Daily Murli for Friday 4 September 2026

04-09-2026 praatahmurli om shanti "baapdaada"' madhuban

“meethe bachche - is behad ke drama mein hero heroine ka part tumhaara hai, baap ka nahin, baap ke paas sirf patiton ko paavan banaane ka hunar hai''

prashn:- brahma ke chitra ko dekh jo prashn uthaate hain, unhein kaun sa raaz samjhaana hai?

uttar:- unhein samjhaao ki yeh aadi so ant vaali aatma hai। jo first prince shreekrishna hai, unke hi last janma mein baap aate hain। yeh patit tan hai, inhen hi paavan banna hai। yeh koi bhagwan nahin। bhagwan to ever-pure hai। usne inke tan ka aadhaar liya hai।

geet:- mukhda dekh le praani…

om shanti। baap ne bachchon ko samjhaaya hai ki shanti ke liye koi baahar dar-dar dhakka nahin khaana hai। jaise hathayogi sannyaasi samajhte hain - grihastha vyavhaar mein rehte shanti mil nahin sakti। shanti jangal mein milti hai। parantu baap samjhaate hain shanti vahaan bhi nahin mil sakti। is par ek kahaani va drishtaanta sunaate hain ki raani ke gale mein haar pada tha aur dhoondhati thi baahar.... aise shanti to tumhaare gale mein padi hai। baahar kahaan dhoondhate ho। baap aakar samjhaate hain bachche, tum aatma ka svadharma hai hi shant। yeh shareer to tumhaari karmendriyaan hain, jisse tumko part bajaana padta hai। aatma to avinaashi hai। aatma koi chhoti-badi nahin hoti hai, na vinaash hoti hai। haan aatma patit banti hai, inko hi paavan banna hota hai। aatma ko pahle kishor shareer milta hai phir yuva, briddha hota hai। aatma to hai hi ekras। pahle-pahle to aatma ko jaanna hota hai। main aatma hi barrister aadi banta hoon। isko kaha jaata hai - aatma-abhimaani bhav। baap samjhaate hain bachche tum deh-abhimaani ban pade ho isliye apne ko shareer samajh lete ho, yeh bhool jaate ho ki main aatma hoon, yeh mera shareer hai। to apne ko realise karna hai। 84 janma bhi aatma leti hai। abhi baap ne samjhaaya hai jo brahman bane hain vahi phir devta banne vaale hain। aise bhi nahin ki sab 84 janma lete hain। koi pahle aayega, koi 50-100 varsha baad bhi aate rahenge। koi ke 80-82, koi ke kitne janma honge। manushya to 84 laakh janma kah dete hain, inse bhi saitisphaai nahin hote hain phir kah dete kan-kan mein bhagwan hai। ab bhagwan kehte hain ki main kisi manushya tan mein bhi nahin hoon to jaanvar, patthar thikkar kan-kan mein kaise hoga। baap ne samjhaaya hai number one hi last number mein tamopradhaan bante hain। main khud kehta hoon ki main bahut janmon ke ant mein saadhaaran tan mein pravesh karta hoon। jisne poore 84 janma liye hain woh to zaroor patit hoga। paavan to ho nahin sakta। baap khud kehte hain pahle number mein hai shreekrishna, first prince। shri naaraayan to baad mein banta hai, jab bada hota hai। woh bhi 20-25 varsha kam ho jaate hain। unke bhi poore 84 janma nahin kahenge। number one hai shreekrishna। bhal vahi phir svayanvar baad naaraayan bante hain। parantu hisaab to bachchon ko karna hai na। poore 84 janma, 5 hajaar varsha shreekrishna ke hi kahenge। to baap baith samjhaate hain main kalpa-kalpa usi hi tan mein aata hoon, jiska aadi se lekar ant tak part hai। doosre koi mein aa nahin sakta hoon। hisaab hai na। brahma hi pahla number thahra। main aur koi mein aa kaise sakta। tumse bahut log poochhte hain sirf ek hi brahma mein kyon aate hain! parantu yeh hisaab hai na। yeh samajhne ki baaten hain। gaaya bhi hua hai brahma dvaara sthaapna karte hain। vishnu va shankar dvaara sthaapna nahin karte। yeh aur koi ka kaam nahin hai। manushya rachta aur rachna ko nahin jaante hain। yeh bhi drama mein noondh hai। bani banaai ban rahi... chinta taaki keejiye... yeh abhi ki baat hai, jo honi hai vahi hoti hai। woh badal nahin sakti। aaj jo kuchh hota hai phir 5 hajaar varsha baad hoga। baba ne samjhaaya bhi tha - koi bhi baat aisi dekho to bolo yeh koi nai baat nahin। 5 hajaar varsha pahle bhi hua tha। ekdam aisa likh do। phir bhal woh aakar poochhe, likhne mein koi harja nahin hai। yeh ladaai pahle lagi thi, nothing new। mahaabhaarat ki ladaai 5 hajaar varsha pahle bhi hui thi। Christian ne bhaarat mein aakar raajya chheena, nothing new। phir kalpa baad bhi aise hi hoga। yeh world ki history-geography repeat hoti rehti hai। ab phir se aadi sanaatan devi-devta dharma ki sthaapna ho rahi hai। jinke 84 janma poore hue hain vahi pahle number mein lakshmi-naaraayan banenge। yeh sab raaz baap hi baith samjhaate hain। baap kehte hain - main manushya srishti ka beejroop hoon, inko ulta jhaad kaha jaata hai। is kalpa vriksha ki aayu 5 hajaar varsha hai। svaastika mein 4 bhaag ek jaise dekhenge। yug bhi equal hain, usmein farka nahin padta।

baap samjhaate hain ki dekho duniya mein to kya-kya ho raha hai। koi moon mein jaate, koi aag par, koi paani par chalna seekhte hain। yeh sab hai phaaltu, isse koi bhi phaayda nahin। manushya paavan ban mukti-jeevanmukti mein to ja nahin sakte। kuchh bhi karen parantu vaapis ghar ja nahin sakte। aatma ko apna ghar aur baap ka ghar bhool gaya hai। aatma apne ko hi bhool deh-abhimaani ban padi hai। phir mandiron mein jaakar mahima gaate hain। aap sarvagun sampanna, ham neench paapi hain। apni glaani karte hain। baap to kabhi pujaari nahin bante। achha phir second number mein kahenge shankar bhi ever poojya hai। woh bhi pujaari nahin bante, unka part hi yahaan nahin hai। is stage par part hai brahma aur vishnu ka। brahma aur vishnu ka kya-kya part hai, yeh duniya mein kisko bhi pata nahin hai। trimoorti brahma kah dete hain, arth kuchh bhi nahin samajhte। yeh bhi gaate hain brahma dvaara sthaapna, kaun karte hain, unka chitra hi nahin। mukh se kehte hain parantu woh kahaan hai। shiv kya cheez hai, woh bhi nahin jaante। aatma ke liye kehte hain bhrakuti ke beech chamakta hai ajab sitaara... main aatma avinaashi hoon, shareer vinaashi hai। kitne shareer lete hain, kuchh bhi pata nahin। manushya kitne duhkhi hain, radiyaan maarte rehte hain - O god father। jabse duhkh shuru hua hai, pukaarte aaye hain। yeh bhi samjhaaya gaya hai bhaarat mein jab raavan raajya shuru hota hai to aise nahin aur dharmon mein bhi raavanraajya ho gaya। nahin, unko to apne samay par sato rajo tamo mein aana hi hai। yeh kahaani saari bhaarat par hai। woh to by-plot hain। baap beech mein hi aate hain। bhaarat jab tamopradhaan ban jaata hai to phir saara jhaad tamopradhaan ban jaata hai। unko bhi sukh duhkh bhogna hai। jhaad mein naye-naye patte nikalte hain। woh bade shobhnik hote hain। nayon ko phir sato rajo tamo mein zaroor aana hai। pichhaadi mein jo aate hain unka kuchh maan rehta hai। ek janma mein bhi sato rajo tamo se paas kar sakte hain, parantu unki koi value nahin rehti। value to unki hai jo hero-heroine ka part bajaate hain। aise nahin kahenge baba hi hero-heroine ka part bajaate hain। baba ke liye nahin kah sakte hain। woh to aakar patiton ko paavan banaate hain। khud patit nahin bante hain। tum patit se paavan banne ki mehnat karte ho। shreemat par raajayog se hi raajya liya tha। abhi tum phir le rahe ho। baba kehte hain - main to raajya nahin karta hoon, tumko raajaaon ka raaja banaata hoon। ab duniya mein manushya kehte to bahut hain। bhagvaanuvaach - main tumko raajaaon ka raaja banaata hoon। parantu unka arth na khud samajhte hain, na kisko samjha sakte hain। bhagvaanuvaach, to zaroor bhagwan aaya tha tab to kaha hoga na he bachchon, bhaarat mein hi shiv jayanti, shiv raatri manaate hain। baap aate bhi hain bhaarat khanda mein। bhaarat hi avinaashi khanda hai। unki mahima bahut bhaari hai। jaise baap ki mahima aparmaapaar hai। vaise bhaarat ki mahima bhi aparmaapaar hai। bhaarat mein hi parampita paramatma aakar sab manushya maatra ki sadgati karte hain। sabko sukh dete hain। unka birth place bhaarat hai। bhaarat hi praacheen desh hai। bhagwan raajayog sikhlaane bhaarat mein hi aaya tha। parantu shreekrishna ko bhagwan kah dene se unki mahima nahin rahi hai। bhagwan to hai hi ek, unko hi satguru kaha jaata hai। baaki guru to dher hain। koi dhandha sikhlaane vaale ko bhi guru kah dete hain। aajkal to sabko avtaar maan lete hain। kuchh bhi samajhte nahin। jab bilkul patit ban jaate hain tab pukaarte hain - baba aakar hamko paavan banaao।

baap hi aakar sachchi-sachchi amraktha sunaate hain। ab tumhaari buddhi mein hai ki ham 84 janmon mein kaise aate hain। pahle achha janma phir utarte aayenge। duniya ki bhi utarti kala hoti hai। manushyon ki buddhi sato, rajo, tamo banti hai। satayug se phir thodi-thodi utarti kala shuru ho jaati hai। chadhti kala tere bhaane sarva ka bhala। sarva ka sadgati daata to ek baap hai na। vo guru log to sirf shaastra sunaate hain। sunte-sunte girte hi aaye hain। behad ka baap aakar bachchon se poochhte hain, main tumko itna saahookaar banaakar gaya, itne heere-javaahron ke mahal dekar gaya, woh sab kahaan gaye? laukik baap bachchon ko paise dete hain lekin bachche paisa barbaad kar dete hain to baap bulaakar poochhte hain tumne itna paisa kahaan barbaad kiya? bachchon ke paas paise hone se udaate bahut hain। baap dharmaatma hai, bachche vilaayat mein jaakar laakhon roopaye uda aate hain। baap kuchh kar nahin sakta। baap phaarakti bhi nahin de sakte kyonki daade ki milkiyat hai। parantu andar jalte rehte hain। baap ke mar jaane ke baad, koi-koi to aise gande bachche hote hain, 12 maas mein saari milkiyat uda dete hain। woh hain had ki baaten। yeh hai phir behad ki baat। behad ka baap kehte hain tum kitne dhanvaan the, vishwa ke maalik the। phir kangaal kyon bane ho? itna dhan kahaan kiya? bachchon se hi baap poochhte hain - bhaarat ko itna saahookaar banaaya, sab paise kahaan gaye? phir baap hi baith samjhaate hain। bhakti maarga mein kitna kharcha karte hain। shaastron aadi ke pichhaadi kitna kharcha karte hain। maatha bhi tekte gaye, tippad bhi ghis gai। paise aadi sab kuchh ganva baithe, yeh hai drama। ham tumko saahookaar banaate hain। raavan tumko kangaal banaate hain। bhaaratvaasiyon ko hi baap samjhaayenge na। bhaarat hi sone ki chidiya thi, itna dhan tha jo doosre dharma vaale lootkar le gaye। khyaal to karo - bhaarat kya tha! yeh bhi drama bana hua hai। bhaarat hi heaven, bhaarat hi hell। abhi hai narka, isliye baba ne seedhi bhi aisi banvaai hai jo koi bhi samjhe ham patit hain। chhote-chhote bachchon ko bhi chitra par samjhaaya jaata hai na। nakshe bigar bachche kya samjhen। baap hi aakar patit se paavan banne ki sahaj yukti bataate hain। sahaj te sahaj bhi hai, difficult se difficult bhi hai। satayug mein dehi-abhimaani rehte hain। aatma samajhti hai ab shareer bada hua hai, yeh puraana chola chhod doosra lena hai। jaise saakshaatkaar ho jaata hai - ab jaakar bachcha banna hai, puraani khal chhod dete hain। yahaan koi marta hai to rote bhi hain। band baaja bhi le jaate। satayug mein to khushi se ek shareer chhod doosra lete hain, to shaadmaana manaate hain। yahaan kitna aphsos karte hain। koi marta hai to kehte hain svarga padhaara। to iska matlab narka mein tha na! abhi tum purushaartha kar rahe ho - svargavaasi banne ke liye। baap tumko svargavaasi banaate hain। baap aate hi hain jeevanmukti dene। raavan ke bandhan se chhudaae jeevanmukta karte hain। baap kehte hain - main kalpa pahle muaaphik aakar raajayog sikhlaata hoon। kalpa-kalpa brahma ke hi tan mein aata hoon। tumko brahman zaroor banna hai। yagya mein brahman to zaroor chaahiye na। yeh hai raajasva ashvamedh avinaashi gyaan yagya। is rath ko svaaha karna hai। ashva is rath ko kaha jaata hai। raajasva, svaraajya ke liye yeh sab ashva (shareer) ismen svaaha hone hain। aatma to svaaha nahin hogi। aatmaayen hisaab-kitaab chuktu kar chali jaayengi। phir nayesir sabka part shuru hoga। inko kaha jaata hai history-geography repeat। baap aate hi hai nai duniya sthaapan kar puraani duniya khalaas karne। yeh ek hi mahaabhaarat ladaai hai, jo shaastron mein gaai hui hai। to samjhaana chaahiye - is ladaai se yeh svarga ke dvaar khulte hain, isliye inka gaayan shaastron mein hai। achha!

meethe-meethe sikeeladh bachchon prati maat-pita baapdaada ka yaad-pyaar aur good morning। roohaani baap ki roohaani bachchon ka namaste।

dhaarna ke liye mukhya saar:-

1) beeti baaton ka kabhi bhi chintan nahin karna hai। jo baat beet gai, nothing new samajh bhool jaana hai।

2) is raajasva ashvamedh yagya mein apna tan-man-dhan sab svaaha kar saphal karna hai। is antim janma mein sampoorn paavan banne ki mehnat karni hai।

vardaan:- shreshtha vritti dvaara pravritti ko pragti ka saadhan banaane vaale sada samarthavaan bhav

pravritti mein pahle vritti se pavitra va apvitra bante ho। yadi vritti ko sada ek baap ke saath laga do, ek baap doosra na koi - aisi oonchi vritti rahe to pravritti pragti ka saadhan ban jaayegi। vritti oonchi aur shreshtha hai to chanchal nahin ho sakti। aisi shreshtha vritti dvaara pragti karte hue gati-sadgati ko sahaj hi pa lenge। phir sab complain complete ho jaayengi।

slogan:- agar pavitrata svapna maatra bhi hilaati hai to nishchay ka foundation kachcha hai।

avyakt ishaare - ab apne daata swaroop ko pratyaksha karo

jab aap chamakte hue sitaare - soorya, chandrama samaan apni sampoorn stage par athva master daataapan ki stage par sthit honge to bhatakti hui aatmaayen, dhoondhane vaali aatmaayen parvaanon ki tarah svatah hi paane ke liye, milne ke liye fast gati se aapke paas aayengi aur aap sabko second mein baap dvaara mukti-jeevanmukti ka adhikaar dilaane ki teevragti se seva karni padegi।