Avyakt murli du vendredi 28 novembre 1969

> 28-11-69 om shanti avyakt baapdaada madhuban

“laukik ko alaukik mein parivartan karne ki yuktiyaan”

aaj bhatthi ka kaun-sa din hai?aaj hai sampoorn samarpan hone ka din । baapdaada ko aisa samajhkar bulaaya hai । sampoorn samarpan hone ke liye sabhi taiyaar ho va sampoorn ho chuke ho? jo sampoorn ho chuke hain aaj unheen ka samaaroh hai । yeh sabhi ke sabhi sampoorn samarpan hue hain । sampoorn samarpan jo ho jaata hai uski drishti kya hoti hai? (shuddh drishti,shuddh vritti ho jaati hai) lekin kis yukti se woh vritti-drishti shuddh ho jaati hai? ek hi shabd mein yeh kahenge ki drishti aur vritti mein roohaaniyat aa jaati hai । arthaat drishti vritti ruhaani ho jaati hain । jisma ko nahin dekhte hain to shuddh, pavitra drishti ho jaati hai । jad cheez ko aankhon se dekhenge hi nahin to us taraph vritti bhi nahin jaayegi । drishti nahin jaayegi to vritti bhi nahin jaayegi । drishti dekhti hai tab vritti bhi jaati hai । roohaani drishti arthaat apne ko aur doosron ko bhi rooh dekhna chaahiye । jisma taraph dekhte hue bhi nahin dekhna hai, aisi practice honi chaahiye । jaise koi bahut goodh vichaar mein rehte hai, kuchh bhi karte hai,chalte, khaate-peete hai lekin unko maaloom nahin padta hai ki kahaan tak aa pahuncha hoon,kya khaaya hai । isi reeti se jisma ko dekhte hue bhi nahin dekhenge aur apne us rooh ko dekhne mein hi busy honge to phir aisi avastha ho jaayegi jo koi bhi aapse poochhenge yeh kaisi thi to aapko maaloom nahin padega । aisi avastha hogi । lekin woh tab hogi jab jismaani cheez ko dekhte hue us jismaani laukik cheez ko alaukik roop mein parivartan karenge । apne mein parivartan karne ke liye jo laukik cheezen dekhte ho ya laukik sambandhiyon ko dekhte ho un sabhi ko parivartan karna padega । laukik mein alaukikta ki smriti rakhenge । bhal laukik sambandhiyon ko dekhte ho lekin yeh samjho ki ab hamaari yeh bhi brahma baap ke bachche pichhli biraadri hai । brahma vansh to hai na । kyonki brahma di creator hai,to bhakta, gyaani va agyaani hain lekin biraadri to woh bhi hain na । to laukik sambandhi bhi brahmaavanshi hain lekin woh najdeek sambandh ke hain,woh door ke hain । isi reeti koi bhi laukik cheez dekhte ho, daphtar mein kaam karte ho,business karte ho, khaana khaate ho, dekhte ho,bolte ho lekin ek-ek laukik baat mein alaukikta ho । isi shareer ke kaarya ke liye chal rahe ho to saath-saath samjho in shaareerik paanv dvaara laukik kaarya taraph ja raha hoon lekin buddhi dvaara apne alaukik desh, kalyaan ke kaarya ke liye ja raha hoon । paanv yahaan chal rahe hain lekin buddhi yaad ki yaatra mein । shareer ko bhojan de rahe hain lekin aatma ko phir yaad ka bhojan dete jaao । yeh yaad bhi aatma ka bhojan hai । jis samay shareer ko bhojan dete ho aise hi shareer ke saath mein aatma ko bhi shakti ka, yaad ka bal dena hai ।

apne ko parivartan mein laane ke liye kya karna padega?harek cheez ko laukik se alaukikta mein parivartan karna hai । jisse logon ko maaloom ho ki yeh koi vishesh alaukik aatma hai । laukik mein rehte hue bhi ham, logon se nyaare hain । apne ko aatmik roop mein nyaara samajhna hai । kartavya se nyaara hona to sahaj hai, usse duniya ko pyaare nahin lagenge, duniya ko pyaare tab lagenge jab shareer se nyaari aatma roop mein kaarya karenge । to sirf duniya ki baaton se hi nyaara nahin banna hai, pahle to apne shareer se nyaara banna hai । jab shareer se nyaare honge tab pyaare honge । apne man ke priy, prabhu priy aur lok priy bhi banenge । abhi logon ko kyon nahin priy lagte hain?kyonki apne shareer se nyaare nahin hue ho । sirf deh ke sambandhiyon se nyaare hone ki koshish karte ho to woh ulhane dete । khud ko kya change kiya hai?pahle deh ke bhaan se nyaare nahin hue ho tab tak ulhana milta hai । pahle deh se nyaare honge to ulhane nahin milenge । aur hi lokapriy ban jaayenge । kai apne ko dekh baahar ki baat ko dekh lete hain aur baaton ko pahle change kar lete hain,apne ko peechhe change karte hain । isliye prabhaav nahin padta hai । prabhaav daalne ke liye pahle apne ko parivartan mein laao । apni drishti, vritti,smriti ko, sampatti ko, samay ko parivartan mein laao tab duniya ko priy lagenge । kyonki jab sampoorn ho gaye to uske baad phir kya karna hai? bolna-chalna kaise ho woh bata rahe hain । jaise apki yaadgaar shaakhon mein bataate hain - sampoorn samarpan kisne aur kisko karaaya aur kitne mein karaaya?yaadgaar ki yaad aati hai? (raaja janak ka misaal) unko to bachchon ne karaaya । lekin baap ne karaaya aisa bhi yaadgaar hai । batlaate hain na ki vaaman arthaat chhota । sabhi se chhota roop kiska hai? aatma aur paramatma ka, to baap ne aakar maaya bali,jo balvaan hai usse teen pair mein sabhi kuchh liya arthaat sampoorn samarpan banaaya । aap logon ko bhi sampoorn samarpan karna hai arthaat jo bhi maaya ka bal hai woh sabhi kuchh tyaagna hai । maaya ka bali nahin banna hai lekin eethreey shakti mein balvaan banna hai । to jaise woh teen pair dikhaate hain । yeh kaun si teen baaten sunaai jaati hain jisse sampoorn samarpan aa jaata hai । mansa, vaacha aur karmana ke liye shiksha kaunsi hai? agar woh teen baaten yaad rakhenge to sampoorn samarpan ho hi jaayenge । woh teen baaten kaunsi?ek to deh sahit sabhi sambandhon ka tyaag । maamekmu yaad karo । yeh to ho gaya mansa । vaacha ke liye kya shiksha milti hai? har samay jaise moti chugte hai, is reeti mukh se ratna hi nikle । ek do ko patthar nahin lekin gyaan ratnon ka daan dena hai । aur karmana ke liye yahi yaad rakho ki jo karma main karoonga mujhe dekh sabhi karenge । doosri baat ki jo karenge so paayenge । yeh donon baaten yaad rahne se karmana mein bal milta hai arthaat jo sabhi ke samparka mein aate hai usmein bal milta hai । samjha?mansa, vaacha,karmana ke liye in mukhya baaton ko yaad rakhe to phir sampoorn samarpan jo hue ho usko avinaashi bana sakenge । aise nahin ki yahaan sampoorn samarpan ka nasha chadha hai woh baad mein kam ho jaaye । agar yeh pakka yaad rakhenge ki ham to sampoorn samarpan ho hi gaye to yeh avinaashi yaad aapko avinaashi banaakar rakhegi । agar aap kuchh dagmag hue to phir samasya dagmag karegi । aapke dagmag hone ko aur samasyaaon ko dekhte hue log bhi uska tamaasha dekhenge । baapdaada to dekhte rehte hain ।

saath kiske rahenge?saathi anguli chhod de to kya karenge?sabhi apna saath nibhaaye । baapdaada to kis na kis rup se saath nibhaane arthaat anguli pakadne ki koshish karte rehte hain । itne tak jo bilkul saans nikalne tak,saans nikalne vaala bhi hota hai to bhi jaan bharte hain । lekin koi okseejan lagaane hi na de,nali ko hi nikaal de to kya karenge?agar baapdaada ka sahayog chaahiye to vaastav mein sahayog koi maangane ki cheez nahin hai । sahayog,snehi ko svatah hi praapta hota hai । aap baapdaada ka snehi bano to sahayog svatah hi praapta hoga । maangane ki aavashyakta nahin । aadha kalpa maangate rahe,bhakta roop mein । abhi bachcha bankar bhi maangate rahe to baaki pharka kya raha bhakta aur bachchon mein?lekin kaaran kya hai ki agyaani hokar sahayog maangate ho adhikaari samjho to phir maangane ki aavashyakta nahin । beeti so beeti । jo beet chuka uska chintan na karke,beeti hui baaton se shiksha lekar aage ke liye saavdhaan । agar beeti hui baaton ko sochte rahenge to yeh bhi ek samasya ho jaayegi । samasyaayen to bahut aati hai,yeh bhi ek nai samasya khadi kar denge । beeti ko parivartan mein laane, bal bharne ke liye us roop se socho । agar yeh sochenge ki yeh kyon,kaise hua, ab kaise hoga, jump de sakoonga ya nahin । question nahin karo । question mark ke badli fullstop,bindi lagaao । bindi lagaana sahaj hota hai । question - mark to koi likh sake va nahin । lekin yahaan question lagaana sabhi ko aata hai । bindi lagaate jaao to bindi roop mein sthit ho sakenge । museum ya pradarshani mein aap log samjhaane ke baad phir kya karte ho? museum va pradarshani ke pashchaat kya karna hai woh parcha sabhi ko dete ho । to baapdaada bhi aaj poochhte hai ki aap bhatthi ke pashchaat kya karenge? yagya ke kaarya ko kaise aage badhaayenge? apni unnati ka saadhan kya karenge? daivi gun dhaaran karna,snehi banna - yeh to karna hi hai lekin practical roop se kya denge? jaise aap logon ne sunaaya bhi ki apne, baap-daada ke, parivaar ke snehi-sahayogi banenge । lekin woh bhi kin- kin baaton mein banna hai । mansa- vaacha-karmana ke saath-saath tan-man-dhan teenon roop se apne ko change karna hai । madadgaar aur vaphaadaar । jab donon baaten hogi tab baapdaada aur parivaar ke snehi aur sahayogi ban sakenge । jo sahayogi honge unki parakh kya hogi? woh parivaar aur baapdaada ke vichaaron aur jo karma hote hain unmein ek do ke sameep honge । ek do ke mat ke sameep aate jaayenge to phir matbhed khatma ho jaayega । ek to madadgaar aur vaphaadaar uska tareeka bhi bataaya,doosri baat yeh hai ki jo bhi sampoorn samarpan hote hain unko apna tan-man-dhan aur samay yeh chaaron cheezen kahaan lagaani chaahiye? yeh to zaroor hai ki pravritti maarga taraph bhi dhyaan dena hai lekin yeh jo chaaron cheezen dete ho uske liye aap ke man mein jajmennta theek hai ki ham yathaartha reeti prayog kar rahe hain? sampoorn samarpan aatma ko jo sachmuch tan, man,dhan aur samay dena chaahiye is pramaan de rahe hain?yeh potaamel bhi nikaalo ki tan,man, dhan aur samay ka prayog kahaan karte hain? jaise apne ghar ka potaamel rakhte ho vaise jo sampoorn samarpan huye hain unhon ko yeh bhi potaamel nikaalna chaahiye । tan bhi kahaan aur kaise lagaaya?yeh short mein likhna hai lekin spashta । kyonki detail bhi hota hai parantu spashta nahin hota । isliye short bhi ho aur spashta bhi ho । jitna-jitna short aur spashta likh sakenge utna aantarik sthiti bhi spashta aur clear hogi । sankalp ko short karenge to samaachaar bhi short hoga aur purushaartha ki line clear hogi । to samaachaar bhi spashta hoga । ismen saara potaamel aa jaayega । teesri baat yeh yaad rakhne ki hai ki mansa,vaacha, karmana jo kuchh bhi ab tak purushaartha ki kami ke kaaran chalta raha,usko buddhi se bilkul hi bhool jaao । jaisa ki ab naya janma liya hai । purushaartha mein jo baaten kamjori ki hai woh sabhi yahaan hi chhodkar jaani hai । phir patron mein yeh nahin aana chaahiye ki pichhle sanskaaron ke kaaran yeh ho gaya । jabki sampoorn samarpan ho gaye to aise hi sochna ki daan di hui cheez hai,jisko agar phir sveekaar karenge to uska parinaam kya hoga । yeh smriti rakhne se chaaron baaten change ho jaayengi । mukh se kabhi aise bol nahin nikalni chaahiye । samasyaayen saamne kyon aati hain kyonki gyaan ki kai baaten ulte roop mein andar mein dhaaran kar li haan । koi bhool hogi to kahenge ki sampoorn to bane nahin hai । abhi to samay pada hai । purushaarthi hain । purushaarthi ko bhoolen karne ki chhutti nahin hai । lekin aajkal aise samajh baithe hain ki purushaarthi arthaat bhoolen maaph hain । ye aisa karta hai to hamko karna padta hai । yeh gyaani ke badle agyaani ho gaya । yaad kya rakhna hai, jo karega so paayega । main jo karoonga mujhe dekh aur karenge । unko dekh mujhe nahin karna hai । main aisa karoon, jo mujhe dekh aur bhi aisa kare । to yeh chhoti-chhoti baaten ulte roop mein dhaaran kar li hain । gyaan ka sahi advantage jo lena chaahiye uske badle ulte roop se prayog karne se purushaartha mein kamjori aati hai । ye purushaarthaheen ki baaten hain lekin samajhte hai ki yahi purushaarthi jeevan hai । isliye yeh to gyaan ki points apne purushaartha ki kami ko chhipaane ke saadhan banaakar rakhe hain । in saadhnon ko mitaao । to sabhi samasyaayen aapehi khatma ho jaayengi । chaar shaktiyon ko dhaaran karna hai । hai to ek hi eeshvareey shakti । lekin spashta karne ke liye kaha jaata hai । 1 - sametne ki shakti arthaat short karne ki shakti,2- samaane ki shakti, 3- sahan karne ki shakti, 4- saamna karne ki shakti, lekin kiska saamna karna hai?baapdaada va daivi parivaar ka nahin । maaya ki shakti ka saamna karne ki shakti ।

yeh chaaron shaktiyaan dhaaran karenge to sampoorn samarpan ko avinaashi kaayam rakh sakenge । jaise kehte hain na ki ek to short (chhota) karo aur short (chhaantana) karo । yeh karna hai,yeh sochna hai, yeh nahin,yeh banna hai yeh nahin । short karte jaao aur jitna ho sake short karo । jo das shabd bolne hain,unko short kar 2 shabdon mein rahasya bataao to aise short karte-karte bilkul short ho jaayega । aisa purushaartha is bhatthi ke pakshaat karna hai । ek baat yeh bhi yaad rakhna ki jaise baapdaada ne aap sabhi bachchon ko srishti ke saamne pratyaksha kiya hai to ab aap bachchon ka bhi kaam hai ki har kartavya se,har baat se baapdaada ko anek aatmaon ke aage pratyaksha karna hai । woh hai aapka kartavya । yeh bhi apna chart dekho ki ab tak hamne baap ka sandesh to diya lekin us sandesh se aatmaon ke andar baapdaada ke sneh aur sambandh ko pratyaksha kiya? nahin । to woh service kya rahi?adhoori service nahin karni hai । abhi sampoorn samarpan hue ho to service bhi sampoorn karni hai । isliye harek ko yeh bhi check karna hai ki aaj mainne mansa, vaacha, karmana kitni aatmaon ke andar baapdaada ke sneh aur sambandh ko kahaan tak pratyaksha kiya hai?sirf sandesh dena service nahin । sandesh dena arthaat unko apne sambandhi banaana । apna sambandhi banaana arthaat shivvanshi brahmaakumaar-kumaari banaana । yeh hai apna sambandhi banaana । apna sambandhi tab banaayenge jab unko snehi banaayenge । snehi banne se sambandhi ban jaayenge । sirf sandesh dena to cheenti maarga ki service hai, yeh vihang maarga ki service hai । duniya ke andar yeh aavaaj phailaao ki baapdaada apne kartavya ko kaise gupta vesh mein kar rahe hain । unko is sneh, sambandh mein laao । hai to sabhi aapke sambandhi na । to sambandhiyon ko apna sambandh yaad dilaao । bichhudi aatmaon ko snehi banaao । abhi service ka gupta roop chal raha hai, pratyaksha roop nahin chal raha hai । museum mein aate hain baahar ka pratyaksha roop aur cheez hai । lekin service ka roop abhi gupta hai । service ka roop jab pratyaksha hoga tab pratyakshata hogi । service kaise vriddhi ko paaye uske liye naye-naye plans bhi banaao । aavaaj kaise ho । bedhdak hokar soochna dene, sandesh dene ke liye jaao । pradarshani bhi karte jaao lekin baad mein unko jo kehte ho woh tum bhi karo । aapas mein milkar socho । duniya ko yeh kaise maaloom ho ki abhi samay kya hai aur kartavya kya ho raha hai?kisi bhi reeti aavaaj pahunch jaaye । paper dvaara service honi chaahiye, woh hui nahin hai । ek sangathan ke roop mein, ek do ko samajh,sahayogi ban behad ki service mein behad ka roop laana hai ।

is group mein emerge roop mein sabhi ko yeh umang hai ki jaise baapdaada chaahte hai vaise hi ham 100 kar ke dikhaayenge । jaise yeh emerge roop mein hai,poora ho jaayega । sabhi ke man mein jo hai ki totli laukik kaarya se sabhi surrender ho jaayen woh din bhi najdeek hai । lekin woh tab hoga jab man se surrender honge । phir laukik kaarya se surrender hone mein deri nahin lagegi । is baari man se surrender ho jaao । jiski result achhi dekhenge us anusaar number denge । bhatthi ka proyaam bhal ho na ho lekin madhuban to hai hi bhatthi । madhuban aate rahenge aur apna amar banne ka saboot dete rahenge । sabhi se bada surrender hona hai - sankalpon mein । koi vyartha sankalp na aaye । in sankalpon ke kaaran hi samay aur shakti vesta hoti hai । to sankalp se bhi sampoorn samarpan hona hai । man ke umangon ko ab practical mein laana hai ।

achha - om shanti !!!