Daily Murli for Tuesday 20 October 2026

20-10-2026 praatahmurli om shanti "baapdaada"' madhuban

“meethe bachche - yogbal se vikaaron roopi raavan par vijay praapta kar sachcha-sachcha dashahra manaao''

prashn:- raamaayan aur mahaabhaarat ka aapas mein kya connection hai? dashahra kis baat ko siddha karta hai?

uttar:- dashahra hona maana raavan khatma hona aur seetaaon ko chhutkaara milna। lekin dashahra manaane se to raavan se chhutkaara milta nahin। jab mahaabhaarat hota hai tab sab seetaaon ko chhutkaara mil jaata hai। mahaabhaarat ladaai se raavanraajya khatma hota hai to raamaayan, mahaabhaarat aur geeta ka aapas mein bahut gahra connection hai।

geet:- mahphil mein jal uthi shama…

om shanti। baap pharmaate hain ki tum ho brahman sampradaay, tumko ab daivi sampradaay nahin kah sakte। tum ab ho brahman sampradaay, peechhe daivi sampradaay banne vaale ho। yeh jo raamaayan hai, aaj (dashahre par) jaise inka raamaayan poora hone vaala hai parantu poora hota nahin। agar raavan marta hai to raamaayan ki katha poori honi chaahiye, parantu hoti nahin hai। chhutkaara hota hai mahaabhaarat se। ab yeh bhi samajhne ki baate hain। raamaayan kya hai aur mahaabhaarat kya hai? duniya to in baaton ko jaanti nahin। raamaayan aur mahaabhaarat donon ka connection hai। mahaabhaarat ladaai se raavan raajya khatma hota hai। phir yeh dashahra aadi manaane ka hi nahin hai। geeta athva mahaabhaarat bhi hai raavan raajya ko khatma karne vaale। abhi to time hai, taiyaari bhi ho rahi hai - woh hai hinsak, tumhaari hai ahinsak। tumhaari hai geeta, tum geeta ka gyaan sunte ho। usse kya hone ka hai? raavanraajya khalaas hone ka hai। woh bhal raavan ko maarte hain parantu raamraajya to hota nahin। ab raamaayan aur mahaabhaarat hai na। to mahaabhaarat hai raavan ko khalaas karne ke liye। yeh badi guhya samajhne ki baaten hain ismen vishaal buddhi chaahiye। baap samjhaate hain mahaabhaarat ladaai se raavanraajya khatma hota hai। aise nahin ki sirf raavan ko maarne se raavan raajya khatma ho jaata hai। uske liye to sangam chaahiye। ab sangam hai। ab tum taiyaari kar rahe ho, raavan par vijay paane ki। ismen gyaan ke astra shastra chaahiye। woh nahin। jaise dikhaate hain raavan aur raam ki yuddha hui। yeh shaastra sab hai bhakti maarga ke। abhi tum raavan raajya par vijay paate ho yogbal se। yeh ho gai gupta baat। 5 vikaaron roopi raavan par tumhaari vijay hoti hai। kisse? geeta se। baba tumko geeta suna rahe hain। bhaagvat to hai nahin। bhaagvat mein dikhaate hain krishna charitra। krishna ke charitra to kuchh hain nahin। tum jaante ho jab vinaash hoga, mahaabhaari ladaai lagegi, unse hi raavanraajya khatma ho jaayega। seedhi mein bhi dikhaaya gaya hai। jab se raavan raajya shuru hua hai tab se bhakti maarga hua hai। yeh tum hi jaante ho। geeta ka connection mahaabhaarat ladaai se hai। tum geeta sunkar raajya paate ho aur ladaai lagti hai saphaai ke liye। baaki bhaagvat mein charitra aadi phaaltu hain। shiv puraan mein kuchh bhi nahin hai। nahin to geeta ka naam hona chaahiye shiv puraan। shivbaaba baith gyaan dete hain - sabse oonchi hai geeta। geeta sab shaastron se chhoti hai aur sab pustak bahut bade banaaye hain। manushyon ki jeevan kahaani bhi bahut badi-badi banaai hai। nehru ne shareer chhoda, unke kitne bade volume banaate hain। yeh geeta shivbaaba ke volumes ki kitni badi honi chaahiye। parantu geeta kitni chhoti hai kyonki baap sunaate hi ek baat hain ki mujhe yaad karo to vikarma vinaash honge aur chakra ko samjho। bas, isliye geeta chhoti bana di hai। yeh gyaan hai kan" karne ka। tumko maaloom hai geeta ka locket banaate hain। usmein chhote akshar hote hain। ab baba bhi tumhaare gale mein locket pahnaate hain - trimoorti aur raajaai ka। baba kehte hain geeta hai do akshar - alpha aur be। yeh hai gupta mantra ka locket manamnaabhav। mujhe yaad karo to vikarma vinaash honge। tumhaara kaam hai yogbal se vijay paana phir tumhaare liye saphaai bhi chaahiye। baap samjhaate hain ki tumhaare yogbal se hi raavanraajya ka vinaash hona hai। raavanraajya kab shuru hua hai, yeh bhi jaante nahin। yeh gyaan bada sahaj hai। second ki baat hai na। 84 janmon ki seedhi mein bhi itne-itne janma liye hain। kitna sahaj hai। baap hai gyaan ka saagar। gyaan sunaate hi aate hain। tum sab murli ke kaagaj ikatthe karo to dher ho jaaen। baap detail mein samjhaate hain। nutshell mein to kehte hain - alpha ko yaad karo। bas baaki time kismen lagaate hain? tumhaare sir par paapon ka bojha bahut hai। woh yaad se hi utarna hai, ismen mehnat lagti hai। ghadi-ghadi tum bhool jaate ho। tum baba ko yaad karte raho to kabhi vighna nahin padenge। deh-abhimaani banne se vighna padte hain। dehi-abhimaani bante ho ant mein। phir aadhaakalpa kuchh vighna nahin padta। yeh kitni guhya baaten hain samajhne ki। shuru se lekar kitna sunaate aaye hain phir bhi kehte hain sirf alpha be ko yaad karo। bas। jhaad ka hai vistaar। beej to chhote se chhota hota hai। jhaad kitna bada nikalta hai।

aaj dashahra hai na। ab baba samjhaate hain - raamaayan ka mahaabhaarat se kya sambandh hai। raamaayan to bhakti maarga ka hai। aadhaakalpa se chala aata hai। goya ab raavanraajya chal raha hai। phir mahaabhaarat aayega to raavan raajya khatma ho raamraajya shuru ho jaayega। raamaayan aur mahaabhaarat mein kya farka hai? raamraajya ki sthaapna aur raavanraajya ka vinaash hone ka hai। geeta sunkar tum vishwa ka maalik banne laayak bante ho। geeta aur mahaabhaarat bhi hai abhi ke liye। raavanraajya khatma hone ke liye। baaki unhonne jo ladaai dikhaai hai woh wrong hai। ladaai hai 5 vikaaron par jeet paane ki। tumko baap geeta ke do akshar sunaate hain manamnaabhav-madhyaaji bhav। geeta ke shuru mein aur ant mein yeh do akshar aate hain। bachche samajhte hain - barobar geeta ka episode chal raha hai। parantu kisko kahenge to kahenge krishna kahaan hai? baba ki samjhaani aur bhakti maarga ke shaastron mein kitna pharka hai। yeh koi nahin jaanta - ki yeh raamaayan kya hai? mahaabhaarat kya hai? mahaabhaarat ladaai ke baad hi svarga ke dvaar khulte hain। parantu manushya yeh samjhenge nahin, isliye tum parichay hi baap ka do। baap kehte hain maamekam yaad karo। yeh baap saari duniya ke liye kehte hain। ek geeta ko hi khandan kiya hai। geeta ka sabhi bhaashaaon mein prachaar hai। tumhaare raajya mein bhaasha hi ek hogi। vahaan koi shaastra pustak aadi nahin hoga। vahaan bhakti maarga ki koi baat nahin rehti। bhaarat ka tailuk hai hi raamaayan, mahaabhaarat aur geeta se। bhagwan to bachchon ko geeta sunaate hain, jisse tum svarga ke maalik bante ho। mahaabhaarat ladaai zaroor lagni chaahiye, jo patit duniya khatma ho jaae। geeta se tum paavan bante ho। patit-paavan bhagwan aate hi ant mein hain। kehte hain kaam mahaashatru hai, is par vijay paani hai। kaam vikaar se kabhi haar nahin khaani hai, inse bahut nuksaan hota hai। vikaaron ke pichhaadi bade-bade naameegraami, ministers aadi bhi apna naam badnaam karte hain। kaam ke pichhaadi bahut kharaab hote hain isliye baap samjhaate hain - baba ke paas javaan-javaan bachche aate hain। aise bahut hain jo brahmacharya mein rehte hain। saari aayu shaadi nahin karte hain। females bhi hoti hain। nuns kab vikaar mein nahin jaati। parantu usse koi praapti hai nahin। yahaan to baat hai pavitra ban janma-janmaantar svarga ke maalik banne ki। janma-janmaantar ke paapon ka bojha sir par hai। woh jab kate tab svarga mein chalen। yahaan manushya paap karte rehte hain। karke ek janma koi sannyaasi bante hain, janma to vikaar se lete hain। raavanraajya mein vikaar bigar janma hota nahin। poochhte hain, vahaan janma kaise hoga? yogbal kisko kaha jaata hai? yeh poochhne ki darkaar nahin hai। hai hi sampoorn nirvikaari duniya। raavan raajya hi nahin to prashn u" nahin sakta। sab saakshaatkaar honge। jab boodhe hote hain to yeh saakshaatkaar hota hai ki jaakar bachcha banoonga। maata ke garbha mein jaaoonga। yeh nahin maaloom rehta ki phalaane ghar jaaoonga। sirf ab chhota bachcha banna hai, mor aur del ka misaal hai। aankhon ke aansu se garbha hota hai। papeete ke jhaad mein bhi ek mel, ek female ka jhaad hota hai। ek do ke baaju mein hone se phal dete hain। yeh bhi wonder hai। jab jad cheejon mein bhi aisa hai to chaitanya mein satayug mein kya nahin ho sakta hai। yeh sab detail aage chalkar samajh mein aa jaayega। mukhya baat hai tum baap ko yaad kar tamopradhaan se satopradhaan ban varsa to le lo। phir vahaan ki rasam jo hogi so dekhenge। tum yogbal se vishwa ke maalik bante ho, to bachcha kyon nahin paida ho sakta। aise-aise prashn bahut poochhte hain phir koi baat mein javaab poora nahin mila to gir padte। thodi baat par bhi sanshay aa jaata hai। shaastron mein aisi koi baaten hain nahin। shaastra hain bhakti maarga ke। parampita paramatma aakar brahman dharma, sooryavanshi chandravanshi dharma ki sthaapna karte hain।

tum brahman ho sangamayugi, baba ko sangamayug par aana padta hai। pukaarte bhi hain he patit-paavan aao। us taraph vaale kehte hain he liberator, duhkh se liberate karo। duhkh dete kaun hain - yeh bhi unhon ko maaloom nahin। tum jaante ho raavanraajya khatma hota hai। tumko baba raajayog sikhlaate hain। jab padhaai poori hoti hai tab vinaash hota hai, jiska naam mahaabhaarat rakha hai। mahaabhaarat mein raavan raajya khatma hota hai। dashahre mein ek raavan ko khatma karte hain। woh hain had ki baaten। yeh hain behad ki baaten। yeh saari duniya khatma ho jaayegi। itni chhoti-chhoti bachchiyaan knowledge kitni badi le rahi ho। woh jismaani knowledge jaise ghaaslet hai, yeh hai sachcha ghi। to raat-din ka pharka hai na। raavan raajya mein tumko ghaaslet khaana padta hai। aage itna sasta sachcha ghi milta tha, phir mahanga ho gaya to ghaaslet (tel) khaana pada। yeh gas, bijli aadi pahle kuchh bhi nahin tha। thode hi varshon mein kitna farka pada hai। abhi tum jaante ho sab khatma hone vaala hai। shivbaaba humein lakshmi-naaraayan jaisa banne ke liye padha rahe hain। yeh nasha is baba ko to bahut rehta hai। bachchon ko maaya bhula deti hai। jab kehte hain ham baba se varsa lene aaye hain to woh nasha kyon nahin chadhta! sweet hom, sweet raajdhaani bhool jaati hai। baba jaante hain jo jo haddi service karte hain vahi mahaaraajkumaar banenge। tumko yeh nasha kyon nahin rehta hai? kyonki yaad mein nahin rehte hain। service mein poora tatpar nahin rehte hain। kabhi to service mein uchhal padte, kabhi "nde ho jaate। yeh har ek apne se poochho - aisa hota hai na। kabhi-kabhi bhoolen bhi ho jaati hai, isliye baba samjhaate hain। jabaan badi meethi chaahiye, sabko raazi karna hai। kisko aavesh na aaye। baap kitna pyaar ka saagar hai। ab gau kos banda karaane ke liye kitna maatha maarte hain। baba kehte hain sabse bada kos hai kaam kataari chalaana। pahle to woh banda karo। baaki woh koi banda hone ka nahin hai, kitna maatha maarte hain। yeh kaam kataari donon ko nahin chalaana chaahiye। kahaan manushyon ki baat, kahaan baap ki baat। jo kaam vikaar ko jeetenge vahi pavitra duniya ka maalik banenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap samaan pyaar ka saagar banna hai। kabhi bhi aavesh mein nahin aana hai। apni jabaan badi meethi rakhni hai। sabko raazi karna hai।

2) haddi service karni hai। nashe mein rehna hai ki ab yeh puraana shareer chhod jaakar prince-princess banenge।

vardaan:- dehi-abhimaani sthiti mein sthit ho sada vishesh part bajaane vaale santushtamni bhav

jo bachche vishesh paartadhaari hain unki har act vishesh hoti, koi bhi karma saadhaaran nahin hota। saadhaaran aatma koi bhi karma deh-abhimaani hokar karegi aur vishesh aatma dehi-abhimaani bankar karegi। jo dehi-abhimaani sthiti mein sthit rahkar karma karte hain ve svayan bhi sada santushta rehte hain aur doosron ko bhi santushta karte hain isliye unhein santushtamni ka vardaan svatah praapta ho jaata hai।

slogan:- prayogi aatma ban yog ke prayog se sarva khajaanon ko badhaate chalo।

ye avyakt ishaare - paropkaar ki bhaavna se sampanna ban apkaari par bhi upkaar karo

kalyaankaari bhaavna va vritti rakhkar koi bhi aatma ki paalna karo to kaisi bhi apkaari aatma ko apni paalna se upkaari bana sakte ho। kaisi bhi patit aatma, patit-paavan ki vritti se paavan ho sakti hai। jaise maa bachche ki kamjoriyon va kamiyon ko nahin dekhti hai। unko theek karne ka hi rehta hai। to yeh paalna karne ka kartavya is roop mein sthit rahne se yathaartha chal sakta hai।