Daily Murli for Saturday 15 February 2025

15-02-2025 praatahmurli om shanti "baapdaada"' madhuban

“meethe bachche - baap tumhein daivi dharma aur shreshtha karma sikhlaate hain isliye tumse koi bhi aasuri karma nahin hone chaahiye, buddhi bahut shuddh chaahiye''

prashn:- deh-abhimaan mein aane se pahla paap kaun-sa hota hai?

uttar:- agar deh-abhimaan hai to baap ki yaad ke bajaae dehdhaari ki yaad aayegi, kudrishti jaati rahegi, kharaab khyaalaat aayenge। yeh bahut bada paap hai। samajhna chaahiye, maaya vaar kar rahi hai। phauran saavdhaan ho jaana chaahiye।

om shanti। roohaani baap roohaani bachchon ko samjha rahe hain। roohaani baap aaye kahaan se hain? roohaani duniya se। jisko nirvaan-dhaam athva shantidham bhi kehte hain। yeh to hai geeta ki baat। tumse poochhte hain - yeh gyaan kahaan se aaya? bolo, yeh to vahi geeta ka gyaan hai। geeta ka part chal raha hai aur baap padhaate hain। bhagvaanuvaach hai na aur bhagwan to ek hi hai। woh hai shanti ka saagar। rehte bhi hain shantidham mein, jahaan ham bhi rehte hain। baap samjhaate hain ki yeh hai patit duniya, paap aatmaon ki tamopradhaan duniya। tum bhi jaante ho barobar ham aatmaayen is samay tamopradhaan hain। 84 ka chakra khaakar satopradhaan se ab tamopradhaan mein aaye hain। yeh puraani athva kaliyugi duniya hai na। yeh naam sabhi is samay ke hain। puraani duniya ke baad phir nai duniya hoti hai। bhaaratvaasi yeh bhi jaante hain ki mahaabhaarat ladaai bhi tab lagi thi jabki duniya badalni thi, tab hi baap ne aakar raajayog sikhlaaya tha। sirf bhool kya hui hai? ek to kalpa ki aayu bhool gaye hain aur geeta ke bhagwan ko bhi bhoole hain। shreekrishna ko to god father kah nahin sakte। aatma kehti hai god father, to woh niraakaar ho gaya। niraakaar baap aatmaon ko kehte hain ki mujhe yaad karo। main hi patit-paavan hoon, mujhe bulaate bhi hain - he patit-paavan। shreekrishna to dehdhaari hai na। mujhe to koi shareer hai nahin। main niraakaar hoon, manushyon ka baap nahin, aatmaon ka baap hoon। yeh to pakka kar lena chaahiye। ghadi-ghadi ham aatmaayen is baap se varsa leti hain। abhi 84 janma poore hue hain, baap aaya hai। baba-baba hi karte rehna hai। baba ko bahut yaad karna hai। saara kalpa jismaani baap ko yaad kiya। abhi baap aaye hain aur manushya srishti se sab aatmaon ko vaapis le jaate hain kyonki raavan raajya mein manushyon ki durgati ho gai hai isliye ab baap ko yaad karna hai। yeh bhi manushya koi samajhte nahin ki abhi raavan raajya hai। raavan ka arth hi nahin samajhte। bas ek rasma ho gai hai dashahra manaane ki। tum koi arth thode hi samajhte the। abhi samajh mili hai auron ko samajh dene ke liye। agar auron ko nahin samjha sakte ho to goya khud nahin samjhe ho। baap mein srishti chakra ka gyaan hai। ham unke bachche hain to bachchon mein bhi yeh knowledge rahni chaahiye।

tumhaari yeh hai geeta paathshaala। uddeshya kya hai? yeh lakshmi-naaraayan banna। yeh raajayog hai na। nar se naaraayan, naari se lakshmi banne ki yeh knowledge hai। vo log kathaayen baith sunaate hain। yahaan to ham padhte hain, hamko baap raajayog sikhaate hain। yeh sikhaate hi hain kalpa ke sangamayug par। baap kehte hain main puraani duniya ko badal nai duniya banaane aaya hoon। nai duniya mein inhon ka raajya tha, puraani mein nahin hai, phir zaroor hona chaahiye। chakra to jaan liya hai। mukhya dharma hain chaar। abhi Deityism hai nahin। daivi dharma bhrashta aur daivi karma bhrashta ban pade hain। abhi phir tumko daivi dharma shreshtha aur karma shreshtha sikhla rahe hain। to apne par dhyaan rakhna hai, hamse koi aasuri karma to nahin hote hain? maaya ke kaaran koi kharaab khyaalaat to buddhi mein nahin aate hain? kudrishti to nahin rehti hai? dekhen, inki kudrishti jaati hai athva kharaab khyaalaat aate hain to unko jhat saavdhaan karna chaahiye। unse mil nahin jaana chaahiye। unko saavdhaan karna chaahiye - tumhaare mein maaya ki praveshta ke kaaran yeh kharaab khyaalaat aate hain। yog mein baith baap ki yaad ke badle koi ki deh taraph khyaal jaata hai to samajhna chaahiye yeh maaya ka vaar ho raha hai, main paap kar raha hoon। ismen to buddhi badi shuddh honi chaahiye। hansi-mazaak se bhi bahut nuksaan hota hai isliye tumhaare mukh se sadaiv shuddh vachan nikalne chaahiye, kuvchan nahin। hansi majaak aadi bhi nahin। aise nahin ki hamne to hansi ki… woh bhi nuksaankaarak ho jaati hai। hansi bhi aisi nahin karni chaahiye jismen vikaaron ki vaayu ho। bahut khabardaar rehna hai। tumko maaloom hai naange log hain unke khyaal vikaaron ki taraph nahin jaayenge। rehte bhi alag hain। parantu karmendriyon ki chalaaymaani sivaae yog ke kabhi nikalti nahin hai। kaam shatru aisa hai jo kisko bhi dekhenge, yog mein poora nahin honge to chalaaymaani zaroor hogi। apni pareeksha leni hoti hai। baap ki yaad mein hi raho to yeh koi bhi prakaar ki beemaari na rahe। yog mein rahne se yeh nahin hota hai। satayug mein to koi bhi prakaar ka ganda nahin hota hai। vahaan raavan ki chanchalta hi nahin jo chalaaymaani ho। vahaan to yogi life rehti hai। yahaan bhi avastha badi pakki chaahiye। yogbal se yeh sab beemaariyaan banda ho jaati hain। ismen badi mehnat hai। raajya lena koi maasi ka ghar nahin। purooshaartha to karna hai na। aise nahin ki bas jo hoga bhaagya mein so milega। dhaarna hi nahin karte goya paai-paise ke pad paane laayak hain। subjects to bahut hoti hain na। koi drawing mein, koi khel mein marks le lete hain। woh hai common subject। vaise hi yahaan bhi subjects hain। kuchh na kuchh milega। baaki baadshaahi nahin mil sakegi। woh to service karenge tab baadshaahi milegi। uske liye bahut mehnat chaahiye। bahuton ki buddhi mein baithta hi nahin hai। jaise ki khaana hajam hi nahin hota। oonch pad paane ki himmat nahin, isko bhi beemaari kahenge na। tum koi bhi baat dekhte na dekho। roohaani baap ki yaad mein rah auron ko raasta bataana hai, andhon ki laathi banna hai। tum to raasta jaante ho। rachayita aur rachna ka gyaan mukti aur jeevanmukti tumhaari buddhi mein phirte rehte hain, jo-jo mahaarthi hain। bachchon ki avastha mein bhi raat-din ka farka rehta hai। kahaan bahut dhanvaan ban jaate, kahaan bilkul gareeb। raajaai pad mein to farka hai na। baaki haan, vahaan raavan na hone kaaran duhkh nahin hota hai। baaki sampatti mein to farka hai। sampatti se sukh hota hai।

jitna yog mein rahenge utni health badi achhi hogi। mehnat karni hai। bahuton ki to chalan aisi rehti hai jaise agyaani manushyon ki hoti hai। woh kiska kalyaan kar nahin sakenge। jab imtahaan hota hai to maaloom pad jaata hai ki kaun kitne marks se paas honge, phir us samay haay-haay karni padegi। baapdaada donon hi kitna samjhaate rehte hain। baap aaye hi hain kalyaan karne। apna bhi kalyaan karna hai to doosron ka bhi karna hai। baap ko bulaaya bhi hai ki aakar ham patiton ko paavan hone ka raasta bataao। to baap shreemat dete hain - tum apne ko aatma samajh deh-abhimaan chhod mujhe yaad karo। kitni sahaj davaai hai। bolo, ham sirf ek bhagwan baap ko maante hain। woh kehte hain mujhe bulaate ho ki aakar patiton ko paavan banaao to mujhe aana padta hai। brahma se tumko kuchh bhi milna nahin hai। woh to daada hai, baba bhi nahin। baba se to varsa milta hai। brahma se thode hi varsa milta hai। niraakaar baap in dvaara adopt kar ham aatmaon ko padhaate hain। inko bhi padhaate hain। brahma se to kuchh bhi milne ka nahin hai। varsa baap se hi milta hai in dvaara। dene vaala ek hai। unki hi mahima hai। vahi sarva ka sadgati daata hai। yeh to poojya se phir pujaari bante hain। satayug mein the, phir 84 janma bhog ab patit bane hain phir poojya paavan ban rahe hain। ham baap dvaara sunte hain। koi manushya se nahin sunte। manushyon ka hai hi bhakti maarga। yeh hai roohaani gyaan maarga। gyaan sirf ek gyaan saagar ke paas hi hai। baaki yeh shaastra aadi sab bhakti ke hain। shaastra aadi padhna - yeh sab hai bhakti maarga। gyaan saagar to ek hi baap hai, ham gyaan nadiyaan gyaan saagar se nikli hain। baaki woh hai paani ka saagar aur nadiyaan। bachchon ko yeh sab baaten dhyaan mein rahni chaahiye। antarmukh ho buddhi chalaani chaahiye। apne aapko sudhaarne ke liye antarmukh ho apni jaanch karo। agar mukh se koi kuvchan nikle ya kudrishti jaae to apne ko phatkaarna chaahiye - hamaare mukh se kuvchan kyon nikle, hamaari kudrishti kyon gai? apne ko chamaat bhi maarni chaahiye, ghadi-ghadi saavdhaan karna chaahiye tab hi oonch pad pa sakenge। mukh se katuvchan na niklen। baap ko to sab prakaar ki shikshaayen deni hoti hain। kisko paagal kehna yeh bhi kuvchan hai।

manushya to jiske liye bhi jo aata hai woh kehte rehte hain। jaante kuchh bhi nahin ki ham kiski mahima gaate hain। mahima to karni chaahiye ek hi patit-paavan baap ki। aur to koi hai nahin। brahma, vishnu, shankar ko bhi patit-paavan nahin kaha jaata hai। yeh to kisko paavan nahin banaate hain। patit se paavan banaane vaala ek hi baap hai। paavan srishti hai hi nai duniya। vo to abhi hai nahin। purity hai hi svarga mein। pavitrata ka saagar bhi hai। yeh to hai hi raavan raajya। bachchon ko abhi aatma-abhimaani banne ki bahut mehnat karni chaahiye। mukh se koi bhi patthar va kuvchan nahin nikalna chaahiye। bahut pyaar se chalna hai। kudrishti bhi bada nuksaan kar deti hai। badi mehnat chaahiye। aatma-abhimaan hai avinaashi abhimaan। deh to vinaashi hai। aatma ko koi bhi nahin jaante hain। aatma ka bhi baap to zaroor koi hoga na। kehte bhi hain sab bhaai-bhaai hain। phir sabmen paramatma baap viraajmaan kaise ho sakta hai? sabhi baap kaise ho sakte hain? itna bhi akla nahin hai! sabka baap to ek hi hai, unse hi varsa milta hai। uska naam hai shiv। shivraatri bhi manaate hain। roodra raatri va shreekrishna raatri nahin kehte। manushya to kuchh bhi nahin samajhte hain, kahenge yeh sab unke roop hain, unki hi leela hai।

tum abhi samajhte ho behad ke baap se to behad ka varsa milta hai to us baap ki shreemat par chalna hai। baap kehte hain mujhe yaad karo। labours ko bhi shiksha deni chaahiye to unhon ka bhi kuchh kalyaan ho jaae। parantu khud hi yaad nahin kar sakte to auron ko kya yaad dilaayenge। raavan ekdam patit bana dete hain phir baap aakar paristaani banaate hain। wonder hai na। koi ki bhi buddhi mein yeh baaten nahin hain। yeh lakshmi-naaraayan kitna oonch paristaani se phir kitna patit ban jaate hain isliye brahma ka din, brahma ki raat gaai hui hai। shiv ke mandir mein tum bahut service kar sakte ho। baap kehte hain tum mujhe yaad karo। dar-dar bhatakna chhod do। yeh gyaan hai hi shanti ka। baap ko yaad karne se tum satopradhaan ban jaayenge। bas yahi mantra dete raho। koi se bhi paisa nahin lena chaahiye, jab tak pakka na ho jaae। bolo pratigya karo ki ham pavitra rahenge, tab ham tumhaare haath ka kha sakte hain, kuchh bhi le sakte hain। bhaarat mein mandir to bahut dher hain। foreigners aadi jo bhi aayen unko yeh sandesh tum de sakte ho ki baap ko yaad karo। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kabhi bhi aisi hansi-majaak nahin karni hai jismen vikaaron ki vaayu ho। apne ko bahut saavdhaan rakhna hai, mukh se katuvchan nahin nikaalne hain।

2) aatma-abhimaani banne ki bahut-bahut practice karni hai। sabse pyaar se chalna hai। kudrishti nahin rakhni hai। kudrishti jaae to apne aapko aapehi saza deni hai।

vardaan:- nirantar yaad aur seva ke balance se bachpan ke naaz nakhre samaapta karne vaale vaanaprasthi bhav

chhoti-chhoti baaton mein sangam ke amoolya samay ko ganvaana bachpan ke naaz nakhre hain। ab yeh naaz nakhre shobhte nahin, vaanaprastha mein sirf ek hi kaarya rah jaata hai - baap ki yaad aur seva। iske sivaae aur koi bhi yaad na aaye, utho to bhi yaad aur seva, soo to bhi yaad aur seva - nirantar yeh balance bana rahe। trikaaldarshi bankar bachpan ki baaten va bachpan ke sanskaaron ka samaapti samaaroh manaao, tab kahenge vaanaprasthi।

slogan:- sarva praaptiyon se sampanna aatma ki nishaani hai santushtata, santushta raho aur santushta karo।

avyakt-ishaare:- ekaantapriy bano ekta aur ekaagrata ko apnaao

ekaanta ek to sthool hoti hai, doosri sookshm bhi hoti hai। ekaanta ke aananda ke anubhvi ban jaao to baahyamukhta achhi nahin lagegi। avyakt sthiti ko badhaane ke liye ekaanta mein ruchi rakhni hai। ekta ke saath ekaantapriy banna hai।