Mamma's Murli - gyan-sitar-17

28/4/1959

yeh khel smriti-vismriti ka bana hua hai, aatma sada hi man-buddhi sahit hai

om shanti । paramatma aur aatma - iski knowledge ko abhi ham paramatma dvaara jaante ja rahe hain। aatma ko man-buddhi sahit kaha jaata hai। aatma janma-maran mein aane vaali hai। ismen saara jo part chal raha hai, uski smriti nahin rah sakti hai। bhal aatma man-buddhi sahit beshak hai, parantu anek janmon ka jo kuchh hua woh smriti to nahin rah sakti hai na। ek jeevan ka hi ham len, to bhi sab baaten detail sahit yaad thode hi rehti hai। buddhi mein smriti-vismriti hoti hai । parantu buddhi to rehti hai na। aise thode hi kahenge ki buddhi chali jaati hai। parantu jab woh theek karttavya nahin karti hai to is par kaha jaata hai jaise ki inki buddhi chali gai hai। parantu aise to nahin hai na ki buddhiheen hai। aatma sada hi man-buddhi sahit hai। satayug mein aatma hai to aise nahin, use ८४ janmon ki smriti hai।

paramatma jo knowledgeful hai usmein hi sabki knowledge hai । to is samay par unka part hai। jab part mein aate hain tab aakar ke knowledge sunaate hain। knowledge emerge bhi itni karte hain jitna aatma ki unnati ke laayak hai। bhal woh jaani-jaananhaar hai parantu part mein phir bhi andaaj hai na, utna hi sunaate hain। to aise nahin, aatma ko saari smriti iktthi rah sakti hai। smriti-vismriti to chalti aati hai। parantu iska matlab yeh nahin hai ki aatma man-buddhi sahit nahin hai। sirf woh smriti chali jaati hai। body conscious, soul - conscious - yeh bhi khel hai na। aatma, aatma hi hai। sirf vismriti ho jaati hai। phir paramatma dvaara smriti milti hai। janma-maran mein aate-aate aatma ki kala ghatti jaati hai। yeh bhi paramatma aakar batlaate hain। so bhi anek janmon ka detail thode hi batlaate hain। unse hamaara prayojan nahin। jaante hain ki pahle duhkh ki jeevan thi, unko bhoolna hi hai। to phir uske vistaar ko jaanne ki kya jarurat hai ? drama ka khel aur aatma ka parichay – yeh paramatma baith samjhaate hain। buddhi to hai, phir kai baaten khyaal se hat jaati hain । to aise thode hi kahenge buddhi hi nahin hai ।

is knowledge ko samajhne se aisi chhoti-chhoti baaten to apne vichaar se bhi hal ho jaati hain । ham bhi past-future donon ke anubhvi hain । buddhi dvaara ham jaan sakte hain । aise bhi nahin ki saakshaatkaar ho tab ham jaan sakte । yeh to buddhi ka kaam hai jaanna । saakshaatkaar nahin hua hai to bhi harja nahin hai । jaanne ka sambandh saakshaatkaar se nahin hai । gyaan ka matlab saakshaatkaar nahin hai । manushya samajhte hain saakshaatkaar se hi siddhi praapta ho sakti hai । parantu gyaan to knowledge ko kaha jaata hai । kaha bhi jaata hai gyaan bigar gati nahin । aise nahin kaha jaata hai ki saakshaatkaar bigar gati nahin ।

paramatma ko nyaara bhi kaha jaata hai aur pyaara bhi kaha jaata hai । duniya vaale samajhte hain ki jaise aatma janma-maran mein aati bhi hai aur nyaari nirlep bhi hai, aise paramatma bhi hai । kyonki samajhte hain aatma hi paramatma hai । parantu ham jaante hain -- paramatma nyaara aur pyaara kaise hai । woh ajanma, duhkh-sukh se nyaara bhi hai parantu unke part bajaane ke sanskaar bhi hain aur part bhi ati pyaara bajaaya hai kyonki sabko sukhi banaate hain । paramatma to behad ka kaarya aakar karte hain । sarva aatmaon ko sukhi banaate hain । isliye sarva aatmaon ko woh pyaara lagta hai । aatmaon ko pyaar mila hai, sukhi bani hai, tab return mein itna pyaar karti hai । paramatma ne ham aatmaon ke saath yeh part bajaaya hua hai । sukhi banaaya hai, isliye ati pyaara hai । lekin woh ham aatmaon se nyaara hai । bhal khud bhi aatma ban part bajaate hain parantu unke karttavya nyaare hain । jo aatma nahin kar sakti woh kaam karte hain । sarva aatmaon ko santushta karte hain, sarva aatmaon ko sukh shanti dete hain । isliye pyaare hain । to nyaare ka arth yeh nahin ki lep-chhep se nyaara hai । woh to jo kuchh karta hai uska banta jarur hai । service ki hai tab to unko sabhi pyaar karte hain । yeh bhi return hai na । bhal jaante nahin hain ki woh kaun hai, hamaare saath sambandh kya hai? lekin pyaar to karte hain na । yaad bhi karte hain ।