Avyakt murli du dimanche 6 juillet 1969

>

06-07-69om shanti avyakt baapdaada madhuban

“teachers ke mati avyakat baapdaada ke mahaavaakya”

sabhi kiski yaad mein baithe ho? ek ki yaad thi ya do ki? jo ek ki yaad mein the woh haath uthaayen। aur jo do ki yaad mein the woh bhi haath uthaayen। ab woh do kaun?avyakt-vatan vaasi va vyavatta-vatan vaasi?

aap sab teachers hain na। aapke paas koi jigyaasu aave to unko kaun-sa thikaana denge? sabko teeching kya denge! aap teachers ho na। teachers apne teacher ka show nikaalte hain। jigyaasu ko jis reeti paravrish karenge aur thikaana denge,woh teacher ka show nikalta hai। agar aap jigyaasu ko aane se hi avyakt vatan ka thikaana denge jo raasta kab dekha hi nahin to pahunchega kaise? pahle address kaun-si di jaati hai?aap sangrahaalay mein kya samjhaate ho? jigyaasu ko kya parichay date ho? unko kaun-sa raasta kaun-sa thikaana dete ho? beej kisne boya?beej to beej hi hai। woh beej bhal sad bhi jaae to bhi samay par kuchh na kuchh taaliyo aadi nikalti rehti hain। barsaat padti hai to nikal aata hai। aap beej ko bhool jaayenge to phir raasta kaise bataayenge। beej kaun-sa hai?

teachers ko yuktiyukta bolna chaahiye। chhote bachche to nahin ho na। chhote bachchon ko pahle se sikh- laaya jaata hai। aap to seekhkar itni paravrish lekar yahi imtahaan dene aaye ho। padhenge bhi saath mein, imtahaan bhi denge। donon kaarya iktthe chalegen। baap avyakt vatan vaasi bana to aap sabko bhi avyakt-vatan vaasi banna hai। woh kis srishti par khade hokar avyakt bane?aapko kahaan banna hai? (saakaar srishti mein to srishti hai।) srishti to all-round gol hai। srishti mein saara jhaad samaaya hua hai। parantu srishti ka thikaana sangam hai। sangam ki balihaari hai,jisne aap sabko yahaan pahunchaaya। aap apne thikaane ko bhool jaayenge to phir kya hoga?thikaana dene vaala hi bhool jaayega। thikaana pakka yaad karo। aur baapdaada ki jo padhaai mili hai unko dhaaran karo। dhaaran se dheeryavat, antarmukh honge। dheeryata hogi। usse kaliyugi raavan raajya ko khatma kar denge। to ab padhaai ka samay aur saath-saath imtahaan dene ka bhi samay hai। yeh hui ek baat। doosri baat-jara dhyaan mein rakho itna samay jo baapdaada ki god mein pale aur usmein jo bhi kuchh kartavya kiya। aise bhi hain koi ne lajja ke maare baapdaada se chhipaaya hai। aise nahin baap ko pahchaan kar sab baap ke aage rakha hai। nahin। jo samajhte hain aisi bhi bhool hui hai,jaise koi apni dil se bhool nahin karte hain, parantu albelaai se ho jaati hai। to yeh sabko likhna hai। baapdaada se jinhonne baat ki hai, unhon ko bhi likhna hai। saari janma-patri। yeh ant ka samay hai na 84 ka hisaab-kitaab yahaan hi chooktu hota hai। sachchaai aur saphaai-akshar to kehte hain parantu sachchaai aur saphaai mein bhi antar kya hai,us arth ko nahin samjha hai। ab uski gahraai mein jaakar saara likhna hai।

avyakt vatan se baapdaada bachchon ki service karne aur saaph banaane liye aaye hain। baap seva karte hain। aap sab bachchon ka shuru se lekar ant tak baap sevak hai। seva karne liye sadaiv taiyaar hai। baap ko kitna phakhur rehta hai -hamaare bachche sirmor hain, aankhon ke sitaare hain। jinhon ke liye svarga sthaapan ho raha hai। us svarga ke vaasi banaane ke liye taiyaar kar rahe hain। jo sam- jhate hain ham lakshmi-naaraayan banenge itna lakshya pakadkar phir bhi gaphlat karte rehte hain to is- liye baapdaada phir bhi seva karne aaye hain।

ant mati so gati। samay nahin hai। samay bahut najdeek aane vaala hai। aap sherni shaktiyon ko bhujaayen taiyaar karni hai। tab to dushman se lad sakenge। agar apne mein phaith nahin, baapdaada ka poora parichay nahin to na shakti sena ban sakenge na woh shaktipne ke alankaar aayenge। agar shakti apne mein dhaaran ki to phir aane vaalon ko bhi poora thikaana milega। aur woh sab shakti sena mein daakhil ho jaayenge, to apne ko sachcha jevar banaane,khaamiyon sab nikaal svachchha banna hai। sona kitne kisma ka hota hai! koi 9 carat koi 12… pure to pure hi hai। carat akshar nikal jaana chaahiye। apne ko correct karna hai। ab correction karne ka samay mila hai। yeh baat achhi reeti dhyaan par rakhna।

dharat pariye dharma na chhodiye। kaun-sa dharma, kaun-sa dharat? maaloom hai? ek baar vaayda kar liya,baapdaada ko haath de diya phir dharma ko nahin chhodna hai। pavitrata naari jo hoti hai woh apne dharma mein bahut pakki rehti hai। aap sachchi-sachchi seeta, sachchi lakshmi ho jo mahaalakshmi banne vaali ho। unhon ka lakshya kya hai? apne lakshya se agar utar gaye ho to phir jump maar lakshya par baith jaao।

baapdaada aap bachchon ki seva karne ke liye sevak bankar shiksha de rahe hain। pharmaan nahin karte hain parantu shiksha dete hain। kyonki baap teacher bhi hai, satguru bhi hai। agar bachchon ko pharmaan kare aur na maane to woh bhi achha nahin isliye shiksha dete hain।

aaj phaaundeshan padta hai। chhote bachchon ko to teeka lagaaya jaata hai, unko raasta bataana hota hai, kya karna hai, kaise banna hai। aap sab ko raasta to mil hi gaya hai। aap auron ko raasta bataane nimitta bane ho। agar us raaste mein koi gadbad hai,agar-magar hai to woh nikaalni hai। ab bhi nahin niklegi to aage ke liye jo shaktiyon ko bal mila hai,woh khalaas samjho। aisa baapdaada ko kahaan-kahaan dikhaai de raha hai। tab sangathan mein sabke dilon ko ek dil banaane, poora raasta bataane liye aap ko bulaaya hai। aap sabko khushi hogi। chhote-chhote bachchon ko kahaan function aadi par le jaana hota hai to bahut khushi hoti hai na। vahaan jaayenge,naya kapda pahnenge। aap sabko naya kapda shrringaar aadi kaun-sa karna hai?ek taraph sevak bhi banna hai। sevak arthaat patit aatmaon ka uddhaar karna। us seva ko kaayam rakho। aap sabko aane vaali aatmaon ka kaise uddhaar karna hai? kaise vighnon ko hataana hai? teer mein jauhar bhara hua hoga to ek hi baar mein poora teer lag jaayega। us aatma ka bhi uddhaar ho jaayega। chhoti-chhoti bachchiyon kiska uddhaar karengi। kaun-sa pahaad uthaaya hai? pahaad uthaane kaun nimitta hain?gop-gopikaayen। gopika bhi tab ho sakti jab poora kartavya kare। pahaad bhi tab utha sakte jab itna bal ho। to in sab baaton ki roshni dene liye baap ko aana pada hai।

baaki teeka to ek hi baar baapdaada ne laga diya hai। laal teeka hai ya chandan ka? laal teeka hai soorat ki shobha। chandan hai aatma ki shobha। tumko jevar bhi soorat ki shobha ke liye nahin pahanne hain। vastra bhi duniya ko dikhaane liye nahin pahanne hain। parantu aantarik apne ko aisa shrringaarna hai, jevar aisa pahanna hai jo lokapsanda ho va dil pasanda ho। lok pasanda hai baahar mukh। dil pasanda hai antarmukh। to antarmukh hokar apne ko sajaana hai। lokapsanda bhaashan kiya। khush kiya parantu bhaasha ka jo rahasya,tanta hai woh ek-ek apni karmendriyon mein bas jaae,tab hi shobha ho। kartavya se daivi gunon ka show ho। daivi gunon ka class hota hai -sajne ke liye। aise hi saj-saj kar sangam se paar hona hai। phir apne ghar jaana hai। phir ghar se kahaan jaana hai? sasurghar। kanya sasurghar jaati hai agar padhi likhi aklamand nahin hoti to saasu-sasur kehte hain inmen chalne,uthne, baithne ka akla nahin hai। ab tumko sasurghar chalna hai। to baap kadam-kadam ko nahin dekhte। parantu ek-ek karmendriyon ko dekhenge। kadam akshar mota hai। kadam se padam milta hai। woh apne kalyaan ke liye hai। parantu karmendriyon ko sajaana hai। gahna pahankar chalna hai। ab sajne ke liye kiske paas aaye ho? baapdaada ke ghar so apne ghar aaye। sajaane vaale kaun hai?jab sagaai hoti hai to gahna banaane vaala ek hota hai, pahnaane vaala doosra hota hai। to ab sajkar chalna hai। samjha। samjhu, sayaani teacher to ho hi। 15 din ki result maano ant ki result hai। itna purushaartha kar praveen teacher sabko banna hai। phir jab apna centre jaakar sambhaalenge to aane vaale ko drishti se satayugi srishti dikha sakenge। woh tab hoga jab gahne achhi reeti pahnege। agar laaparvaahi se koi gahna gir gaya to nuk- saan bhi hoga aur sajaavat ki shobha bhi chali jaayegi। isliye na shobha ko hataana hai,na gahnon ko utaarna hai। badi baat nahin hai। chhoti samjhenge to sahaj samajh aayegi। agar kahenge bahut bada ooncha gyaan hai, to koi nahin aayega। kahenge 7 din mein jeevan mukti ki praapti hoti hai to lottery lene sab aayenge। lottery sab daal dete hain, phir lottery mein kisko kuchh mil jaata hai to naseeb maante hain। chance hai dekhe naseeb kiska lagta hai। kisko badi lottery milti hai, kisko chhoti। paper last mein hoga। 3 number niklenge। jitna jo purushaartha karenge utna number milega। naseeb ko banaana khud ke haath mein hai। to ab lottery ki intajaar mein nahin rehna, intajaam karte rehna। to kaise yog se em poora hoga। parantu nirsankalpa jo hota hai unko hi sachcha yogi kaha jaata hain। unmein jo lakshya hai woh dhaaran karna hai। achha - bahut kuchh khajaana mila। ab usko apne paas jama karo। aur gau misal ugaarna hai। aap sab gaayen bhi ho। gopiyaan bhi ho। pahaad ko kaise uthaana hai। gau ban kaise ugaarna hai, yeh kartavya is bhatti mein karna hai। bahu roop dhaaran kar bahu kartavya bajaana hai। bhatti ke andar sab anubhav karna hai। jitna purushaartha karenge utni result niklegi। sampoorn avastha ko praapta karne ka lakshya kya hai? saadhan kya hai? usko jaanna hai। saadhan mil jaayenge to lakshya ko pakad lenge।

ratnon ki bhi parakh chaahiye na। poori value rakhni hai। jevar ki value javaahri hi parakh sakega। jinko parakh nahin unke paas value nahin rahegi। aap sabki parakh tab hogi jab jevar par polish ho, chamak ho,tab value bhi hogi aur pahchaanne vaale pahchaan lenge। chamatkaar nahin hoga to khareed kaun karenge?samjhenge pata nahin sachcha hai va jhootha jevar hai। paisa bhi deven,jevar bhi kaam ka na ho isse kya phaayda। to aap sabki poori sajaavat ho jaayegi, to khareeddaar bhi niklenge aur aap vatanvaasi bante jaayenge।