Mamma's Murli - 018

> > mama murli madhuban

satayug ka sthaapak kaun hai

helo, brahman kulbhooshnon sabhi centre nivaasi, aaj aap sabhi ko mubaarak de rahe hain ki aaj bengaluru ke doosre centre par mama ki padraamini hui hai । sabhi gop gopiyon ko nimantran dekar bulaaya hai । abhi mama ki murli chalegi, aap sab sun lenge । kaise ? theek hai na । door se jaise ham mama ki murli sun rahe hain aap bhi door se saakshaatkaar kar lo, kaise mama ham sab bachchon ko bahlaati hai, hansaati hai, kudaati hai, gyaan ka shrringaar karaati hai । theek hai madhuban nivaasi, achha, ab chhutti । ab mama aa rahi hai ।

record :-

ekmaatra sahaayak svaami sakha, tum hi sab ke rakhvaare ho…

parampita, dekho paramatma ko pita kahne se maja aata hai । khaali paramatma kahne se ya bhagwan kahne se pheeka-pheeka lagta hai । parampita , pita mein relation yaani sambandh dikhaai padta hai ki woh hamaare pita lagte hain to pita aur putra athva putriyaan । aatma ke hisaab se to sab putra ho gae na, to ham hain uski santaan, woh hai hamaare pita । abhi pita se bachchon ko kya lena chaahiye? woh jo hamaare pita hain, to pita ke paas hamaara hak hai । hak samajhte ho na, uske paas hamaara birth right, inheritens hai, jisko varsa kaha jaata hai । jaise bachche ka hak hota hai na baap ke paas jaaydaad ka, property ka, vaise us pita ke paas bhi hamaari property hai । kya property hai maaloom hai ? woh property hai, unke paas svarga, jis svarga ke adhikaari ham bachche hain । unko to svarga ko bhogne ka darkaar nahin kyonki woh to svarga narka se oopar hai na, lekin svarga ko, jo ham hi narka mein aae hue hain to unhon ko hi svarga ka adhikaar milne ka hai । to us pita se hamko svarga ka hak milna hai । woh hamaari jo property hai svarga ki, woh us baap ke paas hai to aise baap se relation rakhna chaahiye na । rakhenge tabhi to hamko woh svarga ka adhikaar dega na, agar rakhenge nahin sambandh, to kaise milega isliye us baap se sambandh rakhna hai aur usse svarga ka adhikaar lena hai । svarga ka matlab kya hai, samajhte ho? svarga maana jismen hamaari jeevan sada sukhi rahe । sada sukh kisko kaha jaata hai, dekho hamko aaj duhkh kismen hai ? hamaare shareer ko rog hota hai to ham duhkhi hote hain, koi akaale marta hai, akaale samajhte ho na hai bigar time ke, to koi akaale marta hai to duhkh hota hai koi ladaai jhagde jo bhi ashaanti ke kaaran hain yeh sab hote hain to duhkh hota hai lekin agar yeh hamaare jeevan mein baaten na hoven phir to jeevan achhi hai na, kabhi rog na hove aur kabhi koi akaale mare na, hamaare marne jeene ka hamaare paas control hove, control hone ka matlab hai hamaare vash ki baat hove jaise kapde puraane hote hain time par utaare jaate hain, vaise ham time par shareer ko utaare aur shareer leven, iska bal hamaare paas hove, yeh sab baaton ka hamaare paas bal hove, phir to theek hai na, to yeh hamaare paas tha, inheen ko hi kaha jaata hai hamaari jeevan svarga life thi arthaat ham svargavaasi the arthaat hamaari jeevan sukhi thi। yeh sab bal hamaare paas tha। aap log sab sun sakte ho peechhe vaale? aavaaj nahin aae to aage aa sakte hain। to hamaare paas yeh svarga ka adhikaar tha, lekin aaj nahin hai। to abhi us baap se abhi apna relation, sambandh rakhna hai aur usse phir apna janmasiddha adhikaar yeh pavitrata, sukh, shanti ka lena hai । uska daata ek hai, koi manushya ke dvaara yeh nahin milega, koi devta ke dvaara bhi yah nahin milega, yeh milega parampita paramatma ke dvaara। to paramatma to ek hai na। paramatma ke sab roop paramatma ke nahin hai, yeh samajhna bhool hai। paramatma paramatma hai, yeh to sab aatmaaen hain, ham sab uski santaan hain to sab roop paramatma ke kaise kahenge, woh paramatma to niraakaar hai na। to yeh sabhi cheejon ko samajhna hai। abhi usi niraakaar pita se parampita se hamko apna hak lena hai lekin hak milega tabhi jab ham uski aagya ka paalan karenge। uski aagya kaun si hai? uski aagya hai tum pavitra raho । pavitra maana paanch vikaar jo hai na, unko chhodo to phir tum pavitra rahenge to tumhaare karma achhe banenge aur achhe karma se phir tum mere svarga ke laayak banenge। laayak bhi banna chaahiye na, aise thodi svarga ka aise hi sukh praapta hoga। uske liye laayak banna padega to laayak ka matlab hai ki hamko paanch vikaaron ko chhodna padega। phir vikaaron ko chhodne ke liye taiyaar ho ? svarga ka varsa lene ke liye to kaha haan, abhi vikaar bhi chhodna pade na। lene ke liye to taiyaar ho gae aur chhodne ko? to kuchh to chhodna padega na, baaki aisa nahin kehta hai ki tum ghar baar chhodo, pati chhodo, bachche chhodo, woh nahin, woh nahin chhodna hai bachche vikaar nahin hai, pati vikaar ki baat nahin hai, usmein jo vikaar hai, vikaar kaun se hain? maaloom hai kaam, krodh, lobh, moh, ashuddha ahankaar yeh hain paanch vikaar। to dekho devtaaen bhi to ghar grihasti mein the na। devta hai na lakshmi naaraayan, mandir dekhe hain na। to dekho jodi hai na, marda bhi hai, stri bhi hai, donon the, parantu donon nirvikaari the। baal bachche bhi the parantu nirvikaari the। to abhi baap kehte hain ki aise pavitra rahne ka abhi pratigya karo। apna jeevan pavitra banaao to pavitra rahenge aur mujhe yaad karenge to main aapko svarga ka adhikaar doonga, to abhi woh pratigya paalan karenge ? jab aisa pavitra banenge, tab phir us baap ka uski jaaydaad pa sakenge, to yeh tabhi milega to abhi kya khyaal hai? abhi pavitrata dhaaran karne ka yeh phir apne ko purushaartha rakhna padega । abhi uske liye kehte hain main jo baith ke shiksha ka ye college khola hai na, usmein aao aur aa karke seekho ki kaise ham ghar grihastha mein rahkar ke pavitra rahen, uske sikhaane ke liye mainne school khola hai । kaun bolta hai, paramatma । hamko bhi woh padha raha hai na, ham bhi padh rahe hain to hamko sikhaane vaala kaun hai? parampita paramatma, niraakaar, to woh abhi sikha raha hai, usne yeh college khola hai, kehte hain usmein aa karke yeh kolejkhola tum yeh seekho, karma yog, raajayog । kaha hai na raajayog, to raajayog ka matlab hai ki main yeh jo yog aur gyaan sikha raha hoon, padha raha hoon, usse tum aise raaja banenge। kaise? lakshmi naaraayan seetaaraam jaise, aisi raajdhaani ka adhikaar paaenge arthaat sada sukh ka। to abhi baap baith karke samjha rahe hain ki bachche is college mein padho। yeh uski college hai, usne yeh khola hai। woh baith karke sikha raha hai aur phir yeh seekh kar ke phir us baap ka adhikaar paana hai । to abhi seekhna pade na, samajhna pade na in baaton ko। to uske liye phir thoda time dena pade, tab hamaara jo grihasthaashram, grihastha dharma aisa kehte hain na, aap mein bhi kehte honge grihastha aashram, grihastha dharma। pati ko bhi kaha jaata hai dharma pati aur patni ko kaha jaata hai dharmapatni parantu dharma abhi kahaan hai, pati patni mein dharma kahaan hai, abhi to vikaar mein hai to vikaar ko dharma thodi kahenge। vikaar ko kya kahenge adharma, theek hai na। to abhi hai pati patni ka sambandh adharma ka । abhi badalkar ke dharma ka naata banaana hai। dharma ka matlab hai pavitra naata iseelie kehte hain pavitra banaane se phir tumhaara anek janma pavitra chalega, jisko jenreshans kaha jaata hai। phir tumhaare pavitrata ke bal se santaan bhi jo paida hogi na, woh pavitrata ke bal se paida hoti hai । abhi dekho vikaaron se santaan paida karte ho to santaanon mein abhi woh bal nahin raha hai iseelie sansaar duhkh aur ashaanti mein neeche girta ja raha hai to abhi kehte hain abhi pahle pavitra bal laao apne mein phir peechhe us pavitrata se jo santaan paida karenge us taakat se to woh santaan sukh ka hoga। dekho krishna, raam kitne achhe santaan the। woh kaise paida hue, pavitrata ke bal se। to kehte hain abhi aise santaan paida karo parantu aise santaan paida karne ke liye pahle apne main bal chaahiye na, taakat chaahiye na। aisi abhi taakat kahaan hai, iseelie kehte hain bhagwan, paramatma, parampita ki abhi aisi pavitra jeevan banaao aur abhi sansaar mein aisi pravritti rakho aur pavitra santaan paida karo। phir pavitra santaan ka sansaar jo hoga woh sada sukh ka hoga isliye aaj government bhi kehti hai na, birth control। abhi woh bhi sambhaal nahin sakti hai। ab woh bhi government high government aalmaaeeti government woh bhi kehti hai birth control। to abhi kaahe ke liye, abhi duniya badalti hai। abhi yeh duhkh ki duniya bana karke duhkhi ho gae hain to iseelie baap kehte hain abhi baaki uske liye maut ki taiyaariyaan bhi ho rahi hai। abhi yeh duniya ka bahut sankhya badh gai hai na, abhi yeh sankhya kaise kam hogi to uske liye dekho abhi maut ki bhi taiyaariyaan hai, kuchh kudarti aapdaaon se jaise yeh earthquake floods usko bhi yeh log kuchh apni bhaasha mein kehte honge bhookamp, yeh sab hote hain na ek saath jisse bhi dekho bahut maut hota hai to yeh abhi bahut jor se hone ke hain sab kuchh iseelie abhi paramatma kehte hain apne ko abhi pavitra banaao to phir jo tumhaari duniya rahegi na, sada sukh ki rahegi । to abhi apne ko sukhi banaane ka saadhan samjha ki kaun sa hai, kaise ham apne ko sukhi rakhen, pavitra rah ke to abhi apne ko pavitra kaise rakhen। apni grihasthi mein rahkar ke kis tarah se ham paanch vikaaron ko chhoden। uske liye dekho yeh roj yahaan uski shiksha milti hai aur uske liye yeh knowledge hai to uske liye phir jab aap aaenge thoda sunenge, samjhenge to tabhi to phir usi practical jeevan ko bana sakenge na। to aisi jeevan banaane ka yeh purushaartha hai aur ismen kya diphikalta hai bataao, koi hai diphikalta baat? kuchh nahin hai। baaki sahaj hai aur apne jeevan ko usi tarah se rakhte chalna hai to aisi sahaj baaton ko kyon nahin dhaaran karte ho। phir kya hai, kya diphikalti aati hai? nahin to sunaao ki haan mama hamko aisi diphikalti hai, ham isi kaaran nahin kar sakte hain to aapko raasta bata denge, raay denge ki kaise karo, baaki usmein hai nahin kuchh । aa karke samajhna hai aur aise hamaare bahut hain, ghar grihastha mein rah karke apni jeevan bana bhi rahe hain। jo yahaan aate ho roj unhon ko maaloom hai ki kaise ghar grihasti mein rah karke jeevan ko pavitra banaaen। bahut hai yahaan Bangalore mein thode hain, doosre bhi apne kendra bahut hai jahaan aate hain aur bahut apni jeevan bana rahe hain, ismen darne ki koi baat nahin hai ki ham ko koi ghar baar chhodna padega, bachche kaise sambhaale, bachchon ko to sambhaalna hi hai, in bichaaron ka bhi to kalyaan karna hai na । to maata-pita mein gyaan hoga to bachchon ka bhi kalyaan hoga, maata-pita mein gyaan nahin hoga to bachchon ka kya hoga to yeh to aur achhi baat ho jaaegi na । yeh to aur achha hi hai, parantu yeh sab gyaan kaise dhaaran karen, usko to aakar ke samajhna padega na। to is baaton ko samjho aur phir apna jeevan banaao, baaki to aise hi bachche paida karna, ghar grihasti sambhaalna, woh to janaavar bhi kaam karte hain, karte hain na। chidiyaaen hain, chidiyaaen bhi ghar banaate hain, bachche paida karti hain, usko khilaati hai, pilaate hain, jaati hain business karti hai, le aati hai khaana phir khilaati hain, nahin karti hai, itna kaam to woh bhi karti hain, manushya ne bhi itna hi kaam kiya to kya badi baat hai to koi badi baat hai nahin। to jitna janaavar kaam karen manushya bhi itna hi kaam kare to kya phaayda to woh to jaanvar se bhi badtar hai। manushya ko jo buddhi mili hai usse ooncha kaam lena chaahiye na kehte hain। manushya janma bahut ooncha hai to oonche se ooncha kaam lena chaahiye na ki saada kaam lena chaahiye, janaavron vaala, woh bhi kar lete hain na to khaali itna hi kaam nahin hai jindagi ka, jeevan ka। jeevan bahut oonchi cheej hai aur usse ooncha kaam lena chaahiye। grihastha ke pharja jo hai, woh khaali itne hi nahin hain। woh samajhte hain ham pharja ka paalan karte hain, yeh pharja to chidiyaaen bhi paalan karti hai, manushya ne paalan kiya to kya badi baat hai। hamaari jindagi ke athva jeevan ke pharja kitne oonche hain, usko samajhna chaahiye aur usko paalan karna chaahiye। phir kya vichaar hai? khaali sunenge, khaali samjhenge, darshan karen, dekhen bas dekhne se koi ho jaaega? koi doctor ko dekhne se doctor ho jaaega? nahin, usko samajhna hai na, woh to doktari knowledge padhna hai, samajhna hai to phir aisa banenge। to banne ke liye to phir samajhna padega, in baaton ko samajh karke purushaartha karna pade aur donon hi nar-naari donon hi samajh sakte hain baal bachche sabhi, sab aatmaon ko adhikaar hai ki pita se apna janmasiddha adhikaar lena । yeh bachche bhi apna baap se varsa pa sakte hain yeh to itna easy gyaan hai to bachche ko bhi apne pita ka pata dena hai ki tumhaara asli pita kaun hai । jaise yeh bachche ko sunaaya, yeh tumhaari maa hai to pata lag jaata hai ki yeh hamaari maa hai, yeh hamaara daidi hai, yeh hamaari mummy hai jaldi baith jaata hai to hamaara woh hamaara asli daidi kaun hai, woh hai parampita to unko agar pata padegi main aatma hoon, mera pita woh hai to dekho uski buddhi bhi usmein lag jaae । uska bhi kalyaan ho jaae। to itna easy gyaan hai ki bachcha bhi samajh sakta hai, buddha bhi samajh sakta hai, koi bhi samajh sakta hai। to itni easy baat ko samajhne ke liye aur to koi mehnat nahin karni hai, na koi aasan lagaana hai, na koi kuchh aankhen band karke baithna hai, kuchh nahin, khaali kaam karte aur buddhi ki yaad rakhne ki hai, bahut easy । khaali unko samajhna hai, phir pata nahin kya hai, abhi kyon aisi sahaj baat mein kyon nahin samajhte hain । yeh sab bhaasha samajhte hain aap log? hindi bhaasha samajhte ho? kunj kunj, thodi-thodi, thodi-thodi samajhte hain । hindi bhaasha samajhte ho? nahin? oho! dekho ham kya abhi bichaari bhaashaaen bhi kitni seekhen । bahut bhaashaaen hain iseelie bhaasha ka bhi aap logon mein se koi samajh jaae to phir apni bhaasha mein samjha saken। abhi aao, thoda thoda samjho phir aapki bhaasha, apni bhaasha samajh kar phir doosron ko samjhaao to phir aap log dekho achhi seva karenge । abhi dekho indira nehru, vijaylakshmi nehru bhi hain na । woh naam to sunte honge akhbaaron mein, to dekho woh log desh ki seva karte hain na। bachche to unhon ki bhi hain, bachche ko bhi karte hain aur desh ki bhi seva karte hain parantu desh ki seva bahuton ki seva karne se unhon ko itna phal bhi milega। yeh bhi karna chaahiye na । khaali bachchon ki sambhaal mein thodi jindagi de dena hai, uske saath yeh bhi kaam karna chaahiye । apna jeevan bhi saphal banaana chaahiye aur doosron ka bhi jeevan saphal banaana chaahiye । jaise social worker hote hain na, to phir janta ki bhi seva karte hain to aap logon ki hi samjho aur janta ki bhi seva karo to jeevan kuchh achhi bane, saphal hove । baaki aisa hi khaali jeevan banaaya, khaaya, piya bas, gaya, bas yahi kaam hai, yahi jindagi hai. to thodi jeevan kahenge । to thoda samjho in baaton ko aur apni jeevan achhi banaao to achhi jeevan se achha phal milega। achha aap logon ko deri hoti hogi pata nahin kahaan-kahaan se door jaana hota hoga । inhon ko saver chhutti leni chaahiye, door-door jaaenge parantu ham to kahenge aate raho। khaali aaj nahin, phir aao, ham abhi hain idhar thode roj, aap logon ke liye rahe hain ki kuchh samjhen । phir aap log aao, kuchh suno kuchh samjho aur kuchh apna banaao । nahin to phir woh bhi time aaega abhi kehte hain tu let । ham itna mehnat karte the, sunaate the, koi sunte nahin the, peechhe bahut samay bhaari aaega aage chalkar ke iseelie aap logon ko raay dete hain kuchh time lekar ke aao aur aakar ke samjho । phir idhar koi kahenge ham ko idhar sahaj padta hai, ham ek ko idhar rakhenge, phir woh idhar samjhaaenge lekin koi samajhne vaale ho na । kuchh apna attention rakho, samajhne ki koshish karo, achha । dekho, yeh samajhne ki baaten hain na to sunni padti hai। baaki aisa nahin khaali door se hi darshan kiya, usmein to koi baat hi nahin hai। ismen samajhna hai iseelie jara poochhna padta hai ki samajhte ho ? khaali darshan vaali to cheejen nahin hai, yahaan to practical samajhkar ke practical apna jeevan banaana hai iseelie sunna hai samajhna hai। khaali sunna bhi nahin hai samajhna hai, khaali samajhna bhi nahin hai, samajhna maana practical mein laana hai, ekshans mein laana to jo samjha hai woh action mein laana hai। action maana karmon mein aur karma mein la karke apni praalabdha banaani hai, phir karma mein laate ho na। achha karma mein laaenge jitna aap apna banaaenge aur jo karega so paaenge । aise nahin hai ki yeh puraana hai main to peechhe aaya hoon yeh puraana ka bhi kya avastha bani hai, to ek doosre ke gun grahan karna hai avgun nahin uthaana hai ki yeh puraane mein to kam gyaan hai ham to peechhe aae hain yahi nahin bana hai to ham kya banenge । aisa nahin, jo karega so paaega । hamko to har ek se achha gun le karke hamko achha banna chaahiye । to har ek ko apne ko dekhna hai samjha aur baap jo pharmaan karta hai uska paalan karna hai । school hota hai dekho student hote hain na to school mein bhi dekho koi number one aata hai koi marks kam leta hai koi fail bhi ho jaate hain aisa bhi hota hai na । koi bhi school hai, school mein koi number aage hoga koi peechhe bhi hoga to hamko peechhe vaalon ko thodi dekhna chaahiye । hamko dekhna chaahiye jo aage hain jo scholarship bhi lete hain jo aage aage badhte hain usko follow karna chaahiye । baaki aise nahin, bhaai yeh to fail ho gaya to ismen kya uthaaya, nahin । agar ham fail ko dekhenge to ham bhi fail ho jaaenge to ham ko fail thode hi hona hai । to fail vaalon ko nahin dekhna chaahiye । hamko dekhna hai ki jo jo aage hain unhonne apne jeevan kya banaai hai ham bhi banaae to students isko kaha jaata hai baaki aise nahin ki saara din mein avgun grahan karen itne itne baras padhe inhonne kya uthaaya । unhonne nahin uthaaya samjho to ham uthaaenge na । jo karenge so paaega woh to geeta mein bhi hai jeevaatma apna shatru apna mitra hai baaki hamko auron ko kya dekhna hai । to isi sabhi baaton ko samajhna hai aur phir bhi koi ko na samajh mein aae to phir time lekar ke aa karke samajh sakte hai । koi bhi na samajh mein aae kisko to poonchh bhi sakte ho, samajh bhi sakte ho । achha abhi do minute silence karo, parampita ko yaad karo । do minute silence karo peechhe to inko toli dena neeche । achha, abhi yaad karo apne pita ko । pita ko jaan ke yaad karna hai aise nahin kaise bhi karen hanumaan ke roop se karen, ganesh ke roop se karen kaise bhi karen nahin । woh kehte hain mera jo roop hai na, woh jaan ke yaad karo । main hoon jyoti roop, to mujhe samajh ke yaad karo । main jo hoon jaisa hoon woh samajh ke yaad karo to woh phir aaenge aap logon ko samjhaaenge । puraane to jo suna hai unhon ko pata hai, jo nae hain phir unko samajhna hai । achha do minute silence ।