Daily Murli for Tuesday 5 November 2024

05-11-2024 praatahmurli om shanti "baapdaada"' madhuban

“meethe bachche - drama ki shreshtha knowledge tum bachchon ke paas hi hai, tum jaante ho yeh drama hoobhu repeat hota hai''

prashn:- pravritti vaale baba se kaun-sa prashn poochhte hain, baba unhein kya raay dete hain?

uttar:- kai bachche poochhte hain - baba ham dhandha karen? baba kehte - bachche, dhandha bhal karo lekin royal dhandha karo। brahman bachche chhi-chhi dhandha sharaab, cigarette, beedi aadi ka nahin kar sakte kyonki inse aur hi vikaaron ki kheench hoti hai।

om shanti। roohaani baap roohaani bachchon ko samjha rahe hain। ab ek hai roohaani baap ki shreemat, doosri hai raavan ki aasuri mat। aasuri mat baap ki nahin kahenge। raavan ko baap to nahin kahenge na। woh hai raavan ki aasuri mat। abhi tum bachchon ko mil rahi hai eeshvareey mat। kitna raat-din ka pharka hai। buddhi mein aata hai eeshvareey mat se daivi gun dhaaran karte aaye hain। yeh sirf tum bachche hi baap dvaara sunte ho aur koi ko maaloom nahin padta hai। baap milte hi hain sampatti ke liye। raavan se to aur hi sampatti kam hoti jaati hai। eeshvareey mat kahaan le jaati hai aur aasuri mat kahaan le jaati hai, yeh tum hi jaante ho। aasuri mat jabse milti hai, tum neeche girte hi aate ho। nai duniya mein thoda-thoda hi girte ho। girna kaise hota hai, phir chadhna kaise hota hai - yeh bhi tum bachche samajh gaye ho। abhi shreemat tum bachchon ko milti hai phir se shreshtha banne ke liye। tum yahaan aaye hi ho shreshtha banne ke liye। tum jaante ho - ham phir shreshtha mat kaise paayenge। anek baar tumne shreshtha mat se oonch pad paaya hai phir punarjanma lete-lete neeche girte aaye ho। phir ek hi baar chadhte ho। nambarvaar purooshaartha anusaar to hote hi hain। baap samjhaate hain, time lagta hai। purooshottam sangamayug ka bhi time hai na, poora accurate। drama bada accurate chalta hai aur bahut wonderful hai। bachchon ko samajh mein bada sahaj aata hai - baap ko yaad karna hai aur varsa lena hai। bas। parantu purooshaartha karte hain to kaiyon ko difficult bhi lagta hai। itna oonch te oonch pad paana koi sahaj thode hi ho sakta hai। bahut sahaj baap ki yaad aur sahaj varsa baap ka hai। second ki baat hai। phir purooshaartha karne lagte hain to maaya ke vighna bhi padte hain। raavan par jeet paani hoti hai। saari srishti par is raavan ka raajya hai। abhi tum samajhte ho ham yogbal se raavan par har kalpa jeet paate aaye hain। ab bhi pa rahe hain। sikhlaane vaala hai behad ka baap। bhakti maarga mein bhi tum baba-baba kehte aaye ho। parantu pahle baap ko nahin jaante the। aatma ko jaante the। kehte the chamakta hai bhrakuti ke beech mein ajab sitaara…। aatma ko jaante hue bhi baap ko nahin jaante the। kaisa vichitra drama hai। kehte bhi the - he parampita paramatma, yaad karte the, phir bhi jaante nahin the। na aatma ke occupation ko, na paramatma ke occupation ko poora jaante the। baap hi khud aakar samjhaate hain। baap bigar kab koi realise kara na sake। koi ka part hi nahin। gaayan bhi hai eeshvareey sampradaay, aasuri sampradaay aur daivi sampradaay। hai bahut sahaj। parantu yeh baaten yaad rahen - ismen hi maaya vighna daalti hai। bhula deti hai। baap kehte hain nambarvaar purooshaartha anusaar yaad karte-karte jab drama ka ant hoga arthaat puraani duniya ka ant hoga tab nambarvaar purooshaartha anusaar raajdhaani sthaapan ho hi jaayegi। shaastron se yeh baat koi samajh na sake। geeta aadi to isne bhi bahut padhi hai na। ab baap kehte hain iski koi value nahin। parantu bhakti mein kanras bahut milta hai isliye chhodte nahin।

tum jaante ho saara madaar purooshaartha par hai। dhandha aadi bhi koi ka royal hota hai, koi ka chhi-chhi dhandha hota hai। sharaab, beedi, cigarette aadi bechte hain - yeh dhandha to bahut kharaab hai। sharaab sab vikaaron ko kheenchati hai। kisko sharaabi banaana - yeh dhandha achha nahin। baap raay denge yukti se yeh dhandha change kar lo। nahin to oonch pad pa nahin sakenge। baap samjhaate hain in sab dhandhon mein hai nuksaan, bigar avinaashi gyaan ratnon ke dhandhe ke। bhal javaahraat ka dhandha karte the parantu phaayda to nahin hua na। karke lakhapti bane। is dhandhe se kya bante hain? baba patron mein bhi hamesha likhte hain padmaapadma bhaagyashaali। so bhi 21 janmon ke liye bante। tum bhi samajhte ho baba kehte bilkul theek hain। ham so yeh devi-devta the, phir chakra lagaate-lagaate neeche aate hain। srishti ke aadi-madhya-ant ko bhi jaan gaye ho। knowledge to baap dvaara mili hai parantu phir daiveegun bhi dhaaran karne hain। apni jaanch karni hai - hamaare mein koi aasuri gun to nahin hain? yeh baba bhi jaante hain hamne apna yeh shareer roopi makaan kiraaye par diya hai। yeh makaan hai na। ismen aatma rehti hai। hamko bahut phakhur rehta hai - bhagwan ko hamne kiraaye par makaan diya hai! drama plen anusaar aur koi makaan unko lena hi nahin hai। kalpa-kalpa yeh makaan hi lena padta hai। inko to khushi hoti hai na। parantu phir hangaama bhi kitna macha। yeh baba hansi-kudi mein kab baba ko kehte hain - baba, aapka rath bana to hamko itni gaali khaani padti hai। baap kehte hain sabse jaasti gaali mujhe mili। ab tumhaari baari hai। brahma ko kab gaali mili nahin hain। ab baari aayi hai। rath diya hai yeh to samajhte hain na to zaroor baap se madad bhi milegi। phir bhi baba kehte hain baap ko nirantar yaad karna, ismen tum bachche inse bhi jaasti teekhe ja sakte ho kyonki inke oopar to maamla bahut hain। bhal drama kahkar chhod dete hain phir bhi kuchh lais zaroor aati hai। yeh bichaare bahut achhi service karte the। yeh sangadosh mein kharaab ho gaye। kitni disservice hoti hai। aisa-aisa kaam karte hain, lais aa jaati hai। us samay yeh nahin samajhte ki yeh bhi drama bana hua hai। yeh phir baad mein khyaal aata hai। yeh to drama mein noondh hai na। maaya avastha ko bigaad deti hai to bahut dis service ho jaati hai। kitna ablaaon aadi par atyaachaar ho jaate hain। yahaan to khud ke bachche hi kitni disservice karte hain। ulta sulta bolne lag padte hain।

abhi tum bachche jaante ho baap kya sunaate hain? koi shaastra aadi nahin sunaate hain। abhi ham shreemat par kitna shreshtha bante hain। aasuri mat se kitna bhrashta bane hain। time lagta hai na। maaya ki yuddha chalti rahegi। abhi tumhaari vijay to zaroor honi hai। yeh tum samajhte ho shantidham sukhdhaam par hamaari vijay hai hi। kalpa-kalpa ham vijay paate aaye hain। is purooshottam sangamayug par hi sthaapna aur vinaash hota hai। yeh saari detail tum bachchon ki buddhi mein hai। barobar baap hamaare dvaara sthaapna kara rahe hain। phir ham hi raajya karenge। baba ko thanks bhi nahin denge! baap kehte hain yeh bhi drama mein noondh hain। main bhi is drama ke andar paartadhaari hoon। drama mein sabka part noondha hua hai। shivbaaba ka bhi part hai। hamaara bhi part hai। thanks dene ki baat nahin। shivbaaba kehte hain main tumko shreemat de raasta bataata hoon aur koi bata na sake। jo bhi aaye bolo satopradhaan nai duniya svarga thi na। is puraani duniya ko tamopradhaan kaha jaata hai। phir satopradhaan banne ke liye daiveegun dhaaran karne hain। baap ko yaad karna hai। mantra hi yeh hai manamna-bhav, madhyaaji bhav। bas yeh bhi bataate hain main supreme guru hoon।

tum bachche abhi yaad ki yaatra se saari srishti ko sadgati mein pahunchaate ho। jagatguru ek shivbaaba hai jo tumko bhi shreemat dete hain। tum jaante ho har 5 hajaar varsha baad hamko yeh shreemat mili hai। chakra phirta rehta hai। aaj puraani duniya hai, kal nai duniya hogi। is chakra ko samajhna bhi bahut sahaj hai। parantu yeh bhi yaad rahe jo koi ko samjha saken। yeh bhi bhool jaate hain। koi girte hain to phir gyaan aadi saara khatma ho jaata hai। kala-kaaya maaya le leti hai। sab kala nikaal kala rahit kar deti hai। vikaar mein aise phans jaate hain, baat mat poochho। abhi tumko saara chakra yaad hai। tum janma janmaantar veshyaalay mein rahe ho, hajaaron paap karte aaye ho। sabke aage kehte ho - janma-janma ke ham paapi hain। ham hi pahle punya aatma the, phir paap aatma bane। ab phir punya aatma bante hain। yeh tum bachchon ko knowledge mil rahi hai। phir tum auron ko de aap samaan banaate ho। grihastha vyavhaar mein rahne se farka to rehta hai na। woh itna nahin samjha sakte hain jitna tum। parantu sab to nahin chhod sakte hain। baap khud kehte hain - grihastha vyavhaar mein rehte kamal phool samaan banna hai। sab chhodkar aaven to itne sab baithenge kahaan। baap knowledgeful hai। woh kuchh bhi shaastra aadi padhte nahin। yeh shaastra aadi padha tha। mere liye to kehte hain god father is knowledgeful। manushya yeh bhi jaante nahin hain ki baap mein kya knowledge hai। abhi tumko saari srishti ke aadi, madhya, ant ki knowledge hai। tum jaante ho yeh bhakti maarga ke shaastra bhi anaadi hain। bhakti maarga mein yeh shaastra bhi zaroor nikalte hain। kehte hain pahaad toot gaya phir banega kaise! parantu yeh to drama hai na। shaastra aadi yeh sab khatma ho jaate hain, phir apne samay par vahi bante hain। ham pahle-pahle shiv ki pooja karte hain - yeh bhi shaastron mein hoga na। shiv ki bhakti kaise ki jaati hai। kitne shlok aadi gaate hain। tum sirf yaad karte ho - shivbaaba gyaan ka saagar hai। woh abhi hamko gyaan de rahe hain। baap ne tumko samjhaaya hai - yeh srishti ka chakra kaise phirta hai। shaastron mein itna lamba-chauda gapoda laga diya hai, jo kab smriti mein aa bhi na sake। to bachchon ko andar mein kitni khushi honi chaahiye - behad ka baap hamko padhaate hain! gaaya bhi jaata hai student life is di best। bhagvaanuvaach - main tumko yeh raajaaon ka raaja banaata hoon। aur koi shaastron mein yeh baaten hain nahin। oonch te oonch praapti hai hi yeh। vaastav mein guru to ek hi hai jo sarva ki sadgati karte hain। bhal sthaapna karne vaale ko bhi guru kah sakte hain, parantu guru woh jo sadgati de। yeh to apne pichhaadi sabko part mein le aate hain। vaapis le jaane ke liye raasta to bataate nahin। baraat to shiv ki hi gaai hui hai, aur koi guru ki nahin। manushyon ne phir shiv aur shankar ko mila diya hai। kahaan woh sookshmavtanvaasi, kahaan woh moolavtanvaasi। donon ek ho kaise sakte। yeh bhakti maarga mein likh diya hai। brahma, vishnu, shankar teen bachche thahre na। brahma par bhi tum samjha sakte ho। inko adopt kiya hai to yeh shivbaaba ka bachcha thahra na। oonch te oonch hai baap। baaki yeh hai unki rachna। kitni yeh samajhne ki baaten hain। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) avinaashi gyaan ratnon ka dhandha kar 21 janmon ke liye padmaapadma bhaagyashaali banna hai। apni jaanch karni hai - hamaare mein koi aasuri gun to nahin hai? ham aisa koi dhandha to nahin karte jisse vikaaron ki utpatti ho?

2) yaad ki yaatra mein rah saari srishti ko sadgati mein pahunchaana hai। ek satguru baap ki shreemat par chal aap samaan banaane ki seva karni hai। dhyaan rahe - maaya kabhi kala rahit na bana de।

vardaan:- buraai mein bhi achchhaai ka anubhav karne vaale nishchaybuddhi bephikra baadshaah bhav

sada yeh slogan yaad rahe ki jo hua achha hua, achha hai aur achha hi hona hai। buraai ko buraai ke roop mein na dekhen। lekin buraai mein bhi achchhaai ka anubhav karen, buraai se bhi apna paath padh len। koi bhi baat aaye to “kya hoga'' yeh sankalp na aaye lekin phauran aaye ki “achha hoga''। beet gaya achha hua। jahaan achha hai vahaan sada bephikra baadshaah hain। nishchaybuddhi ka arth hi hai bephikra baadshaah।

slogan:- jo svayan ko va doosron ko regard dete hain unka record sada theek rehta hai।