Daily Murli for Friday 14 November 2025

14-11-2025 praatahmurli om shanti "baapdaada"' madhuban

“meethe bachche - oonch te oonch pad paana hai to yaad ki yaatra mein masta raho - yahi hai roohaani phaansi, buddhi apne ghar mein latki rahe''

prashn:- jinki buddhi mein gyaan ki dhaarna nahin hoti hai, unki nishaani kya hogi?

uttar:- woh chhoti-chhoti baaton mein ranj (naaraaz) hote rahenge। jiski buddhi mein jitna gyaan dhaaran hoga utni use khushi rahegi। buddhi mein agar yeh gyaan rahe ki abhi duniya ko neeche jaana hi hai, ismen nuksaan hi hona hai, to kabhi ranj nahin honge। sada khushi rahegi।

om shanti। meethe-meethe roohaani bachchon prati roohaani baap baith samjhaate hain। bachche samajhte hain oonch te oonch bhagwan kaha jaata hai। aatma ka buddhiyog ghar ki taraph jaana chaahiye। parantu aisa ek bhi manushya duniya mein nahin hai, jisko yeh buddhi mein aata ho। sannyaasi log bhi brahm ko ghar nahin samajhte woh to kehte ham brahm mein leen ho jaayenge to ghar thode hi hua। ghar mein thaharna hota hai। tum bachchon ki buddhi vahaan rahni chaahiye। jaise koi phaansi par chadhta hai na - tum ab roohaani phaansi par chadhe hue ho। andar mein hai hamko oonch te oonch baap aakar oonch te oonch ghar le chalte hain। ab hamko ghar jaana hai। oonch te oonch baba hamko phir oonch te oonch pad praapta karaate hain। raavan raajya mein sab neech hain। woh oonch yeh neech। unhon ko oonch ka pata hi nahin hai। oonch vaalon ko bhi neech ka pata nahin rehta। abhi tum samajhte ho oonch te oonch ek bhagwan ko hi kaha jaata hai। buddhi oopar mein chali jaati hai। woh hai hi paramdham mein rahne vaala। yeh koi bhi nahin samajhte hain, ham aatmaayen bhi vahaan ki rahne vaali hain। yahaan aate hain sirf part bajaane। yeh koi ke khyaal mein nahin rehta। apne hi dhandhe dhori mein lage rehte hain। ab baap samjhaate hain oonch te oonch tab banenge jab yaad ki yaatra mein masta rahenge। yaad se hi oonch pad paana hai। knowledge jo tumko sikhlaai jaati hai, woh bhoolne ki nahin hai। chhote bachche bhi varnan karenge। baaki yog ki baat ko bachche nahin samjhenge। bahut bachche hain jo yaad ki yaatra poori reeti samajhte nahin hain। ham kitna oonch te oonch jaate hain। mool vatan, sookshm vatan, sthool vatan… 5 tatva yahaan hain। sookshm vatan, mool vatan mein yeh nahin hote। yeh knowledge baap hi dete hain isliye unko gyaan ka saagar kaha jaata hai। manushya samajhte hain - bahut shaastra aadi padhna hi gyaan hai। kitna paisa kamaate hain। shaastra padhne vaalon ko kitna maan milta hai। parantu ab tum samajhte ho ismen koi oonchaai to hai nahin। oonch te oonch to hai hi ek bhagwan। unke dvaara ham oonch te oonch svarga mein raajya karne vaale bante hain। svarga kya hai, narka kya hai? 84 ka chakra kaise phirta hai? yeh sivaae tumhaare is srishti mein koi bhi nahin jaante hain, kah dete hain yeh sab kalpana hai। aise ke liye samajhna hai - yeh hamaare kul ka nahin hai। dilshikasta nahin hona chaahiye। samjha jaata hai - inka part nahin hai, to kuchh bhi samajh nahin sakenge। abhi tum bachchon ka sir bahut oonch hai। jab tum oonch duniya mein honge to neech duniya ko nahin jaanenge। neech duniya vaale phir oonch duniya ko nahin jaante। unko kaha hi jaata hai svarga। vilaayat vaale bhal svarga mein jaate nahin hain phir bhi naam to lete hain, heaven paradise tha। musalmaan log bhi bahishta kehte hain। parantu yeh unko pata nahin hai ki vahaan kaise jaana hota hai। abhi tumko kitni samajh milti hai, oonch te oonch baap kitni knowledge dete hain। yeh drama kaisa wonderful bana hua hai। jo drama ke raaz ko nahin jaante woh kalpana kah dete hain।

tum bachche jaante ho - yeh to hai hi patit duniya, isliye chillaate hain - he patit-paavan aakar hamko paavan banaao। baap kehte hain har 5 hazaar varsha baad history repeat hoti hai। puraani duniya so nai banti hai isliye mujhe aana padta hai। kalpa-kalpa aakar tum bachchon ko oonch te oonch banaata hoon। paavan ko oonch aur patit ko neech kaha jaata hai। yahi duniya nai paavan thi, abhi to patit hai। yeh baaten tumhaare mein bhi nambarvaar hain jo samajhte hain। jinki buddhi mein yeh baaten rehti hain woh sada khush rehte hain। buddhi mein nahin hai to koi ne kuchh kaha, kuchh nuksaan hua to ranj ho jaate hain। baba kehte hain ab is neech duniya ka ant aana hai। yeh hai puraani duniya। manushya kitna neech ban jaate hain। parantu yeh koi samajhte thode hi hain ki ham neech hain। bhakta log hamesha sir jhukaate hain, neech ke aage sir jhukaana thode hi hota hai। pavitra ke aage sir jhukaana hota hai। satayug mein kabhi aisa nahin hota। bhakta log hi aisa karte hain। baap to aisa nahin kehte - sir jhukaakar chalo। nahin, yeh to padhaai hai। god fatherly university mein tum padh rahe ho। to kitna nasha rehna chaahiye। aise nahin, sirf university mein nasha rahe, ghar mein utar jaae। ghar mein nasha rehna chaahiye। yahaan to tum bachche jaante ho shivbaaba hamko padhaate hain। yeh to kehte hain ki main thode hi gyaan saagar hoon। yeh baba bhi gyaan ka saagar nahin hai। saagar se nadi nikalti hai na। saagar to ek hai, brahmaputra sabse badi nadi hai। bahut bade steamers aate hain। nadiyaan to baahar bhi bahut hain। patit-paavni ganga yeh sirf yahaan hi kehte hain। baahar mein koi bhi nadi ko aise nahin kahenge। patit-paavni nadi hai phir to guru ki koi darkaar nahin। nadiyon mein, talaav mein kitna bhatakte hain। kahaan to talaav aise gande hote hain, baat mat poochho। uski mitti uthaakar ragadte rehte hain। ab buddhi mein aaya hai - yeh sab neeche utarne ke raaste hain। vo log kitna prem se jaate hain। ab tum samajhte ho ki is gyaan se hamaari aankhen hi khul gai। tumhaari gyaan ki teesri aankh khuli hai। aatma ko teesra netra milta hai isliye trikaaldarshi kehte hain। teenon kaalon ka gyaan aatma mein aata hai। aatma to bindi hai, usmein netra kaise hoga। yeh sab samajhne ki baaten hain। gyaan ke teesre netra se tum trikaaldarshi, trilokeenaath bante ho। naastik se aastik ban jaate ho। aage tum rachayita aur rachna ke aadi-madhya-ant ko nahin jaante the। abhi baap dvaara rachna ke aadi-madhya-ant ko jaanne se tumko varsa mil raha hai। yeh knowledge hai na। history-geography bhi hai, hisaab-kitaab hai na। achha, teekha bachcha ho to hisaab kare, ham kitne janma lete hain, is hisaab se aur dharma vaalon ke kitne janma honge। parantu baap kehte hain in sab baaton mein jaasti maatha maarne ki darkaar nahin hai। time vesta ho jaayega। yahaan to sab bhoolna hai। yeh sunaane ki darkaar nahin। tum to rachta baap ki pahchaan dete ho, jisko koi jaante nahin। shivbaaba bhaarat mein hi aate hain। zaroor kuchh karke jaate hain tab to jayanti manaate hain na। gaandhi athva koi saadhu aadi hokar gaye hain, unhon ke stamp banaate rehte hain। family planning ki stamp banaate hain। abhi tumko to nasha hai - ham to paandav government hain। almighty baba ki government hai। tumhaara yeh kot oph arms hai। aur koi is kot oph arms ko jaante hi nahin। tum samajhte ho ki vinaash kaale preet buddhi hamaari hi hai। baap ko ham bahut yaad karte hain। baap ko yaad karte-karte prem mein aansu aa jaate hain। baba, aap humein aadhaakalpa ke liye sab duhkhon se door kar dete ho। aur koi guru va mitra-sambandhi aadi kisko bhi yaad karne ki darkaar nahin। ek baap ko hi yaad karo। savere ka time bahut achha hai। baba aapki to badi kamaal hai। har 5 hazaar varsha baad humein aap jagaate ho। sabhi manushya maatra kumbhakran ki aasuri neend mein soye hue hain arthaat agyaan andhere mein hain। abhi tum samajhte ho - bhaarat ka praacheen yog to yeh hai, baaki jo bhi itne hathayog aadi sikhlaate hain, woh sabhi hain - exercise, shareer ko tandaroosta rakhne ke liye। abhi tumhaari buddhi mein saara gyaan hai to khushi rehti hai। yahaan aate ho, samajhte ho baba refresh karte hain। koi to yahaan refresh ho baahar nikalte hain, woh nasha khalaas ho jaata hai। nambarvaar to hain na। baba samjhaate hain - yeh hai patit duniya। bulaate bhi hain - he patit-paavan aao parantu apne ko patit samajhte thode hi hain, isliye paap dhone jaate hain। lekin shareer ko thode hi paap lagta hai। baap to aakar tumhein paavan banaate hain aur kehte hain maamekam yaad karo to tumhaare vikarma vinaash honge। yeh gyaan abhi tumko mila hai। bhaarat svarga tha, abhi narka hai। tum bachche to abhi sangam par ho। koi vikaar mein girte hain to fail hote hain to jaise narka mein jaakar gir padte hain। 5 manzil se gir padte hain, phir 100 guna saza khaani padti hai। to baap samjhaate hain ki bhaarat kitna oonch tha, ab kitna neech hai। ab tum kitna samajhdaar bante ho। manushya to kitne besmajh hain। baba tumko yahaan kitna nasha chadhaate hain, phir baahar nikalne se nasha kam ho jaata hai, khushi ud jaati hai। student koi bada imtahaan paas karte hain to kabhi nasha kam hota hai kya? padhkar paas hote hain phir kya-kya ban jaate hain। abhi dekho duniya ka kya haal hai। tumko oonch te oonch baap aakar padhaate hain। so bhi hai niraakaar। tum aatmaayen bhi niraakaar ho। yahaan part bajaane aai ho। yeh drama ka raaz baap hi aakar samjhaate hain। is srishti chakra ko drama bhi kaha jaata hai। us naatak mein to koi beemaar padte hain to nikal jaate hain। yeh hai behad ka naatak। yathaartha reeti tum bachchon ki buddhi mein hai, tum jaante ho ham yahaan part bajaane liye aate hain। ham behad ke actors hain। yahaan shareer lekar part bajaate hain, baba aaya hua hai - yeh sab buddhi mein hona chaahiye। behad ka drama kitna buddhi mein rehna chaahiye। behad vishwa ki baadshaahi milti hai to uske liye purushaartha bhi aisa achha karna chaahiye na। grihastha vyavhaar mein bhi bhal raho parantu pavitra bano। vilaayat mein aise bahut hain jab boodhe hote hain to phir kampeniyanship ke liye shaadi karte hain..... sambhaalne ke liye phir will karte hain। kuchh unko, kuchh charity ko। vikaar ki baat nahin rehti hai। aashik-maashook bhi vikaar ke liye phida nahin hote hain। jisma ka sirf pyaar rehta hai। tum ho roohaani aashik, ek maashook ko yaad karte ho। sab aashikon ka ek maashook hai। sabhi ek ko hi yaad karte hain। woh kitna shobhnik hai। aatma gori hai na। woh hai ever gora। tum to saanvare ban gaye ho, tumko woh saanvare se gora banaate hain। yeh tum jaante ho ki baap humein gora banaate hain। yahaan bahut hain jo pata nahin kis-kis khyaalaat mein baithe rehte hain। school mein aise hota hai - baithe-baithe kahaan buddhi bioscope taraph, doston aadi taraph chali jaati hai। satsang mein bhi aise hota hai। yahaan bhi aise hai, buddhi mein nahin baithta to nasha hi nahin chadhta, dhaarna hi nahin hoti - jo auron ko karaayen। bahut bachchiyaan aati hain, jinki dil hoti hai service mein kahaan lag jaayen parantu chhote-chhote bachche hain। baba kehte hain bachchon ko sambhaalne ke liye koi maai ko rakh do। yeh to bahuton ka kalyaan karengi। hoshiyaar hain to kyon nahin roohaani service mein lag jaayen। 5-6 bachchon ko sambhaalne ke liye koi maai ko rakh do। in maataaon ki ab baari hai na। nasha bahut rehna chaahiye। aage hoga, purush dekhenge ki hamaari stri ne to sannyaasiyon ko bhi jeet liya hai। yeh maataayen laukik, paarlaukik ka naam baala karke dikhaayengi। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) tumhein buddhi se sab kuchh bhoolna hai। jin baaton mein time vesta hota hai, woh sunne-sunaane ki darkaar nahin hai।

2) padhaai ke samay buddhiyog ek baap se laga rahe, kahaan bhi buddhi bhatakni nahin chaahiye। niraakaar baap humein padha rahe hain, is nashe mein rehna hai।

vardaan:- apni mahaanta aur mahima ko jaanne vaale sarva aatmaon mein shreshtha vishwa dvaara poojyaneey bhav

harek brahman bachcha vartamaan samay vishwa ki sarva aatmaon mein shreshtha hai aur bhavishya mein vishwa dvaara poojyaneey hai। nambarvaar hote hue bhi last number ka manka bhi vishwa ke aage mahaan hai। aaj tak bhakta aatmaayen last number ke manke ko bhi aankhon par rakhti hain kyonki sabhi bachche baapdaada ke naynon ke taare hain, noore ratna hain। jisne ek baar bhi man se, sachche dil se apne ko baap ka bachcha nishchay kiya, direct baap ka bachcha bana use mahaan va poojyaneey banne ki lottery va vardaan mil hi jaata hai।

slogan:- sthiti sada khajaanon se sampanna aur santushta rahe to paristhitiyaan badal jaayengi।

avyakt ishaare - ashareeri va videhi sthiti ka abhyaas badhaao

baapdaada achaanak direction de ki is shareer rupi ghar ko chhod, deh-abhimaan ki sthiti ko chhod dehi-abhimaani ban jaao, is duniya se pare apne sweet home mein chale jaao to ja sakte ho? yuddha sthal mein yuddha karte-karte samay to nahin bita denge! ashareeri banne mein agar yuddha karne mein hi samay lag gaya to antim paper mein marks va division kaun-sa aayega!