Sakar murli for Saturday 20 June 1964

> >

20-06-1964 madhuban aabooraatri murli saakaar baba om shanti madhuban

helo, good night yeh tees joon ka raatri class hai

jo aae baap ke paas, maat-pita ke paas vo anubhav sunaaen ki ham kaise kaanton se phool ban rahe hain va kaise shoodra varna se braahman varna, phir braahman varna se devta varna banenge । yeh rasam-rivaaj kalpa pahle bhi aise hi thi । aur koi bhi janma mein aisi baaten nahin hoti hain । satsang kiya, raamaayan sunaaya, bhaagvat sunaaya, geeta sunaai, phalaana sunaai । jab geeta sunaate hain to bade-bade manushya, bade-bade vidvaan, sanyaasi vagairah rehte hain । bombe mein ek chinmayaananda hai, har varsha aate hain aur bahut bade-bade aadmi jaate hain । bachche jaante hain ki in sab vidvaanon ki buddhi mein sab theekriyaan bhari hui hain । kuchh bhi em-object hai nahin to sunne vaale bhi bas, 'vaah-vaah!' karte rehte hain । samajh nahin । yahaan dekho, jo bhi mile unko kaise bataana chaahiye- bhai, yahaan kaanton se phool banaaya jaata hai, patit se paavan banaaya jaata hai aur baap se varsa le rahe hain । to kaise hamko parichay mila; kyonki zaroor bachchon ko parichay baap se milta hai । phir bachche baap ka show karte hain । aise nahin ki bachche hon aur baap na ho, to phir kya parichay denge? kiska denge? (kavita - … pyaara kaun banega? ham bachche । baba ka sandesh sunaane ghar-ghar mein ghus jaaenge । duniya vaale kar na sakenge, ham karke dikhlaaenge… bachchon ko baap ki samjhaani zaroor deni chaahiye । jaise auron ko di jaati hai na, vaise in bachchon ko bhi । dekho, jeevaatma । ismen aatma hai । ye aatma shareer chhod deti hai । isko kaha jaata hai ki shareer mar jaata hai, phir aatma jaakar doosre shareer mein baithti hai । is aatma ka baap hai- paramatma । ab vo paramatma aaya hua hai । vo kehte hain- mujhe yaad karo, main vaikuntha mein le chalunga । bachche, ye bhi un bachchon ko bachchon ne sikhlaaya to bhi ye paar ho jaaen, kyonki is avinaashi gyaan ka vinaash nahin hone ka hai । to inka bhi hak hai । baaki achha, majboot sikhlaate jaana, sikhlaate jaana- shivbaaba ko yaad karo, shivbaaba ko yaad karo, tum aatma ho, tumhaara baap vo hai, tum baap ke ghar se aai ho, ye part bajaati ho । aise-aise meethi meethi baaten bahut seekhni bhi hain । (bhaai ne kaha- baba, vaise bhi yeh dhaarna karti hain, jo baahar ka kuchh nahin khaati-peeti… yeh to wonderful knowledge inko milti hai aur phir yeh baith karke samjhaaen, sunaaen, jaise ye in chitron par bhi samjhaate hain na । kya laae hai? nai koi cheej laae hain? dekhen ham । (bachchi ne kaha- ye aapas mein khaaenge, baithkar picnic karenge ।) ye family । kutumba jisko kaha jaata hai । kul jisko kaha jaata hai । yeh hai oonch te oonch । oonche te ooncha bhagvant । phir law bhi aise kehta hai ki oonche te ooncha bhagvant yaani baap । to zaroor unke bachche bhi itne oonche te oonche hone chaahiye । yeh samajh ki baat hai na । haan, barobar baap hai svarga ka rachta to zaroor baba ke bachche bhi svarga mein bahut oonche honge, oonche te oonche pad vaale honge; kyonki ye hain sab vichaar-manthan karne ki baaten । to zaroor oonche honge । barobar oonche the । dekho, ye chitra hain unke । unki raajdhaani thi । zaroor ye raajdhaani oonche te oonchi aur kalhayug mein phir neech te neech hai । abhi ye kaun aaya, kab aaya, kaise bataaya? koi nahin jaante hain । baba-baba to kehte hain. parantu pata to in bichaaron ko … । sahaj baat hai aur dekho, koi nahin samajhte hain । to aise kaha jaae ki maaya koi bada taala daal deti hai, bilkul buddhi kuchh kaam ki nahin, pattharbuddhi ban gai hai । naam bhi gaaya jaata hai- patthar buddhi ahilya buddhi । phir patthar se paaras buddhi ban rahe hain । to bachchon ko kitni khushi honi chaahiye । bas, inse bada position duniya mein koi ka nahin hai aur tumhaare jaisa bhavishya 21 janma mein saahukaar koi ban hi nahin sakte hain । bhale is samay mein kiske paas kitna bhi dhan ho, parantu tumhaare aage worth not a paini hain । to bachchon mein hamesha khushi rahni chaahiye; parantu yeh hai hi mua-chhua ki bhoti । dehi-abhimaani bano to khushi aur usi samay mein deh-abhimaan bano phir kuchh na kuchh…jaata hai । samjha na । second ki baat hoti hai na । second mein jeevanmukti, second mein jeevanbandh । yaad karenge to nasha chadhega, bhoole to yeh dekho! wonderful bachchon ne jaana hai, aur koi bhi nahin jaan sakte hain । bachche, kisko bhi kahenge na- yeh naatak hai, sabhi actors hain aur zaroor yeh karmakshetra hai । abhi aise nahin kaha ki jaho se aatmaaen aati hain .vo koi karmakshetra hai । nahin, vahaan to sabhi aatmaaen rehti hain । karmakshetra kaha hi tab jaata hai jabki koi part bajaana hota hai । tum bhi sadaiv hanumaan jaise paripakva avastha mein ho jaaenge, hilenge nahin maaya se । drama kehta hai ki aisi avastha honi hai zaroor । haan bachchi, le aao toli ।… .aao, tumko toli khilaaoon । (myoojik baja) maat-pita aur baapdaada ka meethe-meethe kvadarshan chakradhaari braahman kulbhooshan bachchon prati dil va jaan…, jinhonne jo kuchh bhi aisi baat kah di hai, abhi dekho, isko mahaaveer kah diya । bas, bahut kah diya ki ye mahaaveer hai । mahaaveer to hanumaan ko bhi kehte hain । to jaini mat bhi aise, koi jain aaya, unhonne aa karke yeh sab dikhlaaya- maatha ka baal kaatega aur rasam chal gai । abhi drama mein rasam pahle se hi noondhi hui hai, jo aise aate hain । peechhe ye baith karke kada hathayog karenge । sanyaasiyon mein bhi kada hai । un sab hathayogon se- dharti mein ghus jaana, ulta ho karke chalna, phalaana karna, in sabse jainiyon ka jo hai na sanyaasiyon mein baal nikaalna, yeh bilkul ganda hai । ye bolte hain- sahan karna hai na । yaani bhagwan se milne ke liye kuchh sahan karna hai । to dekho, ye sahan karaate hain । abhi tumko koi sahan karne ki thode hi kuchh baat hai । …to jo rasam chalaai, bachche kahenge- yeh bhi drama mein hai aur phir bhi aise hi aate hi rahenge । to past mein bachchon ne jo kuchh bhi suna ya jo kuchh bhi hua- ye musalmaan aae, ye aurangajeb aae, ye phalaane aae, phir se sab honge । ye aurangajeb aaya, amritsar mein goli chalaai, bandaron ke andar kuchh nasla chalaaya, aise-aise karke । maaloom hai tum bachchon ko na । phir se sab hoga- ye kogres ka, ye phalaana । to hoobhu jo kuchh drama mein hota hai, bhale tumhaara saakshaatkaar hai । achha, tum baith karke bhog lagaati ho, to drama mein jo jo bhi hai bhog vagairah, so hi hota rehta hai । saakshi ho karke act mein le aana hota hai aur dekhna bhi hota hai । vo jo drama hota hai, shoot karke phir saakshi hokar apna hi khel dekhte hain । yahaan nahin, yahaan khel bhi khelna hai, saakshi ho karke bhi dekhna hai । yeh hai phir sabse wonderful । achha, aao bachchi ।