Daily Murli for Sunday 21 September 2025

21-09-25 praatahmurli om shanti ''avyakt-baapdaada'' revise 02-02-07 madhuban

parmaatma praaptiyon se sampanna aatma ki nishaani - holiest, highest aur richest

aaj vishwa parivartak baapdaada apne saathi bachchon se milne aaye hain। har ek bachche ke mastak mein teen parmaatma vishesh praaptiyaan dekh rahe hain। ek hai - holiest, 2- highest aur 3- richest। is gyaan ka foundation hi hai holi arthaat pavitra banna। to har ek bachcha holiest hai, pavitrata sirf brahmacharya nahin lekin man-vaani-karma, sambandh-samparka mein pavitrata। aap dekho, aap parmaatma brahman aatmaayen aadi-madhya-ant teenon hi kaal mein holiest rehti ho। pahle-pahle aatma jab paramdham mein rehte ho to vahaan bhi holiest ho phir jab aadi mein aate ho to aadikaal mein bhi devta roop mein holiest aatma rahe। holiest arthaat pavitra aatma ki visheshta hai - pravritti mein rehte sampoorn pavitra rehna। aur bhi pavitra bante hain lekin aapki pavitrata ki visheshta hai - svapna-maatra bhi apvitrata man-buddhi mein touch nahin kare। satayug mein aatma bhi pavitra banti aur shareer bhi aapka pavitra banta। aatma aur shareer donon ki pavitrata jo dev aatma roop mein rehti hai, woh shreshtha pavitrata hai। jaise holiest bante ho, itna hi highest bhi bante ho। sabse oonche te oonche brahman aatmaayen aur oonche te oonche baap ke bachche bane ho। aadi mein paramdham mein bhi highest arthaat baap ke saath-saath rehte ho। madhya mein bhi poojya aatmaayen bante ho। kitne sundar mandir bante hain aur kitni vidhipoorvak pooja hoti hai। jitni vidhipoorvak aap devtaaon ke mandir mein pooja hoti hai utne auron ke mandir bante hain lekin vidhipoorvak pooja aapke devta roop ki hoti hai। to holiest bhi ho aur highest bhi ho, saath mein richest bhi ho। duniya mein kehte hain richest in di world lekin aap shreshtha aatmaayen richest in kalpa hain। saara kalpa richest ho। apne khajaane smriti mein aate hain, kitne khajaanon ke maalik ho! avinaashi khajaane jo is ek janma mein praapta karte ho woh anek janma chalte hain। aur koi ke bhi khajaane anek janma nahin chalte। lekin aapke khajaane aadhyaatmik hain। shaktiyon ka khajaana, gyaan ka khajaana, gunon ka khajaana, shreshtha sankalp ka khajaana aur vartamaan samay ka khajaana, yeh sarva khajaane janma-janma chalte hain। ek janma ke praapta hue khajaane saath chalte hain kyonki sarva khajaanon ke daata paramatma baap dvaara praapta hote hain। to yeh nasha hai ki hamaare khajaane avinaashi hain?

is aadhyaatmik khajaanon ko praapta karne ke liye sahaj-yogi bane ho। yaad ki shakti se khajaane jama karte ho। is samay bhi in sarva khajaanon se sampanna bephikra baadshaah ho, koi phikra hai? hai phikra? kyonki yeh khajaane jo hain isko na chor loot sakta, na raaja kha sakta, na paani dubo sakta, isliye bephikra baadshaah ho। to yeh khajaane sada smriti mein rehte hain na! aur yaad bhi sahaj kyon hai? kyonki sabse jyaada yaad ka aadhaar hota hai ek sambandh aur doosra praapti। jitna pyaara sambandh hota hai utni yaad svatah aati hai kyonki sambandh mein sneh hota hai aur jahaan sneh hota hai to snehi ko yaad karna mushkil nahin hota, lekin bhoolna mushkil hota hai। to baap ne sarva sambandh ka aadhaar bana diya hai। sabhi apne ko sahajyogi anubhav karte ho? va mushkil yogi hain? sahaj hai? ki kabhi sahaj hai, kabhi mushkil hai? jab baap ko sambandh aur sneh se yaad karte ho to yaad mushkil nahin hoti aur praaptiyon ko yaad karo। sarva praaptiyon ke daata ne sarva praaptiyaan kara di। to apne ko sarva khajaanon se sampanna anubhav karte ho? khajaanon ko jama karne ki sahaj vidhi bhi baapdaada ne sunaai - jo bhi avinaashi khajaane hain un sabhi khajaanon ko praapta karne ki vidhi hai - bindi। jaise vinaashi khajaanon mein bhi bindi lagaate jaao to badhta jaata hai na। to avinaashi khajaanon ko jama karne ki vidhi hai bindi lagaana। teen bindiyaan hain - ek main aatma bindi, baap bhi bindi aur drama mein jo bhi beet jaata woh fullstop arthaat bindi। to bindi lagaane aati hai? sabse jyaada sahaj maatra kaun si hai? bindi lagaana na! to aatma bindi hoon, baap bhi bindi hai, is smriti se svatah hi khajaane jama ho jaate hain। to bindi ko second mein yaad karne se kitni khushi hoti hai! yeh sarva khajaane aapke brahman jeevan ka adhikaar hain kyonki bachche banna arthaat adhikaari banna। aur vishesh teen sambandh ka adhikaar praapta hota hai - paramatma ko baap bhi banaaya hai, shikshak bhi banaaya hai aur satguru bhi banaaya hai। in teenon sambandh se paalna, padhaai se source aaph income aur satguru dvaara vardaan milta hai। kitna sahaj vardaan milta hai? kyonki bachche ka janma siddha adhikaar hai baap ke vardaan praapta karne ka।

baapdaada har bachche ka jama ka khaata check karte hain। aap sabhi bhi apne har samay ka jama ka khaata check karo। jama hua va nahin hua, uski vidhi hai jo bhi karma kiya, us karma mein svayan bhi santushta aur jiske saath karma kiya woh bhi santushta। agar donon mein santushtata hai to samjho karma ka khaata jama hua। agar svayan mein va jisse sambandh hai, usmein santushtata nahin aai to jama nahin hota।

baapdaada sabhi bachchon ko samay ki soochna bhi dete rehte hain। yeh vartamaan sangam ka samay saare kalpa mein shreshtha te shreshtha samay hai kyonki yeh sangam hi shreshtha karmon ke beej bone ka samay hai। pratyaksha phal praapta karne ka samay hai। is sangam samay mein ek ek second shreshtha te shreshtha hai। sabhi ek second mein ashareeri sthiti mein sthit ho sakte ho? baapdaada ne sahaj vidhi sunaai hai ki nirantar yaad ke liye ek vidhi banaao - saare din mein do shabd sabhi bolte ho aur anek baar bolte ho woh do shabd hain “main'' aur “mera''। to jab main shabd bolte ho to baap ne parichay de diya hai ki main aatma hoon। to jab bhi main shabd bolte ho to yeh yaad karo ki main aatma hoon। akela main nahin socho, main aatma hoon, yeh saath mein socho kyonki aap to jaante ho na ki main shreshtha aatma hoon, parmaatma paalna ke andar rahne vaali aatma hoon aur jab mera shabd bolte ho to mera kaun? mera baba arthaat baap paramatma। to jab bhi main aur mera shabd kehte ho us samay yeh addition karo, main aatma aur mera baba। jitna baap mein meraapan laayenge, utna yaad sahaj hoti jaayegi kyonki mera kabhi bhoolta nahin hai। saare din mein dekho mera hi yaad aata hai। to is vidhi se sahaj nirantar yogi ban sakte ho। baapdaada ne har bachche ko svamaan ki seat par bithaaya hai। svamaan ki list agar smriti mein laao to kitni lambi hai! kyonki svamaan mein sthit hain to deh-abhimaan nahin aa sakta। ya deh-abhimaan hoga ya svamaan hoga। svamaan ka arth hi hai - sva arthaat aatma ka shreshtha smriti ka sthaan। to sabhi apne svamaan mein sthit hain? jitna svamaan mein sthit honge utna doosre ko sammaan dena svatah hi ho jaata hai। to svamaan mein sthit rehna kitna sahaj hai!

to sabhi khushnuma rehte hain? kyonki khushnuma rahne vaala doosre ko bhi khushnuma bana deta hai। baapdaada sada kehte hain ki saare din mein khushi kabhi nahin ganvaao। kyon? khushi aisi cheez hai jo ek hi khushi mein health bhi hai, wealth bhi hai aur happy bhi hai। khushi nahin to jeevan neeras rehti hai। khushi ko hi kaha jaata hai - “khushi jaisa koi khajaana nahin।'' kitne bhi khajaane ho lekin khushi nahin to khajaane se bhi praapti nahin kar sakte hain। khushi ke liye kaha jaata hai - “khushi jaisi koi khuraak nahin''। to wealth bhi hai khushi aur khushi health bhi hai aur naam hi khushi hai to happy to hai hi। to khushi mein teenon hi cheeze hain। aur baap ne avinaashi khushi ka khajaana diya hai, baap ka khajaana ganvaana nahin। to sada khush rehte ho?

baapdaada ne homework diya to khush rehna hai aur khushi baantani hai kyonki khushi aisi cheez hai jo jitni baantenge utni badhegi। anubhav karke dekha hai! kiya hai na anubhav? agar khushi baantate hain to baantane se pahle apne paas badhti hai। khush karne vaale se pahle svayan khush hote hain। to sabhi ne homework kiya hai? kiya hai? jisne kiya hai woh haath uthaao। jisne kiya hai - khush rehna hai, kaaran nahin nivaaran karna hai, samaadhaan swaroop banna hai। haath uthaao। abhi yeh to nahin kahenge na - yeh ho gaya! baapdaada ke paas kai bachchon ne apni result bhi likhi hai ki ham kitne percent O.ke. rahe hain। aur lakshya rakhenge to lakshya se lakshan svatah hi aate hain। achha।

double videshi bhaai bahinon se:- videshiyon ko apna original videsh to nahin bhoolta hoga। original aap kis desh ke ho, woh to yaad rehta hai na isliye sabhi aapko kehte hain double videshi। sirf videshi nahin ho, double videshi। to aapko apna sweet hom kabhi bhoolta nahin hoga। to kahaan rehte ho? baapdaada ke diltakhta nasheen ho na। baapdaada kehte hain jab koi bhi chhoti moti samasya aaye, samasya nahin hai lekin paper hai aage badhaane ke liye। to baapdaada ka dil-takhta to aapka adhikaar hai। diltakhtansheen ban jaao to samasya khilauna ban jaayegi। samasya se ghabraayenge nahin, khelenge। khilauna hai। sab udti kala vaale ho na? udti kala hai? ya chalne vaale ho? udne vaale ho ya chalne vaale hain? jo udne vaale hain woh haath uthaao। udne vaale। aadha-aadha haath utha rahe hain। udne vaale hain? achha। kabhi kabhi udna chhodte hain kya? chal rahe hain nahin, kai baapdaada ko kehte hain baba ham bahut achhe chal rahe hain। to baapdaada kehte hain chal rahe ho ya ud rahe ho? abhi chalne ka samay nahin hai, udne ka samay hai। umang-utsaah ke, himmat ke pankh har ek ko lage hue hain। to pankhon se udna hota hai। to roz check karo, udti kala mein ud rahe hain? achha hai, result mein baapdaada ne dekha hai ki centres videsh mein bhi badh rahe hain। aur badhte jaane hi hain। jaise double videshi hain vaise double seva mansa bhi, vaacha bhi saath-saath karte chalo। mansa shakti dvaara aatmaon ki aatmik vritti banaao। vaayumandal banaao। abhi duhkh badhta hua dekh raham nahin aata hai? aapke jad chitra ke aage chillaate rehte hain, mercy do, mercy do, ab dayaalu kripaalu merciful bano। apne oopar bhi raham aur aatmaon ke oopar bhi raham। achha hai - har season mein, har tarna mein aa jaate hain। yeh sabhi ko khushi hoti hai। to udte chalo aur udaate chalo। achha hai, result mein dekha hai ki abhi apne ko parivartan karne mein bhi fast ja rahe hain। to sva ke parivartan ki gati vishwa parivartan ki gati badhaata hai। achha।

jo pahli baar aaye hain woh utho:- aap sabhi ko brahman janma ki mubaarak ho। achha mithaai to milegi lekin baapdaada dilkhush mithaai khila rahe hain। pahle baari madhuban aane ki yeh dilkhush mithaai sada yaad rakhna। woh mithaai to mukh mein daala aur khatma ho jaayegi lekin yeh dilkhush mithaai sada saath rahegi। bhale aaye, baapdaada aur saara parivaar desh videsh mein aap apne bhaai bahnon ko dekh khush ho rahe hain। sabhi dekh rahe hain, America bhi dekh rahi hai to aphreeka bhi dekh rahe hain, Russia vaale bhi dekh rahe hain, london vaale bhi dekh rahe hain, 5 khanda hi dekh rahe hain। to janma din ki aap sabko vahaan baithe baithe mubaarak de rahe hain। achha।

baapdaada ki roohaani drill yaad hai na! abhi baapdaada har bachche se chaahe naye hain, chaahe puraane hain, chaahe chhote hain chaahe bade hain, chhote aur hi samaan baap jaldi ban sakte hain। to abhi second mein jahaan man ko lagaane chaaho vahaan man ekaagra ho jaae। yeh ekaagrata ki drill sada hi karte chalo। abhi ek second mein man ke maalik ban main aur mera baba sansaar hai, doosra na koi, is ekaagra smriti mein sthit ho jaao। achha।

chaaron or ke sarva teevra purushaarthi bachchon ko sada umang-utsaah ke pankhon se udti kala ke anubhvi moorta bachchon ko, sada apne svamaan ki seat par set rahne vaale bachchon ko, sada merciful ban vishwa ki aatmaon ko mansa shakti dvaara kuchh na kuchh anchali sukh-shanti ki dene vaale dayaalu, kripaalu bachchon ko, sada baap ke sneh mein samaaye hue dil-takhtansheen bachchon ko, baapdaada ka yaadapyaar aur namaste।

achha - sabhi bahut-bahut-bahut khush hain, khush hai! bahut khush hai? kitna bahut? to sada aise rehna। kuchh bhi ho jaaye hone do, abhi khush rehna hai। humein udna hai, koi neeche nahin la sakta। pakka! pakka vaayda hai? kitna pakka? bas, khush raho sabko khushi do। koi bhi baat achhi nahin lage to bhi khushi nahin ganvaao। baat ko chala lo, khushi nahin chali jaaye। baat to khatma ho hi jaani hai lekin khushi to saath mein chalni hai na! to jo saath mein chalne vaali hai usko chhod dete ho aur jo chhootne vaali hai us chhodne vaali ko paas mein rakh dete ho। yeh nahin karna। amritvele roz pahle apne aapko khushi ki khuraak khilaao। achha।

vardaan:- sweet silence ki lavleen sthiti dvaara nashtomoha samartha swaroop bhav

deh, deh ke sambandh, deh ke sanskaar, vyakti ya vaibhav, vaayumandal, vibration sab hote hue bhi apni or aakarshit na karen। log chillaate rahen aur aap achal raho। prakriti, maaya sab last daanv lagaane ke liye apni taraph kitna bhi kheechen lekin aap nyaare aur baap ke pyaare banne ki sthiti mein lavleen raho - isko kaha jaata hai dekhte hue na dekho, sunte hue na suno। yahi sweet silence swaroop ki lavleen sthiti hai, jab aisi sthiti banengi tab kahenge nashtomoshta samartha swaroop ki vardaani aatma।

slogan:- holi hans ban avgun roopi kankad ko chhod achchhaai roopi moti chugte chalo।

avyakt ishaare - ab lagan ki agni ko prajvalit kar yog ko jvaala roop banaao

jvaala-roop banne ke liye yahi dhun sada rahe ki ab vaapis ghar jaana hai। jaana hai arthaat upraam। jab apne niraakaari ghar jaana hai to vaisa apna vesh banaana hai। to jaana hai aur sabko vaapas le jaana hai - is smriti se svatah hi sarva-sambandh, sarva prakriti ke aakarshan se upraam arthaat saakshi ban jaayenge। saakshi banne se sahaj hi baap ke saathi va baap-samaan ban jaayenge।

soochna:- aaj maas ka teesra ravivaar hai, sabhi raajayogi tapasvi bhaai bahinen saayan 6.30 se 7.30 baje tak, vishesh yog abhyaas ke samay apne aakaari pharishte swaroop mein sthit ho, bhakton ki pukaar sunen aur upkaar karen। master dayaalu, kripaalu ban sabhi par raham ki drishti daalen। mukti jeevanmukti ka vardaan den।