Daily Murli for Friday 6 December 2024

06-12-2024 praatahmurli om shanti "baapdaada"' madhuban

“meethe bachche - tum abhi purooshottam sangamayug par ho, tumhein yahaan rehte nai duniya ko yaad karna hai aur aatma ko paavan banaana hai''

prashn:- baap ne tumhein aisi kaun-si samajh di hai jisse buddhi ka taala khul gaya?

uttar:- baap ne is behad anaadi drama ki aisi samajh di hai, jisse buddhi par jo godrej ka taala laga tha woh khul gaya। pattharbuddhi se paarasbuddhi ban gaye। baap ne samajh di hai ki is drama mein har ek actor ka apna-apna anaadi part hai, jisne kalpa pahle jitna padha hai, woh abhi bhi padhenge। purooshaartha kar apna varsa lenge।

om shanti। roohaani bachchon prati roohaani baap baith sikhlaate hain। jab se baap bana hai tab se hi teacher bhi hai, tab se hi phir satguru ke roop mein shiksha de rahe hain। yeh to bachche samajhte hi hain jabki woh baap, teacher, guru hai to chhota bachcha to nahin hai na। oonch te oonch, bade te bada hai। baap jaante hain yeh sab mere bachche hain। drama plan anusaar pukaara bhi hai ki aakarke hamko paavan duniya mein le chalo। parantu samajhte kuchh nahin hain। abhi tum samajhte ho paavan duniya satayug ko, patit duniya kaliyug ko kaha jaata hai। kehte bhi hain aakarke hamko raavan ki jel se liberate kar duhkhon se chhudaakar apne shantidham-sukhdhaam mein le chalo। naam donon achhe hain। mukti-jeevanmukti va shantidham-sukhdhaam। sivaae tum bachchon ke aur koi ki buddhi mein nahin hai ki shantidham kahaan, sukhdhaam kahaan hota hai? bilkul hi besmajh hain। tumhaari em object hi samajhdaar banne ki hai। besamjhon ke liye em object hoti hai ki aisa samajhdaar banna hai। sabhi ko sikhlaana hai - yeh hai em object, manushya se devta banna। yeh hai hi manushyon ki srishti, woh hai devtaaon ki srishti। satayug mein hai devtaaon ki srishti, to zaroor manushyon ki srishti kaliyug mein hogi। ab manushya se devta banna hai to zaroor purooshottam sangamayug bhi hoga। woh hain devtaayen, yeh hain manushya। devtaayen hain samajhdaar। baap ne hi aisa samajhdaar banaaya hai। baap jo vishwa ka maalik hai, bhal maalik banta nahin hai parantu gaaya to jaata hai na। behad ka baap, behad ka sukh dene vaala hai। behad ka sukh hota hi hai nai duniya mein aur behad ka duhkh hota hai puraani duniya mein। devtaaon ke chitra bhi tumhaare saamne hain। unhon ka gaayan bhi hai। aajkal to 5 bhooton ko bhi poojte rehte hain।

abhi baap tumko samjhaate hain tum ho purooshottam sangamayug par। tumhaare mein bhi nambarvaar purooshaartha anusaar jaante hain - hamaari ek taang svarga mein, ek taang narka mein hai। rehte to yahaan hain parantu buddhi nai duniya mein hai aur jo nai duniya mein le jaate hain unko yaad karna hai। baap ki yaad se hi tum pavitra bante ho। yeh shivbaaba baith samjhaate hain। shivjayanti manaate to zaroor hain, parantu shivbaaba kab aaya, kya aakar kiya, yeh kuchh bhi pata nahin hai। shivraatri manaate hain aur shreekrishna ki jayanti manaate hain, vahi akshar jo shreekrishna ke liye kehte woh shivbaaba ke liye to nahin kahenge isliye unki phir shivraatri kehte hain। arth kuchh nahin samajhte। tum bachchon ko to arth samjhaaya jaata hai। athaah duhkh hain kaliyug ke ant mein, phir athaah sukh hote hain satayug mein। yeh tum bachchon ko abhi gyaan mila hai। tum aadi-madhya-ant ko jaante ho। jinhonne kalpa pahle padha hai vahi ab padhenge, jisne jo purooshaartha kiya hoga vahi karne lagenge aur aisa hi pad bhi paayenge। tumhaari buddhi mein poora chakra hai। tum hi oonch te oonch pad paate ho phir tum utarte bhi aise ho। baap ne samjhaaya hai yeh jo bhi manushyon ki aatmaayen hain, maala hai na, sab nambarvaar aati hain। har ek actor ko apna-apna part mila hua hai - kis samay kisko kya part bajaana hai। yeh anaadi bana-banaaya drama hai jo baap baith samjhaate hain। ab jo tumko baap samjhaate hain woh apne bhaaiyon ko samjhaana hai। tumhaari buddhi mein hai ki har 5 hazaar varsha baad baap aakar hamko samjhaate hain, ham phir bhaaiyon ko samjhaate hain। bhaai-bhaai aatma ke sambandh mein hain। baap kehte hain is samay tum apne ko ashareeri aatma samjho। aatma ko hi apne baap ko yaad karna hai - paavan banne liye। aatma pavitra banti hai to phir shareer bhi pavitra milta hai। aatma apvitra to jevar bhi apvitra। nambarvaar to hote hi hain। features, activity ek na mile doosre se। nambarvaar sab apna-apna part bajaate hain, farka nahin pad sakta। naatak mein vahi scene dekhenge jo kal dekhi hogi। vahi repeat hogi na। yeh phir behad ka aur kal ka drama hai। kal tumko samjhaaya tha। tumne raajaai li phir raajaai ganvaai। aaj phir samajh rahe ho raajaai paane liye। aaj bhaarat puraana narka hai, kal naya svarga hoga। tumhaari buddhi mein hai - abhi ham nai duniya mein ja rahe hain। shreemat par shreshtha ban rahe hain। shreshtha zaroor shreshtha srishti par rahenge। yeh lakshmi-naaraayan shreshtha hain to shreshtha svarga mein rehte hain। jo bhrashta hain vo narka mein rehte hain। yeh raaz tum abhi samajhte ho। is behad ke drama ko jab koi achhi reeti samjhe, tab buddhi mein baithe। shiv raatri bhi manaate hain parantu jaante kuchh bhi nahin hain। to ab tum bachchon ko refresh karna hota hai। tum phir auron ko bhi refresh karte ho। abhi tumko gyaan mil raha hai phir sadgati ko pa lenge। baap kehte hain main svarga mein nahin aata hoon, mera part hi hai patit duniya ko badal paavan duniya banaana। vahaan to tumhaare paas kaaroon ka khajaana hota hai। yahaan to kangaal hain isliye baap ko bulaate hain aakar behad ka varsa do। kalpa-kalpa behad ka varsa milta hai phir kangaal bhi ho jaate hain। chitron par samjhaao tab samajh saken। pahle number mein lakshmi-naaraayan phir 84 janma lete manushya ban gaye। yeh gyaan abhi tum bachchon ko mila hai। tum jaante ho aaj se 5 hazaar varsha pahle aadi sanaatan devi-devta dharma tha, jisko baikuntha, paradise, deity world bhi kehte hain। abhi to nahin kahenge। abhi to devil world hai। devil world ki end, deity world ki aadi ka ab hai sangam। yeh baaten abhi tum samajhte ho, aur koi ke mukh se sun na sako। baap hi aakar inka mukh lete hain। mukh kiska lenge, samajhte nahin hain। baap ki savaari kis par hogi? jaise tumhaari aatma ki is shareer par savaari hai na। shivbaaba ko apni savaari to hai nahin, to unko mukh zaroor chaahiye। nahin to raajayog kaise sikhaaye? prerna se to nahin seekhenge। to yeh sab baaten dil mein note karni hai। paramatma ki bhi buddhi mein saari knowledge hai na। tumhaari bhi buddhi mein yeh baithna chaahiye। yeh knowledge buddhi se dhaaran karni hai। kaha bhi jaata hai tumhaari buddhi theek hai na? buddhi aatma mein rehti hai। aatma hi buddhi se samajh rahi hai। tumhaari pattharbuddhi kisne banaai? abhi samajhte ho raavan ne hamaari buddhi kya bana di hai! kal tum drama ko nahin jaante the, buddhi ko ekdam godrej ka taala laga hua tha। ‘god' akshar to aata hai na। baap jo buddhi dete hain woh badalkar pattharbuddhi ho jaati hai। phir baap aakar taala kholte hain। satayug mein hain hi paarasbuddhi। baap aakar sabka kalyaan karte hain। nambarvaar sabki buddhi khulti hai। phir ek-do ke peechhe aate rehte hain। oopar mein to koi rah na sake। patit vahaan rah na saken। baap paavan banaakar paavan duniya mein le jaate hain। vahaan sab paavan aatmaayen rehti hain। woh hai niraakaari srishti।

tum bachchon ko abhi sab maaloom pada hai isliye apna ghar bhi jaise bahut nazdeek dikhaai padta hai। tumhaara ghar se bahut pyaar hai। tumhaare jaisa pyaar to koi ka hai nahin। tumhaare mein bhi nambarvaar hain, jinka baap ke saath love hai, unka ghar ke saath bhi love hai। murabbi bachche hote hain na। tum samajhte ho yahaan jo achhi reeti purooshaartha kar murabbi bachcha banenge vahi oonch pad paayenge। chhote athva bade shareer ke oopar nahin hain। gyaan aur yog mein jo masta hain, woh bade hain। kai chhote-chhote bachche bhi gyaan-yog mein teekhe hain to badon ko padhaate hain। nahin to kaayda hai bade chhoton ko padhaate hain। aajkal to midget bhi ho jaate hain। yoon to sab aatmaayen midget hain। aatma bindi hai, unka kya vazan karen। sitaara hai। manushya log sitaara naam sun oopar mein dekhenge। tum sitaara naam sun apne ko dekhte ho। dharti ke sitaare tum ho। woh hain aasmaan ke jo jad hain, tum chaitanya ho। unmein to pherabdal kuchh nahin hota, tum to 84 janma lete ho, kitna bada part bajaate ho। part bajaate-bajaate chamak dull ho jaati hai, battery discharge ho jaati hai। phir baap aakar bhinna-bhinna prakaar se samjhaate hain kyonki tumhaari aatma ujhaai hui hai। taakat jo bhari thi woh khalaas ho gai hai। ab phir baap dvaara taakat bharte ho। tum apni battery charge kar rahe ho। ismen maaya bhi bahut vighna daalti hai battery charge karne nahin deti। tum chaitanya battery ho। jaante ho baap ke saath yog lagaane se ham satopradhaan banenge। abhi tamopradhaan bane hain। us had ki padhaai aur is behad ki padhaai mein bahut pharka hai। kaise nambarvaar sab aatmaayen oopar jaati hain phir apne samay par part bajaane aana hai। sabko apna avinaashi part mila hua hai। tumne yeh 84 ka part kitni baar bajaaya hoga! tumhaari battery kitni baar charge aur discharge hui hai! jab jaante ho hamaari battery discharge hai to phir charge karne mein deri kyon karni chaahiye? parantu maaya battery charge karne nahin deti। maaya battery charge karna tumko bhula deti hai। ghadi-ghadi battery discharge kara deti hai। koshish karte ho baap ko yaad karne ki parantu kar nahin sakte ho। tumhaare mein jo battery charge kar satopradhaan tak nazdeek aate hain, unse bhi kabhi-kabhi maaya gaphlat karaae battery discharge kar deti hai। yeh pichhaadi tak hota rahega। phir jab ladaai ka ant hota hai to sab khatma ho jaate hain phir jiski jitni battery charge hui hogi us anusaar pad paayenge। sabhi aatmaayen baap ke bachche hain, baap hi aakar sabki battery charge karaate hain। khel kaisa wonderful bana hua hai। baap ke saath yog lagaane se ghadi-ghadi hat jaate hain to kitna nuksaan hota hai। na haten uske liye purooshaartha karaaya jaata hai। purooshaartha karte-karte jab samaapti hoti hai to phir nambarvaar purooshaartha anusaar tumhaara part poora hota hai। jaise kalpa-kalpa hota hai। aatmaon ki maala banti rehti hai।

tum bachche jaante ho roodraaksha ki maala hai, vishnu ki bhi maala hai। pahle number mein to unki maala rakhenge na। baap daivi duniya rachte hain na। jaise roodra maala hai, vaise roonda maala hai। braahmanon ki maala abhi nahin ban sakegi, badli-sadli hoti rahegi। final tab honge jab roodra maala banegi। yeh braahmanon ki bhi maala hai parantu is samay nahin ban sakti। vaastav mein prajaapita brahma ki sab santaan hain। shivbaaba ke santaan ki bhi maala hai, vishnu ki bhi maala kahenge। tum brahman bante ho to brahma ki aur shiv ki bhi maala chaahiye। yeh saara gyaan tumhaari buddhi mein nambarvaar hain। sunte to sabhi hain parantu koi ka us samay hi kaanon se nikal jaata hai, sunte hi nahin। koi to padhte hi nahin, unko pata hi nahin - bhagwan padhaane aaye hain। padhte hi nahin hain, yeh padhaai to kitna khushi se padhni chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) yaad ki yaatra se aatma roopi battery ko charge kar satopradhaan tak pahunchna hai। aisi koi gaphlat nahin karni hai, jo battery discharge ho jaae।

2) murabbi bachcha banne ke liye baap ke saath-saath ghar se bhi lav rakhna hai। gyaan aur yog mein masta banna hai। baap jo samjhaate hain woh apne bhaaiyon ko bhi samjhaana hai।

vardaan:- ek baap ko apna sansaar banaakar sada ek ki aakarshan mein rahne vaale karmabandhan mukta bhav

sada isi anubhav mein raho ki ek baap doosra na koi। bas ek baba hi sansaar hai aur koi aakarshan nahin, koi karmabandhan nahin। apne kisi kamjor sanskaar ka bhi bandhan na ho। jo kisi par mere pan ka adhikaar rakhte hain unhein krodh ya abhimaan aata hai - yeh bhi karmabandhan hai। lekin jab baba hi mera sansaar hai, yeh smriti rehti hai to sab mera-mera ek mere baba mein sama jaata hai aur karmabandhanon se sahaj hi mukta ho jaate hain।

slogan:- mahaan aatma woh hai jiski drishti aur vritti behad ki hai।