Daily Murli for Monday 11 August 2025

11-08-2025 praatahmurli om shanti "baapdaada"' madhuban

“meethe bachche - tumhein padhaai se apni karmaateet avastha banaani hai, saath-saath patit se paavan banaane ka raasta bhi bataana hai, roohaani service karni hai''

prashn:- kaun-sa mantra yaad rakho to paap karmon se bach jaayenge?

uttar:- baap ne mantra diya hai - hear no evil, si no evil… yahi mantra yaad rakho। tumhein apni karmendriyon se koi paap nahin karna hai। kaliyug mein sabse paap karma hi hote hain isliye baba yeh yukti bataate hain, pavitrata ka gun dhaaran karo - yahi number one gun hai।

om shanti। bachche kiske saamne baithe hain। buddhi mein zaroor chalta hoga ki ham patit-paavan sarva ke sadgati daata, apne behad ke baap ke saamne baithe hain। bhal brahma ke tan mein hain to bhi yaad unko karna hai। manushya koi sarva ki sadgati nahin kar sakte। manushya ko patit-paavan nahin kaha jaata। bachchon ko apne ko aatma samajhna pade। ham sab aatmaon ka baap woh hai। woh baap hamko svarga ka maalik bana rahe hain। yeh bachchon ko jaanna chaahiye aur phir khushi bhi honi chaahiye। yeh bhi bachche jaante hain ham narkavaasi se svargavaasi ban rahe hain। bahut sahaj raasta mil raha hai। sirf yaad karna hai aur apne mein daiveegun dhaaran karne hain। apni jaanch rakhni hai। naarad ka misaal bhi hai। yeh sab drishtaanta, gyaan ke saagar baap ne hi diye hain। jo bhi sanyaasi aadi drishtaanta dete hain, woh sab baap ke diye hue hain। bhakti maarga mein sirf gaate rehte hain। kachhue ka, sarpa ka, bhramri ka drishtaanta denge। parantu khud kuchh bhi nahin kar sakte। baap ke diye hue drishtaanta bhaktimaarga mein phir repeat karte hain। bhakti maarga hai hi past ka। is samay jo practical hota hai uska phir gaayan hota hai। bhal devtaaon ka janma din athva bhagwan ka janma din manaate hain parantu jaante kuchh bhi nahin hain। abhi tum samajhte jaate ho। baap se shiksha lekar patit se paavan bhi bante ho aur patiton ko paavan banne ka raasta bhi bataate ho। yeh hai tumhaari mukhya roohaani service। pahle-pahle koi ko bhi aatma ka gyaan dena hai। tum aatma ho। aatma ka bhi kisko pata nahin। aatma to avinaashi hai। jab samay hota hai aatma shareer mein aakar pravesh karti hai to apne ko ghadi-ghadi aatma samajhna hai। ham aatmaon ka baap parampita paramatma hai। param teacher bhi hai। yeh bhi hardam bachchon ko yaad rehna chaahiye। yeh bhoolna nahin chaahiye। tum jaante ho ab vaapis jaana hai। vinaash saamne khada hai। satayug mein daivi parivaar bahut chhota hota hai। kaliyug mein to kitne dher manushya hain। anek dharma, anek maten hain। satayug mein yeh kuchh bhi hota nahin। bachchon ko saara din buddhi mein yeh baaten laani hain। yeh padhaai hai na। us padhaai mein to kitne kitaab aadi hote hain। har ek class mein naye-naye kitaab khareed karne padte hain। yahaan to koi bhi kitaab va shaastron aadi ki baat nahin। ismen to ek hi baat, ek hi padhaai hai। yahaan jab British government thi, raajaaon ka raajya tha, to stempa mein bhi raaja-raani ke sivaae aur koi ka photo nahin daalte the। aajkal to dekho bhakta aadi jo bhi hokar gaye hain unki bhi stempa banaate rehte hain। in lakshmi-naaraayan ka raajya hoga to chitra bhi ek hi mahaaraaja-mahaaraani ka hoga। aise nahin jo past devtaayen hokar gaye hain unke chitra mit gaye hain। nahin, puraane te puraane devtaaon ka chitra bahut dil se lete hain kyonki shivbaaba ke baad next hain dev-taayen। yeh sab baaten tum bachche dhaaran kar rahe ho auron ko raasta bataane। yeh hai bilkul nai padhaai। tumne hi yeh suni thi aur pad paaya tha aur koi nahin jaante। tumko raajayog parampita paramatma sikhla rahe hain। mahaabhaarat ladaai bhi mashhoor hai। kya hota hai so to aage chal dekhenge। koi kya kehte, koi kya kehte। din-pratidin manushyon ko touch hota jaata hai। kehte bhi hain world vaar lag jaayegi। usse pahle tum bachchon ko apni padhaai se karmaateet avastha praapta karni hai। baaki asuron aur dev-taaon ki koi ladaai nahin hoti hai। is samay tum brahman sampradaay ho jo phir jaakar daivi sampradaay bante ho isliye is janma mein daiveegun dhaaran kar rahe ho। number one daiveegun hai pavitrata ka। tum is shareer dvaara kitne paap karte aaye ho। aatma ko hi kaha jaata hai paap aatma, aatma in karmendriyon se kitne paap karti rehti hai। ab hear no evil....... kisko kaha jaata hai? aatma ko। aatma hi kaanon se sunti hai। baap ne tum bachchon ko smriti dilaai hai ki tum aadi sanaatan devi-devta dharma vaale the, chakra khaakar aaye ab phir tumko vahi banna hai। yeh meethi smriti aane se pavitra banne ki himmat aati hai। tumhaari buddhi mein hai hamne kaise 84 ka part bajaaya hai। pahle-pahle ham yeh the। yeh kahaani hai na। buddhi mein aana chaahiye 5 hazaar varsha pahle ham so devta the। ham aatma mool vatan ki rahne vaali hain। aage yeh zara bhi khyaal nahin tha - ham aatmaon ka woh ghar hai। vahaan se ham aate hain part bajaane। sooryavanshi-chandravanshi...... bane। abhi tum brahma ki santaan brahman vanshi ho। tum eeshvareey aulaad bane ho। eeshvar baith tumko shiksha dete hain। yeh supreme baap, supreme teacher, supreme guru bhi hai। ham unki mat se sab manushyon ko shreshtha banaate hain। mukti-jeevanmukti donon shreshtha hain। ham apne ghar jaayenge phir pavitra aatmaayen aakar raajya karengi। yeh chakra hai na। isko kaha jaata hai svadarshan chakra। yeh gyaan ki baat hai। baap kehte hain tumhaara yeh svadarshan chakra rookna nahin chaahiye। phirte rahne se vikarma vinaash ho jaayenge। tum is raavan par jeet pa lenge। paap mit jaayenge। ab smriti aai hai, simran karne ke liye। aise nahin, maala baith simran karni hai। aatma mein andar gyaan hai jo tum bachchon ko aur bhaai-bahinon ko samjhaana hai। bachche bhi madadgaar to banenge na। tum bachchon ko hi svadarshan chakradhaari banaata hoon। yeh gyaan mere mein hai isliye mujhe gyaan ka saagar manushya srishti ka beejroop kehte hain। unko baagvaan kaha jaata hai। devi-devta dharma ka beej shiv-baba ne hi lagaaya hai। abhi tum devi-devta ban rahe ho। yeh saara din simran karte raho to bhi tumhaara bahut kalyaan hai। daiveegun bhi dhaaran karne hain। pavitra bhi banna hai। stri-purush donon ikatthe rehte pavitra bante ho। aisa dharma to hota nahin। nivritti maarga vaale to woh sirf purush bante hain। kehte hain na - stri-purush donon ikatthe pavitra rah nahin sakte, mushkil hai। satayug mein the na। lakshmi-naaraayan ki mahima bhi gaate hain।

abhi tum jaante ho baba hamko shoodra se brahman banaae phir devta banaate hain। ham hi poojya se pujaari banenge। phir jab vaammaarga mein jaayenge to shiv ka mandir banaae pooja karenge। tum bachchon ko apne 84 janma ka gyaan hai। baap hi kehte hain tum apne janmon ko nahin jaante ho, main bataata hoon। aise aur koi manushya kah na sake। tumko ab baap svadarshan chakradhaari banaate hain। tum aatma pavitra ban rahi ho। shareer to yahaan pavitra ban na sake। aatma pavitra ban jaati hai to phir apvitra shareer ko chhodna padta hai। sab aatmaon ko pavitra hokar jaana hai। pavitra duniya ab sthaapan ho rahi hai। baaki sab sweet hom mein chale jaayenge। yeh yaad rakhna chaahiye।

baap ki yaad ke saath-saath ghar ki bhi yaad zaroor chaahiye kyonki ab vaapis ghar jaana hai। ghar mein hi baap ko yaad karna hai। bhal tum jaante ho baba is tan mein aakar hamko suna rahe hain parantu buddhi paramdham sweet hom se tootni nahin chaahiye। teacher ghar chhodkar aate hain, tumko padhaane। padhaakar phir bahut door chale jaate hain। second mein kahaan bhi ja sakte hain। aatma kitni chhoti bindi hai। wonder khaana chaahiye। baap ne aatma ka bhi gyaan diya hai। yeh bhi tum jaante ho svarga mein koi gandi cheez hoti nahin, jismen haath-paanv athva kapde aadi maile hon। devtaaon ki kaisi sundar paharvaais hai। kitne first class kapde honge। dhone ki bhi darkaar nahin। inko dekhkar kitni khushi honi chaahiye। aatma jaanti hai bhavishya 21 janma ham yeh banenge। bas dekhte rehna chaahiye। yeh chitra sabke paas hona chaahiye। ismen badi khushi chaahiye - hamko baba yeh banaate hain। aise baba ke ham bachche phir rote kyon hain! hamko koi phikra thode hi hona chaahiye। devtaaon ke mandir mein jaakar mahima gaate hain - sarvagun sampanna...... achtam keshvam...... kitne naam bolte jaate hain। yeh sab shaastron mein likha hua hai jo yaad karte hain। shaastron mein kisne likha? vyaas ne। ya koi naye-naye bhi banaate rehte hain। granth aage bahut chhota tha haath se likha hua। abhi to kitna bada bana diya hai। zaroor addition kiya hoga। ab guroonaanak to aate hi hain dharma ki sthaapna karne। gyaan dene vaala to ek hi hai। Christ bhi aate hain sirf dharma ki sthaapna karne ke liye। jab sab aa jaate hain phir to vaapis jaayenge। ghar bhejne vaala kaun? kya Christ? nahin। woh to bhinna naam-roop mein tamopradhaan avastha mein hai। sato, rajo, tamo mein aate hain na। is samay sab tamopradhaan hain। sabki jadajdeebhoot avastha hai na। punarjanma lete-lete is samay sab dharma vaale aakar tamopradhaan bane hain। ab sabko vaapis jaana hai zaroor। phir se chakra phirna chaahiye। pahle naya dharma chaahiye jo satayug mein tha। baap hi aakar aadi sanaatan devi-devta dharma ki sthaapna karte hain। phir vinaash bhi hona hai। sthaapna, vinaash phir paalna। satayug mein ek hi dharma hoga। yeh smriti aati hai na। saara chakra smriti mein laana hai। abhi ham 84 ka chakra poora kar vaapis ghar jaayenge। tum bolte chalte svadarshan chakradhaari ho। woh phir kehte krishna ko svadarshan chakra tha, unse sabko maara। akaasur bakaasur aadi ke chitra dikhaaye hain। parantu aisi koi baat hai nahin।

tum bachchon ko abhi svadarshan chakradhaari bankar rehna hai kyonki svadarshan chakra se tumhaare paap katte hain। aasureepna khatma hota hai। devtaaon aur asuron ki ladaai to ho na sake। asur hain kaliyug mein, devtaayen hain satayug mein। beech mein hai sangamayug। shaastra hain hi bhakti maarga ke। gyaan ka naam nishaan nahin। gyaan saagar ek hi baap hai sabke liye। sivaae baap ke koi bhi aatma pavitra ban vaapis ja nahin sakti। part zaroor bajaana hai, to ab apne 84 ke chakra ko bhi yaad karna hai। ham abhi satayugi naye janma mein jaate hain। aisa janma phir kabhi nahin milta। shivbaaba phir brahma baba। laukik, paarlaukik aur yeh hai alaukik baba। is samay ki hi baat hai, inko alaukik kaha jaata hai। tum bachche us shivbaaba ko simran karte ho। brahma ko nahin। bhal brahma ke mandir mein jaakar pooja karte hain, woh bhi tab poojte hain jab sookshm vatan mein sampoorn avyakt moorta hai। yeh shareerdhaari pooja ke laayak nahin hai। yeh to manushya hai na। manushya ki pooja nahin hoti। brahma ko daadhi dikhaate hain to maaloom pade yeh yahaan ka hai। devtaaon ko daadhi hoti nahin। yeh sab baaten bachchon ko samjha di hain। tumhaara naam baala hai isliye tumhaara mandir bhi bana hua hai। somnaath ka mandir kitna oonch te oonch hai। somras pilaaya phir kya hua? phir yahaan bhi delvaada mandir dekho। mandir hoobhu yaadgaar bana hua hai। neeche tum tapasya kar rahe ho, oopar mein hai svarga। manushya samajhte hain svarga kahaan oopar mein hain। mandir mein bhi neeche svarga kaise banaayen! to oopar chhat mein bana diya hai। banaane vaale koi samajhte nahin hain। bade-bade karodapti hain unhon ko yeh samjhaana hai। tumko abhi gyaan mila hai to tum bahuton ko de sakte ho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) andar se aasureepne ko samaapta karne ke liye chalte-phirte svadarshan chakradhaari hokar rehna hai। saara chakra smriti mein laana hai।

2) baap ki yaad ke saath-saath buddhi paramdham ghar mein bhi lagi rahe। baap ne jo smritiyaan dilaai hain unka simran kar apna kalyaan karna hai।

vardaan:- sarvagun sampanna banne ke saath-saath kisi ek visheshta mein vishesh prabhaavshaali bhav

jaise doctors general beemaariyon ki knowledge to rakhte hi hain lekin saath-saath kisi baat ki vishesh knowledge mein naameegraami ho jaate hain aise aap bachchon ko sarvagun sampanna to banna hi hai phir bhi ek visheshta ko vishesh roop se anubhav mein laate, seva mein laate aage badhte chalo। jaise sarasvati ko vidya ki devi, lakshmi ko dhan ki devi kah-kar poojte hain। aise apne mein sarvagun, sarvashaktiyaan hote bhi ek visheshta mein vishesh research kar svayan ko prabhaavshaali banaao।

slogan:- vikaaron roopi saampon ko sahjayog ki shaiya bana do to sada nishchint rahenge।

avyakt ishaare - sahajyogi banna hai to parmaatma pyaar ke anubhvi bano

jab man hi baap ka hai to phir man kaise lagaayen! pyaar kaise karen! yeh prashn hi nahin uth sakta kyonki sada lavleen rehte hain, pyaar swaroop, master pyaar ke saagar ban gaye, to pyaar karna nahin padta, pyaar ka svarup ho gaye। jitna-jitna gyaan soorya ki kirnen va prakaash badhta hai, utna hi jyaada pyaar ki lahren uchhalti hain।