Daily Murli for Friday 24 April 2026

24-04-2026 praatahmurli om shanti "baapdaada"' madhuban

“meethe bachche - ab vaapis ghar jaana hai, isliye deh-bhaan ko bhool apne ko ashareeri aatma samjho, sabse mamatva mita do''

prashn:- sangamayug par tum bachche baap se kaun sa akla seekhte ho?

uttar:- tamopradhaan se satopradhaan kaise banen, apni takdeer oonchi kaise banaayen, yeh akla abhi hi tum seekhte ho। jo jitna yogayukta aur gyaan yukta bane hain, unki utni unnati hoti rehti hai। unnati karne vaale bachche kabhi bhi chhip nahin sakte। baap har ek bachche ki act se samajhte hain ki kaun-sa bachcha apni oonchi takdeer bana raha hai।

geet:- marna teri gali mein…

om shanti। sab bachchon ne yeh geet suna। bachche kahne se sarva centres ke bachche jaan jaate hain ki baba ham braahmanon ke liye kehte hain ki bachche yeh geet suna - jeete ji gale ka haar banne ke liye arthaat mool vatan mein jaae baba ke ghar mein rahne ke liye। woh shivbaaba ka ghar hai na, jismen sab saaligraam rehte hain। bachche, brahman kul bhooshan, svadarshan chakradhaari jaante hain ki barobar vahi baba aaye hue hain। kehte hain - abhi tumko ashareeri banna hai arthaat deh ke bhaan ko bhoolna hai। yeh puraani duniya to mit jaayegi। is shareer ko to chhodna hai arthaat sabko chhodna hai kyonki yeh duniya hi khatma honi hai। to ab chalna hai vaapis ghar। sabhi bachchon ko ab khushi hoti hai kyonki aadhaakalpa ghar jaane ke liye bahut dhakke khaaye hain। parantu raasta mila nahin! aur hi bhakti maarga ka chahachta (dikhaava) dekh manushya phans padte hain। yeh hai bhakti maarga ki duban (daldal) jismen manushya maatra gale tak phans gaye hain। ab bachche kehte hain - baba ham puraani duniya, puraane shareer ko bhoolte hain। ab aapke saath ashareeri ban ghar chalenge। sabki buddhi mein hai parampita paramatma paramdham se aaye hain, hamko le jaane ke liye। sirf kehte hain tum pavitra ban hamko yaad karo। jeete ji marna hai। tum jaante ho vahaan ghar mein aatmaayen rehti hain। so bhi aatma to bindi hai। niraakaari duniya mein sab aatmaayen chali jaayengi, jitne manushya hain utni aatmaayen vahaan hongi। aatmaayen us mahtatva ki kitni jagah leti hain। shareer to itna bada hai, kitni space leta hai? baaki aatma ko kitni jagah chaahiye! ham aatmaayen kitni chhoti jagah lengi? bahut thodi। bachchon ko yeh sab baaten baap dvaara sunne ka saubhaagya abhi milta hai। baap hi batlaate hain ki tum nange (bina shareer ke) aaye the phir shareer dhaaran kar part bajaaya, ab phir jeete ji marna hai, sabko bhoolna hai। baap aakar marna sikhlaate hain। kehte hain apne baap ko, apne ghar ko yaad karo। khoob purushaartha karo। yog mein rahne se paap naash honge। phir aatma tamopradhaan se satopradhaan ban jaayegi isliye baap raay dete hain - kalpa pahle bhi kaha tha ki deh ke sab sambandh chhod maamekam yaad karo। sabka ek baap to woh hai na। tum prajaapita brahma ke mukh vanshaavli bachche ho, jo gyaan paate rehte ho। shiv ke bachche to ho hi। yeh to sabko nishchay hai - ham bhagwan ke bachche hain। parantu unke naam, roop, desh, kaal ko bhoolne ke kaaran, bhagwan se kiska bhi itna lav nahin rehta hai। kisko dosh nahin dete hain। yeh bhi drama mein noondh hai।

baap samjhaate hain ki tum aatma kitni chhoti bindi ho, usmein 84 janmon ka part noondha hua hai। kitna wonder hai। aatma kaise shareer lekar part bajaati hai। abhi tumko behad ke part ka pata pada hai। yeh gyaan aur koi ko nahin hai। tum bhi deh-abhimaani the। abhi kitna palta khaaya hai। woh bhi har ek ki takdeer par hai। kalpa pahle vaali takdeer ka ab saakshaatkaar ho raha hai। duniya mein kitne dher manushya hain, har ek ki apni takdeer hai। jaisa-jaisa jisne karma kiya hai us anusaar duhkhi, sukhi, saahookaar, gareeb bante hain। banti aatma hai। aatma kaise sukh mein aati hai, phir duhkh mein aati hai, yeh baap baith samjhaate hain। tamopradhaan se satopradhaan banne ka akla baap hi sikhaate hain kalpa pahle muaaphik। jitna jisne akla paaya hai utna hi ab pa rahe hain। pichhaadi tak har ek ki takdeer ko samajh jaayenge। phir kahenge kalpa-kalpa aise hi har ek ki takdeer rahegi। jo achha yogayukta, gyaan yukta hoga - woh service bhi karta rahega। padhaai mein sadaiv unnati hoti rehti hai। koi bachche jaldi unnati ko pa lete hain, koi bahut maatha khapaate hain। yahaan bhi aise hain। kalpa pahle muaaphik jo-jo unnati karte hain, woh chhipe nahin rah sakte। baap to jaante hain na - sabka connection shivbaaba se hai। yeh bhi bachchon ki act dekhte samajh jaate hain, to woh bhi dekhte hain। inse bhal koi chhipaaye parantu shivbaaba se to chhipa nahin sakenge। bhaktimaarga mein hi paramatma se nahin chhipa sakte to gyaan maarga mein kaise chhipa sakte। baap samjhaate rehte hain, padhaai to bahut sahaj hai। karma bhi karna hai। rehna bhi mitra sambandhiyon ke paas puraani duniya mein hai। vahaan rahkar mehnat karni hai। yahaan rahkar purushaartha karne vaalon se vahaan ghar mein rah purushaartha karne vaale teekhe ho sakte hain। agar aisi lagan hai to। shaastron mein arjun aur bheel ka misaal hai na। bhal bheel baahar ka rahne vaala tha lekin abhyaas se woh arjun se bhi teer chalaane mein hoshiyaar ho gaya। to grihastha vyavhaar mein rah kamal phool samaan rehna hai। yeh bhi tum misaal dekhenge। grihastha vyavhaar mein rah bahut achhi service kar sakte hain। woh jaasti vriddhi ko paate rahenge। yahaan rahne vaalon ko bhi maaya chhodti nahin hai। aise nahin ki baba ke paas aane se chhoot jaate hain। nahin, har ek ka apna-apna purushaartha hai। grihastha vyavhaar mein rahne vaale yahaan rahne vaalon se achha purushaartha kar sakte hain। bahut achhi bahaaduri dikha sakte hain, unko hi mahaaveer kaha jaata hai, jo grihastha vyavhaar mein rahkar kamal phool samaan bankar dikhaaye। kahenge ki baba aapne to chhoda hai। baba kehte - hamne kahaan chhoda hai, mujhe hi chhodkar gaye hain। baba to kisko bhi chhod nahin aaye। ghar mein aur hi bachche aa gaye। baaki kanyaaon ke liye to baba kehte hain ki tum yeh eeshvareey service karo। yeh bhi baba hai, woh bhi baba hai। kumaar bhi bahut aaye lekin chal na sake। kanyaayen phir bhi achhi hain। kanya 100 braahmanon se uttam gini jaati hai। to kanya woh jo 21 kul ka uddhaar kare, gyaan ke baan maare। baaki jo grihastha mein rehte woh bhi bi. ke. thahre। aage chal unhon ka bhi bandhan khalaas ho jaayega। service to karni hai na। kai service karne vaale bachche baapdaada ke dil par chadhe hue hain, jo hajaaron ka kalyaan kar rahe hain। to aise serviceable bachchon par aasheervaad bhi aati rahegi। ve dil par chadhe rahenge। jo dil par hain vahi takhta par baithenge। baba kehte aapas mein milkar yukti rachte raho, sabko maarga dikhaane ki। chitra bhi bante rehte hain। yeh sab practical baaten hain।

abhi tum samjhaate ho ki parampita paramatma niraakaar hai, woh bhi bindi hai। parantu woh knowledgeful, patit paavan hai। aatma bhi bindi hai। bachcha phir bhi chhota hota hai। baap aur bachche mein pharka to hota hai na। aajkal to 15-16 varsha vaale bhi baap ban jaate hain। to bhi bachcha unse chhota hi thahra na। yahaan wonder dekho - baap bhi aatma, bachcha bhi aatma। woh hai supreme aatma, knowledge-full। baaki sab apni padhaai anusaar neech va oonch pad paate hain। saara madaar hai padhaai par। achha karma karne se oonch pad pa lete hain। abhi tum bachchon ko srishti ke aadi-madhya-ant ka gyaan hai। svarga mein sirf bhaarat hi tha aur koi khanda nahin tha। to chhoti new India mein apna svarga dikhaayen। jaise dvaarika naam nahin, lakshmi-naaraayan ki dynasty ka raajya likhna chaahiye। buddhi bhi kehti hai satayug mein pahle deity dynasty ka raajya hoga। unke gaanv honge, chhote-chhote ilaake honge। yeh bhi vichaar saagar manthan karna hai। saath-saath shivbaaba se buddhi ka yog bhi lagaana hai। ham yaad se hi baadshaahi lete hain। yaad se hi kat utarni hai, ismen hi saari mehnat hai। kaiyon ki buddhi baahar mein dhakka khaati rehti hai, yahaan baithe bhi saara samay yaad mein nahin rah sakte hain, buddhi aur taraph chali jaayegi। bhakti maarga mein bhi aise hota hai। shreekrishna ki bhakti karte-karte buddhi aur taraph chali jaati hai। naudha bhakti vaale deedaar ke liye bahut mehnat karte hain। kitne ghante baith jaate hain ki shreekrishna ke sivaae aur koi yaad na aaye, bahut mehnat hai। ismen 8 ki aur phir 16108 ki maala hoti hai। woh to laakhon ki maala bhi dikhaate hain। lekin gyaan maarga ki maala bahut keemti hai। bhakti maarga ki sasti hai kyonki ismen roohaani mehnat hai। shreekrishna ko dekh khush ho dance karte hain। bhakti aur gyaan mein raat din ka pharka hai, tumhein yeh nahin samjhaaya jaata hai ki shreekrishna ko yaad karne se kat niklegi। yahaan to samjhaaya jaata hai ki jitna baap ko yaad karenge utna paap naash honge।

tum bachche abhi yogbal se vishwa ke maalik bante ho। yeh kisko svapna mein bhi khyaal nahin hoga। lakshmi-naaraayan ne koi ladaai aadi nahin ki hai। vishwa ke maalik phir kaise bane? yeh to tum bachche hi jaante ho। baap kehte hain yogbal se tumko raajaai milegi। parantu takdeer mein nahin hai to tadbeer hi nahin karte। serviceable bante nahin hain। baba to direction dete rehte hain ki aise-aise pradarshani karo। kam se kam 150-200 pradarshaniyaan ek din mein ho jaayen। gaanv-gaanv mein chakra lagaao। jitne centres, utni pradarshaniyaan। ek-ek centre par pradarshani hone se samjhaane mein sahaj ho jaayega। centres bhi din pratidin bade hote jaayenge jo chitra aadi bhi rakh saken। chitron ki bhi invention nikalti rehti hai। vaikuntha ka chitra khoobsoorat mahlon aadi ke bhaarat ka banaana chaahiye। aage chal samjhaane ke liye achhe-achhe chitra nikalte jaayenge। vaanaprastha avastha vaale ghoomte phirte bhi service karte rahen, jinka bhaagya uday hoga woh niklenge। kai bachche kukarma kar apni aabru ganvaate hain, to yagya ki aabru (ijjat) ganvaate hain। jaisi chalan vaisa pad। jo bahuton ko sukh dete hain, unka to naam gaaya jaata hai na। abhi sarvagunon mein sampanna to nahin bane ho na। koi-koi badi achhi service kar rahe hain। aise-aise ke naam sun baba khush hote hain। serviceable bachchon ko dekh baba khush hoga na। achhi service mein mehnat karte rehte hain। centres bhi kholte rehte hain, jisse hajaaron ka kalyaan hona hai। unke dvaara phir bahut nikalte jaayenge। sampoorn to koi nahin bana hai। bhoolen bhi kuchh na kuchh ho jaati hai। maaya chhodti nahin hai। jitni service kar apni unnati karenge utna hi dil par chadhenge। utna hi oonch pad paayenge। phir kalpa-kalpa aisa hi pad hoga। shivbaaba se to koi chhipa nahin sakta। ant mein har ek ko apne karmon ka saakshaatkaar to hota hai। phir kya kar sakenge! zaar-zaar rona padega isliye baba samjhaate rehte hain ki aisa koi bhi karma nahin karo jo ant mein saza ke bhaagi bano, pashchaataap karna pade। parantu kitna bhi samjhaao takdeer mein nahin hai to tadbeer karte hi nahin। aajkal ke manushya to baap ko jaante nahin। bhagwan ko yaad karte hain lekin jaante nahin। unka kehna nahin maante। abhi us behad ke baap se tumhein satayugi svaraajya ka varsa milta hai second mein। shivbaaba ka naam to sabhi pasanda karte hain na। bachche jaante hain ki us behad ke baap se svarga ka varsa mil raha hai। achha।

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apni chalan se baap ka va yagya ka naam baala karna hai, aisa koi karma na ho jo baap ki ijjat jaaye। service se apna bhaagya aapehi banaana hai।

2) baap samaan kalyaankaari ban sarva ki aasheervaad le aage number lena hai। grihastha vyavhaar mein rah kamal phool samaan rahne ki achhi bahaaduri dikhaani hai।

vardaan:- satopradhaan sthiti mein sthit rah sada sukh shanti ki anubhooti karne vaale double ahinsak bhav

sada apne satopradhaan sanskaaron mein sthit rah sukh-shanti ki anubhooti karna - yeh sachchi ahinsa hai। hinsa arthaat jisse duhkh-ashaanti ki praapti ho। to check karo ki saare din mein kisi bhi prakaar ki hinsa to nahin karte! yadi koi shabd dvaara kiski sthiti ko dagmag kar dete ho to yeh bhi hinsa hai। 2- yadi apne satopradhaan sanskaaron ko dabaakar doosre sanskaaron ko practical mein laate ho to yeh bhi hinsa hai isliye maheenta mein jaakar mahaan aatma ki smriti se double ahinsak bano।

slogan:- satya ke saath asatya mix hote hi khushi gaayab ho jaati hai।

ye avyakt ishaare - mahaan banne ke liye madhurta aur namrata ka gun dhaaran karo

aapka ek ek bol alaukik ho, pharishton ke samaan ho। har bol madhur ho। is baat par abhi underline karo tab pratyakshata hogi kyoki abhi tak vaani ki shakti vyartha ja rahi hai, isliye vaani mein jo baap ko pratyaksha karne ka jauhar va shakti honi chaahiye woh kam hai, vaacha ko vyartha se bachaao to baap ko pratyaksha karne ka aavaaj bulanda hoga।