Daily Murli for Saturday 28 December 2024

28-12-2024 praatahmurli om shanti "baapdaada"' madhuban

“meethe bachche - baap aaye hain tumhein sarva khajaanon se maalaamaal banaane, tum sirf eeshvareey mat par chalo, achhi reeti purooshaartha kar varsa lo, maaya se haar nahin khaao''

prashn:- eeshvareey mat, daivi mat aur manushya mat mein kaun-sa mukhya antar hai?

uttar:- eeshvareey mat se tum bachche vaapis apne ghar jaate ho phir nai duniya mein oonch pad paate ho। daivi mat se tum sada sukhi rehte ho kyonki woh bhi baap dvaara is samay ki mili hui mat hai lekin phir bhi utarte to neeche hi ho। manushya mat duhkhi banaati hai। eeshvareey mat par chalne ke liye pahle-pahle padhaane vaale baap par poora nishchay chaahiye।

om shanti। baap ne arth to samjhaaya hai, main aatma shant swaroop hoon। jab om shanti kaha jaata hai to aatma ko apna ghar yaad aata hai। main aatma shant swaroop hoon। phir jab organs milte hain tab talkie banti hai। pahle chhote organs hote hain phir bade hote hain। ab parampita paramatma to hai niraakaar। unko bhi rath chaahiye talkie banne ke liye। jaise tum aatmaayen paramdham ki rahne vaali ho, yahaan aakar talkie banti ho। baap bhi kehte hain main tumko knowledge dene ke liye talkie bana hoon। baap apna aur rachna ke aadi, madhya, ant ka parichay dete hain। yeh hai roohaani padhaai, woh hoti hai jismaani padhaai। woh apne ko shareer samajhte hain। aise koi nahin kahenge ki ham aatma in kaanon dvaara sunti hain। abhi tum bachche samajhte ho baap hai patit-paavan, vahi aakar samjhaate hain - main kaise aata hoon। tumhaare misal main garbha mein nahin aata hoon। main inmen pravesh karta hoon। phir koi prashn hi nahin uthta। yeh rath hai। inko maata bhi kaha jaata hai। sabse badi nadi brahm putra hai। to yeh hai sabse badi nadi। paani ki to baat nahin। yeh hai mahaandi arthaat sabse badi gyaan nadi hai। to baap aatmaon ko samjhaate hain main tumhaara baap hoon। jaise tum baat karte ho, main bhi baat karta hoon। mera part to sabse pichhaadi ka hai। jab tum bilkul patit ban jaate ho tab tumko paavan banaane ke liye aana hota hai। in lakshmi-naaraayan ko aisa banaane vaala kaun? sivaae eeshvar ke aur koi ke liye kah nahin sakenge। behad ka baap hi svarga ka maalik banaate honge na। baap hi gyaan ka saagar hai। vahi kehte hain main is manushya srishti ka chaitanya beej hoon। main aadi, madhya, ant ko jaanta hoon। main sat hoon, main chaitanya beejroop hoon, is srishti roopi jhaad ki mere mein knowledge hai। isko srishti chakra athva drama kaha jaata hai। yeh phirta hi rehta hai। woh had ka drama do ghante chalta hai। iski reel 5 hajaar varsha ki hai। jo-jo time paas hota jaata hai, 5 hajaar varsha se kam hota jaata hai। tum jaante ho pahle ham devi-devta the phir aahiste-aahiste ham kshatriy kul mein aa gaye। yeh saara raaz buddhi mein hai na। to yeh simran karte rehna chaahiye। ham shuru-shuru mein part bajaane aaye to ham so devi-devta the। 1250 varsha raajya kiya। time to gujarta jaata hai na। laakhon varsha ki to baat hi nahin। laakhon varsha ka to koi chintan kar bhi na sake।

tum bachche samajhte ho ham yeh devi-devta the phir part bajaate, varsha pichhaadi varsha paas karte-karte abhi kitne varsha paas kar chuke hain। dheere-dheere sukh kam hota jaata hai। har ek cheez satopradhaan, sato rajo, tamo hoti hai। puraani zaroor hoti hai। yeh phir hai behad ki baat। yeh sab baaten achhi reeti buddhi mein dhaaran kar phir auron ko samjhaana hai। sab to ek jaise nahin hote। zaroor bhinna-bhinna reeti samjhaate honge। chakra samjhaana sabse sahaj hai। drama aur jhaad donon mukhya chitra hain। kalpa vriksha naam hai na। kalpa ki aayu kitne varsha ki hai। yeh koi bhi nahin jaante। manushyon ki anek mat hain। koi kya kahenge, koi kya kahenge। abhi tumne anek manushya mat ko bhi samjha hai aur ek eeshvareey mat ko bhi samjha hai। kitna pharka hai। eeshvareey mat se tumko phir se nai duniya mein jaana pade aur koi ki bhi mat se, daivi mat va manushya mat se vaapis nahin ja sakte। daivi mat se tum utarte hi ho kyonki kala kam hoti jaati hai। aasuri mat se bhi utarte ho। parantu daivi mat mein sukh hai, aasuri mat mein duhkh hai। daivi mat bhi is samay baap ki di hui hai isliye tum sukhi rehte ho। behad ka baap kitna door-door se aate hain। manushya kamaane ke liye baahar jaate hain। jab bahut dhan ikattha hota hai to phir aate hain। baap bhi kehte hain main tum bachchon ke liye bahut khajaana le aata hoon kyonki jaanta hoon tumko bahut maal diye the। woh sab tumne ganva diya hai। tumse hi baat karta hoon, jinhonne practical mein ganvaaya hai। 5 hazaar varsha ki baat tumko yaad hai na। kehte hain haan baba, 5 hazaar varsha pahle aapse mile the, aapne varsa diya tha। ab tumko smriti aai hai barobar behad ke baap se behad ka varsa liya tha। baba, aapse nai duniya ki raajaai ka varsa liya tha। achha, phir purooshaartha karo। aise nahin kaho baba maaya ke bhoot ne hamko hara diya। deh-abhimaan ke baad hi tum maaya se haarte ho। lobh kiya, rishvat khaai। laachaari ki baat aur hai। baba jaante hain lobh ke sivaae pet pooja nahin hogi, harja nahin। bhal khaao parantu kahaan phans nahin marna, phir tumko hi duhkh hoga। paisa milega khush ho khaayenge, kahaan pulis ne pakad liya to jel mein jaana padega। aisa kaam nahin karo, uska phir responsible main nahin hoon। paap karte hain to jel mein jaate hain। vahaan to jel aadi hota nahin। to drama ke plan anusaar jo kalpa pahle tumko varsa mila hai, 21 janma liye vaise hi phir lenge। saari raajdhaani banti hai। gareeb praja, saahookaar praja। parantu vahaan duhkh hota nahin। yeh baap guarantee karte hain। sab ek samaan to ban na saken। sooryavanshi-chandravanshi raajaai mein sab chaahiye na। bachche jaante hain kaise baap hamko vishwa ki baadshaahi dete hain। phir ham utarte hain। smriti mein aaya na। school mein padhaai smriti mein rehti hai na। yahaan bhi baap smriti dilaate hain। yeh roohaani padhaai duniya bhar mein aur koi padha na sake। geeta mein bhi likha hua hai manmanaabhav। isko mahaamantra vasheekran mantra kehte hain arthaat maaya par jeet paane ka mantra। maaya jeete jagat-jeet। maaya 5 vikaar ko kaha jaata hai। raavan ka chitra bilkul clear hai - 5 vikaar stri mein, 5 vikaar puroosh mein। inse gadha arthaat tattu ban jaate hain isliye oopar mein gadhe ka sheesh dete hain। abhi tum samajhte ho gyaan bigar ham bhi aise the। baap kitna ramneek reeti baith padhaate hain। woh hai supreme teacher। unse jo ham padhte hain woh phir auron ko sunaate hain। pahle to padhaane vaale mein nishchay karaana chaahiye। bolo, baap ne hamko yeh samjhaaya hai, ab maano na maano। yeh behad ka baap to hai na। shreemat hi shreshtha banaati hai। to shreshtha nai duniya bhi zaroor chaahiye na।

abhi tum samajhte ho ham kichde ki duniya mein baithe hain। doosra koi samajh na sake। vahaan ham bahishta svarga mein sada sukhi rehte hain। yahaan narka mein kitne duhkhi hain। isko narka kaho va vishay vaitarni nadi kaho, puraani duniya chhi-chhi hai। abhi tum feel karte ho - kahaan satayug svarga, kahaan kaliyug narka! svarga ko kaha jaata hai wonder oph world। treta ko bhi nahin kahenge। yahaan is gandi duniya mein rahne mein manushyon ko kitni khushi hoti hai। vishta ke keede ko bhramri bhoon-bhoon kar aapasmaan banaati hai। tum bhi kichde mein pade hue the। mainne aakar bhoon-bhoon kar tumko keede se arthaat shoodra se brahman banaaya hai। abhi tum double sirtaaj bante ho to kitni khushi rahni chaahiye। purooshaartha bhi poora karna chaahiye। behad ka baap samjhaani to bahut sahaj dete hain। dil se lagta bhi hai baba sach-sach kehte hain। is samay sabhi maaya ki duban mein phanse hue hain। baahar ka show kitna hai? baba samjhaate hain ham tumko duban se aakar bachaate hain, svarga mein le jaate hain। svarga ka naam suna hua hai। abhi svarga to hai nahin। sirf yeh chitra hai। yeh svarga ke maalik kitne dhanvaan the। bhakti maarga mein bhal roz mandiron me jaate the, parantu yeh gyaan kuchh nahin tha। abhi tum samajhte ho bhaarat mein yeh aadi sanaatan devi-devta dharma tha। inhon ka raajya kab tha, yeh kisko pata nahin hai। devi-devta dharma ke badle ab phir hindu-hindu kehte rehte hain। shuru mein hindu mahaasbha ka president aaya tha। bola, ham vikaari asur hain apne ko devta kaise kahlaayen? hamne kaha achha aao to tumko samjhaayen devi-devta dharma ki sthaapna phir se ho rahi hai। ham tumko svarga ka maalik bana denge। baithkar seekho। bola, daada ji phursat kahaan? phursat nahin to phir devta kaise banenge! yeh padhaai hai na। bichaare ki takdeer mein nahin tha। mar gaya। aise bhi nahin kahenge ki woh koi praja mein aayega। nahin, aise hi chala aaya tha, suna tha yahaan pavitrata ka gyaan milta hai। parantu satayug mein to aa na sake। phir bhi hindu dharma mein hi aayenge।

tum bachche samajhte ho maaya badi prabal hai। koi na koi bhool karaati rehti hai। kabhi koi ulta-sulta paap ho to baap ko sachchi dil se sunaana hai। raavan ki duniya mein paap to hote hi rehte hain। kehte hain ham janma-janmaantar ke paapi hain। yeh kisne kaha? aatma kehti hai - baap ke aage ya devtaaon ke aage। abhi to tum feel karte ho barobar ham janma-janmaantar ke paapi the। raavan raajya mein paap zaroor kiye hain। anek janmon ke paap to varnan nahin kar sakte ho। is janma ka varnan kar sakte hain। woh sunaane se bhi halka ho jaayega। surgeon ke aage beemaari sunaani hai - phalaane ko maara, chori ki…, is sunaane mein lajja nahin aati hai, vikaar ki baat sunaane mein lajja aati hai। surgeon se lajja karenge to beemaari chhootegi kaise? phir andar dil ko khaati rahegi, baap ko yaad kar nahin sakenge। sach sunaayenge to yaad kar sakenge। baap kehte hain main surgeon tumhaari kitni davaai karta hoon। tumhaari kaaya sadaiv kanchan rahegi। surgeon ko bataane se halka ho jaata hai। koi-koi aapehi likh dete hain - baba hamne janma-janmaantar paap kiye hain। paap aatmaon ki duniya mein paapaatma hi bane hain। ab baap kehte hain bachche, tumhein paap aatmaon se len-den nahin karni hai। sachcha satguru, akaalmoorta hai baap, woh kabhi punarjanma mein nahin aate hain। unhonne akaal takhta naam rakha hai parantu arth nahin samajhte hain। baap ne samjhaaya hai aatma ka yeh takhta hai। shobhta bhi yahaan hai, tilak bhi yahaan (bhrakuti mein) dete hain na। asul mein tilak ekdam bindi misal dete the। abhi tumko apne ko aapehi tilak dena hai। baap ko yaad karte raho। jo bahut service karenge to bada mahaaraaja banenge। nai duniya mein, puraani duniya ki padhaai thode hi padhna hai। to itni oonch padhaai par phir attention dena chaahiye। yahaan baithte hain to bhi koi ka buddhiyog achha rehta hai, koi ka kahaan-kahaan chala jaata hai। koi 10 minute likhte hain, koi 15 minute likhte hain। jiska chart achha hoga unko nasha chadhega - baba itna samay ham aapki yaad mein rahe। 15 minute se jaasti to koi likh nahin sakte। buddhi idhar-udhar bhaagti hai। agar sab ekras ho jaaen to phir karmaateet avastha ho jaae। baap kitni meethi-meethi lovely baaten sunaate hain। aise to koi guru ne nahin sikhaaya। guru se sirf ek thode hi seekhega। guru se to hazaaron seekhen na। satguru se tum kitne seekhte ho। yeh hai maaya ko vash karne ka mantra। maaya 5 vikaaron ko kaha jaata hai। dhan ko sampatti kaha jaata hai। lakshmi-naaraayan ke liye kahenge inhon ke paas bahut sampatti hai। lakshmi-naaraayan ko kabhi maat-pita nahin kahenge। aadi dev, aadi devi ko jagat pita, jagat amba kehte hain, inko nahin। yeh svarga ke maalik hain। avinaashi gyaan dhan lekar ham itne dhanvaan bane hain। amba ke paas anek aashaayen lekar jaate hain। lakshmi ke paas sirf dhan ke liye jaate hain aur kuchh nahin। to badi kaun hui? yeh kisko pata nahin, amba se kya milta hai? lakshmi se kya milta hai? lakshmi se sirf dhan maangate hain। amba se tumko sab kuchh milta hai। amba ka naam jaasti hai kyonki maataaon ko duhkh bhi bahut sahan karna pada hai। to maataaon ka naam jaasti hota hai। achha, phir bhi baap kehte hain baap ko yaad karo to paavan ban jaayenge। chakra ko yaad karo, daiveegun dhaaran karo। bahuton ko aap samaan banaao। god father ke tum student ho। kalpa pahle bhi bane the phir ab bhi vahi em object hai। yeh hai satya nar se naaraayan banne ki katha। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apni beemaari surgeon se kabhi bhi chhipaani nahin hai। maaya ke bhooton se svayan ko bachaana hai। apne ko raajtilak dene ke liye service zaroor karni hai।

2) svayan ko avinaashi gyaan dhan se dhanvaan banaana hai। ab paap aatmaon se len-den nahin karni hai। padhaai par poora-poora attention dena hai।

vardaan:- is kalyaankaari yug mein sarva ka kalyaan karne vaale prakritijeet maayaajeet bhav

sangamayug ko kalyaankaari yug kaha jaata hai is yug mein sada ye svamaan yaad rahe ki main kalyaankaari aatma hoon, mera kartavya hai pahle sva ka kalyaan karna phir sarva ka kalyaan karna। manushyaatmaayen to kya ham prakriti ka bhi kalyaan karne vaale hain isliye prakritijeet, maayaajeet kahlaate hain। jab aatma purush prakritijeet ban jaati hai, to prakriti bhi sukhdaai ban jaati hai। prakriti va maaya ki halchal mein aa nahin sakte। unhon par akalyaan ke vaayumandal ka prabhaav pad nahin sakta।

slogan:- ek doosre ke vichaaron ko sammaan do to maanneey aatma ban jaayenge।