Avyakt murli du mercredi 27 août 1969

> 27-08-69om shanti avyakt baapdaada madhuban

“madad lene ka saadhan hai himmat”

(santari daadi ke tan dvaara)

aaj chhote bageeche mein sair karne aaye hain । ruhaani bachchon se sanmukh milne aaye hain । baap samajhte hain hamaare yeh ye ratna hain । naynon ka noor bachche hamesha roohen gulaab sadrishya khushbu dete rehte hain । itni bachchon mein himmat hai,jitna baap ka faith hai? aaj bachchon ne bulaaya nahin hai । bina bulaaye baap aaye hain । yeh anaadi bana banaaya kaayda hai । kaam par sajaane ke liye baap ko bina poochhe hi aana padta hai । aaj bachchon se prashra poochhte hain,aaj bageeche mein jo baithe hain apne ko aisa phool samajhte hain jo ki guldaste mein shobha dene laayak ho?raakhi harek ko baandhi hui hai?raakhi bandhan ka rahasya kya hai?

to aaj baap-bachchon se milne aaye hain । bahut badi jimmevaari uthaai hai । chhoti-chhoti javaabdaari jo uthaate hain,to bhi kitna thak jaate hain । saari srishti ka bojha kin par hai? bojha sir par chadhaana bhi hai to utaarna bhi hai । parantu thakna nahin hai । bachchon ko thakaavat kyon feel hoti hai? kyonki apne ko roohe gulaab rooh nahin samajhte hain । rooh samjhen to deh se nyaara aur pyaara rahen । jaise baap hai, vaise hi bachche hain । jitni himmat hai to utni hi madad bhi baap de hi rahe hain । himmat se madad milti hai aur madad se hi pahaad uthta hai । kaliyugi mitti ke pahaad ko uthaakar satayugi sona banaana hai । kaise banaana hai? yahi gunjaaish prashra mein bhi bhari hui hai । to aaj thode samay ke liye mulaakaat karne baap ko aana pada । baap ko ichchha hoti hai? woh to ichchha se nyaara ichchha rahit hai । phir bhi ichchha kyon?aap sabhi ichchha rahit bane to baap ko ichchha hui । aap bachche jaante nahin ho ki baap kisi ko kaise sambhaalte the?aur sambhaal bhi rahe hain । itni javaabdaari kaise ramjra se sambhaal kar baap ki bhi ichchha poori ki to ab bachchon ki kabhi kar rahe hain । isko hi raajhu-ramzabaaj kaha jaata hai । baap ko to har ek bachche ki ichchha rakhni padti hai । rakhkar phir bhi kahin par apni chalaani hoti hai । bachche ki kyon rakhta hai?bachche sabhi naynon ke noor hain । isliye hi pahle bachche phir baap । sirmaur ko kabhi sir par bhi bithaana padta hai । bachchon ko khushi dilaani hoti hai । purushaartha karte-karte thande pad jaate ho to phir purushaartha ko aage badhaane ki koshish karo । tab prashn poochh rahe hain ki kangan poora bandha hua hai?dharat pade, par dharma na chhodiye । aaj ke din to virodhi bhi dushman se dosta ban jaate hain ।

bachchon ko sadaiv kadam aage badhaana hai । taaj takhta jo milne vaala hai,najar us par ho । sirf kahne tak hi nahin ki ham to yeh banenge parantu abhi to karne tak dhaarna rakhni hai । lakshmi naaraayan kaise chalte hain, kaise kadam uthaate hain, kaise nayan neeche oopar karte hain,vaisi chalan ho tab lakshmi naaraayan banenge । abhi nayan oopar karoge to deh abhimaan aa jaayega ki mere jaisa to koi nahin hai । mera tera aa jaayega । bhakti maarga mein bhi kehte hain namrata manushyon ke nayan neeche kar deti hai । har ek ko apne ko sajaana hai । sadaiv khushbu dete raho । lakshya jo mila hai vaisa hi lakshmi naaraayan banna hai । right raaste par chalna hai । kadam aage-aage badhaana hai । baba ke paas aaj sandeshi bhog le aai to baba ne kaha ki bachche to yahaan par baithe hi prince ban gaye hain । baba ki beggary toli bhool gayi hai । vaibhav to vahaan milne hain । sangam par beggary toli yaad padti hai । vo hi baap ko pyaari lagti hai । sudaama ke chaavlon ki value hai na । is toli mein pyaar bhara hua hai । banaane vaale ne pyaar bhara hai to baap aur hi pyaar bharkar bachchon ko khilaate hain । (sindhi haluva khilaaya) deedi service poori karke aai hai । sab theek the, kaayde sir chal raha hai sab? darne ki koi baat nahin hai । samay ki balihaari hai । bachchon ko purushaartha to har baat ka karna hai । samay ko dekhkar avinaashi gyaan yagya ko jo kunda kaha jaata hai usko bharna hai । svaaha kar dena hai । yeh to hamesha kaayam hi rehna hai । woh yeh to 10-12 din kiya phir jaise ka vaisa ho jaata hai । yeh to avinaashi yeh hai । shivbaaba ka bhandaara bharpoor kaal kantak door । door tab honge jabki nai duniya mein jaayenge । sab theek hi chalta rahega । sirf bachchon ki buddhi chusta, dooraandeshi honi chaahiye । dooraandeshi karne ke liye taaj takhta to de hi diya hai ।

achha !!!