Daily Murli for Friday 12 June 2026

12-06-2026 praatahmurli om shanti "baapdaada"' madhuban

“meethe sensible bachche - sada yaad rakho ki ham avinaashi aatma hain, humein ab baap ke saath pahle tabke (floor) mein jaana hai''

prashn:- kaun si mehnat tum har ek bachche ko avashya karni hai?

uttar:- baba tumhein jo itni knowledge dete hain use apni dil se lagaate raho। andar hi andar usko manan kar hazam karo, jisse shakti milegi। yeh mehnat avashya har ek ko karni chaahiye। jo aisi gupta mehnat karte hain woh sada harshit rehte hain, unhein nasha rehta hai ki humein padhaane vaala kaun hai! ham kiske saamne baithe hain!

om shanti। yeh kisne kaha? do baar kehte hain om shanti, om shanti। ek shivbaaba ne kaha, ek brahma baba ne। yeh baapdaada ikatthe hain। to donon ko bolna pade om shanti, om shanti। ab pahle kisne kaha? baad mein kisne kaha? pahle shivbaaba ne kaha om shanti। main shanti ka saagar hoon, peechhe kisne kaha? daada ki aatma ne kaha। bachchon ko yaad dilaate hain om shanti, main to sadaiv dehi-abhimaani hoon, kabhi deh-abhimaan mein nahin aata hoon। ek hi baap hai jo sadaiv dehi-abhimaani rehte hain। brahma, vishnu, shankar aise nahin kahenge। tum jaante ho brahma, vishnu, shankar ka bhi sookshm roop hai। to om shanti karne vaala ek shivbaaba hai, jisko koi shareer nahin। baap tumko achhi reeti samjhaate hain aur kehte hain main ek hi baar aata hoon, main sadaiv dehi-abhimaani hoon। main punarjanma mein nahin aata isliye meri mahima hi nyaari hai। mujhe kehte hain niraakaar parampita paramatma। bhakti maarga mein bhi shiv ke liye kahenge niraakaar parampita paramatma hai। niraakaar ki pooja hoti hai। woh kabhi deh mein nahin aate hain arthaat deh-abhimaani nahin bante hain। achha phir uske neeche aao sookshm vatan mein, jahaan brahma-vishnu-shankar rehte hain। shiv ka naam roop to dekhne mein nahin aata hai। chitra bante hain lekin woh hai niraakaar, woh kabhi saakaar bante hi nahin। pooja bhi niraakaar ki hi hoti hai। bachchon ki buddhi mein saara gyaan rehta hai। bhakti to ki hai। chitra bachchon ne dekha hai, tum jaante ho satayug-treta mein na chitron ki bhakti hoti, na vichitra ki। buddhi mein aata hai parampita paramatma vichitra hai। unka na sookshm, na sthool chitra hai। unki mahima gaai jaati hai, duhkh harta, sukh karta, patit-paavan। tum aur kisi ke chitra ko patit-paavan nahin kahenge। koi bhi manushya nahin jinki buddhi mein yeh baat ho। brahma-vishnu-shankar hain sookshmavtanvaasi। pahla tabka phir doosra tabka। oonch te oonch mool vatan, us tabke mein rahne vaala hai parampita paramatma। second number tabke mein sookshm shareer vaale hain। third tabke mein sthool shareerdhaari hain, ismen moonjhana nahin hai। yeh baaten sivaae parampita paramatma ke koi samjha nahin sakta hai। oopar mein srishti hai aatmaon ki। usko kaha jaata hai niraakaari duniya, ham sab aatmaon ki duniya, incorporeal world। phir ham aatmaayen corporeal world mein aati hain। vahaan hain aatmaayen, yahaan hain jeev aatmaayen। yeh buddhi mein rehna chaahiye। barobar ham niraakaari baba ke bachche hain। ham bhi pahle niraakaar baap ke paas rehte the। niraakaari duniya mein hi aatmaayen rehti hain। jo abhi tak part bajaane liye aate rehte hain - saakaar mein। woh ho gaya niraakaar baap ka vatan। ham aatma hain, yeh nasha hona chaahiye। avinaashi cheez ka nasha rehna chaahiye। vinaashi cheez ka thode hi hona chaahiye। deh ke nashe vaale ko deh-abhimaani kaha jaata hai। deh-abhimaani achhe va aatma-abhimaani achhe? sensible kaun? aatma-abhimaani। aatma hi avinaashi hai, deh to vinaashi hai। aatma kehti hai ham 84 deh lete hain। ham aatma paramdham mein baap ke saath rahne vaali hain। vahaan se aate hain yahaan part bajaane। aatma kehti hai O baba। saakaari srishti mein hain saakaari baba। niraakaari srishti mein niraakaar baba। yeh to bilkul sahaj baat hai। ab brahma ko kehte hain prajaapita brahma। so to yahaan thahra na। vahaan ham aatmaayen sab ek baap ke bachche brothers hain। baap shiv ke saath rahne vaale hain। paramatma ka naam hai shiv। aatma ka naam hai saaligraam। aatma ka bhi rachayita chaahiye na। dil mein hamesha baaten karte raho। jo gyaan mila hai woh apne dil se lagaane ke liye mehnat karni hai। aatma hi vichaar karti hai। pahle-pahle to yeh nishchay karo ki ham aatma baap ke saath rahne vaale hain। ham unke bachche hain to zaroor varsa milna chaahiye। yeh bhi tum jaante ho ki yeh jo aatmaon ka jhaad hai unke pahle zaroor beej hota hai। jaise sijra banaate hain। bada baap phir unse 2-4 bachche nikle, phir unse aur nikalte। ek do vriddhi ko paate-paate jhaad bada ho jaata hai। biraadri ka naksha hota hai। phalaane se phalaana nikla…।

tum bachche jaante ho mool vatan mein sabhi aatmaayen rehti hain। unka bhi chitra hai। oonch te oonch hai baap। tum bachchon ki buddhi mein hai - baba is shareer mein aaya hua hai। roohaani baap inmen aakar roohon ko padhaate hain। sookshm vatan mein to nahin padhaayenge। satayug mein to yeh knowledge kisko bhi rehti nahin। baap hi is sangamayug par aakar yeh knowledge dete hain। is manushya srishti roopi jhaad ki knowledge koi ko hai nahin। kalpa ki aayu hi bahut badi likh di hai। abhi baap tumko samjhaate hain - bachche abhi tumko phir ghar chalna hai। woh hai aatmaon ka ghar। baap aur bachche rehte hain, sab brothers hain। brother aur sister tab kaha jaata hai jab yahaan shareer dhaaran karte hain। ham aatmaayen sab bhaai-bhaai hain। bhaai ka zaroor baap bhi hoga na। woh hai parampita paramatma। sabhi aatmaayen shareer mein rehte hue unko yaad karti hain। satayug-treta mein koi yaad nahin karte hain। patit duniya mein sabhi unko yaad karte hain kyonki sab raavan ki jel mein hain। seeta pukaarti thi he raam। baap samjhaate hain raam koi treta vaala yaad nahin aata hai। raam parampita paramatma ko samajh yaad karte rehte hain। aatma pukaarti hai। abhi tum jaante ho aadhaakalpa phir ham kisko pukaarenge nahin kyonki sukhdhaam mein rahenge। is samay baap hi samjhaate hain, doosra koi jaante hi nahin। woh to kah dete hain ki aatma so paramatma, aatma paramatma mein leen ho jaati hai। baap samjhaate hain, aatma to avinaashi hai। ek bhi aatma ka vinaash nahin ho sakta। jaise baap avinaashi vaise aatma bhi avinaashi hai। yahaan aatma patit tamopradhaan banti hai, phir baap satopradhaan pavitra banaate hain। saari duniya ko tamopradhaan banna hi hai। phir satopradhaan banna hai। patit duniya ko paavan banaane baap ko aana padta hai। unko kehte hi hain god father। baap bhi avinaashi hai, ham aatmaayen bhi avinaashi hain, yeh drama bhi avinaashi hai। tum bachche jaante ho ki yeh world ki history-geography kaise repeat hoti hai। in chaaron yugon mein hamaara part chalta hai। ham sooryavanshi phir chandravanshi bante hain। chandravanshi jaise second grade mein aa jaate hain। 14 kala vaalon ko sooryavanshi nahin kah sakte। vaastav mein devi-devta bhi unhon ko nahin kah sakte। devi-devta sampoorn nirvikaari, 16 kala sampoorn ko kaha jaata hai। raam ko 14 kala sampanna kahenge। tumhaare hi 84 janmon ka hisaab samjhaaya jaata hai। nai cheez phir puraani hoti hai to woh maza nahin rehta hai। pahle sampoorn pavitra rehte hain phir thode varsha paas honge to thoda puraana kahenge। makaan ka bhi misaal diya jaata hai। aise har cheez hoti hai। yeh duniya bhi ek bada maandava hai। yeh aakaash tatva bahut bada hai, iska koi ant nahin। inki and kahaan hai, woh nikaal nahin sakte। chalte jaao, and ho nahin sakti। brahm mahtatva ki bhi koi and ho nahin sakti। yoon science vaale kitni koshish karte hain and dekhne ki lekin ja nahin sakte, ant pa nahin sakte। brahm tatva bahut bada, beanta hai। ham aatmaayen bahut thodi jagah mein rehti hain। yahaan building aadi kitni badi-badi banaate hain। space dharti ki bahut badi hai। kheti aadi bhi to chaahiye na। vahaan to sirf aatmaayen rehti hain। aatma shareer bigar kaise khaayegi? vahaan to abhokta hai। khaane va bhogne aadi ki koi cheez hoti nahin। baap samjhaate hain yeh gyaan tum bachchon ko ek hi baar milta hai। phir kalpa baad tum bachchon ko diya jaata hai। to yeh nasha hona chaahiye। ham devta dharma vaale the। tum kehte ho baba aaj se 5 hazaar varsha pahle ham aapke paas aaye the - shoodra se brahman banne। ab phir ham aapke paas aaye hain। woh niraakaar hone kaaran tum kahenge daada paas aaye hain। baap ne ismen pravesh kiya hai। baap kehte hain - jaise tum organs le part bajaate ho vaise hi main bhi organs ka aadhaar leta hoon। nahin to main part kaise bajaaoon? shiv jayanti bhi manaate hain। shiv to niraakaar hai। unki jayanti kaise hui? manushya to ek shareer chhod doosra lete hain। baap kehte hain - main kaise aakar tum bachchon ko raajayog sikhaaoon। manushya se devta banaane ke liye raajayog baap hi aakar sikhaate hain। mujhe hi patit-paavan, gyaan ka saagar kehte hain। mujhe jhaad ke aadi-madhya-ant ka maaloom hai।

tum bachche samajhte ho baba ismen pravesh kar hamko sab knowledge samjhaate hain। brahma-vishnu-shankar ke part ko bhi samajhna chaahiye। baap ko to samjha hai ki woh patit-paavan hai। har ek ki mahima alag-alag, duty alag-alag hoti hai। president, prime minister aadi bante hain। aatma kehti hai yeh mera shareer hai। main prime minister hoon। aatma shareer ke saath na ho to bol na sake। shivbaaba bhi hai niraakaar। unko bhi bolne ke liye karmendriyon ka aadhaar lena padta hai, isliye dikhaate hain - mukh se ganga nikli। ab shiv to hai bindi। unko mukh kahaan se aaya? to ismen aakar baithte hain, usse gyaan ganga bahaate hain। baap ko hi sab yaad karte hain - he patit-paavan aao। hamko is duhkh se chhudaao। vahi bade te bada surgeon hai। usmein hi patiton ko paavan banaane ka gyaan hai। sarva patiton ko paavan banaane vaala ek surgeon hai। satayug mein sab nirogi hote hain। yeh lakshmi-naaraayan satayug ke maalik hain। isko aise karma kisne sikhaaye jo aise nirogi banen। baap hi aakar shreshtha karma sikhlaate hain। yahaan to karma hi kootte rehte hain। satayug mein to aise nahin kahenge ki karma aise hain। vahaan koi duhkh, rog hota nahin। yahaan to ek do ko duhkh hi dete rehte hain। satayug-treta mein duhkh ki baat hoti nahin, jo kaha jaae ki yeh karmon ka bhog hai। karma-akarma-vikarma ka arth koi samajh hi nahin sakte hain। tum jaante ho har ek cheez pahle satopradhaan phir sato rajo tamo banti hai। satayug mein 5 tatva bhi satopradhaan rehte hain। hamaare shareer bhi satopradhaan prakriti ke hote hain phir aatma ki do kala kam hone se shareer bhi aise bante hain। srishti ki bhi do kala kam ho jaati hain। yeh sab baap hi baith samjhaate hain, doosra koi samjha na sake। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) abhi se hi baap ki shreemat par aise shreshtha karma karne hain, jo phir kabhi karma kootne na pade arthaat karmon ki sazaayen na khaani pade।

2) kisi bhi vinaashi cheez ka nasha nahin rakhna hai। yeh deh bhi vinaashi hai, iska bhi nasha nahin rakhna hai, sensible banna hai।

vardaan:- is puraani duniya ko videsh samajh isse upraam rahne vaale svadeshi bhav

jaise kai log videsh ki cheezon ko touch bhi nahin karte hain, samajhte hain apne desh ki cheez ka prayog karen। aise aap logon ke liye yeh puraani duniya hi videsh hai, isse upraam raho arthaat puraani duniya ki jo cheeze hain, svabhaav-sanskaar hain unki taraph jara bhi aakarshit na ho। svadeshi bano arthaat aatmik roop mein apne oonche desh paramdham aur is eeshvareey parivaar ke hisaab se madhuban desh ke nivaasi samajh, iske nashe mein raho।

slogan:- jhamelon mein phansane ke bajaae sada milan mele mein raho।

ye avyakt ishaare - sada harshit rahne ke liye apni nature ko saral banaao, sahansheel bano।

holeehans ki visheshta - saral-chit, saral vaani, saral vritti, saral drishti। baapdaada ko sabse priy, sabse sameep saaph dil vaale pyaare hain। saaph dil sada baapdaada ke diltakhta nasheen, sarva shreshtha sankalp poorn hone ke kaaran vritti mein, drishti mein, bol mein, sambandh-samparka mein saral aur spashta ek samaan dikhaai dete hain।