Daily Murli for Saturday 22 February 2025

22-02-2025 praatahmurli om shanti "baapdaada"' madhuban

“meethe bachche - tumhein jo baap sunaate hain vahi suno, aasuri baaten mat suno, mat bolo, hear no evil, si no evil…''

prashn:- tum bachchon ko kaun-sa nishchay baap dvaara hi hua hai?

uttar:- baap tumhein nishchay karaate ki main tumhaara baap bhi hoon, teacher bhi hoon, satguru bhi hoon, tum purooshaartha karo is smriti mein rahne ka। parantu maaya tumhein yahi bhulaati hai। agyaan kaal mein to maaya ki baat nahin।

prashn:- kaun-sa chart rakhne mein vishaal buddhi chaahiye?

uttar:- apne ko aatma samajhkar baap ko kitna samay yaad kiya - is chart rakhne mein badi vishaal buddhi chaahiye। dehi-abhimaani ho baap ko yaad karo tab vikarma vinaash hon।

om shanti। student ne yeh samjha ki teacher aaye hue hain। yeh to bachche jaante hain woh baap bhi hai, shikshak bhi hai aur supreme satguru bhi hai। bachchon ko smriti mein hai parantu nambarvaar purooshaartha anusaar। kaayda kehta hai - jab ek baar jaan gaye ki teacher hai athva yeh baap hai, guru hai to phir bhool nahin sakte। parantu yahaan maaya bhula deti hai। agyaan kaal mein maaya kabhi bhulaati nahin। bachcha kabhi bhool nahin sakta ki yeh hamaara baap hai, unka yeh occupation hai। bachche ko khushi rehti hai, ham baap ke dhan ka maalik hoon। bhal khud bhi padhte hain parantu baap ki property to milti hai na। yahaan tum bachche bhi padhte ho aur baap ki tumhein property bhi milti hai। tum raajayog seekh rahe ho। baap dvaara nishchay ho jaata hai - ham baap ka hoon, baap hi sadgati ka raasta bata rahe hain isliye woh satguru bhi hai। yeh baaten bhoolni nahin chaahiye। jo baap sunaate hain vahi sunna hai। yeh jo bandaron ka khilauna dikhaate hain - hear no evil, si no evil… yeh hai manushya ki baat। baap kehte hain aasuri baaten mat bolo, mat suno, mat dekho। hear no evil....... yeh pahle bandaron ka banaate the। abhi to manushya ka banaate hain। tumhaare paas nalini ka banaaya hua hai। to tum baap ke glaani ki baaten mat suno। baap kehte hain meri kitni glaani karte hain। tumko maaloom hai - shreekrishna ke bhakta ke aage dhoop jagaate hain to raam ke bhakta naak band kar lete hain। ek-do ki khushbu bhi achhi nahin lagti। aapas mein jaise dushman ho jaate hain। ab tum ho raam vanshi। duniya hai saari raavan-vanshi। yahaan dhoop ki to baat nahin hai। tum jaante ho baap ko sarvavyaapi kahne se kya gati hui hai! thikkar bhittar mein kahne se thikkar buddhi ho gai hai। to behad ka baap jo tumko varsa dete hain, unki kitni glaani karte hain। gyaan to koi mein hai nahin। woh gyaan ratna nahin, parantu patthar hain। abhi tumhein baap ko yaad karna pade। baap kehte hain main jo hoon, jaisa hoon, yathaartha reeti mujhe koi nahin jaante। bachchon mein bhi nambarvaar hain। baap ko yathaartha reeti yaad karna hai। woh bhi itni chhoti bindi hai, unmein yeh saara part bhara hua hai। baap ko yathaartha reeti jaankar yaad karna hai, apne ko aatma samajhna hai। bhal ham bachche hain parantu aise nahin ki baap ki aatma badi, hamaari chhoti hai। nahin, bhal baap knowledgeful hai parantu aatma koi badi nahin ho sakti। tumhaari aatma mein bhi knowledge rehti hai parantu nambarvaar। school mein bhi nambarvaar paas hote hain na। zero mark koi ki nahin hoti। kuchh na kuchh marks le lete hain। baap kehte hain main jo tumko yeh gyaan sunaata hoon, yeh praayah lop ho jaata hai। phir bhi chitra hain, shaastra bhi banaaye hue hain। baap tum aatmaon ko kehte hain hear no evil....... is aasuri duniya ko kya dekhna hai। is chhi-chhi duniya se aankhen banda kar leni hain। ab aatma ko smriti aai hai, yeh hai puraani duniya। inse kya connection rakhna hai। aatma ko smriti aai hai ki is duniya ko dekhte bhi nahin dekhna hai। apne shantidham aur sukhdhaam ko yaad karna hai। aatma ko gyaan ka teesra netra mila hai to yeh simran karna hai। bhakti maarga mein bhi savere uthkar maala pherte hain। savere ka muhoorta achha samajhte hain। braahmanon ka muhoorta hai। brahma bhojan ki bhi mahima hai। brahm bhojan nahin, brahma bhojan। tumko bhi brahmaakumaari ke badle brahmakumaari kah dete hain, samajhte nahin hain। brahma ke bachche to brahmaakumaar-kumaariyaan honge na। brahm to tatva hai, rahne ka thikaana hai, unki kya mahima hogi। baap bachchon ko ulhana dete hain - bachche, tum ek taraph to pooja karte ho, doosri taraph phir sabki glaani karte ho। glaani karte-karte tamopradhaan ban pade ho। tamopradhaan bhi banna hi hai, chakra repeat hoga। jab koi bade aadmi aate hain to unko chakra par zaroor samjhaana hai। yeh chakra 5 hazaar varsha ka hi hai, inke oopar bahut attention dena hai। raat ke baad din zaroor hona hi hai। yeh ho nahin sakta ki raat ke baad din na ho। kaliyug ke baad satayug zaroor aana hai। yeh world ki history-geography repeat hoti hai।

to baap samjhaate hain - meethe-meethe bachchon, apne ko aatma samjho, aatma hi sab kuchh karti hai, part bajaati hai। yeh kisko bhi pata nahin hai ki agar ham paartadhaari hain to naatak ke aadi-madhya-ant ko zaroor jaanna chaahiye। world ki history-geography repeat hoti hai to drama hi thahra na। second by second vahi repeat hoga jo past ho gaya hai। yeh baaten aur koi samajh na sake। kam buddhi vaale hamesha naapaas hi hote hain phir teacher bhi kya kar sakte! teacher ko kya kahenge ki kripa va aasheervaad karo। yeh bhi padhaai hai। is geeta paathshaala mein svayan bhagwan raajayog sikhlaate hain। kaliyug ko badalkar satayug zaroor banna hai। drama anusaar baap ko bhi aana hai। baap kehte hain ham kalpa-kalpa sangamayuge aata hoon, aur koi thode hi kah sakte ki ham srishti ke aadi-madhya-ant ka gyaan sunaane aaya hoon। apne ko shivoham kehte hain, usse kya hua। shivbaaba to aate hi hain padhaane liye, sahaj raajayog sikhaane liye। koi bhi saadhu-santa aadi ko shiv bhagwan nahin kaha ja sakta। aise to bahut kehte hain - ham krishna hain, ham lakshmi-naaraayan hain। ab kahaan woh shreekrishna satayug ka prince, kahaan yeh kaliyugi patit। aise thode hi kahenge inmen bhagwan hai। tum mandiron mein jaakar poochh sakte ho - yeh to satayug mein raajya karte the phir kahaan gaye? satayug ke baad zaroor treta, dvaapar, kaliyug hua। satayug mein sooryavanshi raajya tha, treta mein chandravanshi....... yeh sab knowledge tum bachchon ki buddhi mein hai। itne brahmaakumaar-kumaariyaan hain, zaroor prajaapita bhi hoga। phir brahma dvaara manushya srishti rachte hain। creator brahma ko nahin kaha jaata। woh phir god father hai। kaise rachte hain, woh to baap sammukh hi baith samjhaate hain, yeh shaastra to baad mein bane hain। jaise Christ ne samjhaaya, unka Bible ban gaya। baad mein baith gaayan karte hain। sarva ka sadgati daata, sarva ka liberator, patit-paavan ek baap gaaya hua hai, unko yaad karte hain ki he god father raham karo। father ek hota hai। yeh hai saare world ka father। manushyon ko pata nahin hai ki sarva duhkhon se liberate karne vaala kaun hai? abhi srishti bhi puraani, manushya bhi puraane tamopradhaan hain। yeh hai hi iron aged world। golden ej tha na, phir hoga zaroor। yeh vinaash ho jaayega, world vaar hogi, anek kudarti aapdaayen bhi hoti hain। samay to yahi hai। manushya srishti kitni vriddhi ko paai hui hai।

tum to kehte rehte ho - bhagwan aaya hua hai। tum bachche sabhi ko challenge dete ho ki brahma dvaara ek aadi sanaatan devi-devta dharma ki sthaapna ho rahi hai। drama anusaar sab sunte rehte hain। daiveegun bhi dhaaran karte hain। tum jaante ho hamaare mein koi gun nahin tha। number one avgun hai - kaam vikaar ka, jo kitna hairaan karta hai। maaya ki kushti chalti hai। na chaahte bhi maaya ka toofaan gira deta hai। iron ej to hai na। kaala munh kar dete hain। saanvara munh nahin kahenge। shreekrishna ke liye dikhaate hain sarpa ne dasa to saanvara ho gaya। ijjat rakhne ke liye saanvara kah diya hai। kaala munh dikhaane se ijzat chali jaae। to doordesh, niraakaar desh se musaaphir aate hain। iron aged duniya, kaale shareer mein aakar inko bhi gora banaate hain। ab baap kehte hain tumko phir satopradhaan banna hai। mujhe yaad karo to vikarma vinaash honge aur tum vishnupuri ke maalik ban jaayenge। yeh gyaan ki baaten samajhne ki hain। baba roop bhi hai to basanta bhi hai। tejomay bindi roop hai। unmein gyaan bhi hai। naam-roop se nyaara to hai nahin। unka roop kya hai, yeh duniya nahin jaanti। baap tumko samjhaate hain, mujhe bhi aatma kehte hain sirf supreme aatma। param aatma so milkar ho jaata paramatma। baap bhi hai, teacher bhi hai। kehte bhi hain knowledgeful। woh samajhte hain knowledgeful arthaat sabke dilon ko jaanne vaala hai। agar paramatma sarvavyaapi hai to phir sab knowledgeful ho gaye। phir us ek ko kyon kehte? manushyon ki kitni tuchchha buddhi hai। gyaan ki baaton ko bilkul nahin samajhte। baap gyaan aur bhakti ka contrast baith bataate hain - pahle hai gyaan din satayug-treta, phir hai dvaapar-kaliyug raat। gyaan se sadgati hoti hai। yeh raajayog ka gyaan hathayogi samjha na saken। na grihasthi samjha sakenge kyonki apvitra hain। ab raajayog kaun sikhlaave? jo kehte hain maamekam yaad karo to vikarma vinaash hon। nivritti maarga ka dharma hi alag hai, woh pravritti maarga ka gyaan kaise sunaayenge। yahaan sab kehte hain - god father is truth। baap hi sach sunaane vaala hai। aatma ko baba ki smriti aai hai isliye ham baap ko yaad karte hain ki aakar sachchi-sachchi katha sunaao nar se naaraayan banne ki। yeh tumko satya naaraayan ki katha sunaata hoon na। aage tum jhoothi kathaayen sunte the। abhi tum sachchi sunte ho। jhoothi kathaayen sunte-sunte koi naaraayan to ban nahin sakta phir woh satya naaraayan ki katha kaise ho sakti? manushya kisko nar se naaraayan bana na saken। baap hi aakar svarga ka maalik banaate hain। baap aate bhi bhaarat mein hain। parantu kab aate hain, yeh samajhte nahin hain। shiv-shankar ko milaakar kahaaniyaan bana di hain। shiv puraan bhi hai। geeta kehte hain shreekrishna ki, phir to shiv puraan bada ho gaya। vaastav mein knowledge to geeta mein hai। bhagvaanuvaach - manamnaabhav। yeh akshar geeta ke sivaae doosre koi shaastron mein ho nahin sakte। gaaya bhi jaata hai sarvashaastramai shiromni geeta। shreshtha mat hai hi bhagwan ki। pahle-pahle yeh bataana chaahiye ki ham kehte hain thode varsha ke andar nai shreshthaachaari duniya sthaapan ho jaayegi। abhi hai bhrashtaachaari duniya। shreshthaachaari duniya mein kitne thode manushya honge। abhi to kitne dher manushya hain। uske liye vinaash saamne khada hai। baap raajayog sikhla rahe hain। varsa baap se milta hai। maangate bhi baap se hain। koi ko dhan jaasti hoga, bachcha hoga, kahenge bhagwan ne diya। to bhagwan ek hua na phir sabmen bhagwan kaise ho sakta? ab aatmaon ko baap kehte hain mujhe yaad karo। aatma kehti hai hamko paramatma ne gyaan diya hai jo phir ham bhaaeeyon ko dete hain। apne ko aatma samajhkar baap ko kitna samay yaad kiya, is chart rakhne mein badi vishaalbuddhi chaahiye। dehi-abhimaani ho baap ko yaad karna pade tab vikarma vinaash hon। knowledge to badi sahaj hai, baaki aatma samajh baap ko yaad karte apni unnati karni hai। yeh chart koi birle rakhte hain। dehi-abhimaani ho baap ki yaad mein rahne se kabhi kisko duhkh nahin denge। baap aate hi hain sukh dene to bachchon ko bhi sabko sukh dena hai। kabhi kisko duhkh nahin dena hai। baap ki yaad se sab bhoot bhaagenge, badi gupta mehnat hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is aasuri chhi-chhi duniya se apni aankhen banda kar leni hai। yeh puraani duniya hai, isse koi connection nahin rakhna hai, ise dekhte hue bhi nahin dekhna hai।

2) is behad drama mein ham paartadhaari hain, yeh second baay second repeat hota rehta hai, jo past hua woh phir repeat hoga... yeh smriti mein rakh har baat mein paas hona hai। vishaalbuddhi banna hai।

vardaan:- reality dvaara royalty ka pratyaksha roop dikhaane vaale saakshaatkaar moorta bhav

abhi aisa samay aayega jab har aatma pratyaksha roop mein apne reality dvaara royalty ka saakshaatkaar karaayegi। pratyakshata ke samay maala ke manke ka number aur bhavishya raajya ka swaroop donon hi pratyaksha honge। abhi jo race karte-karte thoda sa rees ki dhool ka parda chamakte hue heeron ko chhipa deta hai, ant mein yeh parda hat jaayega phir chhipe hue heere apne pratyaksha sampanna swaroop mein aayenge, royal family abhi se apni royalty dikhaayegi arthaat apne bhavishya pad ko spashta karegi isliye reality dvaara royalty ka saakshaatkaar karaao।

slogan:- kisi bhi vidhi se vyartha ko samaapta kar samartha ko emerge karo।

avyakt ishaare:- ekaantapriy bano ekta aur ekaagrata ko apnaao

svayan ka kalyaan karne ke liye va svayan ka parivartan karne ke liye vishesh ekaantavaasi, antarmukhi bano। knowledgeful ho lekin powerful bano। har baat ke anubhav mein svayan ko sampanna banaao। kiska bachcha hoon? kya praapti hai? is pahle paath ke anubhvi-moorta bano, ekta aur ekaagrata ko apnaao to sahaj hi maayaajeet ho jaayenge।