Daily Murli for Thursday 9 April 2026

09-04-2026 praatahmurli om shanti "baapdaada"' madhuban

“meethe bachche - tum abhi satya baap dvaara sachchi baaten sun sojhre mein aaye ho to tumhaara kartavya hai sabko andhiyaare se nikaal sojhre mein laana''

prashn:- jab tum bachche kisi ko gyaan sunaate ho to kaun si ek baat zaroor yaad rakho?

uttar:- mukh se baar-baar baba baba kehte raho, isse apna-pan samaapta ho jaayega। varsa bhi yaad rahega। baba kahne se sarvavyaapi ka gyaan pahle se hi khatma ho jaata hai। agar koi kahe bhagwan sarvavyaapi hai to bolo baap sabke andar kaise ho sakta hai!

geet:- aaj andhere mein hai insaan…

om shanti। bachchon ne kya kaha aur kisko pukaara? he gyaan ke saagar athva he gyaan soorya baba.... bhagwan ko baba kaha jaata hai na। bhagwan baap hai to tum sab bachche ho। bachche kehte hain ham andhere mein aakar pade hain। aap humein sojhre mein le jaao। baba kahne se siddha hota hai ki baap ko pukaarte hain। baba akshar kahne se lav aa jaata hai kyonki baap se varsa liya jaata hai। sirf eeshvar va prabhu kahne se baap ke varse ki rasna nahin aati। baba kahne se varsa yaad aa jaata hai। tum pukaarte ho baba ham andhere mein aakar pade hain, aap abhi phir gyaan se hamaara deepak jagaao kyonki aatmaon ka deepak bujha hua hai। manushya marte hain to 12 din deeva jagaate hain। ek ghrit daalne ke liye baitha rehta hai ki kahaan deeva bujh na jaaye।

baap samjhaate hain - tum bhaaratvaasi sojhre mein arthaat din mein the। ab raat mein ho। 12 ghanta din, 12 ghanta raat। woh hai had ki baat। yeh to behad ka din aur behad ki raat hai, jisko kaha jaata hai brahma ka din - satayug treta, brahma ki raat - dvaapar kaliyug। raat mein andhiyaara hota hai। manushya thokren khaate rehte hain। bhagwan ko dhoondhane ke liye chaaron taraph phere lagaate hain, parantu paramatma ko pa nahin sakte। paramatma ko paane ke liye hi bhakti karte hain। dvaapar se bhakti shuru hoti hai arthaat raavan raajya shuru hota hai। dashahre ki bhi ek stori banaai hai। stori hamesha manomay banaate hain, jaise bioscope, naatak aadi banaate hain। shreemad bhagvat geeta hi hai sachchi। paramatma ne bachchon ko raajayog sikhaaya, raajaai di। phir bhaktimaarga mein baithkar stori banaate hain। vyaas ne geeta banaai arthaat stori banaai। sachchi baat to baap dvaara tum abhi sun rahe ho। hamesha baba-baba kehna chaahiye। paramatma hamaara baba hai, nai duniya ka rachayita hai। to zaroor unse hamko svarga ka varsa milna chaahiye। abhi to 84 janma bhog ham narka mein aakar pade hain। baap samjhaate hain bachchon, tum bhaaratvaasi sooryavanshi, chandravanshi the, vishwa ke maalik the, doosra koi dharma nahin tha, usko svarga athva krishnapuri kaha jaata hai। yahaan hai kansapuri। baapdaada yaad dilaate hain, lakshmi-naaraayan ka raajya tha। baap hi gyaan ka saagar, shanti ka saagar patit-paavan hai, na ki paani ki ganga। sab brides ka ek hi bhagwan bridegroom hai - yeh manushya nahin jaante, isliye poochha jaata hai - aatma ka baap kaun hai? to moonjh padte hain। kehte hain ham nahin jaante। are aatma, tum apne baap ko nahin jaanti ho? kehte hain god father, phir poochha jaata hai - unka naam roop kya hai? god ko pahchaante ho? to kah dete hain sarvavyaapi hai। are bachchon ka baap kab sarvavyaapi hota hai kya? raavan ki aasuri mat par kitne besmajh ban jaate hain। deh-abhimaan hai number one। apne ko aatma nishchay nahin karte। kah dete main phalaana hoon। yeh to ho gai shareer ki baat। asal mein svayan kaun hain - yeh nahin jaante। main judge hoon, main yeh hoon .... ‘main' ‘main' kehte rehte hain, parantu yeh wrong hai। main aur mera yeh do cheezen hain। aatma avinaashi hai, shareer vinaashi hai। naam shareer ka padta hai। aatma ka koi naam nahin rakha jaata hai। baap kehte hain - mera naam shiv hi hai। shiv jayanti bhi manaate hain। ab niraakaar ki jayanti kaise ho sakti? woh kismen aate hain, yeh kisko pata nahin। sab aatmaon ka naam aatma hi hai। paramatma ka naam hai shiv। baaki sab hain saaligraam। aatmaayen bachche hain। ek shiv sab aatmaon ka baap hai। woh hai behad ka baap। unko sab pukaarte hain ki aakar humein paavan banaao। ham duhkhi hain। aatma pukaarti hai, duhkh mein sab bachche yaad karte hain aur phir yahi bachche sukh mein rehte hain to koi bhi yaad nahin karte। duhkhi banaaya hai raavan ne।

baap samjhaate hain - yeh raavan tumhaara puraana dushman hai। yeh bhi drama ka khel bana hua hai। to abhi sab andhiyaare mein hain isliye pukaarte hain he gyaan soorya aao, hamko sojhre mein le jaao। bhaarat sukhdhaam tha to koi pukaarte nahin the। koi apraapta vastu nahin thi। yahaan to chillaate rehte hain, he shanti deva। baap aakar samjhaate hain - shanti to tumhaara svadharma hai। gale ka haar hai। aatma shantidham ki rahvaasi hai। shantidham se phir sukhdhaam mein jaati hai। vahaan to sukh hi sukh hai। tumko chillaana nahin hota hai। duhkh mein hi chillaate hain - raham karo, duhkh harta sukh karta baba aao। shivbaaba, meetha baba phir se aao। aate zaroor hain tab to shivjayanti manaate hain। shreekrishna hai svarga ka prince। unki bhi jayanti manaate hain। parantu shreekrishna kab aaya, yeh kisko pata nahin। raadhe-krishna hi svayanvar ke baad lakshmi-naaraayan bante hain। yeh koi bhi nahin jaante। manushya hi pukaarte rehte hain - O god father... achha unka naam-roop kya hai to kah dete hain naam-roop se nyaara hai। are, tum kehte ho god father phir naam-roop se nyaara kah dete ho। aakaash polaar hai, unka bhi naam hai aakaash। tum kehte ho ham baap ke naam-roop aadi ko nahin jaante, achha apne ko jaante ho? haan ham aatma hain। achha aatma ka naam-roop bataao। phir kah dete aatma so paramatma hai। aatma naam-roop se nyaari to ho nahin sakti। aatma ek bindi star misal hai। bhrakuti ke beech mein rehti hai। jis chhoti si aatma mein 84 janmon ka part noondha hua hai। yeh bahut samajhne ki baat hai isliye 7 roz bhatthi gaai hui hai। dvaapar se raavanraajya shuru hua hai tab se vikaaron ki praveshta hui hai। seedhi utarte aaye hain। ab sabko grahan laga hua hai, kaale ho gaye hain isliye pukaarte hain he gyaan soorya aao। aakar hamko sojhre mein le jaao। gyaan anjan satguru diya, agyaan andher vinaash... buddhi mein baap aata hai। aise nahin gyaan anjan guru diya.. guru to dher hain, unmein gyaan kahaan hai। unka thode hi gaayan hai। gyaan-saagar, patit-paavan, sarva ka sadgati daata ek hi baap hai। phir doosra koi gyaan de kaise sakta। saadhu log kah dete hain bhagwan se milne ke anek raaste hain। shaastra padhna, yagya, tap aadi karna - yeh sab bhagwan se milne ke raaste hain lekin patit phir paavan duniya mein ja kaise sakte hain। baap kehte hain - main khud aata hoon। bhagwan to ek hi hai brahma-vishnu-shankar bhi devta hain, unhein bhagwan nahin kahenge। unka bhi baap shiv hai। prajaapita brahma to yahaan hi hoga na। praja yahaan hai। naam bhi likha hua hai prajaapita brahmaakumaari insteetyooshan। to bachche thahre। dher bi.ke. hain। varsa shiv se milta hai, na ki brahma se। varsa daade se milta hai। brahma dvaara baithkar svarga mein jaane laayak banaate hain। brahma dvaara bachchon ko adopt karte hain। bachche bhi kehte hain baba ham aapke hi hain, aapse varsa lete hain। brahma dvaara sthaapna hoti hai vishnupuri ki। shivbaaba raajayog sikhaate hain। shreemat athva shreshtha te shreshtha bhagwan ki geeta hai। bhagwan ek hi niraakaar hai। baap samjhaate hain - tum bachchon ne 84 janma liye hain। aatma paramatma alag rahe bahukaal.. bahukaal se alag to bhaaratvaasi hi the। doosra koi dharma nahin tha। vahi pahle-pahle bichhude hain। baap se bichhudkar yahaan part bajaane aaye hain। baba kehte hain - he aatmaayen ab mujh baap ko yaad karo। yeh hai yaad ki yaatra athva yog agni। tumhaare sir par jo paapon ka bojh hai, woh is yog agni se bhasma hoga। he meethe bachche, tum golden ez se iron ez mein aa gaye ho। ab mujhe yaad karo। yeh buddhi ka kaam hai na। deh sahit deh ke sab sambandh chhod maamekam yaad karo। tum aatma ho na। yeh tumhaara shareer hai। main, main aatma karti hai। tumko raavan ne patit banaaya hai। yeh khel bana hua hai। paavan bhaarat aur patit bhaarat। jab patit bante hain to baap ko pukaarte hain। raamraajya chaahiye। kehte bhi hain, parantu arth ko nahin samajhte। gyaan dene vaala gyaan ka saagar to ek hi baap hai। baap hi aakar second mein varsa dete hain। abhi tum baap ke bane ho। baap se sooryavanshi, chandravanshi varsa lene। phir satayug, treta mein tum amar ban jaate ho। vahaan aise nahin kahenge ki phalaana mar gaya। satayug mein akaale mrityu hoti nahin। tum kaal par jeet paate ho। duhkh ka naam nahin rehta। unko kehte hain sukhdhaam। baap kehte hain ham to tumko svarga ki baadshaahi dete hain। vahaan to bahut vaibhav hain। bhaktimaarga mein mandir banaaye hain us samay bhi kitna dhan tha। bhaarat kya tha! baaki aur sab aatmaayen niraakaari duniya mein thi। bachche jaan gaye hain - oonch te oonch baba ab svarga ki sthaapna kar rahe hain। oonch te oonch hai shivbaaba, phir hai brahma-vishnu-shankar sookshm vatan vaasi। phir yeh duniya।

gyaan se hi tum bachchon ki sadgati hoti hai। gaaya bhi jaata hai - gyaan, bhakti aur vairaagya। puraani duniya se vairaagya aata hai, kyonki satayug ki baadshaahi milti hai। ab baap kehte hain - bachche, maamekam yaad karo। mere ko yaad karte tum mere paas aa jaayenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sir par jo paapon ka bojh hai use yog agni se bhasma karna hai। buddhi se deh sahit deh ke sab sambandh chhod ek baap ko yaad karna hai।

2) pukaarne va chillaane ke bajaae apne shant svadharma mein sthit rehna hai, shanti gale ka haar hai। deh-abhimaan mein aakar “main'' aur “mera'' shabd nahin kehna hai, svayan ko aatma nishchay karna hai।

vardaan:- apni satoguni drishti dvaara anya aatmaon ki drishti, vritti ka parivartan karne vaale saakshaatkaar moorta bhav

kahaavat hai drishti se srishti badalti hai। to aapki drishti aisi satoguni ho jo kaisi bhi tamoguni va rajoguni aatma ki drishti, vritti aur unki sthiti badal jaaye। jo bhi aapke saamne aaye unhein drishti dvaara teenon lokon ka, apni poori jeevan kahaani ka maaloom pad jaaye - yahi hai nazar se nihaal karna। ant mein jab gyaan ki service nahin hogi tab yeh service chalegi।

slogan:- pavitrata ka practical swaroop satyata arthaat divyata hai।

ye avyakt ishaare - mahaan banne ke liye madhurta aur namrata ka gun dhaaran karo

madhurta aur namrata ka gun jhukna sikhaata hai। jitna abhi aap sanskaaron mein, sankalpon mein jhukenge utna vishwa aapke aage jhukegi। jhukna arthaat jhukaana। sanskaar mein bhi jhukna। yeh sankalp bhi na ho doosre hamaare aage bhi to kuchh jhuken! ham jhukenge to sabhi jhukenge। jo sachche sevaadhaari hote hain woh jab sabhi ke aage jhukenge tab seva kar sakenge।