Mamma's Murli - gyan-sitar-34
Saving in progress..
You can now read this murli without Internet.
You can read this murli without Internet.
in order to be able to read it without internet.
This view uses everyday Hindi spelling in Latin characters without diacritics, generated automatically from the Hindi text.
How is Hinglish generated?
The site generally uses aa, ee and oo for long vowels (a, i and u at the end of a word), ch and chh, sh and ri. English words recognised by the dictionary keep their English spelling. Rules for dropping some inherent vowels and a list of common words produce familiar spellings such as aatma, shanti, main and hoon.
Informal spelling is not standardised: these conventions produce a consistent version, but some spellings may differ from those you know. The “Transliterated Hindi” view retains the distinctions of adapted ISO 15919.
| Hindi | Hinglish |
|---|---|
| आत्मा | aatma |
| शान्ति | shanti |
| मैं | main |
| हूँ | hoon |
१५.९.६२
aatma, paramatma ke karttavyon ko yathaartha jaanna hi achhe karmon ka aadhaar hai
geet :- duhkhiyon par kuchh raham karo… ।
om shanti। paramatma ek hai aur woh niraakaar hai। kai manushya aise maante hue bhi is baat mein moonjhe hue hain। kyonki paramatma ke baare mein hi anekaanek vichaar hain। niraakaar ko maanne vaalon ke bhi anek vichaar hain। koi bhi cheej ko ek kaha jaae to unka vritaanta bhi ek hona chaahiye na। anek baaten to nahin honi chaahien। parantu is ek cheej mein hi duniya moonjhi hui hai। kehte bhi hain -- god is one । lekin kahne aur samajhne mein kitna pharka hai ! samjho, yeh aakaash tatva hai, unko har ek apni-apni bhaasha mein bhal kuchh bhi kahe lekin cheej to ek hai na। is reeti paramatma bhi ek hi hai, to sabke paas vritaanta bhi ek hona chaahiye। bhaashaayen bhal anek hon lekin vichaar to anek nahin hone chaahien na । to ek hi baat mein duniya kitna moonjhi hui hai ! isliye yeh bhi nahin jaante hain ki ham aaye kahaan se hain, karna kya hai ? sirf kehte hain achhe karma karne chaahien ।
kai aise bhi manushya kah dete hain ki paramatma kya hai, ham kya hain, kahaan se aaye, kahaan jaana hai – in baaton se hamaara kya matlab ? baaki haan, achhe kaam karne chaahien । achha, woh achha kaam kaunsa hai ? to bataayenge - jhooth na bolo, chori na karo, kisko kashta na do। parantu ham jaante hain ki ek do ko kashta to dete hi aaye hain। apne aapko bhi dhokha dena - yeh bhi aatma ko kashta de rahe hain na । yeh bhi samajhne ki baat hai। pahle to apne ko jaanna chaahiye ki “main hoon kaun ? mera position kya hai ? karttavya kya hai ?” apne position ko jaanne se hi karttavya kar sakenge। jaise doctor jab jaane – main doctor hoon, patient ko sapha deni hai, tab hi poori sapha de sakenge। agar kahe ki inki aavashyakta hi kya hai, to karttavya kaise chale ? agar doctor ka karttavya kare parantu yeh pata na ho ki ham doctor hain- to kya karenge ? to yeh bhi aisi baaten hain। kehte to hain -- ham achhe karma kar rahe hain, ham desh ki seva kar rahe hain। lekin seva bhi sachchi kaunsi hoti hai ? duniya jo kuchh bhi kar rahi hai uski result to saamne pratyaksha hoti ja rahi hai।
paramatma kya, ham kya, hamaara karttavya kya hai ? woh yathaartha reeti jaanna hai। woh samajhte hain ham vedon-shaastron ke aadhaar par jaante hain। lekin shaastra ki padhi hui baat ko jaanna thode hi kahenge। jaanne ki to practical baaten hain। ham practical mein apne anubhvon ke aadhaar par sunaate hain। aise nahin, jo hona hoga so dekha jaayega। nahin। ham apne anubhav, vivek, authority ke aadhaar par kehte hain। hamaari kahni aur karni duniya se niraali ho gai hai। duniya jo kehti hai, karti hai - usmein koi em object nahin hai। har ek ke apne-apne khyaalaat hain। isliye koi bhi baat mein sthir nahin hain। apni buddhi to sthir hai। buddhi mein ek hi yathaartha baat hai। hamaari kahni aur karni samaan hai।