Mamma's Murli - gyan-sitar-05

१७.१२.५८

aatma paramatma mein leen nahin hoti, unke samaan banti hai

om shanti। bhagwan ke mahaavaakya hain ki main beejrup hoon aur is creation ka creator hoon । manushya aatmaayen kehti hain ki ham jyoti jyot mein samaate hain । ab bhagwan ke kahne aur aatmaon ke kahne mein pharka ho gaya । jaise beej mein jhaad lay hota hai phir beej se jhaad utpanna hota hai । to aatma svayan apne aap jyoti jyot mein samaave - yeh nahin ho sakta hai । ham apna puraana hisaab-kitaab chuktu kar vaapas ja rahe hain । paramatma bhi kehte hain — main aaya hoon phir se nai duniya ki sthaapna karne । yeh to practical ham dekh rahe hain is duniya ka vinaash hona hai । yeh hai duhkh ki, aahon ki duniya। ham jaate hain sada sukh ki duniya mein । uske liye ab purushaartha karna hai। jyoti mein nahin samaana hai । aatmaon ko to stage par part bajaane aana hi hai kyonki yeh rachna anaadi hai ।

bhagwan ne sukh ki rachna hi rachi hai। jismen duhkh ka naam bhi na ho tab to sukh ki duniya kahen । agar duhkh ka ansh bhi ho to usko sukh nahin kahenge। aajkal duniya mein sukh hai hi alpakaal kshanbhangur । to siddha hai ki baaki sab duhkhi hain। ham ab sadaakaal sukh mein jaate hain । agar alpa duhkh bhi vahaan ho to unko sukh to nahin kahenge na । paramatma jaise avinaashi hai vaise unki property bhi avinaashi hai। usmein duhkh, ashaanti ho nahin sakti । ab ham in sab duhkhon se chhootenge tab jab puraana hisaab-kitaab chuktu ho । tab hi sukh ki duniya mein aa sakte hain। paramatma dvaara ham jeete ji is purushaartha mein lage hue hain । dharmaraaj ke paas saja khaakar hisaab-kitaab chuktu karne se koi praalabdha nahin banti hai । apne ko to poori praalabdha banaani hai। jeete ji sukh lena hai to jeete ji hisaab-kitaab bhi chuktu karne hain । phir unke dvaara praalabdha banaani hai। woh karnakraavanhaar khud aakar apna kartavya kara rahe hain। karaate hain aatmaon dvaara । ab ham jaante hain ki unka aur hamaara sambandh kya hai ।

jab sabhi sahaare toot jaate hain tab paramatma hi sahaayta dene aate hain । sahaayta dene ki samarthi usi mein hai। is samay sabhi sahaare tootte ja rahe hain। duhkh-ashaanti badhti jaati hai। na koi jyoti jyot mein samaaye hain, na koi yahaan sada sukhi hain। paramatma ke mahaavaakya hain- main aata hi kalpa ke ant mein hain, aakar saare vriksha ko naya banaata hoon, kalam lagaata hoon। ab yeh sab baaten buddhi mein hain tab hi unka ham purushaartha kar rahe hain। jeete ji purushaartha kar apni praalabdha banaani hai। ham jaante hain hamaari -- praalabdha kaunsi hain aur unke liye purushaartha kaunsa hai ? yeh knowledge hai। baaki to sab kahaaniyaan sirf sunte aur sunaate aaye hain। biography ko jaante nahin hain। unke jeevan-charitra sirf aise hi gaane se bhi kuchh banta nahin hai। raadhe-krishna aadi woh sab sarvagun aatmaayen hain। unke chehre sada muskaraate rehte hain। ab ham woh sanskaar bhar rahe hain। puraane hisaab-kitaab ko chuktu kar rahe hain। duniya samajhti hai ki manushya mara to svargavaasi hua aur koi saadhu-sant marta hai to kehte hain jyoti jyot samaaya। ab ham jaante hain ki yeh sansaar hi jo bahishta tha, abhi dojak hai। ab phir bhagwan practical mein woh bahishta bana rahe hain। ham vahaan jaane ka ab purushaartha kar rahe hain। yeh kaam koi manushya nahin kar sakta। baap aur unke kartavya ko bhoolne se hi manushya aatmaayen apne kartavya ko bhool jaati hain। ham aatmaon ko sadgati dene vaala vahi hai। kyonki paramatma to nyaari cheej hai na। aatmaon ke saath unka hi sambandh hai। ab maaloom padta hai ki to bada gahra connection hai। paramatma sabse nyaara hai to unke kartavya bhi nyaare honge। jo manushya aatma na kar sakti hai, na kar sakegi। tab hi unke kartavya niraale gaaye hue hain।