, aasmaan hai। bahut koshish karte hain parantu ant pa nahin sakte hain। aeroplane mein jaate hain। usmein bhi itna tel chaahiye na jo phir vaapis bhi laut saken। bahut door tak jaate hain parantu behad mein ja nahin sakte। had tak hi jaayenge। tum to had, behad se paar jaate ho। abhi tum samajh sakte ho pahle nai duniya mein had hai। bahut thode manushya hote hain। usko satayug kaha jaata hai। tum bachchon ko rachna ke aadi, madhya, ant ki knowledge honi chaahiye na। yeh knowledge aur koi mein hai nahin। tumko samjhaane vaala baap hai jo baap had aur behad se paar hai aur koi samjha na sake। rachna ke aadi-madhya-ant ka raaz samjhaate hain phir kehte isse paar jaao। vahaan to kuchh bhi rehta nahin। kitna bhi door jaate hain, aasmaan hi aasmaan hai। inko kaha jaata hai had behad se paar। koi ant nahin pa sakte। kahenge beanta। beanta kehna to sahaj hai parantu ant ka arth samajhna chaahiye। abhi tumko baap samajh dete hain। baap kehte hain main had ko bhi jaanta hoon, behad ko bhi jaanta hoon। phalaane-phalaane dharma phalaane-phalaane samay sthaapan hue hain! drishti jaati hai satayug ki had taraph। phir kaliyug ke behad taraph। phir ham paar chale jaayenge। jahaan kuchh nahin। soorya chaand ke bhi oopar ham jaate hain, jahaan hamaara shantidham, sweet home hai। yoon satayug bhi sweet hom hai। vahaan shanti bhi hai to raajya-bhaagya sukh bhi hai - donon hi hain। ghar jaayenge to vahaan sirf shanti hogi। sukh ka naam nahin lenge। abhi tum shanti bhi sthaapan kar rahe ho aur sukh-shanti bhi sthaapan kar rahe ho। vahaan to shanti bhi hai, sukh ka raajya bhi hai। mool vatan mein to sukh ki baat nahin।

aadhaakalpa tumhaara raajya chalta hai phir aadhaakalpa ke baad raavan ka raajya aata hai। ashaanti hai hi 5 vikaaron se। 2500 varsha tum raajya karte ho phir 2500 varsha baad raavan raajya hota hai। unhon ne to laakhon varsha likh diya hai। ekdam jaise buddhu bana diya hai। paanch hazaar varsha ke kalpa ko laakhon varsha kah dena buddhoopna kahenge na। zara bhi sabhyata nahin hai। devtaaon mein kitni daivi sabhyata thi। woh ab asabhyata ho padi hai। kuchh nahin jaante। aasuri gun aa gaye hain। aage tum bhi kuchh nahin jaante the। kaam kataari chalaae aadi-madhya-ant duhkhi bana dete hain isliye unko kaha hi jaata hai raavan sampradaay। dikhaaya hai raam ne bandar sena li। ab raamchandra treta ka, vahaan phir bandar kahaan se aaye aur phir kehte raam ki seeta churaai gai। aisi baaten to vahaan hoti hi nahin। jeev jaanvar aadi 84 laakh yoniyaan jitni yahaan hain utni satayug-treta mein thode hi hongi। yeh saara behad ka drama baap baith samjhaate hain। bachchon ko bahut dooraandeshi banna hai। aage tumko kuchh bhi pata nahin tha। manushya hokar aur naatak ko nahin jaante hain। abhi tum samajhte ho sabse bada kaun hai? oonch te oonch bhagwan। shlok bhi gaate hain ooncha tera naam… ab tumhaare sivaae aur koi ki buddhi mein nahin hai। tumhaare mein bhi nambarvaar hain। baap had aur behad ka donon raaz samjhaate hain। unse paar kuchh bhi hai nahin। woh hai tumhaare rahne ka sthaan, jisko brahmaanda bhi kehte hain। jaise yahaan tum aakaash tatva mein baithe ho, inmen kuchh dekhne mein aata hai kya? radio mein kehte hain aakaashvaani। ab yeh aakaash to beanta hai। ant pa nahin sakte। to aakaashvaani kahne se manushya kya samjhenge। yeh jo mukh hai, yeh hai polaar। mukh se vaani (aavaaz) nikalti hai। yeh to common baat hai। mukh se aavaaz nikalna jisko aakaashvaani kaha jaata hai। baap ko bhi aakaash dvaara vaani chalaani pade। tum bachchon ko apna bhi raaz saara bataaya hai। tumko nishchay hota hai। hai bahut sahaj। jaise ham aatma hain vaise baap bhi param aatma hai। oonch te oonch aatma hai na। sabko apna-apna part mila hua hai। sabse oonch te oonch bhagwan phir pravritti maarga ka yugal meru। phir nambarvaar maala dekho kitni thodi hai phir srishti badhte-badhte kitni badi ho jaati hai। kitne karod daanon arthaat aatmaon ki maala hai। yeh sab hai padhaai। baap jo samjhaate hain unko achhi reeti buddhi mein dhaaran karo। jhaad ki detail to tum sunte rehte ho। beej oopar mein hai। yeh variety jhaad hai। inki aayu kitni hai। jhaad vriddhi ko paata rehta hai to saara din buddhi mein yahi rahe। is srishti roopi kalpa vriksha ki aayu bilkul accurate hai। 5 hazaar varsha se ek second ka bhi pharka nahin ho sakta। tum bachchon ki buddhi mein ab kitni knowledge hai, jo achhe majboot hain। majboot tab honge jab pavitra hon। is knowledge ki dhaarna karne ke liye sone ka bartan chaahiye। phir aisa sahaj ho jaayega jaise baba ke liye sahaj hai। phir tumko bhi kahenge master knowledgeful। phir nambarvaar purooshaartha anusaar maala ka daana ban jaayenge। aisi-aisi baaten baba bigar koi samjha na saken। yeh aatma bhi samjha rahi hai। baap bhi is tan dvaara hi samjhaate hain, na ki devtaaon ke shareer se। baap ek hi baar aakar guru bante hain phir bhi baap ko hi part bajaana hai। 5 hajaar varsha baad aakar part bajaayenge।

baap samjhaate hain oonch te oonch main hoon। phir hai meru। jo aadi mein mahaaraaja-mahaaraani hain, woh phir jaakar ant mein aadi dev, aadi devi banenge। yeh saara gyaan tumhaari buddhi mein hai। tum kahaan bhi samjhaao to wonder khaayenge। yeh to theek bataate hain। manushya srishti ka beejroop hi knowledgeful hai। unke bigar aur koi knowledge de nahin sakte। yeh sab baaten dhaaran karni hain parantu bachchon ko dhaarna hoti nahin hai। hai bahut simple। koi mushkilaat nahin hai। ek to yaad ki yaatra chaahiye ismen, jo phir pavitra bartan mein ratna thahren। yeh oonch te oonch ratna hain। baba to javaahri tha। bahut achha heera maanik aadi aata tha to chaandi ki dibbi mein kapoos aadi mein achhi reeti rakhte the। jo koi bhi dekhe to kahenge yeh to badi first class cheez hai। yeh bhi aise hai। achhi cheez achhe bartan mein shobhti hai। tumhaare kaan sunte hain। unmein dhaarna hoti hai। pavitra hoga, buddhiyog baap se hoga to dhaarna achhi hogi। nahin to sab nikal jaayega। aatma bhi hai kitni chhoti। unmein kitna gyaan bhara hua hai। kitna achha shuddh bartan chaahiye। koi sankalp bhi na uthe। ulte-sulte sankalp sab banda ho jaane chaahiye। sab taraph se buddhiyog hataana hai। mere saath yog lagaate-lagaate bartan sona bana do jo ratna thahar saken। phir doosron ko daan karte rahenge। bhaarat ko mahaadaani maana jaata hai, woh dhan daan to bahut karte hain। parantu yeh hai avinaashi gyaan ratnon ka daan। deh sahit jo kuchh hai woh sab chhodkar ek ke saath buddhi ka yog rahe। ham to baap ke hain, ismen hi mehnat lagti hai। em object to baap bata dete hain। purushaartha karna bachchon ka kaam hai। ab hi itna oonch pad pa sakenge। koi bhi ulta-sulta sankalp va vikalpa na aaye। baap hi knowledge ka saagar, had behad se paar hai। sab baith samjhaate hain। tum samajhte ho baba hamko dekhte hain parantu ham to had-behad se paar oopar chala jaata hoon। main rahne vaala bhi vahaan ka hoon। tum bhi had behad se paar chale jaao। sankalp vikalpa kuchh bhi na aaye। ismen mehnat chaahiye। grihastha vyavhaar mein rehte kamal phool samaan banna hai। hath kaar de dil yaar de। grihasthi to bahut hain। grihasthi jitna uthaate hain utna ghar mein rahne vaale bachche nahin। centre chalaane vaale, murli chalaane vaale bhi na paas ho jaate hain aur padhne vaale oonch chale jaate hain। aage tumko sab maaloom padta jaayega। baba bilkul theek bataate hain। hamko jo padhaate the unko maaya kha gai। mahaarthi ko maaya ekdam hap kar gai। hain nahin। maayaavi traitor ban jaate hain। vilaayat mein bhi traitor ban padte hain na। kahaan-kahaan jaakar sharan lete hain। jo powerful hote hain us taraph chale jaate hain। is samay to maut saamne hai na to bahut taakat vaale paas jaayenge। abhi tum samajhte ho baap hi powerful hai। baap hai sarvashaktimaan। hamko sikhlaate-sikhlaate saare vishwa ka maalik bana dete hain। vahaan sab kuchh mil jaata hai। koi apraapta vastu nahin hoti, jiski praapti ke liye ham purooshaartha karen। vahaan koi aisi cheez hoti nahin jo tumhaare paas na ho। so bhi nambarvaar purooshaartha anusaar pad paate hain। baap bigar aisi baaten koi nahin jaante। sab hain pujaari। bhal bade-bade shankaraachaarya aadi hain, baba unhon ki mahima bhi sunaate hain। pahle pavitrata ki taakat se bhaarat ko bahut achha thamaane nimitta bante hain। so bhi jab satopradhaan hote hain। abhi to tamopradhaan hain। unmein kya taakat rakhi hai। abhi tum jo pujaari the so phir poojya banne ka purushaartha kar rahe ho। abhi tumhaari buddhi mein saara gyaan hai। buddhi mein dhaarna rahe aur tum samjhaate raho। baap ko bhi yaad karo। baap hi saare jhaad ka raaz samjhaate hain। bachchon ko meetha bhi aisa banne ka hai। yuddha hai na। maaya ke toofaan bhi bahut aate hain। sab sahan karna padta hai। baap ki yaad mein rahne se toofaan sab chale jaayenge। haatamtaai ka khel bataate hain na। muhalra daalte the, maaya chali jaati thi। muhalra nikaalne se hi maaya aa jaati thi। chhueemui hoti hai na। haath lagaao to murjha jaate hain। maaya badi teekhi hai, itna oonch padhaai padhte-padhte baithe-baithe gira deti hai isliye baap samjhaate rehte hain apne ko bhaai-bhaai samjho to phir had behad se paar chale jaayenge। shareer hi nahin to phir drishti kahaan jaayegi। itni mehnat karni hai, sunkar phaan nahin ho jaana hai। kalpa-kalpa tumhaara purushaartha chalta hai aur tum apna bhaagya paate ho। baap kehte hain padha hua sab bhoolo। baaki jo kabhi nahin padhe ho woh suno aur yaad karo। unko kaha jaata hai bhakti maarga। tum raajarishi ho na। jataayen khuli ho aur murli chalaao। saadhu-santa aadi jo sunaate hain woh sab hai manushyon ki murli। yeh hai behad ke baap ki murli। satayug-treta mein to gyaan ke murli ki darkaar hi nahin। vahaan na gyaan ki, na bhakti ki darkaar hai। yeh gyaan tumko milta hai is sangamayug par aur baap hi dene vaala hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) buddhi mein gyaan ratnon ko dhaaran kar daan karna hai। had behad se paar aisi sthiti mein rehna hai jo kabhi bhi ulta-sulta sankalp va vikalpa na aaye। ham aatma bhaai-bhaai hain, yahi smriti rahe।

2) maaya ke toofaanon se bachne ke liye mukh mein baap ki yaad ka muhalra daal lena hai। sab kuchh sahan karna hai। chhueemui nahin banna hai। maaya se haar nahin khaani hai।

vardaan:- sada ek ke sneh mein samaaye hue ek baap ko sahaara banaane vaale sarva aakarshan mukta bhav

jo bachche ek baap ke sneh mein samaaye hue hain ve sarva praaptiyon mein sampanna aur santushta rehte hain। unhein kisi bhi prakaar ka sahaara aakarshit nahin kar sakta। unhein sahaj hi ek baap doosra na koi - yeh anubhooti hoti hai। unka ek baap hi sansaar hai, ek baap dvaara hi sarva sambandhon ke ras ka anubhav hota hai। unke liye sarva praaptiyon ka aadhaar ek baap hai na ki vaibhav va saadhan isliye ve sahaj aakarshan mukta ho jaate hain।

slogan:- prakriti ko paavan banaana hai to sampoorn lagaav mukta bano।