Sakar murli for Monday 22 June 1964

> >

22-06-1964 madhuban aabooraatri murli saakaar baba om shanti madhuban

helo, good night yeh baaees joon ka raatri class hai

tum nuns none but one, oonche te ooncha baap hai unko yaad karti ho aur yaad karti ho unhon ke direction se, kyonki manushya direction dete hain na- krishna ko yaad karo, vishnu ko yaad karo, brahma ko yaad karo, aadi dev ko yaad karo । aise kehte hain na । to manushya, manushya ko kehte hain- phalaane ko yaad karo, bhale devtaaon ko yaad karo । yahaan svayan baap sanmukh aa karke phir bachchon ko kehte hain aur aatma se baat karte hain । aatmaaen karmendriyon se sunti hain । to bachche, abhi mujhe yaad karo । bachchon ko ye maaloom hua ki abhi khel khalaas hota hai । sabhi actors maujood hain । dekho, kitne actors maujood hain । vaastav mein sabhi ko kahenge, bhale achhe manushya bhi hote hain. …koi bure bhi hote hain, dekhte ho na । hai bachche yahaan । koi to dekho kitne… hain । khoon karne mein deri nahin karte hain, chori karne mein deri nahin karte hain । maar karke paisa lekar jaate hain । achhe aadmi bhi bahut hain । aise to nahin ki nahin hain । achhe, gareeb, saahukaar । to yahaan achhe bhi hain, bure bhi hain । aise zaroor kahenge । bure manushya bhi hain, achhe manushya bhi hain । vahaan satayug mein kiske mukh se aise kabhi nahin niklega ki achhe bhi hain, bure me hain । nahin, sab achhe hain । vahaan bura akshar, paapaatma akshar niklega nahin । yahin nikalta hai na- yeh bada paapaatma hai, yeh bahut punyaatma hai । vahaan ye akshar bhi nahin aate hain, kyonki vahaan paapaatma koi hota hi nahin hai । … samjhaaya jaata hai ki vahaan sabhi viceless hain । dekho, naam hi hai viceless world । to bachche abhi jaante hain ki ham viceless world ke maalik the । vishwa ko world bhi kaha jaata hai, srishti bhi kaha jaata hai, duniya bhi kaha jaata hai, anek naam hain । bachchon ko abhi yeh bhi jaankaari hui ki yeh bhaarat jo devi-devtaaon ka raajasthaan tha, abhi vo hi puraana bhaarat hua । yeh zaroor kahenge । abhi jaante hain । duniya nahin jaanti hai, duniya ke manushya nahin jaante hain । kalhayug kehte hue bhi, aise nahin kahenge ki puraani hai; kyonki kalhayug hi 40 hajaar varsha baaki hai, aisa kehte hain । bachche jaan gae hain abhi to sangamayug hai aur bachche jaante hain ki abhi hamne is paar se langar uthaaya hua hai । us paar bahut najdeek jaakar pahunche hain । isko phir gyaan kaha jaata hai ki ham is duniya se paar ja rahe hain । abhi khivaiya hai na । to khiyaiya zaroor jo naiya hai unko door le jaate hain । to jaise ye naiya hai aur apne paramdham ke va shantidham ke najdeek hai । to bachchon ko khushi hai । ye bahut thake hue hain । naatak karte-karte bachche thak jaate hain । usmein bhi jo part lete hain, jinki acting hoti hai, thak jaate hain, kahaan naatak poora ho to ghar bhaagen, kyonki un logon ko bhi 4-5 ghanta to naatak mein rehna padta hai na; balki 5-6 ghanta bhi rehte hain । bachchon ki buddhi mein hai ki abhi naatak poora hua hai, ham bahut thak gae hain, bahut dhakka khaae hain । bhagat nahin kahenge ki ham koi dhakka khaate hain । bhagat to dhakka khaane ke liye yaani teerthon par door-door jaate hain aur thak aate hain । tum bachchon ko koi thakaavat ki baat nahin । sirf yaad । abhi aise nahin kahenge ki ham yaad karte thak jaate hain । aise koi bhi nahin kahenge, parantu maaya thoda yaad mein vighna daalti hai, jisko phir toofaan kaha jaata hai aur jor se daalti hai । na chaahte hue bhi… koi bachche koshish bhi karte hain ki nahin, ham to aise; jaise baba ne samjhaaya na- aashik aur maashook । duniya mein koi nahin jaante hain ki barobar koi aatma aashik hoti hai aur paramatma aatma ka maashook hota hai । tum bachche jaante ho ki ham sabhi aatmaaen ab paramatma ke aashik hain । duniya mein koi is aashik aur maashook ko nahin jaante hain । bhale gaate hain; parantu practical mein jisko kahen, koi bhi nahin jaante hain । tum bachchon mein bhi barobar nambarvaar hain । koi to bade achhe aashik hain । maashook ko bahut achha yaad karte hain । phir kaun vighna daalte hain? kam, koi kam, koi kam । koi achhe aashik, maashook hain । bade pyaar se yaad karte hain ।…ek pravrittimaarga ki hai । main kisko yaad karti hoon? baba ko yaad karti hoon । aise nahin kehna hai ki baba se yog rakhti hoon । ghar mein thode hi bachche aise kahenge । kahenge- baba ko yaad karte hain, mama ko yaad karte hain । ek familiarity ka akshar jo apne grihastha ka hota hai pravrittimaarga ka । to yaad rakhna yaad meetha bhi hai । koi bhi kahe ki ham bhool jaate hain । are, aise kaise ho sakta hai! yaani bachcha kabhi kah thode hi sakte hain ki ham baba ko bhool jaate hain । agyaan kaal mein kabhi bhi koi bachcha aise nahin kah sakega ki ham baba ko bhool jaate hain aur mar jaate hain to bhi yaad karte hain; kyonki unka chitra bhi to rehta hai na । to yaad to achhi hai na । to yahaan bhi maat-pita ko ham yaad karte hain । to bachchon ko aise-aise apne se vaacha karni chaahiye ki maat-pita ko, jiske ham ab bachche bane hain, unko yaad karte hain । yeh baat rooh ke liye hui na । is yaad mein hi ati indriy sukh jo gaaya jaata hai- ati indriy sukh poochho to gopeevallabh ke gop aur gopiyon ko । kyon?… abhi gopi-gopvallabh kaun? shivbaaba । krishna ko vallabh to kah na sake na । abhi yahaan samajhte ho barobar ham maat-pita ke sammukh baithe hue hain । jitna yahaan tum bachchon ko yaad rehti hai; kyonki sanmukh ho na, ghar mein baithe ho to kyon nahin yaad padenge । nahin to kiske paas aae ho? to sab zaroor kahenge ki ham maat-pita, baapdaada ke paas aae hain, baithe hain । to aae hain, baithe hain, ghar mein baithe hain na, to kahenge bahut, dil hogi- baba, agar aapke paas ham sadaiv rahenge to hamko achhi bhaasna aati rahegi, hamaara nishchay bhi aur yaad bhi pakki hoti rahegi; parantu aise yahaan thaharne ka drama mein hai nahin । jaana hi padta hai; kyonki apne grihastha vyavhaar ko sambhaalna hai, creation ko sambhaalna hai । jaana hi pade, nahin to itne dher-dher bachche kahaan baithkar paalen? dekho … .hote hain to bhi kitni badi-badi deg banaate the । abhi kitni degiyaan banaai hain । dekho, yahaan madhuban mein kya lag raha hai? shaadmaani । degiyo chadhti rehti hain aur chadhti hi rahengi, vriddhi ko hoti rahengi । ek samay me itne bachche aa karke ikatthe honge, vo shaayad itni badi deg nahin hai । dekho, vahaan musalmaanon ka jo ajmer mein dargaah hota hai na, unmein pata hai kitne bhaada hain? (bachchi ne kaha- 120 banki) baabooji, hai aapke paas itna bada 120 banki? to vivek kehta hai ki yahaan kitni banki deg par phir aakar chadhengi zaroor, aise hi jaise ki baap khud kehte hain- baapdaada donon kehte hain na ham kitne bachche vaale hain । dher ke dher bachche vaale hote hi jaate hain, aate hi jaate hai । to kitne bachche ho jaaenge dekho to? sautele ki sage? baba-mama to zaroor kahenge na । sautele-sage, koi kaaka-chaacha bhaai-bhaai nahin hain । ye sun thoda sautele hain, jo pratigya nahin karte hain, pavitra nahin bante hana aur jo pavitra bante hain vo sage । phir khushi bhi zaroor honi chaahiye । bachche jaan gae ki jiske liye ham kehte the, tum maat-pita, ham baalak tere, tumhari kripa te sukh ghanere- ye akshar bade achhe hain । barobar us maat-pita se ham varsa paay rahe hain । thodi yaad ki mehnat hai । abhi yaad ki mehnat ko koi mehnat thode hi kahenge । bachche baap ko yaad karte hain, ham yaad karte hain, yeh koi mehnat thode hi hai । ye to automatically jaise ho hi jaata hai । to ye bhi aatma paramatma ke god mein aa karke baithti hai । baba aate hain na, poochhte hain kiske god mein aai ho? shivbaaba ke । achha, shivbaaba ki god mein aai ho, to bhala baba ko yaad karte rahenge na । jab bhi koi bachcha nahin hota hai to maat-pita donon bachchon ko adopt karte hain । phir maat-pita ko to zaroor yaad karenge na; kyonki varsa bhi saamne khada hai । dekho, yahaan tumhaare paas kitni aamadni milti hai! baadshaahi milti hai । to bahut pakka yaad karna chaahiye achhi tarah se । badi bhaari praapti hai, bahut praapti hai aur sirf yaad se, so bhi chup karke yaad se । ab yeh to zaroor hai, jo yaad karenge aur auron ko yaad karvaaenge oonche full paaenge । jo karega so paaega । achha… …jahaan baitho tahaan tum yaatra par ho । vo to vahaan jaate hain koi thikaane paidal karmendriyon se, ye jo sthool karmendriyaan hain inse chalna hota hai, inse kaam nahin lena padta hai । aatma ko badi khushi hoti hai । 10 varsha ke peechhe pardes se koi ka baap aave aur bachchon se mile to khush nahin hote hain bachche! to ye jo kalpa ke baad aakar mile hain to khushi honi chaahiye na aur le bhi saugaat aae hain । tumko mutthi mein kharchi dete hain । haan, aise karke mutthi mein tumko kya milti hai? baba kya dete hain? vaikuntha ki baadshaahi । ye geet hai yahaan tum logon ke paas । (bachchon ne kaha- nanhen-munne bachche teri mutthi mein kya hai?) nanhen-munne bachche to yahi hain na । sachchi-sachchi yahi hai । vo bhi gaate hain aur hai tumhaare liye, gaate hain bichaare vo । hain bhi nanhen-munne bachche, dekho, kitne dher ke dher hain । ab tumhaari mutthi mein barobar svarga ki baadshaahi hai । kuchh pichhaadi mein vo bhi aise hi shaayad kehte hain- raaja banenge । … apne bachchon ko, sikeeldhe bachchon ko ye kalpa pahle bhi to khilaaya hoga na । kalpa pahle ye khaae honge aur abhi bhi khilaata hoon । (bachchi ne kaha- aaisakreem sabko mil gai hogi? nahin mili hogi to haath khada kare) kaayde anusaar phir banengi । (bachchi ne kaha- phir doosri, to gopgappa kab banenge?) golgappa । tape vaale bachchon ko kaise khilaaven? yahaan shivbaaba abhi soobeeras pila rahe hain । haath mein katora hai aur tum to kuchh taste le nahin sakenge । agar poochhna hai to taste lene vaale se poochho । achha, ab mama ko bhi khilaate hain । mama thoda mukh to kholna । achha, taste karke dekho- achha hai? meetha hai? (bachchi ne poochha- thandi to nahin lagti hai?) bolte hain- haan, achha hai । (kisi ne kaha-bahut achha aaisakreem!) meethe-meethe sikeeldhe roohaani bachchon prati maat-pita, baapdaada ka yaadapyaar aur good night ।