Daily Murli for Sunday 9 March 2025

09-03-25 praatahmurli om shanti ''avyakt-baapdaada'' revise 20-03-04 madhuban

“is varsha ko vishesh jeevanmukta varsha ke roop mein manaao, ekta aur ekaagrata se baap ki pratyakshata karo''

aaj sneh ke saagar chaaron or ke snehi bachchon ko dekh rahe hain। baap ka bhi bachchon se dil ka avinaashi sneh hai aur bachchon ka bhi dilaaraam baap se dil ka sneh hai। yeh parmaatma sneh, dil ka sneh sirf baap aur brahman bachche hi jaante hain। parmaatma sneh ke paatra sirf aap brahman aatmaayen ho। bhakta aatmaayen parmaatma pyaar ke liye pyaasi hain, pukaarti hain। aap bhaagyavaan brahman aatmaayen us pyaar ki praapti ke paatra ho। baapdaada jaante hain ki bachchon ka vishesh pyaar kyon hain, kyonki is samay hi sarva khajaanon ke maalik dvaara sarva khajaane praapta hote hain। jo khajaane sirf ab ka ek janma nahin chalte lekin anek janmon tak yeh avinaashi khajaane aapke saath chalte hain। aap sabhi brahman aatmaayen duniya ke muaaphik haath khaali nahin jaayenge, sarva khajaane saath rahenge। to aise avinaashi khajaanon ki praapti ka nasha rehta hai na! aur sabhi bachchon ne avinaashi khajaane jama kiye hain na! jama ka nasha, jama ki khushi bhi sada rehti hai। har ek ke chehre par khajaanon ke jama ki jhalak nazar aati hai। jaante ho na - kaun se khajaane baap dvaara praapta hain? kabhi apne jama ka khaata check karte ho? baap to sabhi bachchon ko har ek khajaana akhut dete hain। kisko thoda, kisko jyaada nahin dete hain। har ek bachcha akhut, akhanda, avinaashi khajaanon ke maalik hain। baalak banna arthaat khajaanon ka maalik banna। to emerge karo kitne khajaane baapdaada ne diye hain।

sabse pahla khajaana hai - gyaan dhan, to sabhi ko gyaan dhan mila hai? mila hai ya milna hai? achha - jama bhi hai? ya thoda jama hai thoda chala gaya hai? gyaan dhan arthaat samajhdaar ban, trikaaldarshi ban karma karna। knowledgeful banna। full knowledge aur teenon kaalon ki knowledge ko samajh gyaan dhan ko kaarya mein lagaana। is gyaan ke khajaane se pratyaksha jeevan mein, har kaarya mein use karne se vidhi se siddhi milti hai - jo kai bandhanon se mukti aur jeevanmukti milti hai। anubhav karte ho? aise nahin ki satayug mein jeevanmukti milegi, abhi bhi is sangam ke jeevan mein bhi anek had ke bandhanon se mukti mil jaati hai। jeevan, bandhan mukta ban jaati hai। jaante ho na, kitne bandhanon se free ho gaye ho! kitne prakaar ke haay-haay se mukta ho gaye ho! aur sada haay-haay khatma, vaah! vaah! ke geet gaate rehte ho। agar koi bhi baat mein jara bhi mukh se nahin lekin sankalp maatra bhi, svapna maatra bhi haay… man mein aati hai to jeevan-mukta nahin। vaah! vaah! vaah! aise hai? maataayen, haay-haay to nahin karti? nahin? kabhi-kabhi karti hain? paandav karte hain? mukh se bhale nahin karo lekin man mein sankalp maatra bhi agar kisi bhi baat mein haay hai to fly nahin। haay arthaat bandhan aur fly, udti kala arthaat jeevan-mukta, bandhan-mukta। to check karo kyonki brahman aatmaayen jab tak svayan bandhan mukta nahin hue hain, koi bhi sone ki, heere ki royal bandhan ki rassi bandhi hui hai to sarva aatmaon ke liye mukti ka get khul nahin sakta। aapke bandhanmukta banne se sarva aatmaon ke liye mukti ka get khulega। to get kholne ki va sarva aatmaon ke duhkh, ashaanti se mukta hone ki jimmevaari aapke oopar hai।

to check karo - apni jimmevaari kahaan tak nibhaai hai? aap sabne baapdaada ke saath vishwa parivartan ka kaarya karne ka theka uthaaya hai। thekedaar ho, jimmevaar ho। agar baap chaahe to sab kuchh kar sakta hai lekin baap ka bachchon se pyaar hai, akela nahin karne chaahte, aap sarva bachchon ko avatrit hote hi saath mein avatrit kiya hai। shivraatri manaai thi na! to kiski manaai? sirf baapdaada ki? aap sabki bhi to manaai na! baap ke aadi se ant tak ke saathi ho। yeh nasha hai - aadi se ant tak saathi hain? bhagwan ke saathi ho।

to baapdaada abhi is varsha ki season ke ant ke part bajaane mein yahi sab bachchon se chaahte hain, bataayen kya chaahte hain? karna padega। sirf sunna nahin padega, karna hi hoga। theek hai teachers? teachers haath uthaao। teachers pankhen bhi hila rahi hain, garmi lagti hai। achha, sabhi teachers karengi aur karaayengi? karaayengi, karengi? achha। hava bhi lag rahi hai, haath bhi hila rahe hain। scene achhi lagti hai। bahut achha। to baapdaada is season ke samaapti samaaroh mein ek naye prakaar ki deepmaala manaane chaahte hain। samjha! naye prakaar ki deepmaala manaane chaahte hain। to aap sabhi deepmaala manaane ke liye taiyaar hain? jo taiyaar hain woh haath uthaao। aise hi haan nahin karna। baapdaada ko khush karne ke liye haath nahin uthaana, dil se uthaana। achha। baapdaada apne dil ki aashaaon ko sampanna karne ke deep jage hue dekhne chaahte hain। to baapdaada ke aashaaon ke deepkon ki deepmaala manaane chaahte hain। samjha, kaun si deepaavli? spashta hua?

to baapdaada ke aashaaon ke deepak kya hain? agle varsha se lekar, yeh varsha bhi season ka poora ho gaya। baapdaada ne kaha tha - aap sabne bhi sankalp kiya tha, yaad hai? koi ne woh sankalp sirf sankalp tak poora kiya hai, koi ne sankalp ko aadha poora kiya hai aur koi sochte hain lekin soch, sochne tak hai। woh sankalp kya? koi nai baat nahin hai, puraani baat hai - sva-parivartan se sarva parivartan। vishwa ki to baat chhodo lekin baapdaada sva-parivartan se brahman parivaar parivartan, yeh dekhne chaahte hain। abhi yeh nahin sunne chaahte ki aise ho to yeh ho। yeh badle to main badloon, yeh kare to main karoon... ismen vishesh har ek bachche ko brahma baap vishesh kah raha hai ki mere samaan he arjun bano। ismen pahle main, pahle yeh nahin, pahle main। yeh “main'' kalyaankaari main hai। baaki had ki main, main neeche giraane vaali hai। ismen jo kahaavat hai - jo ote so arjun, to arjun arthaat number one। nambarvaar nahin, number one। to aap number do banne chaahte ho ya number one banne chaahte ho? kai kaarya mein baapdaada ne dekha hai - hansi ki baat, parivaar ki baat sunaate hain। parivaar baitha hai na! koi aise kaam hote hain to baapdaada ke paas samaachaar aate hain, to kai kaarya aise hote hain, kai programmes aise hote hain jo vishesh aatmaon ke nimitta hote hain। to baapdaada ke paas daadiyon ke paas samaachaar aate hain, kyonki saakaar mein to daadiyaan hain। baapdaada ke paas to sankalp pahunchte hain। to kya sankalp pahunchta hai? mera bhi naam ismen hona chaahiye, main kya kam hoon! mera naam kyon nahin! to baap kehte hain - he arjun mein aapka naam kyon nahin! hona chaahiye na! ya nahin hona chaahiye? hona chaahiye? saamne mahaarthi baithe hain, hona chaahiye na! hona chaahiye? to brahma baap ne jo karke dikhaaya, kisko dekha nahin, yeh nahin karte, woh nahin karte, nahin। pahle main। is main mein jo pahle sunaaya tha anek prakaar ke royal roop ke main, sunaaya tha na! woh sab samaapta ho jaate hain। to baapdaada ki aashaayen is season ke samaapti ki yahi hain ki har ek bachcha jo brahmaakumaar, brahmaakumaari kahlaate hain, maante hain, jaante hain, woh har ek brahman aatma jo bhi sankalp roop mein bhi had ke bandhan hain, us bandhanon se mukta ho। brahma baap samaan bandhanmukta, jeevanmukta। brahman jeevan mukta, saadhaaran jeevan mukta nahin, brahman shreshtha jeevanmukta ka yeh vishesh varsha manaayen। har ek aatma jitna apne sookshm bandhanon ko jaante hain, utna aur nahin jaan sakta hai। baapdaada to jaante hain kyonki baapdaada ke paas to T.vi. hai, man ki T.vi., body ki nahin, man ki T.vi. hai। to kya abhi jo phir se season hogi, season to hogi na ya chhutti karen? ek varsha chhutti karen? nahin? ek saal to chhutti honi chaahiye? nahin honi chaahiye? paandav ek saal chhutti karen? (daadi ji kah rahi hain, maas mein 15 din ki chhutti) achha। bahut achha, sabhi kehte hain, jo kehte hain chhutti nahin karni hai woh haath uthaao। nahin karni hai? achha। oopar ki gallery vaale haath nahin hila rahe hain। (saari sabha ne haath hilaaya) bahut achha। baap to sada bachchon ko haan ji, haan ji karte hain, theek hai। abhi baap ko bachche kab haan ji karenge! baap se to haan ji kara li, to baap kehte hain, baap bhi abhi ek sharta daalte hain, sharta manjoor hogi? sabhi haan ji to karo। pakka? thoda bhi aanaakaani nahin karenge? abhi sabki shaklen T.vi. mein nikaalo। achha hai। baap ko bhi khushi hoti hai ki sabhi bachche haan ji, haan ji karne vaale hain।

to baapdaada yahi chaahte hain ki koi kaaran nahin bataaye, yeh kaaran hai, yeh kaaran hai, isliye yeh bandhan hai! samasya nahin, samaadhaan swaroop banna hai aur saathiyon ko bhi banaana hai kyonki samay ki haalat ko dekh rahe ho। bhrashtaachaar ka bol kitna badh raha hai। bhrashtaachaar, atyaachaar ati mein ja raha hai। to shreshthaachaar ka jhanda pahle har brahman aatma ke man mein lahraaye, tab vishwa mein lahrega। kitni shivraatri mana li! har shivraatri par yahi sankalp karte ho ki vishwa mein baap ka jhanda lahraana hai। vishwa mein yeh pratyakshata ka jhanda lahraane ke pahle har ek brahman ko apne man mein sada diltakhta par baap ka jhanda lahraana hoga। is jhande ko lahraane ke liye sirf do shabd har karma mein laana padega। karma mein laana, sankalp mein nahin, dimaag mein nahin। dil mein, karma mein, sambandh mein, samparka mein laana hoga। mushkil shabd nahin hai common shabd hai। woh hai-ek sarva sambandh, samparka mein aapas mein ekta। anek sanskaar hote, anekta mein ekta। aur doosra - jo bhi shreshtha sankalp karte ho, baapdaada ko bahut achha lagta hai, jab aap sankalp karte ho na, to baapdaada woh sankalp dekhkar, sunkar bahut khush hote hain, vaah! vaah! bachche vaah! vaah! shreshtha sankalp vaah! lekin, lekin... aa jaata hai। aana nahin chaahiye lekin aa jaata hai। sankalp majority, majority arthaat 90 percent, kai bachchon ke bahut achhe-achhe hote hain। baapdaada samajhte hain aaj is bachche ka sankalp bahut achha hai, progress ho jaayegi lekin bol mein thoda aadha kam ho jaata, karma mein phir pauna kam ho jaata, mix ho jaata hai। kaaran kya? sankalp mein ekaagrata, dridhta nahin। agar sankalp mein ekaagrata hoti to ekaagrata saphalta ka saadhan hai। dridhta saphalta ka saadhan hai। usmein pharka pad jaata hai। kaaran kya? ek hi baat baapdaada dekhte hain result mein, doosre ke taraph jyaada dekhte hain। aap log bataate ho na, (baapdaada ne ek anguli aage karke dikhaai) aise karte hain, to ek anguli doosre taraph, chaar apne taraph hain। to chaar ko nahin dekhte, ek ko bahut dekhte hain iseelie dridhta aur ekaagrata, ekta hil jaati hai। yeh kare, to main karoon, ismen ote arjun ban jaate, usmein dooja number ban jaate hain। nahin to slogan apna badli karo। sva parivartan se vishwa parivartan ke bajaae karo - vishwa parivartan se sva parivartan। dooze parivartan se sva parivartan। badli karen? badli karen? nahin karen? to phir baapdaada bhi ek sharta daalta hai, manjoor hai, bataayen? baapdaada 6 maas mein result dekhenge, phir aayenge, nahin to nahin aayenge। jab baap ne haan ji kiya, to bachchon ko bhi haan ji karna chaahiye na! kuchh bhi ho jaae, baapdaada to kehta hai, sva parivartan ke liye is had ke main pan se marna padega, main pan se marna, shareer se nahin marna। shareer se nahin marna, main pan se marna hai। main right hoon, main yeh hoon, main kya kam hoon, main bhi sab kuchh hoon, is main pan se marna hai। to marna bhi pade to yeh mrityu bahut meetha mrityu hai। yeh marna nahin hai, 21 janma raajya bhaagya mein jeena hai। to manjoor hai? manjoor hai teachers? double foreigners? double foreigners jo sankalp karte hain na, woh karne mein himmat rakhte hain, yeh visheshta hai। aur bhaaratvaasi triple himmat vaale hain, woh double to woh triple। to baapdaada yahi dekhne chaahte hain। samjha! yahi baapdaada ki shreshtha aashaaon ka deepak, har bachche ke andar jaga hua dekhne chaahte hain। abhi is baari yeh deevaali manaao। chaahe 6 maas ke baad manaao। phir jab baapdaada deepaavli ka samaaroh dekhenge phir apna programme denge। karna to hai hi। aap nahin karenge to aur peechhe vaale karenge kya! maala to aapki hai na! 16108 mein to aap puraane hi aane hain na। naye to peechhe-peechhe aayenge। haan koi-koi last so fast aayenge। koi-koi misaal honge jo last so fast jaayenge, first aayenge। lekin thode। baaki to aap hi hain, aap hi har kalpa bane ho, aap hi banne hain। chaahe kahaan bhi baithe hain, videsh mein baithe hain, desh mein baithe hain lekin jo aap pakke nishchay buddhi bahutkaal ke hain, woh adhikaari hain hi hain। baapdaada ka pyaar hai na, to jo bahutkaal vaale achhe purushaarthi, sampoorn purushaarthi nahin, lekin achhe purushaarthi rahe hain unko baapdaada chhod ke jaayega nahin, saath hi le chalega। iseelie pakka, nishchay karo ham hi the, ham hi hain, ham hi saath rahenge। theek hai na! pakka hai na? bas sirf shubh chintak, shubh chintan, shubh bhaavna, parivartan ki bhaavna, sahayog dene ki bhaavna, raham dil ki bhaavna emerge karo। abhi merge karke rakhi hai। emerge karo। shiksha bahut nahin do, kshama karo। ek do ko shiksha dene mein sab hoshiyaar hain lekin kshama ke saath shiksha do। murli sunaane, course karaane ya jo bhi aap programmes chalaate ho, usmein bhale shiksha do, lekin aapas mein jab kaarobaar mein aate ho to kshama ke saath shiksha do। sirf shiksha nahin do, merciful banke shiksha do to aapka raham aisa kaam karega jo doosre ki kamjori ki kshama ho jaayegi। samjha। achha।

abhi ek second mein man ke maalik ban man ko jitna samay chaahe utna samay ekaagra kar sakte ho? kar sakte ho? to abhi yeh roohaani exercise karo। bilkul man ki ekaagrata ho। sankalp mein bhi halchal nahin। achal। achha!

chaaron or ke sarva avinaashi akhanda khajaanon ke maalik, sada sangamayugi shreshtha bandhanmukta, jeevanmukta sthiti par sthit rahne vaale, sada baapdaada ki aashaaon ko sampanna karne vaale, sada ekta aur ekaagrata ke shakti sampanna master sarva shaktivaan aatmaon ko baapdaada ka yaadapyaar aur namaste।

chaaron or door baithne vaale bachchon ko, jinhonne yaadapyaar bheji hai, patra bheje hain, unhon ko bhi baapdaada bahut-bahut dil ke pyaar sahit yaadapyaar de rahe hain। saath-saath bahut bachchon ne madhuban ki refreshment ke patra bahut achhe-achhe bheje hain, un bachchon ko bhi vishesh yaadapyaar aur namaste।

vardaan:- beeti ko chintan mein na laakar fullstop lagaane vaale teevra purooshaarthi bhav

abhi tak jo kuchh hua - use fullstop lagaao। beeti ko chintan mein na laana - yahi teevra purooshaartha hai। yadi koi beeti ko chintan karta hai to samay, shakti, sankalp sab vesta ho jaata hai। abhi vesta karne ka samay nahin hai kyonki sangamayug ki do ghadi arthaat do second bhi vesta kiya to anek varsha vesta kar diye isliye samay ke mahatva ko jaan ab beeti ko fullstop lagaao। fullstop lagaana arthaat sarva khajaanon se full banna।

slogan:- jab har sankalp shreshtha hoga tab svayan ka aur vishwa ka kalyaan hoga।

avyakt ishaare - satyata aur sabhyata roopi culture ko apnaao

gyaan ki koi bhi baat authority ke saath, satyata aur sabhyata se bolo, sankoch se nahin। pratyakshata karne ke liye pahle svayan ko pratyaksha karo, nirbhay bano। bhaashan mein shabd kam hon lekin aise shaktishaali hon jismen baap ka parichay aur sneh samaaya hua ho, jo sneh roopi chumbak aatmaon ko paramatma taraph kheenche।