Mamma's Murli - 117

> >

mama murli madhuban

shreshthaachaari banne ka gyaan-1

record :-

banvaari re jeene ka sahaara tera naam re

yeh jo geeton mein aata hai na ki yeh jhoothi kaaya jhoothi maaya jhootha sab sansaar suna na abhi yeh geet mein to isko jhootha kyon kehte hain yeh bhi samajhne ki baat hai। jis duniya mein ham chal rahe hain usi ki baat hai na । usi ke liye hi kaha hai ki jhootha yeh sansaar, jhoothi maaya jhoothi kaaya। kaaya kaha jaata hai shareer ko । to jhoothi kaaya jhoothi maaya jhootha sab sansaar to sab sansaar maana yeh sab sambandh aadi sab kuchh yeh sab jhootha । inko jhootha kyon kaha hai ? jhooth aur sach do baaten hoti hain, jhooth kisi kantraasta mein zaroor hai । isko agar jhootha kaha jaata hai to koi sachcha bhi hoga sachchi kaaya sachcha sansaar । zaroor koi sachcha bhi hoga to yeh samajhna hai jhooth isko tabhi kaha hua hai । aise nahin hai ki yeh sansaar jhooth hai yaani jaise kai samajhte hain na ki yeh sansaar bana hi nahin hai , yeh sansaar mithya hai । nahin, sansaar to anaadi hai. aise nahin kahenge ki yeh sansaar kabhi tha hi nahin jaise kai samajhte hain aur isko mithya maante hain । kai gyaan ke prachaar vaale isko mithya batlaate hain ki yeh sansaar mithya hai jaise raam ji ko bhi unke vashishtha guru ne yahi kaha ki raam yeh sansaar bana hi nahin hai । to agar sansaar nahin bana hai to raamji bhi kahaan raha, phir to kuchh bhi nahin bana na । to yeh to sab cheejon ko samajhna hai aise nahin hai ki sansaar bana hi nahin hai । sansaar to bana hua hai, sansaar to chal raha hai na parantu kis sansaar ke liye kaha, yeh jo abhi jhootha ho gaya hai yeh sachcha tha। yahi sansaar abhi jhootha ho gaya hai to jhooth aur sach ko samajhna hai। uska matlab hai yeh sansaar abhi vikaari ho gaya hai, to vikaaron ke kaaran isko jhootha kahne mein aata hai arthaat ismen duhkh aur ashaanti hai । yeh duhkh ashaanti vaala sansaar apna sansaar nahin hai iseelie baap baithkar ke samjhaate hain ki tumhaara jo sansaar mainne banaaya tha na, woh sukh shanti vaala tha iseelie tum us sansaar mein sukhi the । abhi yeh jo tumne banaaya hai isko jhootha bana diya, kaise banaaya ismen tumne vikaar laaya to vikaaron ke kaaran kaaya bhi duhkh ki vikaari ho gai aur usse yeh sansaar ke sambandh bhi duhkh ke ho gae, dekho raaja praja pati-patni baap beta sab sambandh ek-do ke duhkh ke ho gae hain na iseelie baithkar ke baap samjhaate hain ki yeh jhoothi kaaya jhootha sab sansaar yeh sab jhootha kar diya hai । jhootha kisne banaaya vikaaron ne । vikaaron ke kaaran is duniya ko jhootha kaha jaata hai। jhoothe ke kaaran hi tum dukhi ho iseelie kehte hain abhi use chhodo arthaat in vikaaron se apna sambandh todo to phir tumhaara jo sansaar hai na woh sukh ka ho jaaega aur sachcha ho jaaega । to sachcha aur jhootha, kaha bhi jaata hai sachkhand, abhi hai jhoothkhand । yeh abhi jhootha ban gaya hai to sachkhand tha arthaat yeh duniya sachchi thi । sachchi ka matlab hai svachchha thi, tab ismen sampoorn sukh tha aur hamaare jeevan mein sada ka sukh tha to woh sukh ki duniya tabhi thi jab pavitrata thi । aaj jeevan mein apvitrata hai iseelie woh duhkh ki hai aur jhoothi hai । to jhoothi aur sachchi ka bhi arth samajhna hai na । aise nahin hai hi nahin, yeh sansaar bana hi nahin hai । yeh sansaar to anaadi hai, kaise kehte hain nahin bana hai । bana hai tabhi to ham aap sab hai na, isko aise nahin kahenge ki yeh sansaar hi nahin hai । sansaar to anaadi hai lekin haan pahle sachcha tha aur ab jhootha ho gaya hai । yeh jhootha kaise hua hai ismen vikaar aae hain to vikaaron ke aane ke kaaran yeh life duhkh aur ashaanti ki ho gai hai iseelie isko jhootha kehte hain ab phir baap kehte hain ki jo mainne sachkhand bana karke tumko usmein rakha tha, tumhaari duniya sachkhand thi athva svachchha thi aur sukh ki duniya thi usmein mainne tumko rakha tha । woh jo tumhaari life athva jeevan thi na woh abhi banaao, to woh kaise banaao to uske liye is apvitrata ko nikaalo । apvitrata ka matlab hi hai vikaaron ko nikaalo aur phir tum svachchha bano to phir tumhaari nirvikaari duniya, jisko hi phir shreshthaachaari kehte hain। ye shreshthaachaari bhrashtaachaari aadi yeh sab jo bhi shabd hai na, ye kehte hain parantu inka arth samajhte nahin hai parantu inka arth samajhte nahin hai । ye bhrashtaachaari shreshthaachaari to yeh bhi hamaare aachran ke oopar hai na । shreshtha aachran to usko kaha gaya shreshthaachaari aur aaj hai bhrashtaachaari maana bhrashta aachran to hamaara aachran bigad gaya hai na । to aachran ke oopar hi shreshthaachaar aur bhrashtaachaar kahne mein aata hai । to aaj ke aachran bigadne ke kaaran isko kaha jaata hai bhrashtaachaar yaani bhrashta aachran । woh hai shreshtha aachran iseelie dekho devtaaon ke shreshtha aachran ka gaayan hai na । kya kehte hain usko, kehte hain sarvagun sampanna solah kala sampoorn aur sampoorn nirvikaari maryaada purushottam yeh sab mahima hai na to unhon ki dekho kitni mahima hai shreshtha aachran vaalon ki unke paas sachchi maryaada thi । maryaada bhi tab thi jab vikaar nahin the । abhi to vikaar mein manushya dekho amaryaada vaale ho gae hain na lobhvash, krodhvash, mohvash, vikaaronvash sab yeh baaten hain iseelie baap kehte hain yeh hai hi abhi jo duniya usko kaha hi jaaega bhrashta aachran । usi ke kaaran dekho yeh corruption aadi dekho yeh kis kaaran hai, lobh hai na । lobh na hota to corruption kahaan se hoti । yeh ahankaar, abhimaan, yeh krodh, yeh dushman ek do se ladna-jhagadna, aaj itne bombsa aadi sab yeh kaun banaata hai yeh krodh shatru, yeh ahankaar, abhimaan ham bade, ham bade, yeh mera yeh tera, yeh sab hai na to yeh vikaar hai na । ahankaar kaho, krodh kaho, lobh kaho yeh sab cheejen hain jo yeh kaam karaati hain । agar yeh cheejen na hoti to aaj hamaara sansaar yeh krodh, lobh aur isse jo duhkh hain to yeh sab baaten thodi hoti ye corruption aadi yeh sab kahaan se hoti, yeh sab lobh hai na । lobh ke kaaran manushya yeh sab jhooth chori paap aadi yeh sab karte hain to yeh sabhi cheejon ko samajhna hai । to yahi hai paanch vikaar, jo manushya ke aachran bigaadte hain। aachran bigadta hai to usko kahenge bhrashta aachran । to aaj ki duniya hai bhrashtaachaar athva bhrashta aachran vaali kyonki paanch vikaaronvash abhi sab ho gae hain iseelie dekho abhi yeh moraaliti aadi sab in sab cheejon mein bichaare kitne maatha khoti karte hain parantu kaise ho, jab talak yeh shatru baithe hain, yeh vikaar dushman baithe hain to yeh moraaliti aadi sab kaise ho sakti hai । yeh sabhi baaton ko bhi samajhna hai ki hamaari duniya kitne shreshtha aachran vaali thi। manushya ki life mein uska aachran kitna achha tha, kitna shreshtha tha, aaj woh hai hi nahin । to shreshtha aachran ko sachkhand kahenge athva sachchi duniya sachkhand। aaj yeh ho gai hai jhoothi duniya kyonki bhrashta aachran ho gaya hai na iseelie bhrashtaachaar kaho ya jhoothi duniya kaho। jhooth kamaate hain, jhooth khaate hain, jhoothe chalte hain, sab jhooth hi jhooth hai na iseelie isko kaha hi jaata hai jhoothi kaaya, jhoothi maaya, jhootha sab sansaar iseelie duhkh ashaanti hai। to abhi baap kehte hain isko sach banaao to kaise banaaenge, dekho sona hota hai na to sone ko agar jhootha banaana hai to kaise banaaenge। hamko jevar jhoothe banaane honge to ham sone mein jhoothi cheejen taamba ,loha, peetal aadi jo sonaar milaate hain vo zevar mein nahin milaate hain lekin sone mein milaate hain phir usi jhoothe sone se jo jevar banta hai woh jhootha ho jaata hai। agar hamko phir sachcha jevar banaana hai to phir jevar ko gala karke phir sone se nikaalna hoga, jevar se nahin nikaalenge, to yeh dekho form hai na । abhi hamaara jhooth kis mein pada hai, hamaare yeh paanch vikaar kis mein lage hain to yeh shareer hai jevar, aise samjho, form bana hai na, yeh form kiske aadhaar se bana hai? aatma ke, to jaisi aatma vaisa form, jaisa sona vaisa uska form । jhootha sona to jhootha form jo bhi form banega baingal banegi ring banega jo bhi banega to agar jhoothe sone ki banegi to sab jhootha bengal bhi jhootha, ring bhi jhootha jo bhi cheej banaaenge, parantu pahle to sona hi jhootha hoga na । isi tarah se yeh hamaara form jo hai shareer ka woh kiske aadhaar se banta hai aatma ke, to aatma pahle jhoothi banti hai । aise nahin kahenge aatma nirlep hai, aatma ko koi lep kshep nahin lagta hai, aatma mein hi paanchon vikaaron ka pravesh aata hai, phir use vikaar ke sambandh se aatma jo karma karti hai usi karma ke hisaab se yeh shareer banta hai, shareer ke sambandh, shareer ke rishte aadi yeh sab jo bhi karmon ke khaate se koi baap bana, koi beta bana, koi stri bani, yeh karma ka hisaab hai na । yeh baap beta bhi kaise bana karma ka hisaab। beta ban karke aaega use hisaab kitaab hai, lena hai, stri bani, pati bana, yeh sab karma ka khaata hai na। raaja praja yeh sab karmon ka khaata hai, ek do se ladna jhagadna yeh sab karmon ka khaata hai na to duniya ka yeh jo bhi karma ka khaata bana kisse bana, banaane ki rispaansibiliti kiski hui, aatma ki। to aatma impyor hui to shareer bhi impyor hua aur aatma aur shareer impyor to usse sab rishtedaari, sab sansaar ki jo banaavat rahi sab impyor to jhoothi ho gai na । to pahle jhooth kahaan mila usmein mila aatma mein iseelie phir aatmaon ka jo pita hai na woh aa karke kehte hain he aatma tu to soni thi, kanchan thi, saaph thi ekdam, tumme yeh impyoriti ka loha, taamba yeh jhooth aadi paancho vikaaron ka yeh loha taamba samjho na, vo usmein mil gae hain to tu jo kanchan thi na purified sona in vikaaron se milkar ke tu jhoothi ho gai hai, to abhi jhoothi kaaya, tera shareer bhi jo bana form woh bhi jhoothi, sab sansaar ke sambandh bhi jhoothe, sab jhoothe ho gae hain to sab jhooth hi jhooth bana diya। jhoothe se sab jhoothe ban gae hain, aajkal hai na phorteen carat ka sona banaate hain din-ba-din sab jhootha hota jaata hai to tum bhi dekho tum bhi kya ban gae ho । tumhaara bhi woh sach jo hai woh nikalta jaata hai aur abhi jhoothe bante jaate ho ekdam। iseelie kehte hain aatma impure to impyor hone se tumhaara jo bhi sansaar ka form hai na shareer ka sansaar ki jo bhi form bana hai isko bhrashtaachaari duniya kaho, kuchh bhi kaho yeh form kahaan se bana, isi se । iska rispaansibal kaun hai aatma, iseelie phir aatmaon ko baithkar ke baap abhi purified banaate hain । sabse pahle yeh purified banenge to usse phir shareer jo banega, phir shareer aur shareer ka sambandh phir sansaar ki saari rileshans sansaar ki hai aapas ki vo phir sada sukhi ho jaaegi। raaja, praja yeh sabhi sambandh hai na, woh sab sada sukh ke banenge। abhi sansaar ke sabhi sambandh jo rileshans hain woh sab ek doosre ke duhkh ke hain iseelie yeh sab duhkh ka kaaran pahle kahaan se hua aatma se, to aatma rispaansibal ho gai । iseelie baap baithkar ke abhi aatmaon ko purified karne ka yeh knowledge de rahe hain । to jhooth aur sach ko samajhna hai na, jhoothi kaise bani hai, jhooth kyon hai baaki aise nahin sansaar hai hi nahin। kai jhooth ka arth yeh samajh lete hain na ki sansaar hi nahin hai yeh svapna hai, yeh dekh rahe hain yeh svapna hai iseelie yeh sansaar hai hi nahin bana hi nahin hai । are! sansaar to khada hai na, sansaar to anaadi hai। haan ek manushya shareer chhodta hai doosra leta hai, woh manushya shareer chhod karke doosra leta hai lekin sansaar to chalta hi hai na, punarjanma vaala sansaar to chalta hi rehta hai na। to yeh saari cheejon ko samajhna hai iseelie baap kehte hain ki aise nahin hai ki sansaar nahin bana hai jhooth ka matlab yeh nahin hai । sansaar hai, lekin usmein yeh jo tumne vikaar banaae hain na, jismen hi dukhi hue ho yeh mainne nahin banaaya hai। aise nahin hai yeh vikaar mainne banaaen aur duhkh bhi tumhaare ko mainne diya, yeh to mere par tum kalank lagaate ho । main thodi hi duhkh banaaoonga, bachchon ke liye main duhkh banaaoonga, aisa kabhi baap dekha? laukik baap bhi kabhi bachchon ko dukhi thodi hi karta hai, karenge aap? baap ho karke kabhi bachchon ko dukhi karenge aap? nahin, kabhi nahin । kaisa bhi naalaayak bachcha hoga na to bhi baap hamesha merciful rehte hain । to jab laukik baap bhi kabhi bachchon ke liye duhkh nahin bana sakte hain to woh to hamaare paarlaukik pita hai na। jab ek saadhaaran manushya bhi kisi manushya ke prati itne duhkh ka khyaal nahin rakh sakta hai to woh hamaare parampita ham ko kaise duhkh denge । phir bhi kahe parampita, vaah! parampita aur duhkh deven? phir kaahe ke liye usko parampita kehna chaahiye, jo duhkh deta hai usko parampita kehna chaahiye? kabhi nahin kehna chaahiye । phir usko yaad karna chaahiye - he bhagwan, jab duhkh aata hai to usko yaad karte hain, he bhagwan raham karo, he bhagwan sukh do, duhkh jab aata hai tab to usko yaad karte ho to uski maana woh hamaare duhkh ko naash karne vaala hai na, tab to usko yaad karte hain na। koi duhkh dene vaala ho to usko ham kaise yaad karenge duhkh ke samay ki hai bhagwan duhkh door karo। jab vo duhkh hi dene vaala hai to usko yaad hi kyon karna chaahiye, parantu nahin woh duhkh daata nahin hai। gaate bhi ho na, mahima karte ho duhkhaharta sukhkarta aise kehte ho, kabhi aise kaha hai he bhagwan tu duhkhakarta sukhharta aisi mahima to kabhi hai hi nahin uski। uski mahima hai duhkhaharta duhkh harne vaala, harne ka matlab hai naash karna to duhkh ka naash karne vaala hai uski mahima hi aisi hai। to uske oopar kabhi yeh nahin samajhna hai ki duhkh bhagwan ne diya hai ya aisi duniya bhagwan ne banaai hai jo abhi duhkh ki hai । bhagwan ne banaai zaroor hai parantu sukh ki iseelie usko sukh ke liye yaad karte hain teri duniya badi achhi thi, teri duniya mein ham bahut sukhi the, tu sukhdaata hai, tu shaantidaata hai tabhi usko yaad karte hain। yaad bhi kabhi koi manushya ko bhi yaad karte hain jab koi kisi ke oopar ehsaan karta hai koi hamko koi sukh deta hai, tabhi ham usko yaad karte hain । abhi dekho gaandhi ji ne kuchh achha kiya bhaarat ke liye, to unko yaad karte hain, bhaai nehru ji ne kuchh achhe kaam kie tab usko yaad karte hain , nahin to koi kisi ko kyon yaad karega । jab manushya bhi koi achha kaam karta hai tab usko yaad karte hain, bhagwan ko to dekho yaad hi karte hain aur so bhi duhkh ke samay। jab koi kisi ke paas shaareerik rog aaega ya koi aisi phikraat aaegi ya koi museebat aaegi ya koi bhi aisi baat hogi to kahenge he bhagwan raham karna, he bhagwan khair karna, he bhagwan abhi yeh mera bhala karna bhagwan aisa karna kehte hain na to uska maana usne hamaare saath bhalaai ki hai na, koi buraai to ki nahin hai usne । agar buraai usne ki hoti to aise kyon usse kehte । to woh hamaare hain hi achhe kaam karne vaale, yaani usne hamko achha hi banaaya hai, hamaari buraai ko naash karaaya hai। kaise karaaya hai to bura hamko banaane vaale hain paanch vikaar। abhi in vikaaron ko baithkar ke naash karne ka usne upaay batlaaya hai iseelie unko ham yaad rakhte hain to usne hamaari duniya sachkhand, shreshthaachaar banaaya hai aur yeh ye bhrashtaachaar jhoothkhand ko naash karaaya hai। to abhi yeh dekho jhoothi kaaya jhoothi maaya jhootha yeh sansaar hai iseelie kehte hain banvaari, banvaari koi krishna ko nahin, kai usko samajhte hain ki banvaari woh gae hain na krishna, raas rachaaya hai yeh kiya hai aisi-aisi baaten parantu woh baaten nahin hai, woh to yeh shaastrakaaron ne baithkar ke kahaaniyon ki tarah se bana diya hai parantu yeh kaha hi jaata hai niraakaar paramatma ko। krishna ko paramatma nahin kahenge yeh to baat bahut samajhne ki hai। krishna to satayug ka prince hai । yeh krishna, aisa manushya paramatma ne banaaya yaani krishna jaisa sarvagun sampanna solah kala sampoorn, sampoorn nirvikaari yeh prince hai, first prince । jo kingdom paramatma ne banaai raajdhaani uska yeh first prince hai । to bhagwan ne jo raajdhaani banaai na unka yeh krishna prince hai jo jab bada hua hai phir king bana hai jisko phir shri naaraayan kaha jaae । to yeh samajhna hai ki bhagwan ne aise manushya banaaen। yeh krishna manushya ke status ka nishaan hai ki yeh krishna aisa manushya paramatma ne banaaya to yeh manushya ki status hai aur paramatma to niraakaar hai na to isko paramatma kahne se manushya ke status chali jaati hai। to na manushya ki status rehti hai na paramatma ka bhi। agar paramatma yeh krishna hai to phir to saari duniya ko usko maanna chaahiye na ki god is one, paramatma is one phir to sabko usko dekhna chaahiye na, phir sabka apna-apna kyon । nahin kehte hain god is one, to niraakaar paramatma to ek hi hai na iseelie isko krishna ko sab thodi hi maanenge, saari duniya maanegi? nahin, agar paramatma hai to saari duniya ko maanna chaahiye na। god is one to phir to ek hi ko maanna chaahiye na। parantu nahin, paramatma jisko kahenge woh hai niraakaar, parantu woh na jaanne ke kaaran unka pata nahin hai ki woh kaun si cheej hai। unko bhi jyoti roop niraakaar paramatma kahenge, phir star light kaho jyoti ya bindi light kaho, unko bindu bhi kehte hain to yeh hai, parantu hai jyoti ka light। to yeh sabhi cheejon ko samajhna hai isi ki pratima foreign deshon mein bhi hai, jo shivling ki dekhte ho na shiv ke ling ki pratima iseelie bahut jyoti ka deeve ka bhi rakhte hain kyonki diya ka bhi jot ko light ke roop mein rakhte hain। dekho kalayug mein seekh rahe hain aur phir satayug praarabdha hai na to phir praarabdha mein jaakar ke is praapti ko praapta karte hain to yeh cheejen samajhne ki hai na । zaroor inhonne agle janma mein, yeh bhi question hai na usne kaun sa agle janma mein karma kiya jisse aisi praarabdha paai । zaroor koi purushaartha kiya hoga na, karma ka phal hai na, manushya ke liye to karma ka phal hai। inhon ko phal kahaan se mila? zaroor agle janma ka, to agla kaun sa janma hai - yeh, to yeh maano ham kalayug ke ant mein, is last samay mein abhi jo purushaartha karenge iske praarabdha mein phir hamaari generation aage sukh ki chalti hai to seedhi baaten hain na। to yeh sabhi punarjanma aur yeh jenreshans ka yeh world ka chakkar inheen sabhi baaton ko bhi samajhna chaahiye aur jaan karke abhi usi ko praapta karna hai iseelie kehte hain ki yeh sabhi abhi naya kalam lagta hai। yeh puraana daal taar taariya abhi iski end iseelie dekho yeh sab destruction taiyaar hai abhi, yeh civil vor aur natural calamities ye atomic bomb aadi sab cheejen jo bani hai in sab ke jarie yeh duniya ki sanstha ka naash । to dekho aatmaaen abhi ja rahi hai na machchharon sadrishya, dekh rahe ho na, yeh geeta ke aadhaar par hai । usmein kehte hain na tumhaare taraph aatmaaen aa rahi hai machchharon ke sadrishya, jaise machchhar hote hain na, jab divaali hoti hai to dekhe hain sama ke oopar bahut machchhar mandaraate hain phir subah ko mar jaate hain to bahut dher neeche pade hue hote hain। to kehte hain yeh machchharon ke sadrishya manushyon ka destruction hoga । yeh aatmaaen tumhaare paas aa rahe hain unko saakshaatkaar hua tha na usmein, to abhi phir kehte hain phir nambarvaar aatmaaen aaenge phir pahle pahle yeh number mein jo aakar ke sada sukh ko paati hain phir saara circle chalta hai। baaki ismen moonjhana nahin hai ki jyoti mein samaana hai। nahin, aatmaon ko aana hai, aana hai to first chance lena chaahiye na। aae to phir idhar kyon aae, kooprej mein utre phir iron ej mein aae, aae aur kya sukh lenge । aana hai to kyoon nahin idhar aaen, aana hai to phir first chance lena hai sukh ki duniya mein । iseelie kehte hain yeh raajayog se jo karma shreshtha karke jaaenge woh phir first aaenge । jo mere dvaara apne paapon ko dagdha karke nahin jaaenge vo peechhe aaenge, peechhe aaenge to phir usmein itna sukh ki praapti to nahin hogi na। to yeh saari cheejon ko samajhna hai yeh sarkal hai, aatmaon ka aana, aatmaon ka jaana, aatmaaen phir kitne janma yahaan leti hain saare chakra ko samajhna hai। isi saare chakra ko likha hai kalpa tree five thaaujend eeyarsa ka। ye saara chakkar 5000 varsha mein poora hota hai। to yeh sab cheejon ko samajhna hai ki yeh kis tarah se chalta hai, aur usi sab ko paana hai । samjha, kaisa bhoopaalam? kuchh aata hai samajh mein? abhi bhoopaalam kaisa, bhu ka paalam, dekho yeh hai na, isi bhu par raaj karna hai । is bhu par abhi kya hai bhu to hilti hai ismen earthquake hote hain, ismen duhkh ashaanti milti hai, yeh bhu bichaari anna nahin de sakti hai, abhi buddhi ho gai hai। khilaate-khilaate abhi dekho dharti bhi buddhi ho gai hai, sankhya badh gai hai, anna bhi abhi kaisa hai, usmein taakat nahin kyonki prithvi mein abhi woh taakat nahin rahi nahin। to prithvi mein taakat thi, sab kuchh hamko achha milta tha, aaj dekho sab tatvon mein bhi abhi tamopradhaanta ho gai hai na, hava aadi sab mein। nahin to hamaare mein bal tha to har cheej mein bal tha, isi se ham ko sada sukh ki praapti thi । kabhi koi beemaari nahin, koi rog nahin। yeh sabhi kyon hote hain kyonki hamaare mein yeh paanch vikaar roopi keede pad gae hain na, to hamaare ko keede kha gae to sab cheejon ko keede kha gae iseelie dukhi hai manushya। sab mein abhi keede hi keede hain, keedon ki duniya, rogon ki duniya, aaon ki, daaon ki, darda ki, duhkh ki duniya, saara din kya hai yahi, iseelie baap kehte hain kahaan tak yeh aah daah darda duhkh chalti rahegi iseelie kehte hain abhi iska end, phir ismen kabhi aah! daah! darda duhkh rahega nahin। kehte hain woh jamaana tha jab sher bakri bhi ek ghaat par paani peete the, to yeh iska misaal diya hai ki aisa jamaana tha ki janaavar bhi nahin ladte the, sab sukhi the to manushya kya hoga । to yeh sabhi baaten hain to aisa sada sukh ka raajya paane ke liye abhi ham yahaan seekh rahe hain, isi college mein paramatma jo sikha rahe hain, yeh raajya ki status woh praapti seekh rahe hain bhavishya praalabdha janreshans mein, aur abhi-abhi future duniya yahi aane ki hai to yeh sabhi baaton ko samajhna chaahiye na । manushya jo kuchh karta hai dekho padhta hai , isi jeevan mein hi bhale, main doctor banoonga hai lekin karta to future ke liye hai na, bhale isi life ki future hai । yeh hai jenreshans ki future jo ham sada kaal ke sukh ko paate hain । to yeh jo ham karte hain woh paate hain । har ek cheej karni hoti hai paane ke liye na, manushya jo kuchh bhi karta hai doktari padhta hai injeeniyri padhta hai, bhaai padhega likhega bada hoga, phir yeh karega, woh karega, rakhta to em future ke liye hai na, haan kal ko mar hi jaae to uska woh sab kuchh khatma ho jaae। parantu yeh to guarantee hai kyonki paramatma dvaara yeh saara knowledge aur hamaari woh janreshans avinaashi pita ke dvaara banaai jaati hai to yeh sabhi cheejon ko achhi tarah se samajhna hai । abhi ismen kuchh moojhne ki baat hai nahin, phir bhi kisi ko kuchh nahin samajh mein aata hai to haan poochh sakte hain । achha, khilaao toli । haan, achha, ek din gop ek din gopi, achha । yeh puraani hai na paarvati maa, hanumaan hai iska naam। hanumaan kyon rakha hai bichaari ka? (sabhi ko jaake sandesh deti hai) sandesh deti hai, achha khilaao। baba ko yaad karke khilaana। pahle hamko ? pahle sab bachchon ko, nahin, phir bhagat banengi, phir bhagat kahenge। bhagat aisa kaam karega । gyaani tu aatma woh to phir gyaan se kaam karenge na । pahle bachche।