Daily Murli for Thursday 19 March 2026

19-03-2026 praatahmurli om shanti "baapdaada"' madhuban

“meethe bachche - jaise baapdaada donon nirhankaari hain, dehi-abhimaani hain, aise follow father karo, to sada unnati hoti rahegi''

prashn:- oonch pad ki praapti ke liye kaun si khabardaari rakhna zaroori hai?

uttar:- oonch pad paana hai to khabardaari rakho ki mansa se bhi kisi ko mere dvaara duhkh na ho, 2- kisi bhi paristhiti mein krodh na aaye, 3- baap ka bankar baap ke kaarya mein, is roodra yagya mein vighna roop na banen। agar koi mukh se baba-baba kahe aur chalan royal na ho to oonch pad nahin mil sakta।

om shanti। bachche achhi tarah se jaante hain ki baap se varsa paana hai zaroor। kaise? shreemat par। baap ne samjhaaya hai ek hi geeta shaastra hai jismen shreemat bhagvaanuvaach hai। bhagwan to sabka baap hai। shreemat bhagvaanuvaach। to zaroor bhagwan ne aakar shreshtha banaaya hoga, tab to uski mahima hai। shreemat bhagvat geeta arthaat shreemat bhagvaanuvaach। bhagwan to zaroor oonch te oonch thahra। shreemat bhi us hi ek shaastra mein gaai hui hai aur koi shaastra mein shreemat bhagvaanuvaach nahin hai। shreemat kiski honi chaahiye, woh likhne vaale bhi samajh na saken। usmein bhool kyon hui hai? woh bhi baap aakar samjhaate hain। raavan raajya shuru hone se hi raavan mat par chal padte hain। pahle kade te kadi bhool in raavan mat vaalon ne ki hai। raavan ki chamaat lagti hai। jaise kaha jaata hai shankar prerak hai, bombs aadi banvaaye hain। vaise 5 vikaaron roopi raavan prerak hai manushya ko patit banaane ka, tab to pukaarte hain patit-paavan aao। to patit-paavan ek hi thahra na। isse siddha hai ki patit banaane vaala aur hai, paavan banaane vaala aur hai। donon ek ho nahin sakte। yeh baaten tum hi samajhte ho - nambarvaar purushaartha anusaar। aise mat samajhna ki sabhi ko nishchay hai। nambarvaar hain। jitna nishchay hai utni khushi badhti hai। baap ki mat par chalna hota hai। shreemat par hamko yeh svaraajya pad paana hai। manushya se devta banne mein deri nahin lagti hai। tum purushaartha karte ho। mama baba ko follow karte ho। jaise woh aap samaan banaane ki service kar rahe hain, tum bhi samajhte ho ham kya service kar rahe hain aur mama baba kya service kar rahe hain। baba ne samjhaaya tha ki shivbaaba aur brahma daada donon ikatthe hain। to samajhna chaahiye ki sabse najdeek hain। inka hi sampoorn roop sookshm vatan mein dekhte hain to zaroor yeh teekha hoga। parantu jaise baap nirhankaari hai, dehi-abhimaani hai vaise yeh daada bhi nirhankaari hai। kehte hain ki shivbaaba hi samjhaate rehte hain। jab murli chalti hai to baba khud kehte hain ki samjho ki shivbaaba in dvaara suna rahe hain। yeh brahma bhi zaroor sunta hoga। yeh na sune aur na sunaaye to oonch pad kaise paaye। parantu apna deh-abhimaan chhod kehte hain ki aise samjho ki shivbaaba hi sunaate hain। ham purushaartha karte rehte hain। shivbaaba hi samjhaate hain। isne to patit-pana paas kiya hua hai। mama to kumaari thi। to mama oonch chali gai। tum bhi kumaariyaan mama ko follow karo। grihasthiyon ko baba ko follow karna chaahiye। har ek ko samajhna hai ki main patit hoon, mujhe paavan banna hai। mukhya baat baap ne yaad ke yaatra ki sikhlaai hai। ismen deh-abhimaan nahin rehna chaahiye। achha koi murli nahin suna sakte to yaad ki yaatra par raho। yaatra par rehte murli chala sakte hain। parantu yaatra bhool jaate hain to bhi harja nahin। murli chalaakar phir yaatra par lag jaao kyonki woh vaani se pare vaanaprastha avastha hai। mool baat hai dehi-abhimaani ho baap ko yaad karte rahen aur chakra ko yaad karte rahen। kisi ko duhkh na den। yahi samjhaate rahen baap ko yaad karo। yeh hai yaatra। manushya jab marte hain to kehte hain - svarga padhaara। agyaan kaal mein koi svarga ko yaad nahin karte hain। svarga ko yaad karna maana yahaan se marna। aise to koi yaad nahin karte। abhi tum bachche jaante ho hamko vaapis jaana hai। baap kehte hain - jitna tum yaad karenge utna khushi ka paara chadhega, varsa yaad rahega। jitna baap ko yaad karenge utna harshit bhi rahenge। baap ko yaad na karne se moonjhate hain। ghutka khaate rehte hain। tum itna samay yaad kar nahin sakte। baba ne aashik maashook ka misaal bataaya hai। woh bhal dhandha karte hain aur woh bhal charkha chalaati rehti to bhi uske saamne maashook aakar khada ho jaata। aashik maashook ko yaad karte, maashook phir aashik ko yaad karte। yahaan to sirf tumko ek baap ko yaad karna hai। woh sabka maashook hai। tum bachche likhte ho ki baba aap hamko yaad karte ho? are jo sabka maashook hai woh phir tum aashikon ko yaad kaise kar sakenge? ho nahin sakta। woh hai hi maashook। aashik ban nahi sakta। tumko hi yaad karna hai। tum har ek ko aashik banna hai, us ek maashook ka। agar woh aashik bane to kitne ko yaad kare। yeh to ho nahin sakta। kehta hai ki mere oopar paapon ka bojh thode hi hai jo kisko yaad karoon। tumhaare oopar bojha hai। baap ko yaad nahin karenge to paapon ka bojha nahin utrega। baaki mujhe kyon kisko yaad karna pade। yaad karna hai tum aatmaon ko। jitna yaad karenge utna punya aatma banenge, paap katte jaayenge। badi manzil hai। dehi-abhimaani banne mein hi mehnat hai। yeh knowledge saari tumko mil rahi hai। tum trikaaldarshi bane ho, nambarvaar purushaartha anusaar। saara chakra tumhaari buddhi mein rehna chaahiye। baap samjhaate hain tum light house ho na। har ek ko raasta bataane vaale ho, shantidham aur sukhdhaam ka। yeh sab nai baaten tum sunte ho। jaante ho ki barobar ham aatmaayen shantidham ke rahvaasi hain। yahaan part bajaane aate hain। ham actor hain। yahi chintan buddhi mein chalta rahe to masti chadh jaaye। baap ne samjhaaya hai aadi se lekar ant tak tumhaara part hai। abhi karmaateet avastha mein zaroor jaana hai phir golden ez mein aana hai। is dhun mein rehte apna kalyaan karna hai। sirf pandit nahin banna hai। doosre ko sikhaate rahenge, khud us avastha mein nahin rahenge to asar padega nahin। apna bhi purushaartha karna hai। baap bhi bataate hain ki ham bhi yaad karne ki koshish karta hoon। kabhi maaya ka toofaan aisa aata hai jo buddhi ka yog tod dete hain। bahut bachche chart bhej dete hain। wonder khaata hoon ki yeh to hamse bhi teekhe jaate hain। shaayad veg aata hai to chart likhne mein lag jaate hain parantu aisi agar teekhi daudi pahnen to number one mein chale jaayen। parantu nahin woh sirf chart likhne tak hai। aise nahin likhte ki baba itnon ko aap samaan banaaya। aur woh bhi likhe baba hamko isne yeh raasta bataaya hai। aisa samaachaar nahin aata hai। to baba kya samjhenge? sirf chart bhejne se kaam nahin chalta। aap samaan bhi banaana hai। roop aur basanta donon banna hai। nahin to baap samaan nahin thahre। roop bhi basanta bhi accurate banna hai, ismen hi mehnat hai। deh-abhimaan maar daalta hai। raavan ne deh-abhimaani banaaya hai। abhi tum dehi-abhimaani bante ho। phir aadhaakalpa ke baad maaya raavan deh-abhimaani banaati hai। dehi-abhimaani to bahut meetha ban jaate hain। sampoorn to abhi koi bhi bana nahin hai isliye baba hamesha kehte hain ki kisi ke bhi dil ko ranj nahin karna hai, duhkh nahin dena hai। sabko baap ka parichay do। bolne karne ki bhi badi royalty chaahiye। eeshvareey santaan ke mukh se sadaiv ratna nikalne chaahiye। tum manushyon ko jeeydaan dete ho। raasta bataana hai aur samjhaana hai। tum paramatma ke bachche ho na। unse tumko svarga ki raajaai milni chaahiye। phir ab woh kyon nahin hai। yaad karo barobar baap se varsa mila tha na। tum bhaaratvaasi devi devtaayen the, tumne hi 84 janma liye। tum samjho ki ham hi lakshmi naaraayan ke kul ke the। apne ko kam kyon samajhte ho। agar kehte ki baba sab thode hi banenge। to baba samajh jaata ki yeh is kul ka nahin। abhi se hi thirakne lag pada hai। tumne 84 janma liye hain। baap ne 21 janmon ki praalabdha jama karaai woh khaaya phir na (samaapta) hona shuru ho gai। kat chadhte-chadhte tamopradhaan kaudi misal ban pade ho। bhaarat hi 100 pratishat solvent tha। inhon ko yeh varsa kahaan se mila? actors hi bata sakenge na। manushya hi actor hain। unko yeh pata hona chaahiye ki in lakshmi-naaraayan ko baadshaahi mili kahaan se? kitni achhi-achhi points hain। zaroor aage janma mein hi yeh raajya bhaagya paaya hoga।

baap hi patit-paavan hai। baap kehte hain ki main tumko karma, akarma aur vikarma ki gati samjhaata hoon। raavan raajya mein manushya ke karma vikarma ho jaate hain। vahaan tumhaare karma akarma hote hain। woh hai daivi srishti। main rachta hoon to zaroor mujhe sangam par aana pade। yeh hai raavan raajya। woh hai eeshvareey raajya। eeshvar ab sthaapna kara rahe hain। tum sab eeshvar ke bachche ho, tumko varsa mil raha hai। bhaaratvaasi hi solvent the, ab insolvent ban gaye hain। yeh bana banaaya drama hai, ismen farka nahin ho sakta। sabka jhaad apna-apna hai। variety jhaad hai na। devta dharma vaale hi phir devta dharma mein aayenge। Christian dharma vaale apne dharma mein khush hain auron ko bhi apne dharma mein kheench liya hai। bhaaratvaasi apne dharma ko bhoolne ke kaaran woh dharma achha samajh chale jaate hain। vilaayat mein naukri ke liye kitne jaate hain kyonki vahaan kamaai bahut hai। drama bada wonderful bana hua hai। isko samajhne ki achhi buddhi chaahiye। vichaar saagar manthan karne se sab kuchh samajh mein aa jaata hai। yeh bana banaaya anaadi drama hai। to tum bachchon ko aapasmaan sada sukhi banaana hai। yeh tumhaara dhandha hai patiton se paavan banaana। jaise baap ka dhandha vaise tumhaara। tumhaara mukhda sadaiv devtaaon jaisa harshit hona chaahiye khushi mein। tum jaante ho ham vishwa ke maalik bante hain। tum ho lovely children। krodh par badi khabardaari rakhni hai। baap aaye hain bachchon ko sukh ka varsa dene। svarga ka raasta sabko bataana hai। baap sukh karta, duhkh harta hai। to tumko bhi sukh karta banna hai। kisko duhkh nahin dena hai। duhkh denge to tumhaari saza 100 guna badh jaayegi। koi bhi saja se bach nahin sakta। bachchon ke liye to khaas tribunal baithti hai। baap kehte ki tum vighna daalenge to bahut saja khaayenge। kalpa-kalpaantar tum saakshaatkaar karenge ki phalaane yeh banenge। aage jab dekhte the to baba mana karte the ki na sunaao। ant mein to accurate maaloom padta jaayega। aage chalkar jor se saakshaatkaar honge। vriddhi to hoti jaayegi। aabu tak queue lag jaayegi। baba se koi bhi mil nahin sakenge। kahenge aho prabhu teri leela। yeh bhi gaaya hua to hai na। vidvaan, pandit aadi bhi peechhe aayenge। unhon ke sinhaasan bhi hilenge। tum bachche to bahut khushi mein rahenge। achha!

meethe-meethe sikeeldhe bachchon prati maat-pita baapdaada ka yaad-pyaar। aisi yaadapyaar ek hi baar milti hai। jitna tum yaad karte ho utna tum pyaar paate ho। vikarma vinaash hote hain aur dhaarna bhi hoti hai। bachchon ko khushi ka paara chadha rehna chaahiye। jo bhi aaye unko raasta bataayen। behad ka varsa behad ke baap se paana hai। kam baat hai kya? aisa purushaartha karna chaahiye। achha!

meethe-meethe sikeeldhe roohaani bachchon prati roohaani baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) bolne chalne mein bahut royal banna hai। mukh se sadaiv ratna nikaalne hain। aap samaan banaane ki seva karni hai। kisi ki dil ko ranj nahin karna hai।

2) krodh par badi khabardaari rakhni hai। mukhda sadaiv devtaaon jaisa harshit rakhna hai। svayan ko gyaan yogbal se devta banaana hai।

vardaan:- powerful darpan dvaara sabhi ko svayan ka saakshaatkaar karaane vaale saakshaatkaarmoorta bhav

jaise darpan ke aage jo bhi jaata hai, use svayan ka spashta saakshaatkaar ho jaata hai। lekin agar darpan powerful nahin to real roop ke bajaae aur roop dikhaai deta hai। hoga patla dikhaai dega mota, isliye aap aise powerful darpan ban jaao, jo sabhi ko svayan ka saakshaatkaar kara sako arthaat aapke saamne aate hi deh ko bhool apne dehi roop mein sthit ho jaayen - vaastavik service yeh hai, isi se jay-jaykaar hogi।

slogan:- shikshaaon ko swaroop mein laane vaale hi gyaan swaroop, prem swaroop aatma hain।

ye avyakt ishaare- “nishchay ke foundation ko majboot kar sada nirbhay aur nishchint raho"

baap mein to nishchay hai lekin apne mein bhi nishchaybuddhi hokar kaarya karo to phir vijay hi vijay hai। vijay ke aage samasya koi cheez nahin hai। phir woh samasya nahin feel hogi lekin khel feel hoga। khel khushi se kiya jaata hai। koi kaarya sahaj hota hai to kaha jaata yeh to baayen haath ka khel hai arthaat sahaj hai। to yeh bhi buddhi ka khel ho jaayega। khel mein ghabraayenge nahin।