Daily Murli for Saturday 1 February 2025

01-02-2025 praatahmurli om shanti "baapdaada"' madhuban

“meethe bachche - tum aatmaon ka svadharma shanti hai, tumhaara desh shantidham hai, tum aatma shant swaroop ho isliye tum shanti maang nahin sakte''

prashn:- tumhaara yogbal kaun-si kamaal karta hai?

uttar:- yogbal se tum saari duniya ko pavitra banaate ho, tum kitne thode bachche yogbal se yeh saara pahaad uthaae sone ka pahaad sthaapan karte ho। 5 tatva satopradhaan ho jaate hain, achha phal dete hain। satopradhaan tatvon se yeh shareer bhi satopradhaan hote hain। vahaan ke phal bhi bahut bade-bade svaadishta hote hain।

om shanti। jab om shanti kaha jaata hai to bahut khushi honi chaahiye kyonki vaastav mein aatma hai hi shant swaroop, uska svadharma hi shant hai। is par sannyaasi bhi kehte hain, shanti ka to tumhaare gale mein haar pada hai। shanti ko baahar kahaan dhoondhate ho। aatma svatah shant swaroop hai। is shareer mein part bajaane aana padta hai। aatma sada shant rahe to karma kaise karegi? karma to karna hi hai। haan, shantidham mein aatmaayen shant rehti hain। vahaan shareer hai nahin, yeh koi bhi sannyaasi aadi nahin samajhte ki ham aatma hain, shantidham mein rahne vaali hain। bachchon ko samjhaaya gaya hai - shantidham hamaara desh hai, phir ham sukhdhaam mein aakar part bajaate hain phir raavan raajya hota hai duhkhadhaam mein। yeh 84 janmon ki kahaani hai। bhagvaanuvaach hai na arjun prati ki tum apne janmon ko nahin jaante ho। ek ko kyon kehte hain? kyonki ek ki guarantee hai। in raadhe-krishna ki to guarantee hai na to inko hi kehte hain। yeh baap bhi jaante hain, bachche bhi jaante hain ki yeh jo sab bachche hain sab to 84 janma lene vaale nahin hain। koi beech mein aayenge, koi ant mein aayenge। inki to certain hai। inko kehte hain - he bachche। to yeh arjun hua na। rath par baitha hai na। bachche khud bhi samajh sakte hain - ham janma kaise lenge? service hi nahin karte hain to satayug nai duniya mein pahle kaise aayenge? inki takdeer kahaan hai। peechhe jo janma lenge unke liye to puraana ghar hota jaayega na। main inke liye kehta hoon, jinke liye tumko bhi certain hai। tum bhi samajh sakte ho - mama-baba 84 janma lete hain। kumaarka hai, janak hai, aise-aise mahaarthi jo hain woh 84 janma lete hain। jo service nahin karte hain to zaroor kuchh janma baad mein aayenge। samajhte hain ham to naapaas ho jaayenge, pichhaadi mein aa jaayenge। school mein daudi pahan nishaane tak aakar phir vaapis lautte hain na। sab ekras ho na saken। race mein zara paav inch ka bhi pharka padta hai to plus mein aa jaata hai, yeh bhi ashva race hai। ashva ghode ko kaha jaata hai। rath ko bhi ghoda kaha jaata hai। baaki yeh jo dikhaate hain daksha prajaapita ne yagya racha, usmein ghode ko havan kiya, yeh sab baaten hain nahin। na daksha prajaapita hai, na koi yagya racha hai। pustakon mein bhakti maarga ki kitni danta kathaayen hain। unka naam hi katha hai। bahut kathaayen sunte hain। tum to yeh padhte ho। padhaai ko katha thode hi kahenge। school mein padhte hain, em object rehti hai। hamko is padhaai se yeh naukri milegi। kuchh na kuchh milta hai। abhi tum bachchon ko dehi-abhimaani bahut banna hai। yahi mehnat hai। baap ko yaad karne se hi vikarma vinaash honge। khaas yaad karna hota hai, aise nahin ki main to shivbaaba ka bachcha hoon na phir yaad kya karen। nahin, yaad karna hai apne ko student samajhkar। ham aatmaon ko shivbaaba padha rahe hain, yeh bhi bhool jaate hain। shivbaaba ek hi teacher hai jo srishti ke aadi-madhya-ant ka raaz sunaate hain, yeh bhi yaad nahin rehta hai। har ek bachche ko apne dil se poochhna hai ki kitna samay baap ki yaad thaharti hai? jaasti time to baaharmukhta mein hi jaata hai। yeh yaad hi mukhya hai। is bhaarat ke yog ki hi bahut mahima hai। parantu yog kaun sikhlaate hain - yeh kisko pata nahin hai। geeta mein shreekrishna ka naam daal diya hai। ab shreekrishna ko yaad karne se to ek bhi paap nahin katega kyonki woh to shareerdhaari hai। paanch tatvon ka bana hua hai। unko yaad kiya to goya mitti ko yaad kiya, 5 tatvon ko yaad kiya। shivbaaba to ashareeri hai isliye kehte hain ashareeri bano, mujh baap ko yaad karo।

kehte bhi ho - he patit-paavan, woh to ek hua na। yukti se poochhna chaahiye - geeta ka bhagwan kaun? bhagwan rachayita to ek hota hai। agar manushya apne ko bhagwan kahlaate bhi hain to aise kabhi nahin kahenge ki tum sab hamaare bachche ho। ya to kahenge tatatvam ya kahenge eeshvar sarvavyaapi hai। ham bhi bhagwan, tum bhi bhagwan, jidhar dekhta hoon tu hi tu hai। patthar mein bhi tu, aise kah dete। tum hamaare bachche ho, yeh kah nahin sakte। yeh to baap hi kehte hain - he mere laadle roohaani bachchon। aise aur koi kah na sake। musalmaan ko agar koi kahe mere laadle bachchon, to thappad maar den। yeh ek hi paarlaukik baap kah sakte hain। aur koi srishti ke aadi-madhya-ant ka gyaan de na sake। 84 ke seedhi ka raaz koi samjha na sake sivaae niraakaar baap ke। unka asli naam hi hai shiv। yeh to manushyon ne athaah naam rakh diye hain। anek bhaashaayen hain। to apni-apni bhaasha mein naam rakh dete hain। jaise baambe mein babulnaath kehte hain, parantu woh arth thode hi samajhte। tum samajhte ho kaanton ko phool banaane vaala hai। bhaarat mein shivbaaba ke hajaaron naam honge, arth kuchh nahin jaante। baap bachchon ko hi samjhaate hain। usmein bhi maataaon ko baba jaasti aage karte hain। aajkal females ka maan bhi hai kyonki baap aaye hain na। baap maataaon ki mahima oonch karte hain। tum shiv shakti sena ho, tum hi shivbaaba ko jaante ho। sach to ek hi hai। gaaya bhi jaata hai sach ki bedi hile dule, doobe nahin। to tum sachche ho, nai duniya ki sthaapna kar rahe ho। baaki jhoothi bediyaan sab khatma ho jaayengi। tum bhi koi yahaan raajya karne vaale nahin ho। tum phir doosre janma mein aakar raajya karenge। yeh badi gupta baaten hain jo tum hi jaante ho। yeh baba na mila hota to kuchh bhi nahin jaante the। abhi jaana hai।

yeh hai yudhishthir, yuddha ke maidaan mein bachchon ko khada karne vaala। yeh hai nonviolence, ahinsak। manushya hinsa samajh lete hain maara-maari ko। baap kehte hain pahli mukhya hinsa to kaam kataari ki hai isliye kaam mahaashatru kaha hai, in par hi vijay paani hai। mool baat hai hi kaam vikaar ki, patit maana vikaari। vikaari kaha hi jaata hai patit banne vaale ko, jo vikaar mein jaate hain। krodh karne vaale ko aise nahin kahenge ki yeh vikaari hai। krodhi ko krodhi, lobhi ko lobhi kahenge। devtaaon ko nirvikaari kaha jaata hai। devtaayen nirlobhi, nirmohi, nirvikaari hain। woh kabhi vikaar mein nahin jaate। tumko kehte hain vikaar bigar bachche kaise honge? unhon ko to nirvikaari maante ho na। woh hai hi viceless duniya। dvaapar kaliyug hai vicious duniya। khud ko vikaari, devtaaon ko nirvikaari kehte to hain na। tum jaante ho ham bhi vikaari the। ab in jaisa nirvikaari ban rahe hain। in lakshmi-naaraayan ne bhi yaad ke bal se yeh pad paaya hai phir pa rahe hain। ham hi devi-devta the, hamne kalpa pahle aise raajya paaya tha, jo ganvaaya, phir ham pa rahe hain। yahi chintan buddhi mein rahe to bhi khushi rahegi। parantu maaya yeh smriti bhula deti hai। baba jaante hain tum sthaai yaad mein rah nahin sakenge। tum bachche adol ban yaad karte raho to jaldi karmaateet avastha ho jaae aur aatma vaapis chali jaae। parantu nahin। pahle number mein to yeh jaane vaala hai। phir hai shivbaaba ki baraat। shaadi mein maataayen mitti ke matke mein jyoti jagaakar le jaati hain na, yeh nishaani hai। shivbaaba saajan to sada jaagti jyot hai। baaki hamaari jyoti jagaai hai। yahaan ki baat phir bhakti maarga mein le gaye hain। tum yogbal se apni jyoti jagaate ho। yog se tum pavitra bante ho। gyaan se dhan milta hai। padhaai ko source oph income kaha jaata hai na। yogbal se tum khaas bhaarat aur aam saare vishwa ko pavitra banaate ho। ismen kanyaayen bahut achhi madadgaar ban sakti hain। service kar oonch pad paana hai। jeevan heere jaisa banaana hai, kam nahin। gaaya jaata hai follow father mother। si mother father aur ananya brothers, sisters।

tum bachche pradarshani mein bhi samjha sakte ho ki tumko do father hain - laukik aur paarlaukik। ismen bada kaun? bada to zaroor behad ka baap hua na। varsa unse milna chaahiye। abhi varsa de rahe hain, vishwa ka maalik bana rahe hain। bhagvaanuvaach - tumko raajayog sikhaata hoon phir tum doosre janma mein vishwa ke maalik banenge। baap kalpa-kalpa bhaarat mein aakar bhaarat ko bahut saahookaar banaate hain। tum vishwa ke maalik bante ho is padhaai se। us padhaai se kya milega? yahaan to tum heere jaisa bante ho 21 janma liye। us padhaai mein raat-din ka pharka hai। yeh to baap, teacher, guru ek hi hai। to baap ka varsa, teacher ka varsa aur guru ka varsa sab dete hain। ab baap kehte hain deh sahit sabko bhoolna hai। aap muye mar gai duniya। baap ke adopted bachche bane, baaki kisko yaad karenge। doosron ko dekhte hue jaise ki dekhte nahin। part mein bhi aate hain parantu buddhi mein hai - ab hamko ghar jaana hai phir yahaan aakar part bajaana hai। yeh buddhi mein rahe to bhi bahut khushi rahegi। bachchon ko deh bhaan chhod dena chaahiye। yeh puraani cheez yahaan chhodni hai, ab vaapis jaana hai। naatak poora hota hai। puraani srishti ko aag lag rahi hai। andhe ki aulaad andhe agyaan neend mein soye pade hain। manushya to samjhenge yeh soya hua manushya dikhaaya hai। parantu yeh agyaan neend ki baat hai, jisse tum jagaate ho। gyaan arthaat din hai satayug, agyaan arthaat raat hai kaliyug। yeh badi samajhne ki baaten hain। kanya shaadi karti hai to maata-pita, saasu-sasur aadi bhi yaad aayega। unko bhoolna pade। aise bhi yugal hain, jo sannyaasiyon ko dikhaate hain - ham yugal bankar kabhi vikaar mein nahin jaate hain। gyaan talvaar beech mein hai। baap ka pharmaan hai - pavitra rehna hai। dekho ramesh-usha hain, kabhi bhi patit nahin bane hain, yeh dar hai agar ham patit banen to 21 janmon ki raajaai khatma ho jaayegi। devaala maar denge। aise koi-koi fail ho padte hain। gandharvi vivaah ka naam to hai na। tum jaante ho pavitra rahne se pad bahut oonch milega। ek janma ke liye pavitra banna hai। yogbal se karmendriyon par bhi control aa jaata hai। yogbal se tum saari duniya ko pavitra banaate ho। tum kitne thode bachche yogbal se yeh saara pahaad udaae sone ka pahaad sthaapan karte ho। manushya thode hi samajhte hain, woh to govardhan parvat pichhaadi parikrama dete rehte hain। yeh to baap hi aakar saari duniya ko golden aged banaate hain। aise nahin ki himaalay koi sone ka ho jaayega। vahaan to sone ki khaaniyaan bhartu ho jaayengi। 5 tatva satopradhaan hain, phal bhi achha dete hain। satopradhaan tatvon se yeh shareer bhi satopradhaan hote hain। vahaan ke phal bhi bahut bade-bade svaadishta hote hain। naam hi hai svarga। to apne ko aatma samajh baap ko yaad karne se hi vikaar chhootenge। deh-abhimaan aane se vikaar ki cheshta hoti hai। yogi kabhi vikaar mein nahin jaayenge। gyaan bal to hai, parantu yogi nahin hoga to gir padega। jaise poochha jaata hai - purooshaartha bada ya praalabdha? to kehte hain purooshaartha bada। vaise ismen kahenge yog bada। yog se hi patit se paavan bante hain। ab tum bachche to kahenge ham behad ke baap se padhenge। manushya se padhne se kya milega? maas mein kya kamaai hogi? yeh tum ek-ek ratna dhaaran karte ho। yeh hai laakhon roopayon ke। vahaan paise ki ginti nahin ki jaati। anginat dhan hota hai। sabko apni-apni khetiyaan aadi hoti hain। ab baap kehte hain ham tumko raajayog sikhlaate hain। yeh hai em object। purooshaartha karke oonch banna hai। raajdhaani sthaapan ho rahi hai। in lakshmi-naaraayan ne kaise praalabdha paai, inki praalabdha ko jaan gaye to baaki kya chaahiye। abhi tum jaante ho kalpa 5 hazaar varsha baad baap aate hain, aakar bhaarat ko svarga banaate hain। to bachchon ko service karne ka umang hona chaahiye। jab tak koi ko raasta nahin bataaya hai, khaana nahin khaayenge - itna ullaas-umang ho tab oonch pad pa sakte hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) eeshvareey service kar apna jeevan 21 janmon ke liye heere jaisa banaana hai। maat-pita aur ananya bhaai-bahinon ko hi follow karna hai।

2) karmaateet avastha banaane ke liye deh sahit sabko bhoolna hai। apni yaad adol aur sthaai banaani hai। devtaaon jaisa nirlobhi, nirmohi, nirvikaari banna hai।

vardaan:- tadaphti hui aatmaon ko ek second mein gati-sadgati dene vaale master daata bhav

jaise sthool season ka intajaam karte ho, sevaadhaari saamagri sab taiyaar karte ho jisse kisi ko koi takleeph na ho, samay vyartha na jaae। aise hi ab sarva aatmaon ki gati-sadgati karne ki antim season aane vaali hai, tadaphti hui aatmaon ko queue mein khada karne ka kashta nahin dena hai, aate jaaen aur lete jaaen। iske liye ever-ready bano। purooshaarthi jeevan mein rahne se oopar ab daataapan ki sthiti mein raho। har sankalp, har second mein master daata ban karke chalo।

slogan:- hajoor ko buddhi mein haajir rakho to sarva praaptiyaan ji hajoor karengi।

avyakt ishaare - ekaantapriy bano ekta aur ekaagrata ko apnaao

ekta ke saath ekaantapriy banna hai। ekaantapriy woh hoga jinka anek taraph se buddhiyog toota hua hoga aur ek ka hi priy hoga। ek priy hone kaaran ek ki hi yaad mein rah sakta। ekaantapriy arthaat ek ke sivaay doosra na koi। sarva sambandh, sarva rasnaaen ek se lene vaala hi ekaanta-priy ho sakta hai।