Daily Murli for Friday 10 April 2026

10-04-2026 praatahmurli om shanti "baapdaada"' madhuban

“meethe bachche - baap aaye hain, bhaarat ko salvage karne, tum bachche is samay baap ke madadgaar bante ho, bhaarat hi praacheen khanda hai''

prashn:- oonchi manzil mein rookaavat daalne vaali chhoti-chhoti baaten kaun si hain?

uttar:- agar jara bhi koi shauk hai, anaasakta vritti nahin hai। achha pahanne, khaane mein buddhi bhatakti rehti hai… to yeh baaten oonchi manzil par pahunchne mein atak (rukaavat) daalti hain isliye baba kehte bachche, vanvaah mein raho। tumhein to sab kuchh bhoolna hai। yeh shareer bhi yaad na rahe।

om shanti। bachchon ko yeh samjhaaya hai ki yeh bhaarat hi avinaashi khanda hai aur iska asul naam hai hi bhaarat khanda। hindustaan naam to baad mein pada hai। bhaarat ko kaha jaata hai - spiritual khanda। yeh praacheen khanda hai। nai duniya mein jab bhaarat khanda tha to aur koi khanda the nahin। mukhya hain hi islaami, bauddhi aur Christian। abhi to bahut khanda ho gaye hain। bhaarat avinaashi khanda hai, usko hi svarga, heaven kehte hain। nai duniya mein naya khanda ek bhaarat hi hai। nai duniya rachne vaala hai parampita paramatma, svarga ka rachayita heavenly god father। bhaaratvaasi jaante hain ki yeh bhaarat avinaashi khanda hai। bhaarat svarga tha। jab koi marta hai to kehte hain svarga padhaara, samajhte hain svarga kahaan oopar mein hai। delvaada mandir mein bhi vaikuntha ke chitra chhat mein dikhaaye hain। yeh kiski buddhi mein nahin aata ki bhaarat hi heaven tha, ab nahin hai। abhi to hell hai। to yeh bhi agyaan thahra। gyaan aur agyaan do cheejen hoti hain। gyaan ko kaha jaata hai din, agyaan ko raat। ghor sojhra aur ghor andhiyaara kaha jaata hai। sojhra maana rise, andhiyaara maana fall। manushya soorya ka fall dekhne ke liye sanset par jaate hain। ab woh to hai had ki baat। iske liye kaha jaata hai brahma ka din, brahma ki raat। ab brahma to hai prajaapita। to zaroor praja ka pita hua। gyaan anjan satguru diya, agyaan andher vinaash। yeh baaten duniya mein koi bhi nahin samajhte hain। yeh hai nai duniya ke liye nai knowledge। heaven ke liye heavenly god father ki knowledge chaahiye। gaate bhi hain father is knowledgeful। to teacher ho gaya। father ko kaha hi jaata hai patit-paavan aur koi ko patit-paavan kah nahin sakte। shreekrishna ko bhi nahin kah sakte। father to sabka ek hi hai। shreekrishna to sabka father hai nahin। woh to jab bada ho, shaadi kare tab ek do bachche ka baap banega। raadhe-krishna ko prince princess kaha jaata hai। kabhi svayanvar bhi hua hoga। shaadi ke baad hi maa baap ban sakte hain। unko kabhi koi world god father kah nahin sakte। world god father sirf ek hi niraakaar baap ko kaha jaata hai। great-great grand father shivbaaba ko nahin kah sakte। great-great grand father hai prajaapita brahma। unse biraadri nikalti hai। woh incorporeal god father, niraakaar aatmaon ka baap hai। niraakaari aatmaayen jab yahaan shareer mein hain tab bhakti maarga mein pukaarti hain। yeh sab tum nai baaten sunte ho। yathaartha reeti koi bhi shaastra mein nahin hai। baap kehte hain, main sammukh baith tum bachchon ko samjhaata hoon। phir yeh gyaan saara gum ho jaata hai। phir jab baap aaye tab aakar yathaartha gyaan sunaaye। bachchon ko hi sammukh samjhaakar varsa dete hain। phir baad mein shaastra bante hain। yathaartha to ban na saken kyonki sach ki duniya hi khatma ho jhooth khanda ho jaata hai। to jhoothi cheez hi hogi kyonki utarti kala hi hoti hai। sach se to chadhti kala hoti hai। bhakti hai raat, andhiyaare mein thokren khaani padti hain। maatha tekte rehte hain। aisa ghor andhiyaara hai। manushyon ko to kuchh bhi pata nahin rehta hai। dar-dar dhakke khaate rehte hain। is soorya ka bhi rise aur fall hota hai, jo bachche jaakar dekhte hain। ab to tum bachchon ko gyaan soorya ka uday hona dekhna hai। rise oph bhaarat aur down fall oph bhaarat। bhaarat aise doobta hai jaise soorya doobta hai। satyanaaraayan ki katha mein yeh dikhaate hain ki bhaarat ka beda neeche chala jaata hai phir baap aakar unko salvage karte hain। tum is bhaarat ko phir se salvage karte ho। yeh tum bachche hi jaante ho। tum nimantran bhi dete ho, nav-nirmaan pradarshani bhi naam theek hai। nai duniya kaise sthaapan hoti hai, uski pradarshani। chitron dvaara samjhaani di jaati hai। to vahi naam chala aaye to achha hai। nai duniya kaise sthaapan hoti hai va rise kaise hoti hai, yeh tum dikhaate ho। zaroor puraani duniya fall hoti hai tab dikhaate hain ki rise kaise hota hai। yeh bhi ek stori hai - raajya lena aur ganvaana। 5 hajaar varsha pahle kya tha? kahenge, sooryavanshiyon ka raajya tha। phir chandravanshi raajya sthaapan hua। woh to ek do se raajya lete hain। dikhaate hain phalaane se raajya liya। woh koi seedhi nahin samajhte। yeh to baap samjhaate hain ki tum golden ez se silver ez mein gaye, seedhi utarte aaye। yeh 84 janmon ki seedhi hai। seedhi utarni hoti hai phir chadhni bhi hoti hai। down fall ka bhi raaz samjhaana hota hai। bhaarat ka down fall kitna samay, rise kitna samay? fall and rise oph bhaaratvaasi। vichaar saagar manthan karna hota hai। manushyon ko temptation mein kaise laayen aur phir nimantran bhi dena hai। bhaaiyon-bahnon aakar samjho। baap ki mahima to pahle bataani hai। shivbaaba ki mahima ka ek board hona chaahiye। patit-paavan gyaan ka saagar, pavitrata, sukh-shanti ka saagar, sampatti ka saagar, sarva ka sadgati daata, jagat-pita, jagat-shikshak, jagat-guru shivbaaba se aakar apna sooryavanshi, chandravanshi varsa lo। to manushyon ko baap ka pata pade। baap ki aur shreekrishna ki mahima alag-alag hai। yeh tum bachchon ki buddhi mein baitha hua hai। serviceable bachche jo hain ve saara din dauda-daudi karte rehte hain। apni laukik service hote bhi chhutti le service mein lag jaate hain। yeh hai hi eeshvareey government। khaas bachchiyaan agar aisi service mein lag jaayen to bahut naam nikaal sakti hain। serviceable bachchon ki paalna to achhi reeti hoti hi rehti hain, kyonki shivbaaba ka bhandaara bharpoor hai। jis bhandaare se khaaya woh bhandaara bharpoor, kaal kantak door।

tum ho shiv vanshi। woh rachta hai, yeh rachna hai। baabul naam bahut meetha hai। shiv saajan bhi to hai na। shivbaaba ki mahima hi alag hai। niraakaar akshar likhne se samajhte hain ki unka koi aakaar nahin hai। beloved most shivbaaba hai - parmapriy to likhna hi hai। is samay ladaai ka maidaan unka bhi hai to tumhaara bhi hai। shiv shaktiyaan non-vaaylensa gaai jaati hain। parantu chitron mein deviyon ko bhi hathiyaar de hinsa dikha di hai। vaastav mein tum yog athva yaad ke bal se vishwa ki baadshaahi lete ho। hathiyaaron aadi ki baat hi nahin hai। ganga ka prabhaav bahut hai। bahuton ko saakshaatkaar bhi hoga। bhakti maarga mein samajhte hain ki ganga jal mile tab uddhaar ho, isliye gupta ganga kehte rehte hain। kehte hain, baan maara aur ganga nikli। gaoomukh se bhi ganga dikhaate hain। tum poochhenge to kahenge ki gupta ganga nikal rahi hai। triveni par bhi sarasvati ko gupta dikhaaya hai। manushyon ne to bahut baaten bana di hain। yahaan to ek hi baat hai। sirf alpha, bas। allaah aakar bahishta sthaapan karte hain। khuda heaven sthaapan karte hain। eeshvar svarga sthaapan karte hain। vaastav mein eeshvar to ek hai। yeh to apni-apni bhaasha mein bhinna-bhinna naam rakh diye hain। parantu yeh samajhte hain ki allaah se zaroor svarga ki baadshaahi milegi। yahaan to baap kehte hain manamnaabhav। baap ko yaad karne se varsa zaroor yaad aayega। rachta ki rachna hai hi svarga। aise thode hi kahenge ki raam ne narka racha। bhaaratvaasiyon ko yeh pata hi nahin ki niraakaar rachta kaun hai? tum jaante ho ki narka ka rachta raavan hai, jisko jalaate hain। raavan raajya mein bhakti maarga ka sapling kitna bada hai। raavan ka roop bhi bada bhayankar banaaya hai। bolte bhi hain ki raavan hamaara dushman hai। baap ne arth samjhaaya hai - peshgeer (vistaar) bada hai to raavan ka shareer bhi bada banaate hain। shivbaaba to bindi hai। parantu chitra bada bana diya hai। nahin to bindi ki pooja kaise ho। pujaari to banna hai na। aatma ke liye to kehte hain - bhrakuti ke beech mein chamakta hai azab sitaara। aur phir kehte hain, aatma so paramatma। to phir hajaar soorya se jyaada tej kaise hoga? aatma ka varnan to karte hain lekin samajhte nahin। agar paramatma hajaar soorya se tej ho, to har ek mein pravesh kaise kare? kitni aythaartha baaten hain, jo sunkar kya ban pade hain। kehte hain aatma so paramatma to baap ka roop bhi aisa hoga na, parantu pooja ke liye bada banaaya hai। patthar ke kitne bade-bade chitra banaate hain। jaise gupha mein bade-bade paandav dikhaaye hain, jaante kuchh bhi nahin। yeh hai padhaai। dhandha aur padhaai alag-alag hai। baba padhaate bhi hain aur dhandha bhi sikhaate hain। board mein bhi pahle baap ki mahima honi chaahiye। baap ki full mahima likhni hai। yeh baaten tum bachchon ki bhi buddhi mein nambarvaar purushaartha anusaar aati hain isliye mahaarthi, ghodesvaar kaha jaata hai। hathiyaar aadi ki koi baat nahin hai। baap buddhi ka taala khol dete hain। yeh godrej ka taala koi khol na sake। baap ke paas milne aate hain to baba bachchon se poochhte hain ki aage kab mile ho? is jagah par, is din kab mile ho? to bachche kehte haan baba, 5 hajaar varsha pahle mile hain। ab yeh baaten aise koi poochh na sake। kitni guhya samajhne ki baaten hain। kitni gyaan ki yuktiyaan baba samjhaate hain। parantu dhaarna nambarvaar hoti hai। shivbaaba ki mahima alag hai, brahma-vishnu-shankar ki mahima alag hai। har ek ka part alag-alag hai। ek na mile doosre se। yeh anaadi drama hai। vahi phir repeat hoga। abhi tumhaari buddhi mein baitha hua hai ki ham kaise mool vatan mein jaate hain phir aate hain part bajaane ke liye। jaate hain via sookshm vatan। aane samay sookshm vatan nahin hai। sookshm vatan ka saakshaatkaar kabhi kisi ko hota hi nahin। sookshm vatan ka saakshaatkaar karne ke liye koi tapasya nahin karte hain kyonki unko koi jaante nahin hain। sookshm vatan ka koi bhagat thode hi hoga। sookshm vatan abhi rachte hain via sookshm vatan jaae phir nai duniya mein aayenge। is samay tum vahaan aate-jaate rehte ho। tumhaari sagaai hui hai, yeh piyar ghar hai। vishnu ko pita nahin kahenge। woh hai sasurghar। jab kanya sasurghar jaati hai to puraane kapde sab chhod jaati hai। tum puraani duniya ko hi chhod dete ho। tumhaare aur unke vanvaah mein kitna pharka hai। tumko bhi bahut anaasakta rehna chaahiye। deh-abhimaan todna hai। oonchi saadi pahnengi to jhat deh-abhimaan aa jaayega। main aatma hoon, yeh bhool jaayega। is samay tum ho hi vanvaah mein। vanvaah aur vaanaprastha ek hi baat hai। shareer hi chhodna hai to saadi nahin chhodengi kya! halki saadi milti hai to dil hi chhoti ho jaati hai। ismen to khushi honi chaahiye - achha hua jo halka vastra mila। achhi cheez ko to sambhaalna padta hai। yeh pahanne, khaane ki chhoti-chhoti baaten bhi oonchi manzil par pahunchne mein atak daalti hain। manzil bahut badi hai। katha mein bhi sunaate hain na ki pati ko kaha - yeh laathi bhi chhod do। baap kehte hain yeh puraana kapda, puraani duniya sab khalaas honi hai, isliye is saari duniya se buddhiyog todna hai, isko behad ka sannyaas kaha jaata hai। sannyaasiyon ne to had ka sannyaas kiya hai ab to phir ve andar aa gaye hain। aage to unhon mein bahut taakat thi। utarne vaalon ki mahima kya ho sakti hai। nai-nai aatmaayen bhi pichhaadi tak aati rehti hain part bajaane, unmein kya taakat hogi। tum to poore 84 janma lete ho। yeh sab samajhne ke liye kitni achhi buddhi chaahiye। serviceable bachche service mein uchhalte rahenge। gyaan saagar ke bachche aise bhaashan karen jaise baba uchhalta hai, ismen phank nahin hona hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) buddhi se behad ka sannyaas karna hai। vaapas ghar jaane ka samay hai isliye puraani duniya aur puraane shareer se anaasakta rehna hai।

2) drama ki har scene ko dekhte hue sada harshit rehna hai।

vardaan:- baapdaada ko apna saathi samajhkar double force se kaarya karne vaale sahajyogi bhav

koi bhi kaarya karte baapdaada ko apna saathi bana lo to double force se kaarya hoga aur smriti bhi bahut sahaj rahegi kyonki jo sada saath rehta hai uski yaad svatah bani rehti hai। to aise saathi rahne se va buddhi dvaara nirantar sat ka sang karne se sahajyogi ban jaayenge aur powerful sang hone ke kaaran har kartavya mein aapka double force rahega, jisse har kaarya mein saphalta ki anubhooti hogi।

slogan:- mahaarthi woh hai jo kabhi maaya ke prabhaav mein parvash na ho।

ye avyakt ishaare - mahaan banne ke liye madhurta aur namrata ka gun dhaaran karo

madhurta hi brahman jeevan ki mahaanta hai। jahaan madhurta hai vahaan pavitrata hai। bina pavitrata ke madhurta aa nahin sakti। jitna buddhi mein nasha ho, utna hi karma mein namrata aur bol mein madhurta ho। aise nashe mein rahne se kabhi nuksaan nahin hoga। siddhi ko paane vaale, svayan ko namrachitta, nirmaan, har baat mein apne aapko gunagraahak aur madhurta sampanna banaayenge।