Daily Murli for Friday 22 May 2026

22-05-2026 praatahmurli om shanti "baapdaada"' madhuban

“meethe bachche - charity begins at hom arthaat jo devi devta dharma ke hain, shiv ke va devtaaon ke pujaari hain, unhein pahle-pahle gyaan do''

prashn:- baap ka kaun sa kartavya koi bhi manushya nahin kar sakte hain aur kyon?

uttar:- saare vishwa mein shanti sthaapan karne ka kartavya ek baap ka hai। manushya, vishwa mein shanti sthaapan nahin kar sakte kyonki sab vikaari hain। shanti ki sthaapna tab ho jab baap ko jaanen aur pavitra banen। baap ko na jaanne ke kaaran nidhanke ban gaye hain।

geet:- marna teri gali mein…

om shanti। om shanti ka arth bhi ghadi-ghadi bataana pade kyonki om shanti ka arth koi bhi nahin jaante। jaise ghadi-ghadi bolna padta hai - manamnaabhav arthaat behad ke baap ko yaad karo। om ka arth kah dete hain om maana bhagwan। baap kehte hain - om arthaat main aatma, yeh mera shareer। parampita paramatma bhi kehte hain om। main bhi aatma hoon, paramdham mein rahne vaala hoon। tum aatmaayen janma-maran ke phere mein aati ho, main nahin aata hoon। haan, main saakaar mein aata hoon zaroor, tum bachchon ko srishti ke aadi-madhya-ant ka saar samjhaane। koi aur yeh samjha na sake। agar nishchay nahin to saari duniya mein bhatakna chaahiye, dhoondhana chaahiye aur koi hai jo apna aur srishti ke aadi-madhya-ant ka knowledge dete hain। parampita paramatma ke bigar srishti chakra ke aadi-madhya-ant ka raaz koi bata na saken, koi raajayog sikha na sake। patiton ko paavan bana nahin sakte। pahle-pahle jo bhi devi-devtaaon ke pujaari hain, unhon par purushaartha karo samjhaane ka। aadi sanaatan devi devta dharma vaalon ne hi poore 84 janma liye hain, vahi achhi reeti samajh sakenge। baad mein aane vaale 84 janma le na saken। yeh sunenge bhi woh jo devtaaon ke pujaari honge aur jo geeta padhne vaale honge। geeta mein sirf yeh bhool ki hai ki bhagwan ke badle shreekrishna ka naam daal diya hai। to geeta padhne vaalon ko samjhaana chaahiye। poochhna chaahiye - parampita paramatma shiv se aapka kya sambandh hai? unko bhagwan kahenge। shreekrishna to daiveegun vaale hain, unko daivi raajdhaani thi usmein sab daiveegun vaale the। ab vahi poojya se pujaari ban gaye hain। to koshish kar pahle-pahle aadi sanaatan devi devta dharma vaalon ko uthaana chaahiye। charity begins at hom। jo shiv ke pujaari hon unko bhi samjhaana pade। shiv aata zaroor hai tab to unki jayanti manaate hain, woh parampita paramatma hai। zaroor aakar raajayog sikhaate honge aur koi manushyamaatra sikha na saken। shreekrishna ko va brahma ko bhagwan nahin kaha ja sakta hai। jabki sarva ka sadgati daata baap ek hi hai, woh gyaan ka saagar hone ke kaaran sabka shikshak bhi hai। srishti ke aadi-madhya-ant ki history-geography doosra koi jaante nahin।

baap kehte hain mujhe gyaan ka saagar, chaitanya beejroop bhi kehte hain। yeh jo ulta jhaad hai, unke aadi-madhya-ant ka gyaan us beej ke paas hi hoga isliye mujhe gyaan ka saagar, almighty authority kehte hain। authority kya hai? sabhi vedon, shaastron, granthon aadi sabko jaante hain। tum bachchon ko samjha rahe hain। woh shaastra sunaane vaale kehte hain kalpa ki aayu laakhon varsha hai। parantu woh to ho nahin sakta। yeh variety dharmo ka manushya srishti roopi jhaad hai, unki aayu bhaagvat mein lambi chaudi likh di hai। ab bhaagvat koi dharma shaastra to nahin hai। geeta dharma shaastra hai, unse devi devta dharma sthaapan hua। baaki bhaagvat, mahaabhaarat aadi unse koi dharma nahin sthaapan hota। vo to shreekrishna ki history likhi hai। baap samjhaate hain - bachche, tum devi devta dharma vaalon ko samjhaao ki tumne 84 janma liye hain। satayug mein sirf bhaarat hi tha aur koi dharma nahin tha। bhaarat hi svarga tha। bhaarat hi oonch te oonch gaaya jaata hai aur phir parampita paramatma shiv ka birth place hai jo aakar patiton ko paavan banaate hain। shiv ki pooja bhi yahaan hoti hai, jayanti bhi yahaan manaai jaati hai। zaroor patit duniya mein hi aaya hoga। pukaarte bhi sab hain - patit-paavan aao। bhaarat paavan tha phir 84 janmon ka chakra lagaaya hai। jo paavan svargavaasi the, ab woh narkavaasi patit bane hain। paavan banaaya shivbaaba ne, patit banaaya raavan ne। is samay hai hi raavan ka raajya। har nar-naari mein 5 vikaar hain। satayug mein vikaar the hi nahin। nirvikaari the। ab patit hain tab to bulaate hain - aao aakar hamko phir se paavan banaao। satayug mein ham so paavan the, 21 janma raam-raajya mein the। ab to hai raavan raajya, sab vikaari hain। baap kehte hain - kaam mahaashatru hai। yeh aadi-madhya-ant duhkh dete hain। ab in par jeet paae paavan bano। tumne janma-janmaatar paap kiye hain। sabse tamopradhaan bane ho, aatma mein khaad padti gai। pahle to golden aged the phir silver aged phir copper... khaad padte-padte seedhi utarte aaye। bhaarat ki hi baat hai। satayug mein 8 janma, phir treta mein 12 janma phir vahi bhaaratvaasi chandravanshi, vaishya vanshi... bante hain। aatma impure banti hai।

baap kehte hain main aakar kalpa-kalpa bhaarat ko svarga banaata hoon, phir raavan narka banaate hain, yeh drama bana hua hai। ab baap samjhaate hain gyaan saagar to shivbaaba hai na। oonch te oonch shiv hai sabka poojya। pahle-pahle unki pooja hoti hai। woh hai behad ka baap। zaroor unse behad ka varsa milta hai। bhaaratvaasi bhool gaye hain, bhagwan ek niraakaar ko hi kaha jaata hai। unko manushya yaad bhi karte hain। aise nahin ki sab bhagwan hi bhagwan hain। ek taraph bhagwan ko yaad bhi karte hain phir glaani bhi karte hain। ek taraph kehte, sarvavyaapi hai aur phir kehte patit-paavan aao। baap aakar brahma tan se brahma mukh vanshaavli braahmanon ko hi samjhaate hain। abhi tum brahman choti ho। braahmanon ke oopar thahra shiv। viraat roop mein devta, kshatriy, vaishya, shoodra dikhaate hain। braahmanon ka naam hi nahin kyonki dekhte hain brahman to hain vikaari। phir devtaaon se uttam kaise kahen। baap samjhaate hain woh bhi gaate hain brahman devi devtaae namah। accurate koi jaanta hi nahin hai ki inhon ka raajya kab tha? svarga kahaan se aaya? ab tum samajhte ho baba aakar brahma dvaara svarga ki sthaapna karte hain, shankar dvaara narka ka vinaash karaate hain। mahaabhaarat ki ladaai bhi lagi thi na, jisse svarga ke gates khule the। gaate hain parantu kuchh bhi samajhte nahin। yeh bhi dikhaate hain ki is roodra gyaan yagya se vinaash jvaala prajvalit hui। barobar abhi vahi part chal raha hai। 5 hajaar varsha pahle bhi ladaai lagi thi tab patit duniya vinaash hui thi। geeta ka gyaan jab sunaate hain to kehte hain 3 senaayen thi - yooropvaasi yaadav sena jinhonne science se moosal invent kiye। geeta ke poore 5 hajaar varsha hue। baap samjhaate hain yeh 3 senaayen abhi bhi hain। gaaya hua hai - vinaash kaale vipreet buddhi arthaat parampita paramatma se vipreet buddhi hain। jaante nahin hain, sivaae tumhaare koi ki preet nahin hai। sabki vinaash kaale vipreet buddhi hai। baaki tum paandavon ki hai preet buddhi। tum shivbaaba ko hi yaad karte ho। jaante ho shivbaaba hamko 21 janmon ka varsa dene aaye hain। tumhaari preet buddhi hai shivbaaba ke saath। baaki to koi baap ko jaante hi nahin to 3 senaayen hui na। tum ho paandav sena। vinaash kaal to hai hi। tum jaante ho maut saamne khada hai। shivbaaba kehte hain tum pavitra banenge to nai duniya ka maalik banenge। satayug mein ek hi devi devta dharma tha aur koi dharma nahin tha। abhi aur sab dharma hain baaki aadi sanaatan devi devta dharma hai nahin। apne ko devi-devta samajhte hi nahin hain। kehte hain ham to patit hain। devtaaon ke aage mahima gaate hain - tum sarvagun sampanna, 16 kala sampoorn ho। apne ko kehte hain ham vikaari hain। main nirgun haare mein koi gun naahi। baap ko yaad karte hain। tumko bhi ek baap ko yaad karna hai। baap ko yaad karne bigar paavan nahin banenge to oonch pad nahin paayenge। apvitra duniya ka jab vinaash ho tab hi duniya mein shanti ho। manushya koshish karte hain, bhaarat mein aur duniya mein shanti ho। parantu woh to ek baap ka hi kaam hai। manushya to hain hi vikaari। woh shanti kaise sthaapan kar sakte hain। ghar-ghar mein hi jhagda hai। baap ko na jaanne ke kaaran bilkul hi nidhanke ban pade hain। satayug mein bilkul hi pavitrata, sukh, shanti thi। abhi phir baap woh pavitrata, sukh-shanti sthaapan kar rahe hain aur koi kar na saken। bhaaratvaasi ab narka-vaasi hain। svarga mein jab the to punarjanma bhi svarga mein lete the। ab patit hain, isliye patit-paavan baap ko yaad karte hain। abhi to bachche jaante hain - paarlaukik baap ko yaad karne se hi vikarma vinaash honge। laukik baap se to had ka varsa milta hai। paarlaukik behad ke baap se behad ka varsa le rahe ho। yeh samajhne ki baaten hain। yeh koi satsang nahin hai। woh hai bhakti maarga, yeh hai gyaan maarga।

tumko khushi hoti hai baba hamko svargavaasi banaate hain। jo kalpa pahle svargavaasi bane hain, vahi ab banenge। brahman banne bigar devta kabhi ban nahin sakenge। yeh samajhne ki baaten hain na। abhi to bhaarat mein koi kala nahin rahi hai। kisko bhi pata nahin padta hai। kumbhakran ki neend mein soye pade hain, tumko baap ne abhi jagaaya hai। tum yahaan aaye ho svargavaasi banne। sivaae baap ke aur koi bana nahin sakte। svarga kaha jaata hai, satayug ko। narka kaha jaata hai, kaliyug ko। yatha raaja raani tatha praja। abhi sab vikaar se paida hote hain, devtaayen kabhi vikaar se punarjanma nahin lete hain। bachche abhi baap se pavitra rahne ki pratigya karte hain lekin chalte-chalte haar kha lete hain phir ki kamaai chat ho jaati hai। bade jor se chot lagti hai। aashcharyavat sunanti, kathanti phir bhaaganti ho jaate hain। bhal saakshaatkaar bhi karte hain parantu saakshaatkaar mein maaya ka pravesh bahut hota hai। jaise radio mein ek do ki baat sun nahin saken isliye beech mein gadbad kar dete hain। yeh bhi aise hai। yog mein maaya vighna daalti hai। mehnat saari yog mein hi hai। bhaarat ka praacheen yog gaaya hua hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ek baap se sachchi preet rakh sachcha-sachcha paandav banna hai। maut saamne khada hai isliye pavitra ban pavitra duniya ka maalik banna hai।

2) kaam mahaashatru jo aadi-madhya-ant duhkh deta hai, us par jeet praapta kar paavan banna hai, yaad se vikaaron ki khaad nikaal aatma ko golden aged banaana hai।

vardaan:- marjeeve janma ki smriti dvaara karmabandhan ko sambandh mein parivartan karne vaale paropkaari bhav

laukik karmabandhan ka sambandh ab marjeeve janma ke kaaran shreemat ke aadhaar par seva ke sambandh ka aadhaar hai। karmabandhan nahin seva ka sambandh hai। seva ke sambandh mein variety prakaar ki aatmaon ka gyaan dhaaran kar chalenge to bandhan mein tang nahin honge। lekin ati paap aatma, apkaari aatma se bhi naphrat va ghrina ke bajaae, merciful ban taras ki bhaavna rakhte hue, seva ka sambandh samajhkar seva karenge to naameegraami vishwa kalyaani va paropkaari gaaye jaayenge।

slogan:- samay va paristhiti pramaan vairaagya aaya to yeh bhi alpakaal ka vairaagya hai, sadaakaal ke vairaagi bano।

ye avyakt ishaare - sada achal, adol, ekras sthiti ka anubhav karo

kisi bhi prakaar ka vighna va samasya athva maaya ka vaar, vaar nahin hai lekin khel ke samaan anubhav ho to khel samajhne se khushi-khushi paar kar lenge aur avastha ekras rahegi। lekin agar ise vaar samjhenge to ghabraayenge bhi aur halchal mein bhi aa jaayenge। maaya ka kaam hai aana aur aapka kaam hai vijayi banna।