Daily Murli for Wednesday 29 October 2025

29-10-2025 praatahmurli om shanti "baapdaada"' madhuban

“meethe bachche - tumhein ek-ek ko paristaani banaana hai, tum ho sabka kalyaan karne vaale, tumhaara kartavya hai gareebon ko saahookaar banaana''

prashn:- baap ka kaun-sa naam bhal saadhaaran hai lekin kartavya bahut mahaan hai?

uttar:- baba ko kehte hain baagvaan-khivaiya। yeh naam kitna saadhaaran hai lekin doobne vaale ko paar le jaana, yeh kitna mahaan kartavya hai। jaise tairne vaale tairaak ek-do ko haath mein haath de paar le jaate hain, aise baap ka haath milne se tum svargavaasi ban jaate ho। abhi tum bhi master khivaiya ho। tum harek ki naeeya ko paar lagaane ka raasta bataate ho।

om shanti। yaad mein to bachche baithe hi honge। apne ko aatma samajhna hai, deh bhi hai। aise nahin ki bigar deh baithe ho। parantu baap kehte hain deh-abhimaan chhod dehi-abhimaani bankar baitho। dehi-abhimaan hai shuddh, deh-abhimaan hai ashuddha। tum jaante ho dehi-abhimaani banne se ham shuddh pavitra ban rahe hain। deh-abhimaani banne se ashuddha, apvitra ban gaye the। pukaarte bhi hain he patit-paavan aao। paavan duniya thi। abhi patit hai phir se paavan duniya zaroor hogi। srishti ka chakra phirega। jo is srishti chakra ko jaante hain unko kaha jaata hai svadarshan chakradhaari। tum har ek svadarshan chakradhaari ho। sva aatma ko srishti chakra ka gyaan mila hai। gyaan kisne diya? zaroor woh bhi svadarshan chakradhaari hoga। sivaae baap ke doosra koi manushya sikhla na sake। baap supreme rooh hi bachchon ko sikhlaate hain। kehte hain bachche tum dehi-abhimaani bano। satayug mein yeh gyaan athva shiksha dene ki darkaar nahin rahegi। na vahaan bhakti hai। gyaan se varsa milta hai। baap shreemat dete hain aise tum shreshtha banenge। tum jaante ho ham kabristaani the, ab baap shreshtha paristaani banaate hain। yeh puraani duniya kabradaakhil honi hai। mrityulok ko kabristaan hi kahenge। paristaan nai duniya ko kaha jaata hai। drama ka raaz baap samjhaate hain। is saari srishti ko bhambhor kaha jaata hai।

baba ne samjhaaya hai - saari srishti par is samay raavan ka raajya hai। dashahra bhi manaate hain, kitna khush hote hain। baap kehte hain sab bachchon ko duhkh se chhudaane mujhe bhi puraani raavan ki duniya mein aana padta hai। ek katha sunaate hain। koi ne poochha pahle tumko sukh chaahiye ya duhkh? to bola sukh chaahiye। sukh mein jaayenge to vahaan koi yamdoot aadi aa nahin sakenge। yeh bhi ek kahaani hai। baap batlaate hain, sukhdhaam mein kabhi kaal aata nahin hai, amarpuri ban jaati hai। tum mrityu par jeet paate ho। tum kitne sarvashaktimaan bante ho। vahaan kabhi aise nahin kahenge ki phalaana mar gaya, marne ka naam hi nahin। ek chola badalkar doosra liya। sarpa bhi khal badalte hain na। tum bhi puraani khaal chhod nai khaal arthaat shareer mein aayenge। vahaan 5 tatva bhi satopradhaan ban jaate hain। sab cheejen satopradhaan ho jaati hain। har cheez phal aadi di best hote hain। satayug ko kaha hi jaata hai svarga। vahaan bahut dhanvaan the। in jaisa sukhi vishwa ka maalik koi ho na sake। abhi tum jaante ho ham hi yeh the, to kitni khushi honi chaahiye। ek-ek ko paristaani banaana hai, bahuton ka kalyaan karna hai। tum bahut saahookaar bante ho। woh sab hain gareeb। jab tak tumhaare haath mein haath na mile tab tak svargavaasi ban na saken। baap ka haath to sabko nahin milta hai। baap ka haath milta hai tumko। tumhaara haath phir milta hai auron ko। auron ka phir milega auron ko। jaise koi tairne vaale hote hain to ek-ek ko us paar le jaate hain। tum bhi master khivaiya ho। anek khivaiya ban rahe hain। tumhaara dhandha hi yeh hai। ham har ek ki naeeya paar lagaane ka raasta bataayen। khivaiya ke bachche khivaiya banen। naam kitna halka hai - baagvaan, khivaiya। ab practical tum dekhte ho। tum paristaan ki sthaapna kar rahe ho। tumhaare yaadgaar saamne khade hain। neeche raajayog ki tapasya, oopar mein raajaai khadi hai। naam bhi delvaada bahut achha hai। baap sabki dil lete hain। sabki sadgati karte hain। dil lene vaala kaun hai। yeh thode hi kisko pata hai। brahma ka bhi baap shivbaaba। sabki dil lene vaala behad ka baap hi hoga। tatvon aadi sabka kalyaan karte hain, yeh bhi bachchon ko samjhaaya hai aur dharma vaalon ke shaastra aadi kaayam hain। tumko gyaan milta hi hai sangam par, phir vinaash ho jaata hai to koi shaastra nahin rehta। shaastra hain bhakti maarga ki nishaani। yeh hai gyaan। farka dekha na। bhakti athaah hai, deviyon aadi ki pooja mein kitna kharcha karte hain। baap kehte hain inse alpakaal ka sukh hai। jaisi-jaisi bhaavna rakhte hain woh poori hoti hai। deviyon ko sajaate-sajaate koi ko saakshaatkaar hua bas bahut khush ho jaate। phaayda kuchh bhi nahin। meera ka bhi naam gaaya hua hai। bhakta maala hai na। female mein meera, males mein naarad shiromni bhagat maane hue hain। tum bachchon mein bhi nambarvaar hain। maala ke daane to bahut hain। oopar mein baba hai phool, phir hai yugal meru। phool ko sab namaste karte hain। ek-ek daane ko namaste karte। roodra yagya rachte hain to unmein bhi jaasti pooja shiv ki karte hain। saaligraamon ki itni nahin karte। saara khyaal shiv ki taraph rehta hai kyonki shivbaaba dvaara hi saaligraam aise teekhe bane hain, jaise ab tum paavan ban rahe ho। patit-paavan baap ke bachche tum bhi master patit-paavan ho। agar kisko raasta nahin bataate to paai-paise ka pad mil jaayega। phir bhi baap se to mile na। woh bhi kam thode hi hai। sabka father woh ek hai। shreekrishna ke liye thode hi kahenge। shreekrishna kiska father banega? shreekrishna ko father nahin kahenge। bachche ko father thode hi kah sakte। father tab kaha jaata jab yugal bane, bachcha paida ho। phir woh bachcha father kahega। doosra koi kah na sake। baaki to koi bhi bujurga ko baapu ji kah dete hain। yeh (shivbaaba) to sabka baap hai। gaate bhi hain brotherhood। eeshvar ko sarvavyaapi kahne se fatherhood ho jaata hai।

tum bachchon ko badi-badi sabhaaon mein samjhaana padega। hamesha kahaan bhi bhaashan par jaao to jis topic par bhaashan karna hai, us par vichaar saagar manthan kar likhna chaahiye। baap ko to vichaar saagar manthan nahin karna hai। kalpa pahle jo sunaaya tha woh sunaakar jaayenge। tumko to topic par samjhaana hai। pahle likhkar phir padhna chaahiye। bhaashan karne ke baad phir smriti mein aata hai - yeh-yeh points nahin bataai। yeh samjhaate the to achha tha। aise hota hai, koi na koi points bhool jaati hain। pahle-pahle to bolna chaahiye - bhaai-bahnon aatma-abhimaani hokar baitho। yeh to kabhi bhoolna nahin chaahiye। aise koi samaachaar likhte nahin hain। pahle-pahle sabko kehna hai - aatma-abhimaani ho baitho। tum aatma avinaashi ho। abhi baap aakar gyaan de rahe hain। baap kehte hain mujhe yaad karne se vikarma vinaash honge। koi bhi dehdhaari ko mat yaad karo। apne ko aatma samjho, ham vahaan ke rahne vaale hain। hamaara baba kalyaankaari shiv hai, ham aatmaayen unke bachche hain। baap kehte hain aatma-abhimaani bano। main aatma hoon। baap ki yaad se vikarma vinaash honge। ganga snaan aadi se vikarma vinaash nahin honge। baap ka direction hai tum mujhe yaad karo। vo log geeta padhte hain yada yadaahi dharmasya… kehte hain parantu arth kuchh nahin jaante। to baba service ki raay dete hain - shivbaaba kehte hain apne ko aatma samajh shivbaaba ko yaad karo। woh samajhte hain shreekrishna ne kaha, tum kahenge shivbaaba ham bachchon ko kehte hain mujhe yaad karo। jitna mujhe yaad karenge utna satopradhaan ban oonch pad paayenge। em object bhi saamne hai। purushaartha se oonch pad paana hai। us taraph vaale apne dharma mein oonch pad paayenge, ham doosre ke dharma mein jaate nahin hain। woh to aate hi peechhe hain। woh bhi jaante hain hamse pahle paradise tha। bhaarat sabse praacheen hai। parantu kab tha, woh koi nahin jaante। unhon ko bhagwan-bhagavti bhi kehte hain parantu baap kehte bhagwan-bhagavti nahin kah sakte। bhagwan to ek hi main hoon। ham brahman hain। baap ko to brahman nahin kahenge। woh hai oonch te oonch bhagwan, unke shareer ka naam nahin hai। tumhaare sab shareer ke naam padte hain। aatma to aatma hi hai। woh bhi param aatma hai। us aatma ka naam shiv hai, woh hai niraakaar। na sookshm, na sthool shareer hai। aise nahin ki unka aakaar nahin hai। jiska naam hai, aakaar bhi zaroor hai। naam-roop bigar koi cheez hai nahin। paramatma baap ko naam-roop se nyaara kehna kitna bada agyaan hai। baap bhi naam-roop se nyaara, bachche bhi naam-roop se nyaare phir to koi srishti hi na ho। tum ab achhi reeti samjha sakte ho। guru log pichhaadi mein samjhenge। abhi unhon ki baadshaahi hai।

tum abhi double ahinsak bante ho। ahinsa parmo devi-devta dharma double ahinsak gaaya hua hai। kisko haath lagaana, duhkh dena woh bhi hinsa ho gai। baap roz-roz samjhaate hain - mansa-vaacha-karmana kisko duhkh nahin dena hai। mansa mein aayega zaroor। satayug mein mansa mein bhi nahin aata। yahaan to mansa-vaacha-karmana aata hai। yeh akshar tum vahaan sunenge bhi nahin। na vahaan koi satsang aadi hote hain। satsang hota hi hai sat dvaara, sat banne ke liye। satya ek hi baap hai। baap baith nar se naaraayan banne ki katha sunaate hain, jisse tum naaraayan ban jaate ho। phir bhakti maarga mein satya naaraayan ki katha bade pyaar se sunte hain। tumhaara yaadgaar delvaada mandir dekho kaisa achha hai। zaroor sangamayug par dil li hogi। aadi dev aur devi, bachche baithe hain। yeh hai real yaadgaar। unki history-geography koi nahin jaante sivaae tumhaare। tumhaara hi yaadgaar hai। yeh bhi wonder hai। lakshmi-naaraayan ke mandir mein jaayenge to tum kahenge yeh ham ban rahe hain। Christ bhi yahaan hai। bahut kehte hain Christ beggar roop mein hai। tamopradhaan arthaat beggar hua na। punarjanma to zaroor lenge na। shreekrishna prince so ab beggar hai। gora aur saanvara। tum bhi jaante ho - bhaarat kya tha, ab kya hai। baap to hai hi gareeb nivaaz। manushya daan-punya bhi gareebon ko karte hain eeshvar arth। bahuton ko anaaj nahin milta hai। aage chal tum dekhenge bade-bade saahookaaron ko bhi anaaj nahin milega। gaanv-gaanv mein bhi saahookaar rehte hain na, jinko phir daaku log loot jaate hain। martabe mein farka to rehta hai na। baap kehte hain purushaartha aisa karo jo number one mein jaao। teacher ka kaam hai saavdhaan karna। paas with honour hona hai। yeh behad ki paathshaala hai। yeh hai hi raajaai sthaapan karne ke liye raajayog। phir bhi puraani duniya ka vinaash hona hai। nahin to raajaai kahaan karenge। yeh to hai hi patit dharni।

manushya kehte hain - ganga patit-paavni hai। baap kehte hain is samay 5 tatva sab tamopradhaan patit hain। saara gand kichda aadi vahaan jaae padta hai। machhliyaan aadi bhi usmein rehti hain। paani ki bhi ek jaise duniya hai। paani mein jeev kitne rehte hain। bade-bade saagar se bhi kitna bhojan milta hai। to gaanv ho gaya na। gaanv ko phir patit-paavan kaise kahenge। baap samjhaate hain - meethe-meethe bachche, patit-paavan ek baap hai। tumhaari aatma aur shareer patit ho gaya hai, ab mujhe yaad karo to paavan ban jaayenge। tum vishwa ke maalik, khoobsoorat ban jaate ho। vahaan doosra koi khanda hota nahin। bhaarat ka hi all-round part hai। tum sab all-rounder ho। naatak mein actor nambarvaar aate-jaate hain। yeh bhi aise hai। baba kehte hain tum samjho hamko bhagwan padhaate hain। ham patit-paavan god fatherly student hain, ismen sab aa gaya। patit-paavan bhi ho gaya, guru teacher bhi ho gaya। father bhi ho gaya। so bhi niraakaar hai। yeh hai incorporeal god fatherly world university। kitna achha naam hai। eeshvar ki kitni mahima karte hain। jab bindi sunte hain to wonder lagta hai। eeshvar ki mahima itni karte, aur cheez kya hai! bindi। unmein part kitna bhara hua hai। ab baap kehte hain deh hote hue, grihastha vyavhaar mein rehte hue maamekam yaad karo। bhakti maarga mein jo naudha bhakti karte hain, usko kaha jaata hai - satopradhaan naudha bhakti। kitni tej bhakti hoti hai। ab phir tej raphtaar chaahiye - yaad ki। tej yaad karne vaale ka hi oonch naam hoga। vijay maala ka daana banenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) nar se naaraayan banne ke liye roz satya baap se sunna hai। satsang karna hai। kabhi mansa-vaacha-karmana kisi ko duhkh nahin dena hai।

2) vijay maala ka daana banne va paas with honour hone ke liye yaad ki raphtaar tej karni hai। master patit-paavan ban sabko paavan banaane ki seva karni hai।

vardaan:- parmaatma yaad ki god mein samaane vaale sangam-yugi shreshtha bhaagyavaan aatma bhav

sangamayug satayugi svarga se bhi shreshtha hai kyonki abhi ka gaayan hai apraapta nahin koi vastu braahmanon ke sansaar mein। ek baap mila to sab kuchh mila। abhi aap bachche kabhi ateendray sukh ke jhoole mein jhoolte ho, kabhi khushi, kabhi shanti, kabhi gyaan, kabhi aanand aur kabhi parmaatma godi ke jhoole mein jhoolte। parmaatma godi hai - yaad ki lavleen avastha। yeh god second mein anek janmon ke dukh-darda bhula deti hai। to is shreshtha sanskaar ko sada smriti mein rakh bhaagyavaan aatma bano।

slogan:- aisa sapoot bano jo baba aapke geet gaaye aur aap baba ke geet gaao।

avyakt ishaare - svayan aur sarva ke prati mansa dvaara yog ki shaktiyon ka prayog karo

pahle svayan par yog ke prayog karke dekho। har maas va har 15 din ke liye koi na koi vishesh gun va koi na koi vishesh shakti ka sva prati prayog karke dekho kyonki sangathan mein va sambandh-samparka mein paper to aate hi hain, to pahle apne oopar prayog karke check karo, koi bhi paper aaya to kis gun va shakti ka prayog karne se kitne samay mein saphalta mili? jab sva ke prati saphal honge tab auron ke prati bhi prayog karne ka umang-utsaah svatah hi badhta jaayega।