Mamma's Murli - 207

> >

mama murli madhuban

007. Bap Se Varsa Lene Ki Vidhi - 1

rikordah

tumhi ho maata pita tumhi ho, tumhi ho bandhu sakha tumhi ho।

om shanti। apne param poojya maat-pita ko to abhi jaan chuke ho na, ki abhi aise kahenge ki abhi jaanne ki koshish kar rahe hain? maata-pita ko jaanne ki to koshish nahin kar rahe ho na , usko to jaan chuke ho। haan baaki aise kah sakte hain ki baaki purushaartha kiske liye hai vo isi ke liye hai ki baap se jo poora poora, vaise to bachche bhi hain, maat-pita hai to zaroor unke bachche bhi hain aise nahin bachche banne ki koshish kar rahe hain ya maat pita ko jaanne ki koshish kar rahe hain, aisa koi samajhne ki bhool na karen baaki hamaari koshish purushaartha kiske liye hai yeh usi ke liye hai ki jo maat-pita hai jiski ham santaan hain, practical hain, kahne vaale bhi baaten nahin hai jaise bhakti maarga mein haan tum maat pita ham baalak tere, gaate to aae hain na, nai baat to nahin hai lekin woh to khaali gaane ki baaten thi, aise hi kahne ki। kahne se koi mukh meetha nahin hota hai, practical chaahiye। to abhi to maata-pita ko practical jaante hain aur practical unki santaan ban karke apna hak bhi uske oopar rakhte hain baaki purushaartha iseelie hain ki haan, jo unke dvaara praapti hone ki hai usmein jo kampleet praapti hai vo unke dvaara poorn karna hai kaun si svarga ki poori jo raajdhaani hai usmein poora poora apna status praapta karna। usi status ko praapta karne ke liye arthaat pad praapta karne ke liye poora baaki usi ke liye yeh purushaartha kar rahe hain। yeh pichhle vikarmon ka khaata aur aage ke liye apne karmon ko shreshtha banaane ka yeh saara purushaartha chal raha hai। jitna jitna ham purushaartha mein tej honge utna ham sajaaon se bhi chhutkaara paaenge aur aage bhavishya praalabdha mein bhi ooncha status ko praapta karenge। to baaki bhi jo purushaartha hai woh abhi iseelie purushaartha ho raha hai ki hamaare pichhla hamaare paapon ka ya vikram ka jo khaata hai jisse ham sajaae khaate hue na jaae iseelie un sajaao se bhi chhutkaara ho jaae aur aage bhavishya praalabdha mein bhi oonch status ko praapta karen, isi praapti ke liye baaki purushaartha hai। baaki aise na kehna koi ya aise bhi koi na samjhe ki maat pita ko jaanne ke lieya unka bachcha banne ke liye purushaartha kar rahe hain। koi bachcha banne ka purushaartha thodi hota hai। laukik reeti mein bhi koi bachcha maata-pita ka bachcha banne ke liye purushaartha thodi hi karta hai ki bhaai bachcha banne ka purushaartha kar rahe hain, aisa kabhi koi kehta hai bachcha? bas janma hua aur bachcha hua aur bachcha hua to uska hear perentsa ho hi gaya yaani baap ki property ke oopar uska hak ho hi gaya। to hak lagaane ke liye aur bachche banne ke liye koi purushaartha ki baat nahin hoti hai baaki purushaartha ki baat hai ki us baap ke dvaara jo hamaara kampleet status hai nai duniya mein aur hamaare usko paana aur hamaare vikram jo pichhle khaate ka hai vo bhi is baap se bal le karke hamko poore paapon ko baith karke dagdha karne ka abhi bal lena hai jo ham sajaaen na khaaen isliye usse chhutkaara paane ka, usse poori kampleet shakti kaho ya bal kaho lena hai। isi bal ko lene ke liye baap ka bhi pharmaan hai ki bachche nirantar meri yaad mein rahne ka purushaartha karo arthaat jitna jitna mere yog mein athva yaad mein sthit rahenge utna utna mere yaad se tumko bal milega aur usi bal se phir tum paapon se chhutkaara paaenge aur paap tere dagdha honge to phir bhavishya praalabdha ko bhi oonch mein praapta karenge। to baaki jo purushaartha hai vo isi ke liye hai baaki koi aisa na kabhi kahe, aisa kahne se se to abhi maat pita ko hi nahin jaana aur uska bachcha hi nahin bana to baaki yog bhi nahin rah sakta hai। yog bhi usi ka lagega, gyaan bhi usi ki buddhi mein baith sakega ye bhi ek point hai samajhne ki ki jab talk maat pita ko samjha nahin hai aur unka santaan prektikal bana nahin hai to gyaan aur yog bhi buddhi mein baith nahin sakta । aise nahin kahenge ki gyaan aur yog le rahe hain, nahin pahle to gyaan aur yog jisse le rahe hain, unka parichay chaahiye na ki kisse le rahe hain । ye koi saadhaaran manushya se to nahin le rahe hain na to koi aisa khyaal na karen ki jaise ham manushyon se itna kaal sunte aae anek janmon se to yeh bhi ham koi manushya ke dvaara sun rahe hain nahin, yeh to vahi knowledgeful ki knowledge hai jo jaani jaananhaar hai, jiske paas hi knowledge hai aur jo is knowledge jaanne ka hakdaar hai to vahi jaan sakta hai na। sabki karmagti ko jaan hi kaun sakta hai sivaay parampita paramatma ke manushya aatmaon ki karam gati koi jaan bhi nahin sakta hai, manushya manushya ki karmagti nahin jaan sakta hai iseelie hi jo hakdaar hai jaanne ka, jisko hi knowledgeful jaani jaananhaar kaha jaata hai, jo isi mahima ka laayak hai aur hakdaar hai unheen ke dvaara hi abhi direct jaan rahe hain। to yeh to pahli baaten apni buddhi mein achhi tarah se honi chaahiye ki ham unke dvaara sun rahe hain aur unki hi suni hui baaton mein abhi practical dhaarna karke chalne ka purushaartha karna hai। to koi common manushya ki knowledge ya koi manushya ke dvaara jaise sunte aae, jaise roj sunte ho, aisi baaten ka khyaal karke nahin chalna hai। yeh jo baap hai jo sarva samartha hain, bhale in aankhon se dekhne mein nahin aata hai iseelie bahut moonjhate hain। na in aankhon se dekhne vaali cheej hai na koi unki shakti kuchh jo hai, jo unka koi aisa chamatkaar ho jisse kuchh aise dikhaai de, jisse manushya samjhe, to yeh koi shakti us sarva shaktimaan ki shakti koi aisi nahin hoti hai ki murde ko jinda karna ya koi aisi shakti dikha de, nahin sarvashaktimaan ki shakti aisi nahin hoti। vo sarvashaktimaan gaaya isi par hai, uski shakti kya kaam karti hai jo koi manushya chala nahin sakta hai woh kaun si, ki hamaare karmon ko kampleet shreshtha banaana। to vo karma to hamaare purushaartha se banaaenge na, karma koi jaadoogri se thodi banaaenge ya murde ko jinda karne se hamaara karma kya banega। karmon ko to hamko apne purushaartha se hi banaana hai woh hamko purushaartha sikhaaen,ge teechingsa denge, jis teeching ko ham lekar ke apne purushaartha se apne karmon ko banaaenge baaki koi jaadoogri se vo hamaare karma thode hi banaaenge। dekho karmabhog ko to bhogna padta hai na iseelie in karmon ko kaatna aur in paapon ko dagdha karna, yeh to phir hamaare purushaartha ka kaam ho jaata hai kyonki banaaya bhi to hamne hai na। yeh saari cheejen samajhne ki hai iseelie sarva shaktimaan ki shakti kaun si hai, jo koi manushya is shakti ka kaam nahin kar sakta hai yaani hamaare karmon mein yeh bal nahin la sakta hai jo woh la sakta hai। isliye unko sarvashaktimaan kaha baaki aise nahin murde ko jinda karen ya koi taakat dikhlaae ya koi aisi baat kar deven tabhi samjhe ki woh sarvashaktimaan hai। agar usko sarvashaktimaan ko hamko uski ye shakti se samajhna hai to hamaara ismen kya hua, hamko to apne karmon se shakti mein aana hai na kyonki hamaari shakti gai bhi hamaare karmon se hai to hamko banna bhi to ab apne karmon se hai na to iseelie hamaare karmon mein shakti kaise bharen woh isi knowledge ke dvaara। iseelie baap baith karke is knowledge ki yeh dhaarna de rahe hain aur isi ko dhaaran karke apna bhavishya praalabdha oonch banaane ka purushaartha karna hai। to abhi samjha na? yeh baaten to abhi samajhte bhi ho roj sunte bhi ho ki hamko purushaartha kis baat ke oopar attention rakhkar ke karna hai। to yeh baat hai jiske liye bahut achhi tarah se apna purushaartha karke aage badhna hai। achha ab aap logon ka time hua hai aap savere se class mein aae hue ho isliye bahut aap logon ka time nahin lete hain। aaj to aae the sabke mukhde dekhne ke liye aur khush kheraaphat lene ke liye aur khushkhera phal dene ke liye। aap sab takleeph lete ho iseese hamne kaha ham bhi jaaenge, sabke mukhde bhi dekh lenge aur apni khush sharaaphat bhi bata denge aur sabki khushkheraaphat bhi dekh lenge। mukhdon se dekhni hai na? mukhda kaun sa? yeh shareer ka nahin, nahin yeh to jaante ho ki hamaare mukhde abhi kaun se hain। hamaara mukhda kaun sa hai, aatma ko, hamko aatma apne ko bhi abhi aatma hi maanna hai, apne ko aatma maanne se hi ham parampita paramatma ki santaan apne ko maan sakte hain iseelie apna bhi mukhda usi mein sthit hona hai, buddhi ko usi mein hi sthit karna hai aur phir dekhna hai jo bhi body nahin, soul, ye bhi mukhde kaise khilte ja rahe hain kyonki yeh shareer to pichhle khaate ka hai na । usmein to dekho yeh sabhi karma bhogna, khit-khit hote yeh sab chalte rahenge lekin abhi aage ke liye jo ham bana rahe hain to mukhda uska dekhna hai ki uska parivartan kitna aata jaata hai, woh mukhde kitne khelte ja rahe hain kyonki usko abhi kampleet khilaana hai। is shareer mein hi usko kampleet karna hai aatma ko। to aatma kampleet hogi to phir jo shareer milenge sada nirogi, sada sukh ke milenge, theek hai na। to abhi kampleet purushaartha karne ka yatna karte rehna hai। achha aur kya bataaen, sab raaji khushi to ho hi na, haan? maje mein ho na? taaru chhe na? to abhi raaji aur khushi ka bhi arth abhi samajhte ho ki raaji kismen rehna hai। abhi to dekho khush kismat banaane vaala baap mila hai jo hamaari sach sach kismat bahut oonch banaata hai aur ham sada khush, nahin to baaki kuchh khushkismati hai thodi hi। manushya to samajhte hain ki dhanvaan hai to haan dhan hai to yeh khushkismati hai, pati hai, putra hai jo bhi saansaarik hai sabhi baaten hain, unmein samajhte hain khush kismati hain lekin apan jaante hain yeh to sab duhkh ke hi dene vaale hain aur dekh hi rahe hain to in sab mein alpakaal ka vinaashi ho gaya na sukh। abhi to ham sab chaahte hain avinaashi, jo guarantee jismen kabhi dar na ho, kabhi duhkh ki, kabhi yeh na ho to kabhi woh na ho, ismen to hota hi hai na, he bhagwan khair karna, he bhagwan yeh karna, phir kuchh ho jaata hai to kehte hain he bhagwan yeh kya kiya ya he bhagwan abhi yeh kar, to karna padta hai na, kehna padta hai। to abhi to ismen yeh purushaartha hai jismen hamko guarantee rahe aur jab kabhi koi aisi duhkh ki praapti ki baaten hoven hi nahin। to aise purushaartha mein abhi lage rehna hai iseelie abhi is puraani duniya ki yeh sab ichchhaaen aur tamannaaen aur yeh sab jo baaten hain usse abhi dil ko hataate ja rahe hain ki ye alpakaal kaal ka le karke karenge hi kya aur woh bhi abhi vinaash hone ka hai, time aakar ke abhi uska bhi poora hua hai isliye abhi dil lagaani hai to usmein, nai duniya mein jismen hamaara sab kuchh praapta hone ka abhi poora milne ka hai iseelie dil le gae hain udhar tab ham puraani duniya ke sabhi bandhanon se apni buddhi hataate ja rahe hain। achha aur kya aapki seva karen? sab raaji khushi mein ho hi aur baap aur baap ke khajaane ko achhi tarah se jaante aur paate ja rahe ho, yeh to bahut achha hai। toli voli mili hai? milengi ? do। achha । sab apne purushaartha mein theek ho na? kahaan chalte chalte koi maaya to nahin sataati hai na? nahin, abhi pata lag gaya hai ki hamko giraane vaali aur hamko duhkh dene vaali athva hamaara duhkh banaane vaali kaun si cheej hai to abhi in paanch vikaar vaali cheejon ke oopar poora-poora attention rakhte rehna iseelie sambhalte chalte rehna, koi maaya ka vaar khaana nahin । na kaam, na krodh, na lobh ka, na moh ka, ahankaar ki to pahle hi baat nahin hai iseelie yeh sab baaton ko achhi tarah se sambhalte aage badhte rehna hai, himmat rakhte rehna hai। aaenge, maaya ke vighna, toofaan, kabhi-kabhi kai baaten aa bhi jaaengi iseelie dhyaan apna poora rakhna। purushaartha karte koi aisi baaten aa bhi jaaen to himmat haarna nahin, baaki aaengi kai prakaar ki ulajhne, vighna, idhar-udhar har ek prakaar ki apne man se bhi aaenge, tan se bhi aaengi, baahar se bhi aaenge, sambandh se bhi aaenge, duniya se bhi aaenge, kai kai baaten aaengi, ye batla dete hain aur aati bhi hain anubhav mein to abhi aate jaate ho parantu usse thakna nahin । ye to abhi samajh gae hain ki yeh sab pichhle khaaton ke karmon ka hisaab kitaab hai, woh kisi na kisi tarah se hamaara saamna karenge to iseelie hamaari usse yuddha hai baaki nahin to kaahe ki yuddha hai। zaroor koi apojishan hai na , jisse humein yuddha karna hai, woh kya hai isi karmon ki to yuddha hai na। pichhle karma ka jo hai hamaara ulta khaata, uske oopar hamko jeet paani hai to humein himmat nahin haarni hai । to himmat haarna nahin, himmat achhi tarah se rakhte chalna hai, gaaya bhi hua himmat A marda to madad A khuda, himmat A marda to, madad A khuda। aise nahin madad A khuda to himmat A marda, aisa ulta nahin chalna hai। aise ulta chalne vaale bahut edvaantej lete hain bhagwan ke gale bahut padte hain। woh kehte hain madad A khuda to himmat A marda, aise kehte hain aur bhagwan kehte hain himmat A marda to madad A khuda aur kai samajhte hain kuchh bhagwan kare, dikhaaen kuchh, tab phir ham bhi kuchh karen aise kehte hain ulta, to ulta tonheen banna hai na? ek de to das paave, aise nahin das de to phir ek de denge, aise hisaab lagaane vaale nahin। nahin ek de to das paave iseelie aise kaanoon ko bhi samajhna hai, eeshvareey lodge bhi hai na। to usi purushaartha mein chalte rehna hai aise nahin woh kuchh dikhaaen, kuchh kare to kuchh hove, kuchh ho peechhe ham bhi kuchh kar lenge, aise khyaal koi na karen, aise aasre par koi baithe hue ho na, to aisa na ho to phir apna purushaartha se jo kuchh lena hai woh lene se vanchit rah jaae isliye khabardaar rehna। iseelie apna purushaartha chalaate rehna, apni himmat haar nahin hai kuchh bhi ho jaae। to himmat rakhte chalna hai kyonki unka kehna hai ki bachche himmat A marda to madad A khuda। kuchh to purushaarthi ki bhi points hongi na, aise aasaan hoti to phir baaki kya, bhagwan bhi phir kyon ghar baithe mile, aur sab kuchh hamko aise hi mil jaae to phir baaki kya hai phir to koi baat hi nahin rahi, hamaare purushaartha ki to koi baat hi nahin rahi। kuchh to humein apna purushaartha mehnat lagaani padti hai na to lagaani chaahiye iseelie aisi himmat aur purushaartha mein apne ko chalaate rehna aise himmatvaan hi kuchh pa sakenge। aise to baahar ke kaamon mein bhi apna mehnat aur purushaartha karna hi padta hai। dekho baahar vaalon se poochho, kya nahin karna padta hai kitni mehnat karni padti hai। thode baithe kamaane ke liye, pet ke dekho saara din manushya kitna maatha ladaate hain, kitna mehnat karte hain to jab thode kaam ke liye bhi, ek ki aajeevika ke liye bhi karna padta hai to yeh to janma janmaantar ke liye banaana hai, uske liye kya nahin karna padega, to thodi yeh mehnat nahin karni padegi। iseelie himmat haarna nahin, chalte rehna hai। achha baaki ham kuchh raaji mein hain, pet bhar diya, bhar gai pet mein ki ham bahut khushi raaji mein hai, sab centres par chale jaaenge ki abhi koi ko hujjat karne ki baat nahin hai। abhi aapki seva mein kampleet, aaste aaste regular service mein lag jaaenge। thoda samay thoda iregular ho gai na service mein, abhi regular ho jaaenge। apni sab hai to service hi, woh bhi service ki thi। agar ham samjhe ki hamaari aage hai hi chadhti kala kyonki hamto aage hi ja rahe hain na isliye to aati hai beech mein karma bhogna, hisaab-kitaab yeh sab, yeh to chalta rahega na। pichhla khaata bhi to raasta cross karne mein kaatna to padega hi na। to kuchh bhogne kaatne mein, kuchh yog bal se, kuchh kisi tareeke se lekin chalna to hai na to usmein bhi himmat rakhkar chalna hi hai। to yeh sabhi service hi samajhni hai, usmein bhi kuchh na kuchh aatmaon kuchh na kuchh milna hi hai to woh bhi sambandh mein mil hi jaata hai na, doctors, narsej vagerah kuchh na kuchh unhon ke bhi kaanon mein aavaaj jaati hai, kuchh na kuchh unhein ko bhi yeh milta hai to yaad rahega। kabhi na kabhi kiski bhi jaagrata ho jaae to yeh bhi ek service ka chance ho jaata hai to apan to samajhte hi hain ki yeh sab part bajaate koi karma bhog ka part, koi kisi tareeke ka part ye chalte rahenge , badhna to aage hi hai aur chalkar ke apna jo manzil maksad hai usi ko avashya praapta karna hai, usse hatna nahin hai kuchh bhi ho jaae। achha, sabko mil gaya? abhi aap logon ko bhi time hua hai na । achha, baap ko yaad karte ho na? to aisa baap aur daada, baap aur daada ko jaante ho na achhi tarah se, usmein kuchh moonjhate to nahin ho na, baap hai ya daada hai ya baba hai ya baap hai, jaante hai ki woh aata hai unko apna shareer nahin hai iseelie ismen mujhne vaali baat nahin hai to baap daada ko to achhi tarah se samajh jaana hai iseelie baapdaada aur maa ke meethe meethe, meethe meethe ho na? meethe-meethe bante ja rahe ho na? kadve to nahin na? kadva banaati hai maaya paanch vikaar, to aise meethe meethe sikeeldhe, sikeeldhe ka bhi arth samajh gaye ho ki itne samay baad baap se mile ho usi kal se kabhi arth samajh gae ho itne samay baad baap se mile ho, to yaad hai na apna vahi daav lagaaya tha, lagaaya tha? yaad mein aata hai? pakka ? to aise daav lagaane vaale, sikeeldhe jo paanch hajaar varsha ke baad phir aakar ke mile hain, mile ho ? aage mile the ? pakka? shivaani pakka ? dekhna । achha, aise sikeeldhe jo hai, aur bahut sapoot bhi jo apne baap ki aagya par chal rahe hain achhi tarah se, aise bachchon prati yaad pyaar, good de, good morning, good evening evri time good rakhna abhi phir chhutti dete hain phir bhi milte rahenge ।