Mamma's Murli - gyan-sitar-53
Saving in progress..
You can now read this murli without Internet.
You can read this murli without Internet.
in order to be able to read it without internet.
This view uses everyday Hindi spelling in Latin characters without diacritics, generated automatically from the Hindi text.
How is Hinglish generated?
The site generally uses aa, ee and oo for long vowels (a, i and u at the end of a word), ch and chh, sh and ri. English words recognised by the dictionary keep their English spelling. Rules for dropping some inherent vowels and a list of common words produce familiar spellings such as aatma, shanti, main and hoon.
Informal spelling is not standardised: these conventions produce a consistent version, but some spellings may differ from those you know. The “Transliterated Hindi” view retains the distinctions of adapted ISO 15919.
| Hindi | Hinglish |
|---|---|
| आत्मा | aatma |
| शान्ति | shanti |
| मैं | main |
| हूँ | hoon |
८.९.६३
dharmaraaj ka roop official hai, usmein koi riyaayat nahin
gyaaneshvar baba aur yogeshvar baba ab khud gyaan yog sikhaane aaye hain। apna aur apni saari rachna ka parichay dene aaye hain। kehte hain main hi tumhaara baap, teacher, guru hoon। main tumhaara maat-pita bandhu-sakha hoon। to ek baar tum mere ho jaao। kai kehte hain - sab kuchh to shivbaaba ka hai na। parantu aisa sirf dil mein nahin samajhna hai, act mein bhi laana hai। unke direction par chalna hai। baap khud kehte hain ab jo kuchh tumhaare paas hai so poora potaamel mere aage rakho phir mere direction par har karma karo tab tumhaari jimmevaari hat jaayegi, kyonki main to dharmaraaj bhi hoon। yaad rakhna main wrong karma nahin kara sakta। yeh hai jeete ji marna arthaat marjeeva banna jisse satayug mein amar pad paana । jo kuchh karna hai, mere prati karo। ek baar tumko mere prati marna hai aur mere sang apni jeevan bitaani hai। karmon ka lekha theek rakho, bigde ko sudhaarna hai। phir to jo hisaab-kitaab hai vo saath mein jaayega। ab baap hoon to kuchh riyaayat kar doonga baaki jab dharmaraaj hoon tab to official roop mein hoon। agar gyaan mein aakar kuchh vikarma kiya hoga to १० guna saja doonga। vahaan riyaayat chal nahin sakti। baap kehte hain – abhi to main baap, teacher aur guru ke roop mein upasthit hoon। jo meri god ka bachcha banege, unki jimmevaari bhi main uthaaoonga। ab jeete ji marna hai arthaat deh sahit deh ke sab sambandhon se buddhiyog tod man-vachan-karma se mere se sambandh jodna hai। poora nashtomoha banna hai। baaki yahaan lok-laaj rakhne ka khyaal kiya to khalaas। is srishti ki sab maryaadaayen vikaari hain vahaan to nirvikaarita ka sambandh tha। bhal bachche aadi paida hote the parantu yogbal se। koi kahe ham yahaan hi pavitra pati-patni ban baith jaate hain। nahin, vo taakat yogbal ki to praalabdha mein hai jabki pavitra pravritti hai। nirvikaari maryaada pradhaan hai। baaki yahaan naata jodkar nahin baithna hai। yahaan to ekdam puraana khaata khatma karke hi chalna hai। achha।