Sakar murli for Friday 18 September 1964 - 2

> >

18-09-1964 madhuban aabu raatri murli saakaar baba om shanti madhuban

helo, good evening yeh athaarah sitambar ka raatri class hai…

koi bhool karte ho to bataay dena, nahin to baba ne kaha hai bhool multiplication hoti rahegi arthaat vikarma bante rahenge । phir vikarmo ki saja bhi khaani padegi । brahman ho na, braahmanon ke oopar responsibility bahut hoti hai । devtaaon ko to koi responsibility hai nahin, shoodron ko koi responsibility hai nahin । saara bojh hai braahmanon ke oopar; kyonki nimitta bane hue hain manushya ko jhoothe se sachcha banaane ke liye; isliye kaha jaata hai na - sachchi dil par sachcha saahab raaji aur phir jo sachcha hota hai vo pad bhi ooncha paata hai । prajaake oopar government ka madaar rehta hai na । aajkal to dekhte ho ki saara madaar military ke oopar bahut rehta hai । military agar chaahti hai ki jo siviliyansa hain, praja ke bade-bade vajeer, presidenta, vo theek se kaam nahin chalaati hai to military apne haath mein kar leti hai । ho to tum bhi military । tumhaare haath mein abhi kiski vaag hai? bhaarat ki vaag hai । yahaan geeton mein bhi kehte hai na । bhaarat ka abhi saara madaar tum bachchon ke oopar hai । isliye tum bachchon ko bahut hi khabardaar rehna padta hai । phir khabardaari bhi kaun si rakhni hai? baap pharmaan karte hain ki mujhe yaad karo । jitna yaad karenge itna tum achhi hi service karenge aur baap bhi raaji rahenge । service se, yog se, yaad se vikarma bhi vinaash hote rahenge । sir ke oopar vikarma to bahut hain na । vikarma apne liye hai aur pavitra karne ke liye yaad mein rehna hai, pavitra rehna hai aur phir padhaai bhi padhni hai । nashtomoha bhi hona hai । saari duniya ko bhool jaana hai; kyonki jaante ho ki deh sahit tootne vaali sab cheejen toot padengi । to ye ghadi-ghadi yaad karni hai । vo jo kaha jaata hai na ki ghadi-ghadi raam-raam kehte raho । to ye raam-raam nahin kehna hai, yaad karna hai । jaise tik-tik hoti hai na aise tumhaare bhi andar yaad rahni hai । mukh se kuchh nahin kehna hai, baap ko yaad karna hai । jitne bachche yaad karenge itne vikarma bhasma hote rahenge, nahin to phir bhogna unki । duniya se bilkul hi nyaare hain duniya mein; parantu is duniya se tum ek nyaari kaum ho jaise ki; kyonki brahman koi aise nahin hote hain ki jo aave so brahman । sanyaasi aave, musalmaan aave, khoja aave, paarsi aave, vo bhi brahman । ye to hota nahin hai । to tumhaari hain vichitra baaten, isliye manushya poochhte hai ki kya ye paarsi bhi brahmaakumaar hain? ye minister bhi brahmaakumaar hai? brahmaakumaar kahlaane se hi unke oopar kitni nuktaacheeni hoti hai; parantu aage chalkar dher ke dher brahmaakumaar aur kumaariyaan banne vaale hain । tumhaara naam asul om mandali tha । peechhe vivek kehta hai ki ye to theek hai drama anusaar om mandali bhi thi । abhi draamaaanusaar ye brahmaakumaariyaan । agar pahle hi brahmaakumaar-kumaariyaan hoteen to pata nahin kya ho jaata? nuksaan ho jaata । to jo tumhaara naam padna tha phir abhi ye pada - brahmaakumaar aur kumaariyaan । musalmaan bhi kahen ham hain brahmaakumaar, sikkha bhi kahen ham hain brahmaakumaar । jo-jo jis dharma mein convert hue hain vo vaapas aate hain । sanyaasi bhi aa karke kahenge, ham bhi brahmaakumaar aur dher ke dher kahenge aur bhinna-bhinnajaatiyon mein se kahenge । jab talak brahman na banen, brahmaakumaar-kumaariyo na banen baap se varsa nahin le sakenge । to zaroor aaenge na - ye bheeshmapitaamah, dronaachaarya vagairah । ye bhi zaroor braahmanon ka baan laga to brahman ban padenge । aur kya hoga! to brahman bahut banne vaale hain । badi khushi se peechhe chal karke banenge; parantu brahman banna bhi koi maasi ka ghar nahin hai । braahmanon ko badi khabardaari rakhni padti hai; kyonki braahmanon ko hi deh sahit, jo bhi bandhan hai ye sabhi todna hai । phir koi bhi hove; kyonki jo doosre dharma mein convert ho gae hain vo aane vaale bahut hain । bahut dher aaenge । abhi kuchh thoda darte hain aur bachchon mein bhi vo taakat aati jaati hai na । abhi aise nahin kahenge ki koi abhi aadha bhi taakat mushkil aai hui hai । so bhi nambarvaar purushaartha anusaar । sabko aadha nahin kahenge । kinko paai, kinko baarah aana । jaise baap ki gat-mat nyaari vaise tum braahmanon ki bhi gatmat nyaari samajhte hain so tumko bolte hain ki ye pata nahin hain kaun । inki rasma-rivaaj kya hai । kabhi bhi na koi se suni, na dekhi । koi shaastra mein bhi aisi baat nahin suni hai ki brahmaakumaar aur kumaariyaan apan ko svadarshan chakradhaari kahlaaven jo title hai hi vishnu ka aur ye to dekho kahaan vishnu, vo sampoorn hua na aur tum kahaan yahaan patit duniya ke rahne vaale apan ko vishnu kahlaave । nahin to vishnupuri to ham kehte hain । vishnupuri mein chalna hai bachchon ko via shivpuri aur ye jo raavanpuri hai, inko bhoolna hai; kyonki rehte to hai na raavanpuri mein । raavanpuri mein hi ye puraana shareer chhodna hai aur jaana hai । isliye ham aate hai ye puraana shareer chhodne ke liye; parantu jab talak sampoorn na bana hai tab talak shareer na chhoote, phir ye bhi aash hai । jab tak sampoorn na bane hain, baap se poora varsa laayak na bane hain aur samay bhi na aaya hua hai, tab talak shareer na chhoote to achha hai; kyonki ye jo shareer hai is samay mein bahut amoolya hai । tan ko hi kehte hain na - ye amoolya hai । to jab tan amoolya hai to tan mein rahne vaala bhi to amoolya thahra । jeev-aatma amoolya thahri । barobar tum bachche hi gaae hue ho ki is dilvaala mandir mein vaastav ek shivbaaba aur phir doosre tum brahman baithe ho । neeche brahman baithe hain, oopar mein devtaaen hain । tum so devta banne vaale ho । neeche brahman aur chhat mein devtaaen । manushya to samajhte hain ki vaikuntha padhaara maana ki oopar gaya । oopar maana oonche te oonche gae । brahman se phir ja karke satayug ke devta bane । abhi sangam par ho yaani beech mein ho । abhi jo vriddha maataaen hain unki bhi buddhi mein ye zaroor hoga ki abhi ham brahman hain, phir so devta banenge । abhi ham eeshvar ki god mein aa gae hain brahma dalaal dvaara । nahin to god mil nahin sake । eeshvar to niraakaar hai, god kahaan se mile? to eeshvar ki god so brahma dvaara, peechhe hamko milegi daivi god । peechhe to sukh hi sukh hai । peechhe to bachche chalenge sukhdhaam mein via shantidham । manushyon ke liye vo duhkhadhaam hai, hamaare liye kalyaankaari sangamdhaam hai । samjha! ye sangamdhaam hai, ye sivaay tum braahmanon ke aur koi jaante bhi nahin hain । thandi ke kaaran raat ko koi vastu ki darkaar ho, abhi to thandi kam hai, par thodi hai । kuchh nahin laaya hua hai to le karke dena । ye doodh peene vaali hai aur gyaan ratna dene vaali hai । ...gaushaala bhi mashhoor hai aur phir yahaan hi bandarshaala bhi mashhoor hai । raavan ki bandarshaala raam ki bandarshaala so bhi kehte hain aur krishna ki hai gaushaala । aise kahenge । hisaab to inhonne aise rakhe hain - raamchandra ne bandaron ki sena li hai aur krishna ne phir dekho maataaon ki, gaooon ki li hai । shaastron mein ghotaala daal diya hai । abhi to un sabhi ghotaalon se chhooti, padhne se hi chhooti । abhi to vo buddhi mein na aae to achha hai, nahin to phir sanshay uthenge; isliye aap mare peechhe mar gai duniya । to jo padhe hue the vo bhi bhool gae; kyonki ab nae sir jabki baap baith karke samjhaate hain to phir ji karke puraani baaten kyon karni chaahiye! baba kehte hain zaroor, kyonki vo to baith karke vedon-shaastron vagairah ka saar sunaate hain । to jab vo sunaate hain to ham bhi kehte hain ki bhai, baba kehte hain ki phalaane shaastra mein ye likha hua hai; kyonki bahut maataaen shaastra nahin padhi hui hain । to phir kahengi ki baba kehte hain ki phalaane-phalaane shaastra mein ye likha hai । unse poochha jaae ki tumne padha hai? to kahengi hamne nahin padha hai; parantu baba jo kehte hain ki phalaane-phalaane shaastra mein ye sabhi jhoothi baaten hain । mainne kaha na ki ye jhoothi baaten padhte yagya tap daan-punya karte main nahin miloonga । to jhoothe hai na! ab main aa karke phir tumko sach bataata hoon so hi suno । phir vo manushya se suni hui puraani baaten bhool jaao । to hai bhi aise barobar । ham kya nai baaten sunte hain? ham sunte hain, baba kehte hain ki baap ko yaad karo, varse ko yaad karo ya ye chakkar ko yaad karo । beej aur jhaad hai । ye to barobar baat hai । hamko vo sabhi baaten bhoolni hi pade aur jo nai baat baap samjhaate hain vo yaad karni pade ; kyonki ham kehte hain ki vo jhoothi hain to jhoothi cheej ko bhoolna chaahiye । sachchi cheej ko apne mein jama karna chaahiye aur jo jhoothi baaten suni hain vo naay ho gae । abhi unko ham chhod karke, sachchi baaten sun karke jama karte hain । achha, chalo bachchi, baaja bajaao ।.....sair karke aai hai, thaki padi hogi । ja karke save mein aaraam kare । (myujik baja) maat-pita aur baapdaada ka meethe-meethe sikeeldhe bachchon prati yaad-pyaar aur good night ।