Daily Murli for Friday 6 March 2026

06-03-2026 praatahmurli om shanti "baapdaada"' madhuban

“meethe bachche - sachche salvation army ban sabko is paap ki duniya se punya ki duniya mein le chalna hai, sabke doobe hue bede ko paar lagaana hai''

prashn:- kaun sa nishchay har ek bachche ki buddhi mein nambarvaar baithta hai?

uttar:- patit-paavan hamaara most beloved baba, humein svarga ka varsa de raha hai, yeh nishchay har ek ki buddhi mein nambarvaar baithta hai। agar poora nishchay kisi ko ho bhi jaae to maaya saamne khadi hai। baap ko bhool jaate hain, fail ho padte hain। jinhen nishchay baith jaata hai woh paavan banne ke purushaartha mein lag jaate hain। buddhi mein rehta hai, ab to ghar jaana hai।

om shanti। meethe-meethe sikeeldhe bachchon prati good morning। bachche yeh to jaante hain ki satayug mein sadaiv good morning, good de, good everything, good night, sab good hi good hai। yahaan to na good morning hai, na good night hai। sabse buri hai night। to sabse achha kya hai? savera। jisko amritvela kaha jaata hai। tumhaara har samay good hi good hai। bachche jaante hain ki is samay ham yog yogeshvar aur yog yogeshvaariyaan hain। eeshvar jo tumhaara baap hai, woh aakar yog sikhlaate hain arthaat tum bachchon ka ek eeshvar ke saath yog hai। tum bachchon ko yogeshvar ke baad gyaan gyaaneshvar baap ka pata pada hai। yog laga phir baap tumko saare chakra ki knowledge samjhaate hain, jisse tum bhi gyaan gyaaneshvar bante ho। eeshvar baap, bachchon ko aakar gyaan aur yog sikhlaate hain। kaunsa eeshvar? niraakaar baap। ab buddhi se kaam lo। guru logon ki to bahut mat hain। koi kahenge shreekrishna se yog lagaao, phir unka chitra bhi denge। koi saani baba, koi maharshi baba, koi musalmaan ka, koi paarsi ka, sabko baba-baba kehte rehte hain। kahenge sab bhagwan hi bhagwan hain। ab tum jaante ho manushya bhagwan ho nahin sakta। in lakshmi-naaraayan ko bhi bhagwan bhagavti nahin kah sakte। bhagwan to ek niraakaar hai। woh tum sab aatmaon ka baap hai, unko kaha jaata hai shivbaaba। tum hi janma janmaantar satsang karte aaye। koi na koi sannyaasi saadhu pandit aadi zaroor honge। log jaante hain ki yeh hamaara guru hai। hamko katha suna rahe hain। satayug mein kathaayen aadi hoti nahin। baap baith samjhaate hain sirf bhagwan va eeshvar kahne se rasna nahin aati hai। woh baap hai to baba kahne se sambandh snehpoorna ho jaata hai। tum jaante ho ham baba mama ke bachche bane hain, jisse hamko svarga ke sukh milte hain। aisa koi bhi satsang nahin hoga, jo samajhte hon ki ham is satsang se manushya se devta va narkavaasi se svargavaasi bante hain। abhi tumhaara sat baap ke saath sang hai aur sabka asatya ke saath sang kaha jaata hai। gaaya bhi jaata hai satsang taare… jismaani sang bore। baap kehte hain aatma-abhimaani, dehi-abhimaani bano। main tum bachchon, aatmaon ko sikhaata hoon। yeh roohaani knowledge roohon prati supreme rooh aakar dete hain। baaki sab hai bhaktimaarga। woh koi gyaan maarga nahin hai। baap kehte hain main sab vedon, shaastron ko, srishti ke aadi, madhya, ant ko jaanne vaala hoon। authority main hoon। woh hai bhakti maarga ki authority। bahut shaastra aadi padhte hain to unko kehte hain shaastron ki authority। tumko baap sach aakar sunaate hain। abhi tum jaante ho sat ka sang taare......jhooth ka sang duboye। ab baap tum bachchon dvaara bhaarat ko salvage kar rahe hain। tum ho roohaani salvation army। salvage karte hain। baap kehte hain ki bhaarat jo svarga tha woh ab narka bana hua hai। dooba hua hai। baaki koi aisa saagar ke neeche nahin hai। tum satopradhaan se tamopradhaan bane ho। satayug treta hai satopradhaan। yeh bada steamer hai। tum steamer mein baithe ho। yeh paap ki nagri hai kyonki sab paap aatmaayen hain। vaastav mein guru ek hai। unko koi jaante nahin hain। hamesha kehte hain - O god father। aise nahin kehte god father kam preceptor। nahin, sirf father kehte hain। woh patit-paavan hai, to guru bhi ho gaya। sarva ka patit-paavan sadgati daata ek hai। is patit duniya mein koi bhi manushya sadgati daata va patit-paavan ho nahin sakta। baap kehte hain kitni adulteration, corruption hai। ab mujhe kanyaaon maataaon ke dvaara sabka uddhaar karna hai।

tum sab brahmaakumaar kumaariyaan bhaai-behen ho gaye। nahin to daade ka varsa kaise mile। daade se varsa milta hai 21 peedhi arthaat svarga ki raajaai। kamaai kitni badi hai। yeh hai sachchi kamaai, sachche baap dvaara। baap, baap bhi hai, shikshak bhi hai, satguru bhi hai। practical mein karke dikhaane vaala hai। aise nahin ki guru mar gaya to chele ko gaddi mile। woh hai jismaani guru। yeh hai roohaani guru। achhi reeti is baat ko samajhna hai, yeh bilkul nai baaten hain। tum jaante ho hamko koi manushya nahin padhaata hai, hamko shivbaaba gyaan ka saagar patit-paavan is shareer dvaara padhaate hain। tumhaari buddhi shivbaaba taraph hai। un satsangon mein manushya taraph buddhi jaayegi। woh sab hain bhakti maarga। ab tum gaate ho tum maat-pita ham baalak tere... yeh to ek hai na। parantu baba kehte hain ki main kaise aakar tumko apna banaaoon। main tumhaara pita hoon। to inke tan ka aadhaar leta hoon। to yeh (brahma) hamaari stri bhi hai, to bachcha bhi hai। in dvaara shivbaaba bachchon ko adopt karte hain to yeh badi mama ho gai। inki koi maa nahin hai। sarasvati ko jagat amba kaha jaata hai। unko tumhaari sambhaal karne ke liye mukrar kiya। sarasvati gyaan gyaaneshvari, yeh hai chhoti mama। yeh badi guhya baaten hain। tum abhi yeh guhya padhaai padh rahe ho, tumhein with respect paas hona hai। yeh lakshmi-naaraayan with respect paas hue hain। unhon ko sabse badi scholarship mili hai। koi saja khaani nahin padi। baap kehte hain jitna ho sake yaad karo। isko bhaarat ka praacheen yog kaha jaata hai। baap kehte hain tumko sabhi vedon, shaastron ka saar sunaata hoon। mainne tumko raajayog sikhaaya, jisse tumne praalabdha paai। phir gyaan khalaas ho gaya, phir parampara kaise chal sakta। vahaan koi shaastra aadi hote nahin aur dharma vaale islaami, bauddhi aadi jo hain unka gyaan gum nahin hota। unhon ka parampara chalta hai। sabko maaloom hai। parantu baap kehte hain ki main tumko jo gyaan sunaata hoon woh koi nahin jaante। bhaarat duhkhi ban jaata hai, unko aakar sada sukhi banaata hoon। baap kehte hain - main saadhaaran tan mein baitha hoon। tumhaara buddhiyog baap ke saath rahe। aatmaon ka baap hai parampita paramatma। sarva bachchon ka woh baap hai, unke sab bachche thahre na। sab aatmaayen is samay patit hain। baap kehte hain - main practical mein aaya hoon। vinaash saamne khada hai। jaante ho aag lagegi। sabke shareer khatma ho jaayenge। sab aatmaon ko jaana hai vaapis ghar। aise nahin ki brahm mein leen ho jaayenge va jyoti mein sama jaayenge। brahm samaaji phir jyoti jagaate hain। unko brahm mandir kah dete hain। vaastav mein hai brahm mahtatva, jahaan sab aatmaayen rehti hain। hamaara pahle mandir woh hai। pavitra aatmaayen vahaan rehti hain। yeh baaten koi manushya samajhte nahin। gyaan ka saagar baap baith tum bachchon ko samjhaate hain ki ab ho tum gyaan gyaaneshvar phir bante ho raaj-raajeshvar। tumhaari buddhi mein hai ki patit-paavan most beloved baba aakar hamko svarga ka varsa de rahe hain। kaeeyon ki buddhi mein yeh bhi baithta nahin hai। itne baithe hain, inmen koi 100 percent nishchay-buddhi nahin hain। koi 80 percent hain, koi 50 percent hain, koi woh bhi nahin। woh to bilkul failure hua। nambarvaar zaroor hain। bahut hain jinko nishchay nahin hai। koshish karte hain ki nishchay ho jaae। achha nishchay ho bhi jaae parantu maaya kadi hai। baba ko bhool jaate hain। yeh brahma khud kehte hain ki main poora bhagat tha। 63 janma bhakti ki hai, tattvam। tumne bhi 63 janma bhakti ki hai। 21 janma sukh paaya phir bhagat bane ho। bhakti ke baad hai vairaagya। sannyaasi log bhi yeh akshar sab kehte hain ki gyaan, bhakti aur vairaagya। unhon ko vairaagya aata hai gharbaar se। usko had ka vairaagya kaha jaata hai aur tumhaara hai behad ka vairaagya। sannyaasi gharbaar chhod jangal mein chale jaate the। ab to koi jangal mein hai hi nahin। sab kutiyaayen khaali padi hain kyonki pahle satopradhaan the, ab woh tamopradhaan ho gaye hain। ab unhon mein koi taakat nahin hai। lakshmi-naaraayan ki raajdhaani mein jo taakat thi, woh punarjanma lete-lete ab dekho ve kahaan aakar pahunche hain। kuchh bhi taakat nahin hai। yahaan ki government bhi kehti hai ham dharma ko nahin maante। dharma mein hi bahut nuksaan hain, ladte-jhagadte, conference karte rehte ki sabhi dharma vaale ek mat ho jaaen। lekin poochho ek kaise ho sakenge। abhi to sab vaapis jaane vaale hain। baba aaya hai, yeh duniya ab kabristaan banni hai। baaki yeh to variety jhaad hai। so ek kaise hoga, kuchh bhi samajhte nahin। bhaarat mein ek dharma tha, unko kaha jaata advait mat vaale devtaayen। dvait maana daitya। baba kehte tumhaara yeh dharma bahut sukh dene vaala hai।

tum jaante ho ki punarjanma le hamko phir 84 janma bhogne hain। nishchay ho ki hamne hi 84 janma bhoge hain। hamko hi jaana hai aur phir aana hai। bhaaratvaasiyon ko hi samjhaate hain ki tumne 84 janma poore kiye hain। ab tumhaara yeh bahut janmon ke ant ka janma hai। sirf ek ko nahin kehte, paandav sena ko samjhaate hain ki tum pande ho। tum roohaani yaatra sikhlaate ho isliye paandav sena kaha jaata hai। raajya ab na kaurvon ka, na paandavon ka hai। woh bhi praja tum bhi praja ho। kehte hain kaurav paandav bhaai-bhaai, paandavon ki taraph hai parampita paramatma। baap hi aakar maaya par jeet pahanna sikhlaate hain। tum aadi sanaatan devi devta dharma vaale ahinsak ho। ahinsa parmo dharma। mukhya baat hai kaam kataari nahin chalaana hai। bhaaratvaasi samajhte hain ki gau ka kos na karna - yahi ahinsa hai, parantu baba kehte hain - kaam kataari nahin chalaao, inko hi bade te badi hinsa kaha jaata hai। satayug mein na kaam kataari, na ladaai-jhagda chalta hai। yahaan to donon hain। kaam kataari hi aadi madhya ant duhkh deti hai। tum seedhi utarte ho। 84 janma tum bhaaratvaasiyon ne liye hai। in lakshmi-naaraayan ka raajya tha phir punarjanma lete ho। ek-ek janma ek-ek paudhi hai। yahaan se tum ekdam jump maarte ho oopar। 84 paudhiyaan utarne mein tumko 5 hajaar varsha lagte hain aur yahaan se phir tum second mein chadh jaate ho। second mein jeevanmukti kaun deta? baap। ab sab ekdam pat mein pade hain। ab baap kehte hain sirf mujhe yaad karo। yeh buddhi mein yaad rakhna hai ab naatak poora hua, hamko vaapis ghar jaana hai। hamko apne baap ko aur ghar ko yaad karna hai। pahle baba ko yaad karo, woh hi tumko ghar ka raasta bataate hain। baap ki yaad se vikarma vinaash honge। brahm ko yaad karne se ek bhi paap katenge nahin। patit-paavan paramatma hi hai। woh kaise paavan banaate hain - yeh duniya mein koi samajh nahin sakte। baap ko aakar svarga ki sthaapna zaroor karni hai। baap aaya hai to tum bachche jayanti manaate ho। kab aaya, yeh nahin kah sakte ki is ghadi, is tithi-taareekh aaya। shivbaaba kab aaya, kaise kah sakte। saakshaatkaar bahut hote hain। pahle ham sarvavyaapi samajhte the ya kah dete the aatma so paramatma hai। ab yathaartha maaloom hua hai। baba din pratidin guhya baaten sunaate rehte hain। tum saadhaaran bachche kitni badi knowledge padh rahe ho। achha!

meethe-meethe sikeeldhe bachchon prati-maat pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) with respect paas hone ke liye sajaaon se chhootne ka purushaartha karna hai। yaad mein rahne se hi scholarship lene ke adhikaari ban sakenge।

2) sachcha-sachcha paandav ban sabko roohaani yaatra karaani hai। kisi bhi prakaar ki hinsa nahin karni hai।

vardaan:- light house ki sthiti dvaara paap karmo ko samaapta karne vaale punya aatma bhav

jahaan light hoti hai vahaan koi bhi paap ka karma nahin hota hai। to sada light house sthiti mein rahne se maaya koi paap karma nahin kara sakti, sada punya aatma ban jaayenge। punya aatma sankalp mein bhi koi paap karma nahin kar sakti। jahaan paap hota hai vahaan baap ki yaad nahin hoti। to dridh sankalp karo ki main punya aatma hoon, paap mere saamne aa nahin sakta। svapna va sankalp mein bhi paap ko aane na do।

slogan:- jo har drishya ko saakshi hokar dekhte hain vahi sada harshit rehte hain।

ye avyakt ishaare-“nishchay ke foundation ko majboot kar sada nirbhay aur nishchint raho"

nishchaybuddhi bachche sada harshit aur nishchint rehte hain। chinta khushi ko khatma karti hai aur nishchinta hain to sada khushi rahegi, jab kisi bhi baat mein kyon hua, kaise hua, kya hoga!... yeh prashn aate hain tab chinta hoti hai। kya, kyon, kaise - ye chinta ki lahar hai। kai phir kehte hain ki mere se hi kyon hota hai? mere peechhe ye bandhan kyon hai! mere peechhe maaya kyon aati hai! mera hi hisaab-kitaab kada hai, kyon? to ‘kyon' aana maana chinta ki lahar। jo in chintaaon se pare hai vahi nishchint hai।