Avyakt murli du jeudi 13 mars 1969

>

13-03-69om shanti avyakt baapdaada madhuban

“prem aur shakti ke ganon ki samaanta”

aatma-abhimaani ho yaad ki yaatra mein baithe ho? yaad ki yaatra mein bhi mukhya kis gun mein sthit ho? yaad ki yaatra mein hote hue bhi mukhya kis gun swaroop ho? is samay aap ka mukhya gun kaun sa hai? (sabhi ne apna-apna vichaar sunaaya) is samay to sabhi vishesh prem swaroop ki sthiti mein hain। lekin prem ke saath-saath vartamaan samay ki paristhitiyon ke pramaan jitna hi prem swaroop utna hi shakti swaroop bhi hona chaahiye। deviyon ke chitra dekhe hain - deviyon ke chitra mein mukhya kya visheshta hoti hai? apne chitron ko kab dhyaan se dekha nahin hai? jab deviyon ke chitra banaate hain। kaali ke sivaae baaki jo bhi deviyaan hain unhon ke nayan hamesha geele dikhaate hain। prem mein jaise doobe hue nayan dikhaate hain aur saath-saath jo unka chehra aadi banaate hain to unki soorat se hi shakti ke sanskaar dekhne mein aate hain। lekin naynon mein prem, daya,sheetalta dekhne mein aati hai। maataapan ke prem ke sanskaar in naynon se dikhaai padte hain। unhon ke thaharne ka dhang va savaari astra-shastra dikhaate hain, woh shakti roop pragat karta hai। to aise hi aap shaktiyon mein bhi donon gun samaan hone chaahiye। jitna shakti swaroop utna hi prem swaroop। abhi tak donon nahin hain। kabhi prem ki lahar mein kabhi shakti roop mein sthit rehte ho। donon hi saath aur samaan rahe। yeh hai shaktipan ki antim sampoornata ki nishaani। abhi baapdaada ko apne bachchon ke mastak mein kya dekhne mein aata hai? apne mastak mein dekha hai kya hai? praarabdha dekhte ho va vartamaan saubhaagya ka sitaara chamakta hua dekhte ho va aur kuchh? (harek ne apna-apna vichaar sunaaya) teenon sambandhon se teenon hi baaten dekhne mein aati hain। iseelie aapko trishool saugaat bheji thi। teenon hi sitaare dikhaai de rahe hain। ek to bhavishya ka, doosra vartamaan saubhaagya ka aur teesra jo param- dhaam mein aapki aatma ki sampoorn avastha honi hai, woh aatma ki sampoorn sthiti ka sitaara। teenon hi sitaare dikhaai padte hain। in teenon sitaaron ko dekhte rehna। kabhi -kabhi sitaaron ke beech baadal aa jaate hain। kabhi-kabhi sitaare jagah bhi badli karte hain। kabhi toot bhi padte hain। yahaan bhi aise jagah bhi badli karte hain। kabhi toot bhi padte hain। kabhi dekho to bahut oopar,kabhi dekho to beech mein, kabhi dekho to usse bhi neeche। jagah bhi abhi badli nahin karni chaahiye। agar badli karo to aage bhal badho। neeche nahin utro। avinaashi sampoorn sthiti mein sadaiv chadhte raho। aisa sitaara banna hai। tootne ki to yahaan baat hi nahin। sabhi achhe purushaarthi baithe hue hain। baaki jagah badli ki aadat ko mitaana hai।

kumaariyon ki result kaisi hai? aap apni result kya samajhti ho?vishesh kis baat mein unnati samajhti ho? (harek ne apna sunaaya) yaad ki yaatra mein kami hai। isliye itni mahsoosta nahin hoti। amritvele yaad ka itna anubhav nahin hota hai isliye jaise saakaar mein yahaan baahar khuli hava mein sair bhi karaate the, lakshya bhi dete the,yog ka anubhav bhi karaate the। isi reeti jo kumaariyon ke nimitta teachers hain woh unhon ko aadha ghanta ekaanta mein sair karaave। jaise shuru mein tum alag-alag jaakar baithte the,saagar ke kinaare, koi kahaan, koi kahaan jaakar baithte the। aisi practice karaao। chhaten to yahaan bahut badi-badi hain। phir shaam ke samay bhi 7 se 7h30 tak yeh samay vishesh achha hota hai। jaise amritvele ka satoguni time hota hai vaise yeh shaam ka time bhi satoguni hai। sair par bhi isi time nikalte hain। usi samay sangathan mein yog karaao aur beech-beech mein avyakt roop se bolte raho,koi ka buddhiyog yahaan vahaan hoga to phir attention khaichega। yog ki subject mein bahut kami hai। bhaashan karna,pradarshani mein samjhaana yeh to aajkal ke school ki kumaariyon ko ek saptaah training de do to bahut achha samjha lengi। lekin yeh to jeevan mein ateendriy sukh ka anubhav karna hai na। usi samay aise samjho jaise ki baapdaada ke nimantran par ja rahe hain। jaise baapdaada sair karne aate hain vaise buddhiyog bal se tum sair kar sakti ho। jab yaad ki yaatra ka anubhav karenge to avyakt sthiti ka prabhaav aapke naynon se, chalan se pratyaksha dekhne mein aayega। phir unhon se maala banvaayenge। jaise shuru mein aap khud maala banaati thi na।

is group ko umang utsaah achha hai। baaki ek baat khaas dhyaan mein rakhni hai - ki ek do ke saskaaron ko jaan karke, ek do ke sneh mein ek do se bilkul mil-jul kar rehna hai। jaise koi se vishesh sneh hota hai to unse kitna mix ho jaate hain। aise hi sabhi ko ek do mein mix hona chaahiye। jab kumaariyaan aisa show karke dikhaayengi tab phir aur bhi bunmaariyo service karne ke nimitta banegi। aur jo nimitta banta hai unko uska phal bhi mil jaata hai। aap showcase ho anek kumaariyon ko umang aur utsaah,unnati mein laane ki। jitna hi umang se saakaar - niraakaar donon ne milkar yeh programme banaaya hai utna hi iska ujoora dikhaana hai। kai kumaariyon ki unnati ke nimitta ban sakti ho। apni hamjinsa ko girne se bacha sakti ho। bunmaariyon ke saath baapdaada ka kaaphi sneh hai। kyonki baapdaada parmapvitra hai aur kumaariyaan bhi pavitra hai। to pavitrata,pavitrata ko kheenchati hai। vartamaan samay mukhya visheshta yahi chaahiye, harek mahaarthi ka pharja hai apna gun auron mein bharna। jaise gyaan ka daan dena hota hai vaise gunon ka bhi daan karna chaahiye। jaise gyaan ratnon ka daan karte ho isliye mahaarthi kahlaaye jaate ho, vaise gunon ka daan bhi bahut bada daan hai। gyaan dena to sahaj hai। gunon ka daan dena, ismen jara mehnat hai। gunon ka daan karne mein - sabhi mahaarthiyon se nambarban kaun hai? janak। yeh gun usmein vishesh hai। to ek do se yeh gun uthaana chaahiye।

(aabu museum ki taiyaari ke baare mein baapdaada ne poochha)

dooraadeshi aur vishaal buddhi ban museum taiyaar karna hai। pahle hi bhavishya ko soch samay ko saphal karne ka gun dhaaran karna hai aur time par taiyaar bhi karna hai। jaldi bhi ho aur sampoorn bhi ho to kamaal hai। agar koi bhi kami rahi to us kami ki taraph sabhi ki najar jaayegi। aisi kami na ho। sabhi ke mukh se kamaal hai, aisa nikalna chaahiye। saara daivi parivaar aapka chehra museum ke darpan mein dekhenge।

achha !!!