Daily Murli for Tuesday 10 December 2024

10-12-2024 praatahmurli om shanti "baapdaada"' madhuban

“meethe bachche - tumhaare yeh record sanjeevni booti hain, inhen bajaane se murjhaais nikal jaayegi''

prashn:- avastha bigadne ka kaaran kya hai? kis yukti se avastha bahut achhi rah sakti hai?

uttar:- 1. gyaan ki dance nahin karte, jharmui jhagmui mein apna samay ganva dete hain isliye avastha bigad jaati hai। 2. doosron ko duhkh dete hain to bhi uska asar avastha par aata hai। avastha achhi tab rahegi jab meetha hokar chalenge। yaad par poora attention hoga। raat ko sone ke pahle kam se kam aadha ghanta yaad mein baitho phir savere uthkar yaad karo to avastha achhi rahegi।

geet:- kaun aaya mere man ke dvaare…

om shanti। yeh record bhi baba ne banvaaye hain bachchon ke liye। inka arth bhi bachchon ke sivaae koi jaan nahin sakte। baba ne kai baar samjhaaya hai ki aise achhe-achhe record ghar mein rahne chaahiye phir koi murjhaais aati hai to record bajaane se buddhi mein jhat arth aayega to murjhaais nikal jaayegi। yeh record bhi sanjeevni booti hai। baba direction to dete hain parantu koi amal mein laaye। ab yeh geet mein kaun kehte hain ki hamaare tumhaare sabke dil mein kaun aaya hai! jo aakar gyaan dance karte hain। kehte hain gopikaayen krishna ko naach nachaati thi, yeh to hai nahin। ab baba kehte hain - he saaligraam bachche। sabko kehte hain na। school maana school, jahaan padhaai hoti hai, yeh bhi school hai। tum bachche jaante ho hamaari dil mein kiski yaad aati hai! aur koi bhi manushya maatra ki buddhi mein yeh baaten nahin hain। yeh ek hi samay hai jabki tum bachchon ko unki yaad rehti hai aur koi unko yaad nahin karte। baap kehte hain tum roz mujhe yaad karo to dhaarna bahut achhi hogi। jaise main direction deta hoon vaise tum yaad karte nahin ho। maaya tumko yaad karne nahin deti hai। mere kahne par tum bahut kam chalte ho aur maaya ke kahne par bahut chalte ho। kai baar kaha hai - raat ko jab sote ho to aadha ghanta baba ki yaad mein baith jaana chaahiye। bhal stri-puroosh hain, ikatthe baithen va alag-alag baithen। buddhi mein ek baap ki hi yaad rahe। parantu koi virle hi yaad karte hain। maaya bhula deti hai। pharmaan par nahin chalenge to pad kaise pa sakenge। baba ko bahut yaad karna hai। shivbaaba aap hi aatmaon ke baap ho। sabko aapse hi varsa milna hai। jo purooshaartha nahin karte hain unko bhi varsa milega, brahmaanda ke maalik to sab banenge। sab aatmaayen nirvaandhaam mein aayengi drama anusaar। bhal kuchh bhi na karen। aadhaakalpa bhal bhakti karte hain parantu vaapis koi ja nahin sakte, jab tak main guide bankar na aaoon। koi ne raasta dekha hi nahin hai। agar dekha ho to unke pichhaadi sab machchharon sadrishya jaaen। mool vatan kya hai - yeh bhi koi jaante nahin। tum jaante ho yeh bana-banaaya drama hai, inko hi repeat karna hai। ab din mein to karmayogi ban dhandhe mein lagna hai। khaana pakaana aadi sab karma karna hai, vaastav mein karma sannyaas kehna bhi wrong hai। karma bigar to koi rah na sake। karma sannyaasi jhootha naam rakh diya hai। to din ko bhal dhandha aadi karo, raat mein aur savere-savere baap ko achhi tarah se yaad karo। jisko ab apnaaya hai, usko yaad karenge to madad bhi milegi। nahin to nahin milegi। saahookaaron ko to baap ka banne mein hriday videerna hota hai to phir pad bhi nahin milega। yeh yaad karna to bahut sahaj hai। woh hamaara baap, teacher, guru hai। hamko saara raaz batlaaya hai - yeh world ki history-geography kaise repeat hoti hai। baap ko yaad karna hai aur phir svadarshan chakra phiraana hai। sabko vaapis le jaane vaala to baap hi hai। aise-aise khyaalaat mein rehna chaahiye। raat ko sote samay bhi yeh knowledge ghoomti rahe। subah ko uthte bhi yahi knowledge yaad rahe। ham brahman so devta phir kshatriy, vaishya, shoodra banenge। phir baba aayenge phir ham shoodra se brahman banenge। baba trimoorti, trikaaldarshi, trinetri bhi hai। hamaari buddhi khol dete hain। teesra netra bhi gyaan ka milta hai। aisa baap to koi ho nahin sakta। baap rachna rachte hain to maata bhi ho gai। jagat amba ko nimitta banaate hain। baap is tan mein aakar brahma roop se khelte-koodte bhi hain। ghoomne bhi jaate hain। ham baba ko yaad to karte hain na! tum jaante ho inke rath mein aate hain। tum kahenge baapdaada hamaare saath khelte hain। khel mein bhi baba purooshaartha karta hai yaad karne ka। baba kehte hain main inke dvaara khel raha hoon। chaitanya to hai na। to aise khyaal rakhna chaahiye। aise baap ke oopar bali bhi chadhna hai। bhakti maarga mein tum gaate aaye ho vaari jaaoon...... ab baap kehte hain hamko yeh ek janma apna vaaris banaao to ham 21 janmon ke liye raajya-bhaagya denge। ab yeh pharmaan deve to us direction par chalna hai। woh bhi jaisa dekhenge aisa direction denge। direction par chalne se mamatva mit jaayega, parantu darte hain। baba kehte hain tum bali nahin chadhte ho to ham varsa kaise denge। tumhaare paise koi le thode hi jaate hain। kahenge, achha tumhaare paise hain, literature mein laga do। trustee hain na। baba raay dete rahenge। baba ka sab kuchh bachchon ke liye hai। bachchon se kuchh lete nahin hain। yukti se samjha dete hain sirf mamatva mit jaae। moh bhi bada kada hai। (bandar ka misaal) baba kehte hain tum bandar misal unke pichhaadi moh kyon rakhte ho। phir ghar-ghar mein mandir kaise banenge। ham tumko bandarapne se chhudaae mandir laayak banaate hain। tum is kichadpatti mein mamatva kyon rakhte ho। baba sirf mat denge - kaise sambhaalo। to bhi buddhi mein nahin baithta। yeh saara buddhi ka kaam hai।

baba raay dete hain amritvele bhi kaise baba se baaten karo। baba, aap behad ke baap, teacher ho। aap hi behad ke world ki history-geography bata sakte ho। lakshmi-naaraayan ke 84 janmon ki kahaani duniya mein koi nahin jaante। jagat amba ko maata-maata bhi kehte hain। woh kaun hai? satayug mein to ho nahin sakti। vahaan ke mahaaraani-mahaaraaja to lakshmi-naaraayan hain। unko apna bachcha hai jo takhta par baithenge। ham kaise unke bachche banenge jo takhta par baithenge। abhi ham jaante hain yeh jagdamba braahmani hai, brahma ki beti sarasvati। manushya thode hi yeh raaz jaante hain। raat ko baba ki yaad mein baithne ka niyam rakho to bahut achha hai। niyam banaayenge to tumko khushi ka paara chadha rahega phir aur koi kashta nahin honge। kahenge ek baap ke bachche ham bhaai-behen hain। phir gandi drishti rakhna criminal assault ho jaayegi। nasha bhi sato, rajo, tamoguni hota hai na। tamoguni nasha chadha to mar padenge। yeh to niyam bana lo - thoda bhi samay baba ko yaad kar baba ki service par jaao। phir maaya ke toofaan nahin aayenge। woh nasha din bhar chalega aur avastha bhi badi refine ho jaayegi। yog mein bhi line clear ho jaayegi। aise-aise record bhi bahut achhe hain, record sunte rahenge to naachna shuru kar denge, refresh ho jaayenge। do, chaar, paanch record bade achhe hain। gareeb bhi baba ki is service mein lag jaaen to unko mahal mil sakte hain। shivbaaba ke bhandaare se sab kuchh mil sakta hai। serviceable ko baba kyon nahin denge। shivbaaba ka bhandaara bharpoor hi hai।

(geet) yeh hai gyaan dance। baap aakar gyaan dance karaate hain gop-gopiyon ko। kahaan bhi baithe ho baba ko yaad karte raho to avastha bahut achhi rahegi। jaise baba gyaan aur yog ke nashe mein rehte hain tum bachchon ko bhi sikhlaate hain। to khushi ka nasha rahega। nahin to jharmui-jhagmui mein rahne se phir avastha hi bigad jaati hai। subah ko uthna to bahut achha hai। baba ki yaad mein baith baba se meethi-meethi baaten karni chaahiye। bhaashan karne vaalon ko to vichaar saagar manthan karna pade। aaj in points par samjhaayenge, aise samjhaayenge। baba ko bahut bachche kehte hain ham naukri chhoden? parantu baba kehte hain pahle service ka saboot to do। baba ne yaad ki yukti bahut achhi bataai hai। parantu koton mein koi niklenge jinko yeh aadat padegi। koi ko mushkil yaad rehti hai। tum kumaariyon ka naam to mashhoor hai। kumaari ko sab paanv padte hain। tum 21 janmon ke liye bhaarat ko svaraajya dilaate ho। tumhaara yaadgaar mandir bhi hai। brahmaakumaar-kumaariyon ka naam bhi mashhoor ho gaya hai na। kumaari woh jo 21 kul ka uddhaar kare। to unka arth bhi samajhna pade। tum bachche jaante ho yeh 5 hazaar varsha ka reel hai, jo kuchh paas hua hai woh drama। bhool hui drama। phir aage ke liye apna register theek kar dena chaahiye। phir register kharaab nahin hona chaahiye। bahut badi mehnat hai tab itna oonch pad milega। baba ka ban gaya to phir baba varsa bhi denge। sautele ko thode hi varsa denge। madad dena to farja hai। sensible jo hain woh har baat mein madad karte hain। baap dekho kitni madad karte hain। himmate marda madde khuda। maaya par jeet paane mein bhi taakat chaahiye। ek roohaani baap ko yaad karna hai, aur sang tod ek sang jodna hai। baba hai gyaan ka saagar। woh kehte hain main inmen pravesh karta hoon, bolta hoon। aur to koi aise kah na sake ki main baap, teacher, guru hoon। brahma, vishnu, shankar ko rachne vaala hoon। in baaton ko abhi tum bachche hi samajh sakte ho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) puraani kichadpatti mein mamatva nahin rakhna hai, baap ke direction par chalkar apna mamatva mitaana hai। trustee bankar rehna hai।

2) is antim janma mein bhagwan ko apna vaaris banaakar un par bali chadhna hai, tab 21 janmon ka raajya bhaagya milega। baap ko yaad kar service karni hai, nashe mein rehna hai, register kabhi kharaab na ho yeh dhyaan dena hai।

vardaan:- pratyakshaphal dvaara ateendriy sukh ki anubhooti karne vaale nihsvaartha sevaadhaari bhav

satayug mein sangam ke karma ka phal milega lekin yahaan baap ka banne se pratyaksha phal varse ke roop mein milta hai। seva ki aur seva karne ke saath-saath khushi mili। jo yaad mein rahkar, nihsvaartha bhaav se seva karte hain unhein seva ka pratyaksha phal avashya milta hai। pratyakshaphal hi taaja phal hai jo ever healthy bana deta hai। yogayukta, yathaartha seva ka phal hai khushi, ateendriy sukh aur double light ki anubhooti।

slogan:- vishesh aatma woh hai jo apni chalan dvaara roohaani royalty ki jhalak aur phalak ka anubhav karaaye।