Daily Murli for Friday 11 September 2026

11-09-2026 praatahmurli om shanti "baapdaada"' madhuban

“meethe bachche - is antim janma mein grihastha vyavhaar mein rehte kamal phool samaan pavitra bano, ek baap ko yaad karo, yahi gupta mehnat hai''

prashn:- gyaan ka teesra netra milte hi kaun sa contrast spashta anubhav hota hai?

uttar:- bhakti mein bhagwan ko paane ke liye kitna dar-dar bhatak rahe the, kitni thokren kha rahe the। abhi humein woh mil gaya। 2- saath-saath raham aata manushya bichaare abhi tak bhi bhatak rahe hain, raasta dhoondh rahe hain। baba ne humein bhatakne se chhuda diya। ham baba ke saath jaane ki taiyaari kar rahe hain।

geet:- aaj andhere mein hain insaan…

om shanti। ek taraph bhakta yaad kar rahe hain। doosre taraph mein aatmaon ko teesra netra mil chuka hai arthaat aatmaon ko baap ki pahchaan mil chuki hai। woh kehte hain ham bhatak rahe hain। abhi tum to nahin bhatakte ho। kitna farka hai। baap tum bachchon ko saath le jaane ke liye taiyaar kar rahe hain। manushya gurooon pichhaadi, teertha yaatra, mele malaakhde aadi pichhaadi kitna bhatak rahe hain। tumhaara bhatakna ab chhoot gaya hai। bachche jaante hain is bhatakne se chhudaane ke liye baap aaya hua hai। jaise kalpa pahle baap ne aakar padhaaya tha va raajayog sikhaaya tha, hoobhu aise padha rahe hain। bachche jaante hain ham 5 vikaaron par jeet pa rahe hain। kaha jaata hai maaya jeete jagat jeet। maaya 5 vikaaron roopi raavan ko kaha jaata hai। maaya dushman thahri। maaya dhan sampatti ko nahin kaha jaata। likhna bhi hai 5 vikaaron roopi raavan va maaya... to manushya kuchh arth samjhen। nahin to samajh nahin sakte hain। maaya jeete jagat jeet। ismen yaadvon aur kaurvon va asuron aur devtaaon ki koi baat nahin। sthool ladaai hoti nahin hai। gaaya jaata hai yogbal se maaya raavan par jeet paane se jagat jeet bante hain। tum bachche jaante ho - jagat kaha jaata hai vishwa ko। vishwa par jeet pahnaane liye vishwa ka maalik hi aate hain। vahi sarvashaktimaan hai। yeh to bachchon ko samjhaaya gaya hai - baap ko yaad karne se hi paap bhasma ho jaate hain। mukhya baat hai yaad ki। yaad karne se tumhaare se koi vikarma nahin hoga aur khushi mein rahenge। patit-paavan baap aaye hain paavan banaane, to phir ham vikarma kyon karen। apni sambhaal karni hai। buddhi to manushya ko hai na। ismen aur kuchh ladne aadi ki baat nahin hai, sirf 5 vikaaron ko jeetne liye baap ko yaad karna bahut sahaj hai। haan ismen mehnat lagti hai, time lagta hai। maaya deeva bujhaane liye ghadi-ghadi toofaan laati hai। baaki ismen ladaai ki koi baat nahin hai। vahaan hai hi devtaaon ka raajya। asur koi hote nahin।

ham hain brahman, brahma mukh vanshaavli। jo brahman kul ke hain vahi apne ko brahman samajhte hain। roohaani baap ham roohon ko baith gyaan dete hain। gyaan saagar, patit-paavan sadgati daata ek hi hai। vahi svarga sthaapan karne vaala hai। tum bachchon ko to bahut khushi honi chaahiye। vilaayat vaalon ko bhi pata padega, yeh to vahi sindha vaale brahmaakumaar kumaariyaan hain jo kehte hain paradise shreemat par sthaapan kar dikhaayenge। aatma kehti hai na - shareer dvaara। aatma sunti hai aur direction par chalti hai। kalpa-kalpa baap hi aakar yukti batlaate hain। baap hai gupta, kisko bhi pata nahin padta hai। kitne dher manushyon ko samjhaate hain phir bhi koto mein koi hi samajhte hain। tum bachche ab samajhte ho hamaara all-round part hai। baap ne samjhaaya hai tum hi raajya lete ho aur koi le na sake, sivaae tum bhaaratvaasiyon ke, jo abhi apne ko hindu kahlaate hain। aadamshumaari mein bhi hindu likh dete hain। ham bhal kuchh bhi naam den, ham vaastav mein aadi sanaatan devi-devta dharma ke the। woh daivi dharma bhrashta, karma bhrashta ho jaane kaaran apne ko hindu kah dete hain। hindu naam kyon pada - yeh bhi koi nahin jaante। poochhna chaahiye bhala yeh to bataao tumhaara hindu dharma kisne sthaapan kiya! yeh to hindustaan ka naam hai। koi bata nahin sakenge। tum bachche jaante ho ab brahman, devta, kshatriy dharma ki sthaapna ho rahi hai। kehte hain brahman devi-devta namah। brahman hain sarvottam number one। vaastav mein svarga satayug ko kaha jaata hai। raamchandra ke raajya ko bhi svarga nahin kaha jaata। aadhaakalpa hai raamraajya, aadhaakalpa hai aasuri raajya। yeh sab dil mein dhaaran karna hai। abhi hamko svarga mein jaane ke liye kya karna hai? pavitra to zaroor rehna hi hai। baap kehte hain - bachche kaam mahaashatru hai, in par jeet paakar pavitra rehna hai isliye kamal phool ki nishaani bhi dikhaai hai। grihastha vyavhaar mein rehte kamal phool samaan banna hai। yeh drishtaanta tumhaare liye hai। hathayogi to grihastha vyavhaar mein kamal phool samaan rah na saken। woh apna nivritti maarga ka part bajaate hain। grihastha vyavhaar mein rah nahin sakte, isliye ghar baar chhod chale jaate hain। tum donon sannyaas ki bhent kar sakte ho। pravritti maarga mein rahne vaalon ka gaayan hai। baap kehte hain - grihastha vyavhaar mein rehte sirf yeh ek antim janma himmat kar kamal phool samaan pavitra raho। bhal apne grihastha vyavhaar mein raho। woh sannyaasi to gharbaar chhod jaate hain। dher sannyaasi hain jinhon ko bhojan dena padta hai। pahle woh bhi satopradhaan the, abhi tamopradhaan ban gaye hain। yeh bhi drama mein unka part hai। phir bhi aise hi hoga।

baap samjhaate hain is patit duniya ka vinaash to hona hi hai। thodi-thodi baat mein hi ek do ko dhamki dete rehte hain। agar aisa nahin hoga to badi ladaai lag jaayegi। tum bachche samajhte ho kalpa pahle bhi aise hua tha। shaastron mein likha hai pet se moosal nikle, yeh hua... phir holi mein svaang banaate hain। vaastav mein hain yeh moosal, jisse vinaash karte hain। yeh bhi bachche jaante hain jo kuchh past ho chuka hai woh phir bhi hona hai। bani banaai ban rahi... abhi tumhaari buddhi mein saara raaz hai। sirf kahne ki baat nahin। kisko bhi dosh nahin de sakte। drama mein part hai। tumko sirf baap ka paigaam sunaana hai। yeh drama to anaadi avinaashi hai। bhaavi kya cheez hai, woh bhi tum samajh gaye ho। yeh kaliyug ant aur satayug aadi ka sangam naameegraami hai। inko hi purushottam yug kaha jaata hai। aajkal bachchon ko purushottam yug par achhi reeti samjha rahe hain। yeh yug hai uttam purush banne ka। sabhi satopradhaan uttam ban jaayenge। abhi hain tamopradhaan kanishta। in aksharon ko bhi tum samajhte ho। kaliyug poora ho satayug aayega phir jay-jaykaar ho jaayega। kahaani sunaai jaati hai na। yeh hai sahaj te sahaj। jhoothi kahaaniyaan to bahut hain। ab baap khud baith samjhaate hain, bhakti maarga mein tum meri mahima gaate aaye ho। ab practical mein tumko raasta bataata hoon - sukhdhaam aur shantidham ka। sadgati ko sukh gati, durgati ko duhkh gati kahenge। kaliyug mein hai duhkh, satayug mein hai sukh। samjhaane se sab samjhenge। aage chal samajhte jaayenge। samay bahut thoda hai, manzil bahut oonchi hai। college mein jaakar tum samjhaayenge to is knowledge ko achhi reeti samjhenge। barobar yeh drama ka chakra phirta rehta hai aur koi duniya nahin hai। woh samajhte hain oopar mein koi duniya hai isliye sitaaron aadi taraph jaate hain। vaastav mein vahaan kuchh hai nahin। god is one, creation is one। manushya srishti yahi hai। manushya, manushya hi hain, sirf deh ke anek dharma hain। kitni variety hai। satayug mein ek hi dharma tha, usko kaha jaata hai sukhdhaam। kaliyug hai duhkhadhaam। sukh aur duhkh ka khel hai na। baap thode hi bachchon ko kab duhkh denge। baap to aakar duhkh se liberate karte hain। jo duhkh harta hai, woh phir kisko duhkh thode hi denge। abhi hai raavan raajya। manushyon mein 5 vikaar pravesh hain isliye raavan raajya kaha jaata hai। world ki history-geography ka raaz abhi tum bachchon ki buddhi mein aa gaya hai। roz sunte ho, yeh bahut badi padhaai hai। to baap samjhaate hain abhi baaki thoda samay hai। usmein baap se poora varsa lena hai। dheere-dheere manushya bhi samjhenge barobar eeshvar ka raasta to yahi samjhaate hain। duniya mein aur koi bhi eeshvar ko paane ka raasta nahin batlaate hain। eeshvar ka raasta eeshvar hi bataate hain। tum to unke bachche paigaam dene vaale ho। kalpa pahle bhi jo nimitta bane honge vahi ab banenge aur banaate jaayenge। bachchon ko vichaar saagar manthan karna hai। raay deni chaahiye - baba ham samajhte hain yeh chitra hone chaahiye, inse manushya achha samajh sakte hain। baba kam chitra isliye kehte hain kyonki kai centres bahut chhote-chhote hain। 5-7 chitra bhi mushkil rakh sakte hain।

baba kehte hain ghar-ghar mein geeta paathshaala ho। aise bhi bahut hain ek kamre mein sab kuchh chalaate hain। mukhya chitra rakhe hon to manushyon ko samajh mile। aakhreen bhagwan kisko kaha jaata hai, unse kya milta hai? bhagwan ko baba kaha jaata hai। babulnaath baba nahin kahenge। roodra baba nahin kahenge। shivbaaba naameegraami hai। baba kehte hain yeh vahi kalpa pahle vaala gyaan yagya hai। behad ke baap shiv ne yagya racha hai। braahmanon ki rachna ki hai brahma dvaara। brahma mein pravesh ho sthaapna ki hai। yeh hai gyaan - raajayog ka। aur phir yagya bhi hai, jismen saari puraani duniya ki aahuti padti hai। ek woh hi baap bhi hai, teacher bhi hai, guru bhi hai, gyaan saagar bhi hai। aisa aur koi hai nahin। aajkal yagya rachte hain to chaaron taraph shaastra rakhte hain। ek aahuti ka kunda bhi banaate hain। vaastav mein hai - yeh gyaan yagya, jisse unhonne copy ki hai। yahaan koi sthool cheez aadi to hai nahin। abhi tum bachchon ko behad ka baap mila hai, behad ka gyaan mila hai aur koi yeh jaante nahin। behad ki aahuti padni hai, yeh tum jaante ho। puraani duniya khatma ho jaayegi। woh to khushi hoti rehti ki raamraajya sthaapan ho, yeh to bahut achha hai। parantu woh to jo sthaapan karenge woh apne liye hi karenge na। mehnat sab apne liye karenge। tum jaante ho yeh mahaabhaarat ladaai bhi is yagya se prajjavlit hui hai। kahaan woh had ki baaten, kahaan yeh behad ki baaten। tum apne liye hi purushaartha karte ho। jab tak baap ko na jaane, varsa mil na sake। baap hi aakar aatmaon ko shiksha dete hain। tumhaara hai sab gupta। aatma jo hinsak ban gai hai, unko ahinsak banna hai। kisi par krodh bhi nahin karna hai। 5 vikaar jab daan den tab grahan chhoote, inse hi kaale ho gaye hain। ab phir sarvagun sampanna, 16 kala sampoorn kaise banen - yeh baap baith samjhaate hain। in lakshmi-naaraayan ko aisa kisne banaaya? koi guru mila? yeh to vishwa ke maalik the। zaroor past janma mein achhe karma kiye hain tab achha janma mila। achhe karmon se achha janma milta hai। brahma aur vishnu ka connection bhi zaroor hai। brahma so vishnu ek second mein। manushya se devta bante hain, second mein jeevanmukti isko kaha jaata hai। baap ke bane aur jeevanmukti ka varsa pa liya। jeevanmukta to raaja praja sab hain। jo bhi aane hain unko jeevanmukta banna hai। baap to samjhaate hain sabko। phir hai purushaartha karna, oonch pad paane ke liye। saara madaar hai purushaartha par। kyon na purushaartha karte-karte ham oonch pad paayen। baap ko bahut yaad karne se baap ki dil par arthaat takhta par chadh jaayenge। baap koi mehnat nahin dete hain। ablaaon se aur kya mehnat karaayenge। baap ki yaad hai bhi gupta। gyaan to pratyaksha ho jaata hai। kaha jaata hai inka bhaashan to bahut achha hai, parantu yog mein kahaan tak hain? baap ko yaad karte hain? kitna samay yaad karte hain? yaad se hi janma-janmaantar ke vikarma vinaash honge। yeh spiritual knowledge kalpa-kalpa roohaani baap shiv hi aakar dete hain। aur koi bhi gyaan de nahin sakte। achha!

meethe-meethe sikeeldhe bachchon prati maat-pita baap daada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) avinaashi drama ke raaz ko buddhi mein rakh kisi ko bhi doshi nahin banaana hai। purushottam banne ka purushaartha karna hai। is thode samay mein baap se poora varsa lena hai।

2) double ahinsak banne ke liye kabhi kisi par krodh nahin karna hai। vikaaron ka daan de sarva-gun sampanna banne ka purushaartha karna hai।

vardaan:- second mein sarva kamjoriyon se mukti praapta kar maryaada purshottam banne vaale sada snehi bhav

jaise snehi sneh mein aakar apna sab kuchh nyauchhaavar va arpan kar dete hain। snehi ko kuchh bhi samarpan karne ke liye sochna nahin padta। to jo bhi maryaadaayen va niyam sunte ho unhein practical mein laane athva sarva kamjoriyon se mukti praapta karne ki sahaj yukti hai - sada ek baap ke snehi bano। jiske snehi ho, nirantar uske sang mein raho to roohaaniyat ka rang lag jaayega aur ek second mein maryaada purshottam ban jaayenge kyonki snehi ko baap ka sahayog svatah mil jaata hai।

slogan:- nishchay ka foundation majboot hai to sampoornata tak pahunchna nishchit hai।

avyakt ishaare - ab apne daata swaroop ko pratyaksha karo

vartamaan samay sarva aatmaayen bhikhaari ke roop mein bhagwan se kuchh na kuchh maang rahi hain। sabhi ke mukh mein va man mein yahi rehta ki yeh de do। koi dhan ke bhikhaari hain, koi sahayog ke, koi sambandh ke, koi thode samay ke liye sukh-chain ke, koi aaraam va neend ke, koi followers ke bhikhaari hain, aap daata ke bachche master daata ban apni shubh bhaavna ki vrittiyon se bhikhaari aatmaon ki bhookh mitaao।