Daily Murli for Wednesday 21 October 2026

21-10-2026 praatahmurli om shanti "baapdaada"' madhuban

“meethe bachche - yog agni se paapon ko bhasma kar sampoorn satopradhaan banna hai, koi bhi paap karma nahin karna hai''

prashn:- satayug mein oonch pad kis aadhaar par milta hai? yahaan ka kaun sa kaayda sabko sunaao?

uttar:- satayug mein pavitrata ke aadhaar par oonch pad milta hai। jo pavitrata ki kam dhaarna karte hain woh satayug mein deri se aate hain aur pad bhi kam paate hain। yahaan jab koi aata hai to unhein kaayda sunaao - de daan to chhoote grahan। 5 vikaaron ka daan do to tum 16 kala sampoorn ban jaayenge। tum bachche bhi apni dil se poochho ki hamaare mein koi vikaar to nahin hain?

om shanti। roohaani baap roohaani bachchon ko samjhaate hain ki manushyon ko kaise samjhaao ki ab svarga ki sthaapna ho rahi hai। 5 hajaar varsha pahle bhi bhaarat mein svarga tha। lakshmi-naaraayan ka raajya tha। vichaar karna chaahiye, us samay kitne manushya the। satayug aadi mein bahut karke 9-10 laakh honge। shurooaat mein jhaad chhota hi hota hai। is samay jabki kaliyug ka ant hai to kitna bada jhaad ho gaya hai, ab iska vinaash bhi zaroor hona hai। bachche samajhte hain yeh vahi mahaabhaarat ladaai hai। is samay hi geeta ke bhagwan ne raajayog sikhaaya aur devi-devta dharma ki sthaapna ki। sangam par hi anek dharmon ka vinaash, ek dharma ki sthaapna hui thi। bachche yeh bhi jaante hain ki aaj se 5 hajaar varsha pahle bhaarat svarga tha aur koi dharma nahin tha। aisi nai duniya sthaapan karne baap sangam par aate hain। ab woh sthaapan ho rahi hai। puraani duniya vinaash ho jaayegi। satayug mein ek hi bhaarat khanda tha aur koi khanda tha nahin। abhi to kitne khanda hain। bhaarat khanda bhi hai parantu ismen aadi sanaatan devi-devta dharma hai nahin। woh praayah lop ho gaya hai। ab phir parampita paramatma brahma dvaara sthaapna kar rahe hain। baaki sab dharma vinaash ho jaate hain। yeh to yaad rakhna hai ki satayug treta mein koi aur raajya nahin tha aur sab dharma abhi aaye hain। kitna duhkh ashaanti maaraamaari hai। mahaabhaari mahaabhaarat ladaai bhi vahi hai। ek taraph yooropvaasi yaadav bhi hain। 5 hajaar varsha pahle bhi inhonne mooslon ki (missiles ki) invention ki thi। kaurav paandav bhi the। paandavon ki taraph khud parampita paramatma madadgaar tha। sabhi ko yahi kaha ki grihastha vyavhaar mein rehte mujhe yaad karne se tumhaare paap badhenge nahin aur past ke vikarma vinaash honge।

abhi baap samjhaate hain, tum hi bhaaratvaasi satayug mein jo satopradhaan the, woh is samay 84 janma lete-lete ab tumhaari aatma tamopradhaan ban gai hai। ab satopradhaan kaise banen। satopradhaan tab banenge jab mujh patit-paavan baap ko yaad karenge। is yog agni se hi paap bhasma honge aur aatma satopradhaan ban jaayegi। aur phir svarga mein 21 janmon ke liye varsa paayenge। baaki is puraani duniya ka vinaash to hona hi hai। bhaarat satayug mein shreshthaachaari tha aur srishti ke aadi mein bahut thode manushya the। bhaarat svarga tha, doosre koi khanda nahin the। abhi aur dharma badhte-badhte jhaad kitna bada ho gaya hai aur tamopradhaan jad jadeebhoot ho gaya hai। ab is tamopradhaan jhaad ka vinaash aur nai devi-devta dharma ke jhaad ki sthaapna zaroor chaahiye। sangam par hi hoga। abhi tum ho sangam par। aadi sanaatan devi-devta dharma ka abhi sapling lag raha hai। patit manushyon ko baap paavan bana rahe hain, woh phir devta banenge। jo pahle number mein the jinhonne 84 janma liye hain। vahi phir pahle number mein aayenge। sabse pahle-pahle devi-devtaaon ka part tha। vahi pahle bichhude hain। phir unhon ka hi part hona chaahiye na। satayug mein hain hi sarvagun sampanna… abhi hai vicious world, raat-din ka farka hai। abhi vicious world ko viceless world kaun banaaye। pukaarte bhi hain he paavan banaane vaale aao। abhi woh aaya hai। baap kehte hain - ham tumko viceless bana rahe hain। is vicious duniya ke vinaash ke liye ladaai lagni hai। ab woh kehte hain ek mat kaise ho kyonki abhi anek mat hain na। anek itne mat-mataantaron ke andar ek dharma ki mat kaun sthaapan kare। baap samjhaate hain abhi ek mat ki sthaapna ho rahi hai। baaki sab vinaash ho jaayenge। aadi sanaatan devi-devta dharma vaale jo paavan the, vahi phir 84 janma bhog ab patit bane hain। phir baap aakar bhaaratvaasiyon ko phir se svarga ka varsa de rahe hain arthaat asur se devta bana rahe hain। tum kisko bhi samjha sakte ho ki baap kehte hain mujhe yaad karo to tum patit se paavan ban jaayenge। ab tum gyaan chita par baitho। chita par baithne se tum paavan ban jaate ho। phir dvaapar mein raavan raajya hone kaaran kaam chita par baithte-baithte bhrashtaachaari duniya ban gai hai। aaj se 5 hajaar varsha pahle devi-devta the। thode manushya the। abhi to kitne aasuri ban pade hain। aur dharma bhi add ho jhaad bada ho gaya hai। baap samjhaate hain jhaad jadajdeebhoot ho gaya hai। ab phir mujhe ek mat ka raajya sthaapan karna hai। bhaaratvaasi kehte bhi hain ek dharma mein ek mat ho। yeh bhaaratvaasi bhool gaye hain ki satayug mein ek hi dharma tha। yahaan to anek dharma hain। ab baap aakar phir se ek dharma sthaapan kar rahe hain। tum bachche raajayog seekh rahe ho। zaroor bhagwan hi raajayog sikhaayenge। yeh kisko pata nahin hai। pradarshani ka udghaatan jab koi karne aate hain to unko bhi samjhaana chaahiye - tum kiska udghaatan karte ho। baap is bhaarat ko svarga bana rahe hain। baaki narkavaasi sab vinaash ho jaayenge। vinaash ke pahle jinko baap se varsa lena hai to aakar samjhen। yeh bi.ke. ka jo aashram hai yeh hai quarantine class, yahaan 7 roz class karna hai taaki 5 vikaar nikal jaaen। devtaaon mein yeh 5 vikaar hote nahin। ab yahaan 5 vikaaron ka daan dena hai, tab grahan chhootega। de daan to chhoote grahan। phir tum 16 kala sampoorn ban jaayenge। bhaarat satayug mein 16 kala sampoorn tha, abhi to koi kala nahin rahi hai। sab kangaal ban pade hain।

koi opening karne aate hain, bolo, yahaan ka kaayda hai, baap kehte hain de 5 vikaaron ka daan to chhoote grahan। tum 16 kala sampoorn devta ban jaayenge। pavitrata anusaar pad paayenge। baaki agar kuchh na kuchh kala kam rah gai to janma bhi deri se lenge। vikaaron ka daan dena to achha hai na। chandrama ko grahan lagta hai to aage brahman log daan lete the। abhi to brahman bade aadmi ho gaye hain। gareeb log to bichaare bheekh maangate rehte, puraane kapde aadi bhi lete rehte। vaastav mein brahman puraane kapde nahin lete, unhon ko naya diya jaata hai। to ab tum samjhaate ho bhaarat 16 kala sampoorn tha। ab iron aged ho gaya hai। 5 vikaaron ka grahan laga hua hai। abhi tum jo 5 vikaaron ka daan de yeh antim janma pavitra rahenge to nai duniya ke maalik banenge। svarga mein bahut thode the। peechhe vriddhi ko paaya hai। ab to vinaash bhi saamne khada hai। baap kehte hain - 5 vikaaron ka daan do to grahan chhoot jaae। ab tumko shreshthaachaari ban svarga ka sooryavanshi raajya lena hai, to bhrashtaachaar ko chhodna padega। 5 vikaaron ka daan do। apni dil se poochho ham sarvagun sampanna, sampoorn nirvikaari bane hain? naarad ka misaal hai na। ek bhi vikaar hoga to lakshmi ko var kaise sakenge। koshish karte raho, khaad ko aag lagaate raho। sona jab galaate hain, galte-galte yadi aag thandi ho jaati hai to khaad nikalti nahin hai, isliye poori aag mein galaate hain। phir jab dekhte hain kichda alag ho gaya hai tab kaarba mein daalte hain। baap ab khud kehte hain koi bhi vikaar mein mat jaao। teevra veg se purushaartha karo। pahle to pavitrata ki pratigya karo। baba aap paavan banaane aaye ho, ham kabhi vikaar mein nahin jaayenge। dehi-abhimaani banna hai। baap ham aatmaon ko samjhaate hain। woh supreme aatma hai। tum jaante ho ham patit hain। aatma mein hi sanskaar rehte hain। main tumhaara baap tum aatmaon se baat karta hoon। aisa koi nahin kah sakta - main tumhaara baap paramatma hoon। main aaya hoon paavan banaane। tum pahle-pahle satopradhaan the phir sato, rajo, tamo mein aaye। tamopradhaan bane ho। is samay 5 tatva bhi tamopradhaan hain isliye duhkh dete hain। har cheez duhkh deti hai। yahi tatva jab satopradhaan hote hain - tab sukh dete hain। uska naam hi hai - sukhdhaam। yeh hai duhkhadhaam। sukhdhaam hai behad ke baap ka varsa। duhkhadhaam hai raavan ka varsa, ab jitna shreemat par chalenge, utna oonch banenge। phir prasiddha ho jaayenge ki kalpa-kalpa yeh aise hi purushaartha karne vaale hain। yeh kalpa-kalpa ki baaji hai। jo jaasti purushaartha kar rahe hain woh apna raajya bhaagya le rahe hain। theek purushaartha nahin kiya hoga to third grade mein chala jaayega। praja mein bhi pata nahin kya jaakar banega। laukik baap bhi kehte hain tum hamaara naam badnaam karte ho, niklo ghar se baahar। behad ka baap bhi kehte hain tumko maaya ka thappad aisa lagega jo sooryavanshi chandravanshi mein aayenge hi nahin। apne aapko chamaat maar denge।

baap to kehte hain vaaris bano। raajtilak lena chaahte ho to mujhe yaad karo aur auron ko bhi yaad dilaao to tum raaja banenge। nambarvaar to hote hain na। koi barrister ek-ek case ka laakhon roopaya kamaate hain aur koi-koi ko dekho pahanne ke liye kot bhi nahin hoga। purushaartha par madaar hai na। tum bhi purushaartha karenge to oonch pad paayenge। manushya se devta banna hai। chaahe maalik bano, chaahe praja bano। praja mein bhi naukar-chaakar banenge। student ki chalan se teacher samajh jaate hain। wonder yeh hai jo pahle vaale se pichhaadi vaale teekhe chale jaate hain kyonki abhi din-pratidin refine points milti rehti hain। sapling lagaate jaate hain। pahle vaale to kai bhaaganti ho gaye। new add hote jaate hain। nai-nai points milti jaati hain। bahut yukti se samjhaaya jaata hai। baba kehte hain bahut guhya-guhya ramneek baaten sunaate hain, jisse tum jhat nishchaybuddhi ho jaao। jahaan tak mera part hai, tumko padhaata rahoonga। yeh bhi drama mein noondh hai। jab karmaateet avastha ko paayenge tab padhaai poori hogi। bachche bhi samajh jaayenge। pichhaadi mein imtahaan ki result maaloom hoti hai na। is padhaai mein number one subject hai - pavitrata ki। jab tak baba ki yaad nahin rehti hai, baap ki service nahin karte hain, tab tak aaraam nahin aana chaahiye। tumhaari ladaai hai hi maaya ke saath। raavan ko bhal jalaate hain parantu jaante nahin hain ki yeh hai kaun। dashahra bahut manaate hain। abhi tumko wonder lagta hai - raam bhagwan ki bhagavti seeta churaai gai। phir bandaron ka lashkar liya। aisa kab ho sakta hai kya? kuchh bhi samajhte nahin। to jab pradarshani mein aate hain pahle-pahle bataana chaahiye - bhaarat mein in lakshmi-naaraayan ka raajya tha tab kitne manushya honge। 5 hajaar varsha ki baat hai। abhi kaliyug hai, vahi mahaabhaari mahaabhaarat ladaai bhi hai, baap aakar raajayog sikhlaate hain। vinaash bhi hoga। yahaan ek dharma ek mat athva pees kaise ho sakti hai। jitna maatha maarte hain ek mat hone ke liye utna hi ladte hain। baap kehte hain - ab main un sabko aapas mein ladaae maakhan tumko de deta hoon। baap samjhaate hain jo karega so paayega। koi-koi bachche baap se bhi oonch ban sakte hain। tum mere se bhi saahookaar vishwa ke maalik banoge। main nahin banoonga। main tum bachchon ki nishkaam seva karta hoon। main daata hoon। aise koi mat samjhe ham shivbaaba ko 5 roopaya dete hain। parantu shivbaaba se 5 padam svarga mein lete hain। to kya yeh dena hua! agar samajhte hain ki ham dete hain, yeh to shivbaaba ki badi insult karte hain। baap tumko kitna oonch banaate। tum 5 roopaya shivbaaba ke khajaane mein dete ho। baba tumko 5 karod dete hain। kaudi se heere jaisa bana dete hain। aisa kab sanshay nahin laana ki hamne shiv-baba ko diya। yeh kitna bholaanaath hai। yeh kabhi khyaal nahin aana chaahiye - ham baba ko dete hain। nahin, shiv-baba se ham 21 janmon ke liye varsa lete hain। shuddh vichaar se nahin diya to sveekaar kaise hoga। sab baaton ki samajh buddhi mein rakhni chaahiye। eeshvar arth daan karte hain, woh koi bhookha hai kya? nahin, samajhte hain hamko doosre janma mein milega। abhi tumko baap, karma, akarma, vikarma ki gati baith samjhaate hain। yahaan jo karma karenge so vikarma hi hoga kyonki raavan raajya hai। satayug mein karma akarma ho jaata hai। ham tumko abhi us duniya mein transfer karte hain, jahaan tumse vikarma hoga hi nahin। bahut bachche ho jaayenge phir tumhaare paise bhi kya karenge। ham kachcha sarraaph nahin hoon, jo leven aur kaam mein na aaye, phir bharkar dena pade। main pakka sarraaph hoon। kah denge jaroorat nahin। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) teevra veg se purushaartha kar vikaaron ki khaad ko yog ki agni mein gala dena hai। pavitrata ki poori pratigya karni hai।

2) karma-akarma-vikarma ki gati ko buddhi mein rakhkar apna sab kuchh nai duniya ke liye transfer kar dena hai।

vardaan:- shreemat ke aadhaar par khushi, shakti aur saphalta ka anubhav karne vaale sarva praapti sampanna bhav

jo bachche svayan ko trustee samajhkar shreemat pramaan chalte hain, shreemat mein jara bhi manmat ya parmat mix nahin karte unhein nirantar khushi, shakti aur saphalta ki anubhooti hoti hai। purushaartha va mehnat kam hote bhi praapti jyaada ho tab kahenge yathaartha shreemat par chalne vaale। parantu maaya, eeshvareey mat mein manmat va parmat ko royal roop se mix kar deti hai isliye sarva praaptiyon ka anubhav nahin hota। iske liye parakhne aur nirnay karne ki shakti dhaaran karo to dhokha nahin khaayenge।

slogan:- baalak so maalik woh hai jo tapasya ke bal se bhaagyavidhaata baap ko apna bana de।

ye avyakt ishaare - paropkaar ki bhaavna se sampanna ban apkaari par bhi upkaar karo

santushta ko santushta rakhna, snehi ko sneh dena, sahayogi ke saath sahayogi banna - yeh mahaaveerta nahin hai। lekin koi kitna bhi ashayogi bane, apne sahayog ki shakti se ashayogi ko sahayogi banaana isko mahaaveerta kaha jaata hai। kamjor ko kamjor samajh chhod na do। lekin usko bal dekar balvaan banaao, kamjor ko highjump dene yogya banaao tab kahenge mahaaveer athva sab par upkaar karne vaale।