Daily Murli for Wednesday 28 January 2026

28-01-2026 praatahmurli om shanti "baapdaada"' madhuban

“meethe bachche - most beloved shivbaaba aaye hain tum bachchon ko vishwa ka maalik banaane, tum unki shreemat par chalo''

prashn:- manushya paramatma ke baare mein kaunsi do baaten ek-doosre se bhinna bolte hain?

uttar:- ek or kehte - paramatma akhanda jyoti hai aur doosri or kehte woh to naam-roop se nyaara hai। yeh donon baaten ek-doosre se bhinna ho jaati hain। yathaartha roop se na jaanne kaaran hi patit bante jaate hain। baap jab aate hain to apni sahi pahchaan dete hain।

geet:- marna teri gali mein…

om shanti। bachchon ne geet suna। jab koi marte hain to baap ke paas janma lenge। kahne mein yahi aata hai ki baap ke paas janma liya, maa ka naam nahin lenge। badhaaeeyaan baap ko di jaati hain। abhi tum bachche jaante ho ham aatmaayen hain, woh ho gai shareer ki baat। ek shareer chhod phir doosre baap ke paas jaate hain। tumne 84 janmon mein 84 saakaari baap kiye hain। vaastav mein asul ho niraakaar baap ke bachche। tum aatma parampita paramatma ke bachche ho। rahne vaale bhi vahaan ke ho jisko nirvaandhaam va shantidham kehte hain। asul tum vahaan ke rahne vaale ho। baap bhi vahaan rehte hain। yahaan aakar tum laukik baap ke bachche bante ho to phir us baap ko bhool jaate ho। satayug mein bhi tum sukhi ban jaate ho to us paarlaukik baap ko bhool jaate ho। sukh mein us baap ka koi simran nahin karte hain। duhkh mein yaad karte hain। aur yaad bhi aatma karti hai। jab laukik baap ko yaad karte hain to buddhi shareer taraph rehti hai। yeh baba unko yaad karenge to kahenge O baba। hain donon baba। right akshar baba hi hai। yeh bhi father, woh bhi father। aatma us roohaani baap ko yaad karti hai to buddhi vahaan jaati hai। yeh baap baith bachchon ko samjhaate hain। abhi tum yeh jaante ho baba aaya hua hai, hamko apna banaaya hai। baap kehte hain pahle-pahle hamne tumko svarga mein bheja। tum bahut-bahut saahookaar the phir 84 janma le drama plan anusaar abhi tum duhkhi hue ho। ab drama anusaar puraani duniya khatma honi hai। tumhaari aatma aur shareer roopi vastra satopradhaan the phir golden ej se silver ej mein aatma aai to shareer bhi silver ej mein aaya phir copper ej mein aaya। abhi to tumhaari aatma bilkul hi patit ho gai hai to shareer bhi patit hai। jaise 14 carat ka sona koi pasanda nahin karte hain। kaala pad jaata hai। tum bhi abhi kaale iron aged ban gaye ho। ab aatma aur shareer jo aise kaale ban gaye hain to phir pure kaise banen। aatma pure bane to shareer bhi pure mile। woh kaise hoga? kya ganga snaan karne se? nahin। pukaarte hi hain - he patit-paavan... yeh aatma kehti hai। buddhi paarlaukik baap taraph chali jaati hai - he baba। dekho baba akshar hi kitna meetha hai। bhaarat mein hi baba-baba kehte hain। abhi tum aatma-abhimaani ban baba ke bane ho। baap kehte hain mainne tumko svarga mein bheja tha। naya shareer dhaaran kiya tha। ab tum kya ban gaye ho। yeh baaten hamesha andar rahni chaahiye। baba ko hi yaad karna chaahiye। yaad bhi karte hain na - he baba ham aatmaayen patit ban gai hain। ab aap aakar paavan banaao। drama mein bhi yeh part hai tab to bulaate hain। drama plan anusaar aayenge bhi tab jab puraani duniya se nai banni hai to zaroor sangam par hi aayenge।

tum bachchon ko nishchay hai beloved most baba hai। kehte bhi hain sweet, sweeter, sweetest। ab sweet kaun hai? laukik sambandh mein pahle hai father, jo janma dete hain। phir teacher। woh achha hota hai। usse padhkar martaba paate ho। knowledge is source oph income kaha jaata hai। gyaan hai knowledge। yog hai yaad। to behad ka baap jisne tumko svarga ka maalik banaaya tha, unko tum abhi bhool gaye ho। shivbaaba kaise aaya kisko pata nahin। chitron mein bhi clear dikhaaya hai। brahma dvaara sthaapna shivbaaba karaate hain। shreekrishna kaise raajayog sikhaayega? raajayog sikhlaate hi hain satayug ke liye। to zaroor sangam par baap ne hi sikhaaya hoga। satayug ki sthaapna karne vaala hai baba। shivbaaba in dvaara karaate hain, karnakraavanhaar hai na। vo log trimoorti brahma kah dete hain। oonch te oonch shiv hai na। yeh saakaar hai, woh niraakaar hai। srishti bhi yahaan hi hai। is srishti ka hi chakra hai jo phirta rehta hai, repeat hota rehta hai। sookshm vatan ki srishti ka chakra nahin gaaya jaata hai। world ki history-geography manushyon ki repeat hoti hai। sookshm vatan mein koi chakra aadi nahin hota। gaate bhi hain world ki history-geography repeat। woh yahaan ki baat hai। satayug-treta..... beech mein zaroor sangamayug chaahiye। nahin to kaliyug ko satayug kaun banaaye। narkavaasiyon ko svarga-vaasi banaane baap sangam par aate hain। yeh to highest authority god fatherly government hai। saath mein dharmaraaj bhi hai। aatma kehti hai mujh nirgun haare mein koi gun naahi। koi bhi devta ke mandir mein jaayenge to unke aage aise kahenge। kehna chaahiye baap ko। unko chhod brothers (devtaaon) ko aakar lage hain। yeh devtaayen brothers thahre na। brothers se to kuchh bhi milna nahin hai। bhaaiyon ki pooja karte-karte neeche girte aaye hain। ab tum bachche jaante ho baba aaya hua hai, unse hamko varsa milta hai। baap ko hi nahin jaante, sarvavyaapi kah dete hain। koi phir kehte akhanda jyoti tatva hai। koi kehte woh naam-roop se nyaara hai। jab akhanda jyoti svarup hai to phir naam-roop se nyaara kaise kehte ho। baap ko na jaanne kaaran hi patit ban pade hain। tamopradhaan bhi banna hi hai। phir jab baap aate hain tab aakar sabhi ko satopradhaan banaate hain। aatmaayen niraakaari duniya mein sab baap ke saath rehti hain phir yahaan sato-rajo-tamo mein aakar part bajaati hain। aatma hi baap ko yaad karti hai। baap aate bhi hain, kehte bhi hain brahma tan ka aadhaar leta hoon। yeh hai bhaagyashaali rath। bigar aatma rath thode hi hota hai। abhi tum bachchon ko samjhaaya hai, yeh hai gyaan ki varsha। knowledge hai, isse kya hota hai? patit duniya se paavan duniya banti hai। ganga-jamuna to satayug mein bhi hote hain। kehte hain shreekrishna jamuna ke kanthe par khelpaal karte hain। aisi koi baaten hain nahin। woh to satayug ka prince hai। bahut achhi reeti unko sambhaala jaata hai kyonki phool hai na। phool kitne achhe sundar hote hain। phool se sab aakar khushbu lete hain। kaanton ki thode hi khushbu lenge। abhi to yeh hai kaanton ki duniya। kaanton ke jangal ko baap aakar garden oph flower banaate hain isliye unka naam babulnaath bhi rakh diya hai। kaanton ko baith phool banaate hain isliye mahima gaate hain - kaanton ko phool banaane vaale baba। ab tum bachchon ka baap ke saath kitna lav hona chaahiye। vo laukik baap to tumko gutter mein daalte hain। yeh baap 21 janmon ke liye tumko gutter se nikaal paavan banaate hain। woh tumko patit banaate hain tab to laukik baap hote bhi paarlaukik baap ko aatma yaad karti hai।

abhi tum jaante ho aadhaakalpa baap ko yaad kiya hai। baap aate bhi zaroor hain। shivjayanti manaate hain na। tum jaante ho ham behad ke baap ke bane hain। abhi hamaara sambandh unse bhi hai to laukik se bhi hai। paarlaukik baap ko yaad karne se tum paavan banenge। aatma jaanti hai woh hamaara laukik aur yeh paarlaukik baap hai। bhakti maarga mein bhi yeh aatma jaanti hai। tab to kehte hain - he bhagwan, O god father। avinaashi father ko yaad karte hain। woh baap aakar heaven sthaapan karte hain। yeh kisko pata nahin hain। shaastron mein to yugon ki aayu bhi bahut lambi-chaudi likh di hai। yeh kiske khyaal mein nahin aata ki baap aate hi hain patiton ko paavan banaane। to zaroor sangam par aayenge। kalpa ki aayu laakhon varsha likh manushyon ko bilkul ghor andhiyaare mein daal diya hai। dhakke khaate rehte hain, baap ko paane ke liye। kehte hain jo bahut bhakti karte hain to bhagwan milta hai। sabse jaasti bhakti karne vaale ko zaroor pahle milna chaahiye। baap ne hisaab bhi bataaya hai, sabse pahle bhakti tum karte ho। to tumko hi pahle-pahle bhagwan dvaara gyaan milna chaahiye jo phir tum hi nai duniya mein raajya karo। behad ka baap tum bachchon ko gyaan de rahe hain, ismen takleeph ki koi baat nahin hai। baap kehte hain tumne aadhaakalpa yaad kiya hai। sukh mein to koi yaad karte hi nahin। ant mein jab duhkhi ho jaate hain tab ham aakar sukhi banaate hain। abhi tum bahut bade aadmi bante ho। dekho chief minister, prime minister aadi ke bangale kitne first class hote hain। vahaan phir gaayen aadi saara furniture aisa first class hoga। tum to kitne bade aadmi (devta) bante ho। daiveegunon vaale devta svarga ke maalik bante ho। vahaan tumhaare liye mahal bhi heere-javaahraaton ke hote hain। vahaan tumhaara furniture sone ke jadit ka first class hoga। yahaan to jhoole aadi sab beggary hain। vahaan to first class heere-javaahraaton ki sab cheejen hongi। yeh hai roodra gyaan yagya। shiv ko roodra bhi kehte hain। jab bhakti poori hoti hai to phir bhagwan roodra yagya rachte hain। satayug mein yagya athva bhakti ki baat hi nahin। is samay hi baap yeh avinaashi roodra gyaan yagya rachte hain, jiska phir baad mein gaayan chalta hai। bhakti sadaiv to nahin chalti rahegi। bhakti aur gyaan। bhakti hai raat, gyaan hai din। baap aakar din banaate hain to bachchon ka baap ke saath kitna lav hona chaahiye। baba hamko vishwa ka maalik banaate hain। most beloved baba hai। unse jyaada pyaari vastu koi ho na sake। aadhaakalpa se yaad karte aaye ho। baba aakar hamaare duhkh haro। ab baap aaye hain। samjhaate hain tumko apne grihastha vyavhaar mein to rehna hi hai। yahaan baba paas kahaan tak baithenge। baap ke saath to paramdham mein hi rah sakte। yahaan itne sab bachche to nahin rah sakte। teacher savaal kaise poochhenge। laaudaspeekar par respond kaise de sakenge isliye thode-thode students ko padhaate hain। college to bahut hote hain phir sabke imtahaan hote hain। list nikalti hai। yahaan to ek hi baap padhaate hain। yeh bhi samjhaana chaahiye duhkh mein simran sab us paarlaukik baap ka karte hain। ab yeh baap aaya hua hai। mahaabhaari mahaabhaarat ladaai bhi saamne khadi hai। woh samajhte hain mahaabhaarat ladaai mein shreekrishna aaya। yeh to ho na sake। bichaare moonjhe hue hain na। phir bhi krishna-krishna yaad karte rehte hain। ab most beloved shiv bhi hai to shreekrishna bhi hai। parantu woh hai niraakaar, woh hai saakaar। niraakaar baap sab aatmaon ka baap hai। hain donon most beloved। shreekrishna bhi vishwa ka maalik hai na। abhi tum judge kar sakte ho - jaasti pyaara kaun? shivbaaba hi to aisa laayak banaate hain na। shreekrishna kya karte hain? baap hi to unko aisa banaate hain, to gaayan bhi jaasti us baap ka hona chaahiye। shankar ka dance dikhaate hain। vaastav mein dance aadi ki to baat nahin। baap ne samjhaaya hai tum sab paarvatiyaan ho। yeh shiv amarnaath tumko katha suna rahe hain। woh hai viceless world। vikaar ki baat nahin। baap vikaari duniya thode hi rachenge। vikaar mein hi duhkh hai। manushya hathayog aadi bahut seekhte hain। guphaaon mein jaakar baithte hain, aag se bhi chale jaate hain। riddhi-siddhi bhi bahut hai। jaadoogri se bahut cheezon ko nikaalte hain। bhagwan ko bhi jaadoogar, ratnaagar, saudaagar kehte hain to zaroor chaitanya hai na। kehte bhi hain main aata hoon, jaadoogar hai na। manushya ko devta, beggar se prince banaate hain। aisa jaadu kabhi dekha। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) phoolon ke bageeche mein chalna hai isliye khushboodaar phool banna hai। kisi ko bhi duhkh nahin dena hai। ek paarlaukik baap se sarva sambandh jodne hain।

2) shivbaaba pyaare se pyaara hai us ek ko hi pyaar karna hai। sukhdaata baap ko yaad karna hai।

vardaan:- kisi ki kami, kamjori ko na dekh apne gun va shaktiyon ka sahayog dene vaale master daata bhav

master daata woh hai jo sada isi roohaani bhaavna mein rehte ki sarva roohen hamaare samaan varse ke adhikaari ban jaayen। kisi ki bhi kami kamjori ko na dekh, ve apne dhaaran kiye hue gunon ka, shaktiyon ka sahayog dete hain। yeh aisa hai hi - is bhaavna ke bajaae main isko bhi baap samaan banaaoon, yeh shubh bhaavna ho। saath-saath yahi shreshtha kaamna ho ki yeh sarva aatmaayen kangaal, duhkhi, ashaanta se sada shant, sukh-roop maalaamaal ban jaaen - tab kahenge master daata।

slogan:- mansa-vaacha-karmana seva karne vaale hi nirantar sevaadhaari hain, unke har shvaans mein seva samaai hui hai।

avyakt ishaare - is avyakti maas mein bandhanmukta rah jeevanmukta sthiti ka anubhav karo

pahle apni deh se, deh ke sambandh se aur puraani duniya ki smriti se mukta bano। jab is mukti ki avastha ka anubhav karenge tab mukta hone ke baad jeevan mukti ka anubhav svatah hoga। to check karo jeevan mein rehte hue deh, deh ke sambandh aur puraani duniya ki aakarshan se kahaan tak mukta bane hain?