Mamma's Murli - gyan-sitar-19
Saving in progress..
You can now read this murli without Internet.
You can read this murli without Internet.
in order to be able to read it without internet.
This view uses everyday Hindi spelling in Latin characters without diacritics, generated automatically from the Hindi text.
How is Hinglish generated?
The site generally uses aa, ee and oo for long vowels (a, i and u at the end of a word), ch and chh, sh and ri. English words recognised by the dictionary keep their English spelling. Rules for dropping some inherent vowels and a list of common words produce familiar spellings such as aatma, shanti, main and hoon.
Informal spelling is not standardised: these conventions produce a consistent version, but some spellings may differ from those you know. The “Transliterated Hindi” view retains the distinctions of adapted ISO 15919.
| Hindi | Hinglish |
|---|---|
| आत्मा | aatma |
| शान्ति | shanti |
| मैं | main |
| हूँ | hoon |
८.७.५९
gyaan bina yog yathaartha nahin ho sakta, gyaan-yog se hi daivi gun aa sakte hain
ham sabhi baap ki yaad mein baithe hain, kyonki humein baap se varsa paana hai । baap aur varse ko achhi reeti jaante hain। yaad bhi tabhi karte hain। koi samajhte hain -- buddhi ne baap ko jaan liya, bas । lekin unka pharmaan hai – “nirantar mujhe yaad karo । jitna yaad karenge utna varsa paayenge।" to yeh temptation hai। jaante hain har ek subject se kya laabh hoga। jitna gyaan uthaayenge utna daan bhi karenge to pad bhi ooncha paayenge aur daiveegun dhaaran karenge to koi vikarma nahin honge। yog se phir vikarma vinaash honge । to har ek baat jaruri hai। gyaan bina yathaartha yog nahin ho sakta hai aur gyaan-yog ke bina daiveegun nahin aa sakte hain। to jab jaante hain ki isse yeh phaayda hai. to hamaara purushaartha bhi aisa teevra ho jaata hai । saari padhaai hamaare dhyaan par hai. sirf ek subject ki baat nahin hai। sirf gyaan-snaan hi nahin karna hai lekin gyaan ko dhaaran kar practical life banaani hai। kisi bhi baat mein mujhna nahin hai। tan-man-dhan se poora-poora laabh uthaana hai।
abhi baap saamne hai to sab praaptiyaan ho jaati hain। sukh, sampatti, tandarusti- sabki guarantee hai। shak ki to baat hi nahin hai। jab temptation hai to purushaartha karna chaahiye। bachche ka pharja hai baap ke har direction par chalna । student ko phir padhaai par poora attention dena padta hai। guru ki aagya par bhi chalna pade। to baap, teacher, guru - teenon ke pharmaan par chalna hai। aur phir praapti bhi itni hai, raasta bhi sahaj hai। to kyon na purushaartha karna chaahiye। yeh bhi abhi chance hai । puraane sanskaaron ko bhi bhasma karna hai। to jab sabhi baaton ko jaante hain to purushaartha ko bhi itna teevra rakhna hai। har ek baat ko itna hi force se uthaana hai। kehte to sabhi hain ki ham sooryavanshi banen। to purushaartha bhi karna hai। thakna nahin hai। achha ।
yeh to achhi tarah se pakka hai ki ham ruh hain aur ham ruhon ka baap ruhaani ruh hai। abhi humein us ruhaani ruh ke saath vaapas jaana hai। isliye svayan ko badalna hai। abhi ruhon ke oopar gyaan ki barsaat ho rahi hai jisse ruh svachchha banen। yeh gyaan - barsaat hai jo aatma dhaaran karti hai, shareer dhaaran nahin karta । shareer ko bhi aatma dhaaran karti hai। to aatma ko parivartan karne vaala vo ruhaani baap hai।
aatma abhi mahsoos karti hai ki hamaare mein kaise parivartan aa raha hai। duniya vaale to samajhte - vikaaron ko jeetna bahut kathin hai। lekin humein nishchay hai ki baap dvaara hamne anek baar vikaaron ko jeeta hai। patit-paavan ne ham patiton ko paavan banaaya hai। kehte bhi hain- ahilya-ganika ka uddhaar kiya । aise naam bhi tab hain jab tamopradhaan hain। aise nahin-- paap-aatmaayen, punya-aatma ban hi nahin sakti । lekin baap dvaara kaisi bhi paap aatma, punya-aatma ban sakti hai। baap ki yaad se anek janmon ke paap khalaas ho sakte hain। anek janmon ke paap is ek janma mein khatma kar sakte hain। isliye kabhi uljhan mein nahin aana chaahiye ki itne paap kiye hain। ६३ janmon ke paap bhi is janma mein bhasma ho sakte hain।
abhi hamaare vikarmi khaate ko paramatma svachchha bana rahe hain। manushyon dvaara to na anek janmon ke paap naash ho sakte hain, na praalabdha bana sakte hain। to manushya ki baat nahin hai। ve to moksha maangate rehte hain। samajhte hain- svarga se bhi moksha uttam hai। lekin moksha ke baad bhi part mein to aana hi hai। vahaan baith jaane se to koi praapti hi nahin। aana hai to kyon na aisi duniya mein aayen। to yeh sab knowledge hai। ismen moonjhane ki baat nahin hai।