Daily Murli for Tuesday 6 May 2025

06-05-2025 praatahmurli om shanti "baapdaada"' madhuban

“meethe bachche - yaad mein rahne ki mehnat karo to paavan bante jaayenge, abhi baap tumhein padha rahe hain phir saath mein le jaayenge।''

prashn:- kaun-sa paigaam tumhein sabhi ko dena hai?

uttar:- ab ghar chalna hai isliye paavan bano। patit-paavan baap kehte hain mujhe yaad karo to paavan ban jaayenge, yeh paigaam sabhi ko do। baap ne apna parichay tum bachchon ko diya hai, ab tumhaara kartavya hai baap ka show karna। kaha bhi jaata san shows father।

geet:- marna teri gali mein …

om shanti। bachchon ne geet ka arth suna ki baba ham aapki rudra maala mein piro hi jaayenge। yeh geet to bhakti maarga ke bane hue hain, jo bhi duniya mein saamagri hai, jap-tap, pooja-paath yeh sab hai bhakti maarga। bhakti raavan raajya, gyaan raamraajya। gyaan ko kaha jaata hai knowledge, padhaai। bhakti ko padhaai nahin kaha jaata। usmein koi uddeshya nahin ki ham kya banenge, bhakti padhaai nahin hai। raajayog seekhna yeh padhaai hai, padhaai ek jagah school mein padhi jaati hai। bhakti mein to dar-dar dhakke khaate hain। padhaai maana padhaai। to padhaai poori reeti padhni chaahiye। bachche jaante hain ham student hain। bahut hain jo apne ko student nahin samajhte hain, kyonki padhte hi nahin hain। na baap ko baap samajhte hain, na shivbaaba ko sadgati daata samajhte hain। aise bhi hain buddhi mein kuchh bhi baithta hi nahin, raajdhaani sthaapan hoti hai na। usmein sabhi prakaar ke hote hain। baap aaye hi hain patiton ko paavan banaane। baap ko bulaate hain - he patit-paavan aao। ab baap kehte hain paavan bano। baap ko yaad karo। har ek ko paigaam dena hai baap ka। is samay bhaarat hi veshyaalay hai। pahle bhaarat hi shivaalay tha। abhi donon taaz nahin hain। yeh bhi tum bachche hi jaante ho ab patit-paavan baap kehte hain mujhe yaad karo to tum patit se paavan ban jaayenge। yaad mein hi mehnat hai। bahut thode hain jo yaad mein rehte hain। bhakta maala bhi thodon ki hai na। dhanna bhagat, naarad, meera aadi ka naam hai। ismen bhi sab to nahin aakar padhenge। kalpa pahle jinhonne padha hai, vahi aate hain। kehte bhi hain baba ham aapse kalpa pahle bhi mile the, padhne athva yaad ki yaatra seekhne। abhi baap aaye hi hain tum bachchon ko le jaane। samjhaate hain tumhaari aatma patit hai isliye bulaate ho ki aakar paavan banaao। ab baap kehte hain mujhe yaad karo, pavitra bano। baap padhaate hain phir saath mein bhi le jaayenge। bachchon ko andar bahut khushi honi chaahiye। baap padha rahe hain, krishna ko baap nahin kahenge। krishna ko patit-paavan nahin kahenge। yeh kisko bhi pata nahin ki baap kisko kaha jaata hai aur phir woh gyaan kaise dete hain। yeh tum hi jaante ho। baap apna parichay bachchon ko hi dete hain। naye-naye koi se baap nahin mil sakte। baap kahenge san shows father। bachche hi baap ka show karenge। baap ko koi se bhi milne, baat karne ka nahin hai। bhal itna samay baba naye-naye se milte rehte hain, drama mein tha, dher aate the। military vaalon ke liye bhi baba ne samjhaaya hai, unka uddhaar karna hai, unko bhi dhandha to karna hi hai। nahin to dushman vaar kar lenge। sirf baap ko yaad karna hai। geeta mein hai jo yuddha ke maidaan mein shareer chhodenge, woh svarga mein jaayenge। parantu aise to ja na saken। svarga sthaapan karne vaala bhi jab aaye tab hi jaayenge। svarga kya cheez hai, yeh bhi koi nahin jaante hain। abhi tum bachche 5 vikaaron roopi raavan se yuddha karte ho, baap kehte hain ashareeri bhav। apne ko aatma nishchay kar mujhe yaad karo। aur koi aise kah na sake।

sarvashaktimaan ek baap ke sivaae koi ko kah nahin sakte। brahma-vishnu-shankar ko shri nahin kah sakte। almighty ek hi baap hai। world almighty authority, gyaan ka saagar ek baap ko hi kaha jaata hai। yeh jo saadhu-santa aadi hain woh hain shaastron ki authority। bhakti ki bhi authority nahin kahenge। shaastron ki authority hain, unhon ka saara madaar shaastron par hai। samajhte hain bhakti ka phal bhagwan ko dena hai। bhakti kab shuru hui, kab poori honi hai, yeh pata nahin hai। bhakta samajhte hain bhakti se bhagwan raazi hoga। bhagwan se milne ki ichchha rehti hai, parantu woh kiski bhakti se raazi hoga? zaroor unki hi bhakti karenge tab to raazi hoga na। tum shankar ki bhakti karo to baap raazi kaise hoga, kya hanoomaan ki bhakti karenge to baap raazi hoga? deedaar ho jaata hai, baaki milta kuchh nahin hai। baap kehte hain main bhal saakshaatkaar karaata hoon, parantu aise nahin ki mere saath aakar milenge। nahin, tum mere saath milte ho। bhagat bhakti karte hain bhagwan se milne ke liye। kehte hain pata nahin ki bhagwan kis roop mein aakar mile, isliye use kaha jaata hai blind-faith। abhi tum baap se mile ho। jaante ho woh niraakaar baap jab shareer dhaaran kare tab hi apna parichay de ki main tumhaara baap hoon। 5 hazaar varsha pahle bhi tumko raajya-bhaagya diya tha phir tumko 84 janma lene pade। yeh srishti chakra phirta rehta hai। dvaapar ke baad hi doosre dharma aate hain, apna-apna dharma aakar sthaapan karte hain। ismen koi badaai ki baat nahin hai। badaai kiski bhi nahin hai। brahma ki badaai tab hai jab baap aakar pravesh karte hain। nahin to yeh dhandha karta tha, inko bhi thode hi pata tha mere mein bhagwan aayenge। baap ne pravesh kar samjhaaya hai ki kaise mainne inmen pravesh kiya। kaise inko dikhaaya - mera so tumhaara, tumhaara so mera, dekh lo। tum mere madadgaar bante ho - apne tan-man-dhan se to unki evaj mein tumko yeh milega। baap kehte hain - main saadhaaran tan mein pravesh karta hoon, jo apne janmon ko nahin jaante। parantu main kab aata hoon, kaise aata hoon, yeh kisko pata nahin hai। abhi tum dekhte ho saadhaaran tan mein baap aaye hain। in dvaara hamko gyaan aur yog sikhla rahe hain। gyaan to bahut sahaj hai। narka ka phaatak banda ho svarga ka phaatak kaise khulta hai - yeh bhi tum jaante ho। dvaapar mein raavan raajya shuru hota hai arthaat narka ka dvaar khulta hai। nai aur puraani duniya ko aadha-aadha mein rakha jaata hai। to ab baap kehte hain - main tum bachchon ko patit se paavan hone ki yukti bataata hoon। baap ko yaad karo to janma-janmaantar ke paap naash ho jaaen। is janma ke paap bhi bataane hain। yaad to rehte hain na - kya paap kiye hain? kya-kya daan-punya kiya hai? isko apne chhotepan ka pata hai na। shri krishna ka hi naam hai saanvara aur gora, shyaam sundar। unka arth kabhi koi ki buddhi mein nahin aayega। naam shyaam-sundar hai to chitra mein kaala bana diya hai। raghunaath ke mandir mein dekhenge - vahaan bhi kaala, hanoomaan ka mandir dekho, to sabko kaala bana dete hain। yeh hai hi patit duniya। abhi tum bachchon ko ona (phikra) hai ki ham saanvare se sundar banen। uske liye tum baap ki yaad mein rehte ho। baap kehte hain yeh antim janma hai। mujhe yaad karo to paap bhasma honge। jaante hain baap aaye hain le jaane। to zaroor shareer yahaan chhodege। shareer sahit thode hi le jaayenge। patit aatmaayen bhi ja na saken। zaroor baap paavan banne ki yukti bataayenge। to kehte hain mujhe yaad karo to vikarma vinaash hon। bhakti maarga mein hai andhashraddha। shiv kaashi kehte hain phir kehte hain shiv ne ganga laai, bhaageerath se ganga nikli। ab paani maathe se kaise niklega। bhaageerath koi oopar pahaad par baitha hai kya, jiski jataaon se ganga aayegi! paani jo barasta hai, saagar se kheenchate hain, jo saari duniya mein paani jaata hai। nadiyaan to sab taraph hain। pahaadon par barpha jam jaati hai, woh bhi paani aata rehta hai। pahaadon ke andar guphaaon mein jo paani rehta hai, woh phir kuon mein aata rehta hai। woh bhi barsaat ke aadhaar par hai। barsaat na pade to kuen bhi sookh jaate hain।

kehte bhi hain baba hamko paavan banaakar svarga mein le jaao। aash hi svarga, krishnapuri ki hai। vishnupuri ka kisko pata nahin hai। shri krishna ke mureed kahenge - jahaan dekho krishna hi krishna hai। are, jabki paramatma sarvavyaapi hai to kyon nahin kehte jidhar dekho paramatma hi paramatma hai। paramatma ke mureed phir aise kehte yeh sab unke hi roop hain। vahi yeh saari leela kar rahe hain। bhagwan ne roop dhare hain, leela karne ke liye। to zaroor abhi leela karenge na। paramatma ki duniya svarga mein dekho, vahaan gand ki koi baat nahin hoti। yahaan to gand hi gand hai aur phir yahaan kah dete paramatma sarvavyaapi hai। paramatma hi sukh dete hain। bachcha aaya sukh hua, mara to duhkh hoga। are, bhagwan ne tumko cheez di phir li to ismen tumko rone ki kya darkaar hai! satayug mein yeh rone aadi ka duhkh hota nahin। mohjeet raaja ka drishtaanta dikhaaya hai। yeh sab hain jhoothe drishtaanta। unmein koi saar nahin hai। satayug mein rishi-muni hote nahin। aur yahaan bhi aisi baat ho nahin sakti। aisa koi mohjeet raaja ho nahin sakta। bhagvaanuvaach - yaadav, kaurav, paandav kya karat bhaye? tumhaara baap se yog hai। baap kehte hain main tum bachchon dvaara bhaarat ko svarga banaata hoon। ab jo pavitra bante hain woh pavitra duniya ke maalik banenge। koi bhi mile unko yeh bolo bhagwan kehte hain maamekam yaad karo। mere se preet lagaao aur koi ko yaad na karo। yeh hai avyabhichaari yaad। yahaan koi jal aadi nahin chadhaana hai। bhakti maarga mein yeh dhandha aadi karte, yaad karte the na। guru log bhi kehte hain, mujhe yaad karo, apne pati ko yaad nahin karo। tum bachchon ko kitni baaten samjhaate hain। mool baat hai ki sabhi ko paigaam do - baba kehte hain maamekam yaad karo। baba maana hi bhagwan। bhagwan to niraakaar hai। shri krishna ko sab bhagwan nahin kahenge। krishna to bachcha hai। shivbaaba ismen na hota to tum hote kya? shivbaaba ne in dvaara tumko adopt kiya, apna banaaya hai। yeh maata bhi hai, pita bhi hai। maata to saakaar mein chaahiye na। woh to hai hi pita। to aisi-aisi baaten achhi reeti dhaaran karo।

tum bachchon ko kabhi bhi kisi baat mein moonjhana nahin hai। padhaai ko kabhi nahin chhodna। kai bachche sangadosh mein aakar roothkar apni paathshaala khol dete hain। agar aapas mein lad-jhagadkar jaae apni paathshaala kholi to moorkhapna hai, roothte hain to paathshaala kholne ke laayak hi nahin hain। woh deh-abhimaan tumhaara chalega hi nahin kyonki buddhi mein to dushmani hai to woh yaad aayegi। kuchh bhi kisko samjha nahin sakenge। aise bhi hota hai, jisko gyaan dete hain woh teekhe chale jaate hain, khud gir padte hain। khud bhi samajhte hain mere se unki avastha achhi hai। padhne vaala raaja ban jaae aur padhaane vaala daas-daasi ban jaate hain, aise-aise bhi hain। purushaartha kar baap ke gale ka haar banna hai। baba jeete ji main aapka bana hoon। baap ki yaad se hi beda paar hona hai। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kabhi kisi baat mein moonjhana nahin hai। aapas mein roothkar padhaai nahin chhodni hai। dushmani banaana bhi deh abhimaan hai। sangadosh se apni bahut-bahut sambhaal karni hai। paavan banna hai, apni chalan se baap ka show karna hai।

2) preet buddhi ban ek baap ki avyabhichaari yaad mein rehna hai। tan-man-dhan se baap ke kaarya mein madadgaar banna hai।

vardaan:- nyaare aur pyaare banne ka raaz jaankar raazi rahne vaale raazayukta bhav

jo bachche pravritti mein rehte nyaare aur pyaare banne ka raaz jaante hain woh sada svayan bhi svayan se raazi rehte hain, pravritti ko bhi raazi rakhte hain। saath-saath sachchi dil hone ke kaaran saaheb bhi sadaiv un par raazi rehta hai। aise raazi rahne vaale raajayukta bachchon ko apne prati va anya kisi ke prati kisi ko qaazi banaane ki jaroorat nahin rehti kyonki woh apna phainsala apne aap kar lete hain isliye unhein kisi ko kaazi, vakeel ya judge banaane ki jaroorat hi nahin।

slogan:- seva se jo duaayen milti hain - woh duaayen hi tandaroosti ka aadhaar hain।

avyakt ishaare - roohaani royalty aur purity ki personality dhaaran karo

jaise sthool shareer mein vishesh shvaans chalna aavashyak hai। shvaans nahin to jeevan nahin, aise brahman jeevan ka shvaans hai pavitrata। 21 janmon ki praalabdha ka aadhaar pavitrata hai। aatma aur paramatma ke milan ka aadhaar pavitra buddhi hai। sangamayugi praaptiyon ka aadhaar aur bhavishya mein poojya-pad paane ka aadhaar pavitrata hai isliye pavitrata ki personality ko vardaan roop mein dhaaran karo।