Sakar murli for Friday 10 January 1964 - 2

> >

10-01-1964 madhuban aabooraatri murli saakaar baba om shanti madhuban

helo, good evening yeh das January ka raatri class hai।

office ka kaam buddhi me pada hua rehta hai na, to vo nikal jaata hai, jabki pahaadon par ghoomne-phirne jaate hain । office mein rahne se unki buddhi mein office ka kaam rehta hai । to usko kehte hain, buddhi se ye nikal jaave to buddhi refresh ho jaaegi, khayaalaat se free ho jaaegi । usko kaha jaata hai refresh hone ke liye, thakaavat door karne ke liye, aise bhi kahenge । yahaan bhi tum aate ho, aadha kalpa ki thakaavat door karne ke liye, kyonki bhaktimaarga ki bahut hi mehnat ki hui hai na । bachchon ko to nahin jaante hain, gyaan hi nahin jaante hain । bachchon ko sirf bhakti bhakti । bhakti mein jo ye shaastra padhte hain unko bhi bhakti kahenge, vo gyaan to kahenge hi nahin, kyonki gyaan milta hi hai purushottam sangamayug par । ab ye saara bhaarat, saari duniya, saari duniya nahin kahenge, bhaarat ko khaas kahenge, kyonki vo jaasti pattharbuddhi hai na । vo to abhi bhi thoda yahaan hoga na, to bolenge vinaash hota hai, kyonki unki buddhi me bhi yeh hai ki hamaare paas ye jo sabhi saamaan hai so vishwa ko vinaash karne ke liye hai । to duniya vinaash hoti hai tab jab uske pahle phir nai duniya sthaapan hove । saari vishwa sadaiv khatam to nahin hoti hai, duniya to hai hi hai । vo log samajhte hain ki koi duniya ekdam khatam nahin hoti hai, abhi change hoti hai zaroor duniya mein kyonki yeh koi paradise to nahin hai । yeh koi nai duniya to nahin hai । heaven to hai nahin । hell hai maana hi vo log samajhte hain ki puraani duniya hai । new world, old world so to tum bachchon ko yahaan achha samjhaaya gaya hai ki new world kya hoti hai, old world kya hoti hai aur new world old world kaise hoti hai । yeh sabak sirf tum braahamnon ki buddhi mein hai । doosron ko kyon nahin? kyonki tumko vistaar sahit, detail sahit samjhaaya gaya hai । isliye to tum bachchon ko smriti mein ye rakhna hai kalpavriksha new aur old । new ko kaha hi jaata hai satayug । old ko kaha jaata hai kalhayug । abhi yeh baat koi smaran nahin karte hain, kyoki inka poora vistaar kiski buddhi mein nahin hai । tumhaari buddhi mein hai to bhi nambarvaar purushaartha anusaar hai । sabki buddhi me vistaar se nahin hai । agar kisko nambarvaar purushaartha anusaar thoda bahut bhi hai to bhi samjhaane ke liye jo refineness chaahiye, jisse manushya jaldi samajh jaae, vo abhi talak nahin hai । purushaartha karke aise refine ban rahe ho । aise dil kehti hai ki aisi plan se kisko samjhaave jo jhat unki buddhi mein baith jaave- yeh to bilkul theek kehte hain । behad ke baap se nai duniya hi hoti hai aur unka raajya milta hai । puraani duniya ko kahenge- chheeh chheeh raajya, janaavar raajya । to hai bahut samajhne ki baaten । thoda ishaara dena padta hai । to jo bhi puraane achhe honge, unko ishaara milne se hi jhat uthaay lenge- ye to right baat hai, 84 janma bhi theek hai, sat-treta-dvaapar-kaliyug bhi theek hai, nai duniya aur puraani duniya bhi zaroor hai । to koi aise niklenge jo jhatpat uthaay lenge । ye to tum bhi to bahut hi ho । tumko bhi to nishchay hai । pakka nishchay hai vo to chhootte rahenge । kachche shaayad toot bhi pade ya maaya tod daale । ye bhi kehte hain tab jabki samajhte hain ki bahut toot gae hain, tab hi phir kehte hain ki haan, shivbhagvaanuvaach hai । aashcharyavat bhaaganti maranti aise gaaya jaata hai na । to yahaan bhi dekhte hain ki aise hote hain । yoon bhi samjha ja sakta hai ki ladaai ke beech mein maaraamaari to hoti hai dono taraph । to yahaan apan koi maaraamaari nahin uthaate hain, bandook se maarna kisko aadi । yaani ye zaroor hota hai ki manushya srishti mein manushya maaya se mar karke eeshvar ke bante hain । phir eeshvar se mar karke maaya ke bante hain । dekho, yaho bhi abhi bhi jo eeshvar ke bane hain phir maaya ke ban jaate hain, to usko phir kaha jaata hai mar gaya । isko jiya-marna kaha jaata hai । to adopt kiya phir edopshan ko cancel kar diya । koi divorce bhi kehte hain, koi phaarakti bhi kehte hain । phaarakti ko hi divorce kaha jaata hai । to ye bhi samjha jaata hai ki ye hota hai aur vivek bhi kehta hai ki maaya jo itni badi prabal hai, to zaroor bahuton ko toofaan mein le aati hai, chhudaati hai । baba ke god se nikal karke maaya ke god mein chale jaate hain । isse ham samajhte hain ki maaya prabal hai । nahin to eeshvar ki god se kaun chhudaay sake । parantu dekho, hai maaya। jo tempteshan(pralobhan) de karke । bachche bhi yeh samajhte hain ki haar-jeet to hoti hai । naam hi hai haar-jeet ka khel । to abhi jeet ya haare hue ho na sabhi । kisse haare hue ho? kahenge- ye paanch vikaaron roopi raavan se haare hue hain । phir jeetne ke liye tum purushaartha kar rahe ho । phir chaahte ho vishaal buddhi mein behad ki buddhi mein । jeetne to sabhi samay par hain । hamesha nahin jeette rahenge । aakhir me jeet hamaari hai, parantu bahut aave, baap ka bane phir uska jaakar bane । iska bane phir unka jaakar banen । to bachchon ki buddhi mein ye baitha hua hai ki abhi jiske liye kaha jaata hai baap ke bane hain to baap ka banna bhi pakka chaahiye na । ye hai hi maaya aur eeshvar । ye unka hai haar-jeet ka khel । so bhi dekhte ho ki haar kaise hoti hai, kitni maaya temptation । aisi temptation aisi temptation aisi temptation deti hai jo dekha gaya hai ki jo dhyaan vagairah mein bhi jaate hain unka bhi khel khatma ho jaata hai । achhi-achhi bachchiyaan theen na apne paas, jo bhaashan bhi karti theen । sabse achhi chhoti bachchi gini jaati thi (kisi ne kaha-jaanki ki chhoti behen) khari bhi thi । vo abhi bhi bahut khari hai । tumne dekha hai unko?(kisi ne javaab diya abhi nahin dekha hai) । nahin dekha hai abhi? jab se gai hai uske baad nahin dekhi hai? baba ke paas aai thi, aakar rahi thi, jab ham maarvaadi ke paas haambeerod par shanti niketan mein tha; tab aai thi । ye karodapti hai abhi । kam nahin hai । badi khush rehti thi । hamesha dance karti thi, khaati thi, baatcheet karti thi । vo khushi aur ye baaten bhool gai thi । ab America me bhi hai. jaati hai aur America ka doosra bhi ek hai, vahaan bhi jaati hai । vahaan unko sona bahut milta hai । dher । abhi to bachchon vaali ho gai hai na । aage aai thi jab ham shanti niketan mein the । bachchon ko buddhi mein baitha hua hai ki ham 84 janma chakkar laga karke abhi poora kiya hai । phir vo murliyo-vurliyo thode hi koi yaad rehti hain । ek to puraani ho gai, nai suni nahin, refresh hue nahin (…sindh me hi rehte the bhaage nahin the, uske pahle ki baat hai) । vahaan jo aate the sabhi sindhi shaayad koi baahar vaale bhi aate hon dekh karke auron ko । baaki ghar mein to bahut karke sindh ke hi the । aise nahin ki nahin । vo to baba ki yaad hai । vo to phir bhi padhaai hai । yaad aur padhaai mein pharka hai na । yaad maana maa-baap ki yaad । padhaai maana kitaab, jametriya vagairah uske beech mein hoti hai । sahaj to baap ki yaad hai । padhaai achhi tarah se time leti hai, parantu yeh yaad difficult ho padi hai aur gyaan eeji ho gaya hai । kabhi koi aise nahin likhte hain baba ko- baba aap jo sunaate ho vo bhool gae hain। vo to sunaate hain, baaki yaad bhool jaati hai। baapdaada ki yaadapyaar aur good night । roohaani baap ki namaste । to yeh hai jisse ham svarga ke maalik bante hain । to padhte hain, to zaroor koi kam-jaasti marks uthaaenge ।