Avyakt murli du lundi 2 février 1970

>

02-02-70om shanti avyakt baapdaada madhuban

“aatmik power ki parakh”

aaj baapdaada harek ka projector show dekh rahe hain। aap log bhi projector rakhte ho? projector kaun sa hai, jis dvaara chitra dekhte ho? harek ke nayan projector hai। is projector dvaara kaunsa chitra duniya ko dikhla sakte ho? woh hai science ki shakti ka projector aur yeh hai eeshvareey shakti ka projector। jitna-jitna projector powerful hota hai utna hi drishya clear dekhne mein aata hai। vaise hi tum sabhi bachchon ke yeh divya netra jitna-jitna clear arthaat ruhaaniyat se sampoorn honge utna hi tum bachchon ke naynon dvaara kai chitra dekh sakte hain। aur aise hi spashta dikhlaai denge jaise projector dvaara spashta dikhaai dete hain। to in naynon dvaara baapdaada aur poori rachna ke sthool,sookshm,mool teenon lokon ke chitra dikhaai de sakte hain। koi bhi aapke saamne aaye to sarva saakshaatkaar tumhaare naynon dvaara kar sakte hain। jitni-jitni light tez hogi utna chitra clear। bulb powerful kitna hai, woh phir baapdaada kaise dekhte hain, maaloom hai?apna bulb dekha hai ki kitne power ka hai? harek ne apne bulb ki power dekhi hai?jo samajhte hain ham apni light ki parsentej ko jaante hain ki hamaara bulb kis prakaar ka hai। woh haath uthaaen। hamaari aatma kitni powerful hai iski parakh kis aadhaar par kar sakte ho?(chart se)woh bhi total baat ho gayi, kaun si baat se apni parakh kar sakte ho?light mein visheshta kya hoti hai?unmein vishesh gun yeh hota hai jo cheez jaisi hai vaise hi spashta dekhne mein aati hai। andhiyaaren mein jo jaisi vastu hai vaise dekhne mein nahin aati hai। to light ka vishesh gun hai aspashta ko spashta karna। is reeti se apni light ki parsentej parakhne ka tareeka yahi hai। ek to apne purushaartha ka maarga spashta hoga arthaat line clear dekhne mein aaegi। doosri baat apna bhavishya status bhi dekhne mein aaega। teesri baat unhon ki service karte ho to jitni khud ki raushni powerful hogi, unhon ko bhi itna hi sahaj aur spashta maarga dikha sakenge। woh bhi sahaj hi apne purushaartha mein chal padega। apni majinl sahaj dekhne mein aaegi।

jitna light ki parsentej jyaada hogi। utna hi sabhi baaton mein spashta dekhne mein aaega। agar light ki parsentej kam hai to khud bhi purushaartha mein spashta nahin hoga aur jisko maarga bataate hain woh bhi sahaj aur spashta apne maarga aur manzil ko jaan nahin sakenge। jiski light powerful hogi woh na khud ulajhte na doosre ko uljhaate hain। to apne purushaartha apni service se dekh sakte ho ki jinhon ki service karte ho unhon ka maarga spashta hota hai। agar maarga spashta nahin hota hai to apni light ki parsentej ki kami hai। kai khud kabhi kadam-kadam par thokar khaate hain aur unki rachna bhi aisi hoti hai। abhi aap ek-ek master rachayita ho to master rachayita apni rachna se bhi apni power ko parakh sakte hain। jaisa beej hota hai vaisa hi phal nikalta hai। agar beej powerful nahin hota hai to kahaan-kahaan phool niklenge, phal niklenge lekin sveekaar karne yogya nahin hote hain। jo bahut sundar va khushbudaar honge,jo phal achha hoga unko hi khareed karenge na। agar beej hi powerful nahin hota hai to rachna bhi jo paida hoti hai woh sveekaar karne yogya nahin hoti। isliye apni light ki parsentej ko badhaao। din prati din sabhi ke mastak aur nayan aise hi service karen jaise aap ka projector show service karta hai। koi bhi saamne aayenge woh chitra aapke naynon mein dekhenge,nayan dekhte hi buddhiyog dvaara anek saakshaatkaar honge। aise saakshaatkaar moorta apne ko banaana hai। lekin saakshaatkaar moorta woh ban sakenge jo sadaiv saakshi ki sthiti mein sthit honge। unke nayan projector ka kaam karenge। unka mastak sadaiv chamakta hua dikhaai padega। holi ke baad saang banaate hain na। devtaaon ko sajaakar mastak mein bulb jalaate hain। yeh saang kyon banaate hain? yeh kis samay ka practical roop hai? is samay ka। jo phir aapke yaadgaar banaate aate hain। to ek-ek ke mastak mein light dekhne mein aaye। vinaash ke samay bhi yeh light roop aapko bahut madad degi। koi kis bhi vritti vaala aapke saamne aayenge। woh is deh ko na dekh aapke chamakte hue is bulb ko dekhenge। jo bahut tez light hoti hai aur usko jab dekhne lagte hain to doosri saari cheez chhip jaati hai। vaise hi jitni-jitni aap sabhi ki light tez hogi utna hi unhon ko aapki deh dekhte hue bhi nahin dekhne aaegi। jab deh ko dekhenge hi nahin to tamoguni drishti aur vritti svatah hi khatma ho jaaegi। yeh pareekshaaen aani hain। sabhi prakaar ki paristhitiyaan paas karni hai।

yeh jo group hai inhon ka hansi mein ek naam rakha hai। aaj vatan mein chit-chait chal rahi thi isi baat par। koi ne hansi mein kaha tha badi bahnen hamaari heads hain to phir ham leg(taange) hain। to baapdaada ne phir naam rakha hai inhonne ke bade to hain heads। lekin yeh handle hain। motor mein handle bigar kaam chal na sake। handle dvaara hi motor ko mod sakte hain। to heads bhi in handle bina service ko handle nahin kar sakte hain। yeh jo group hai yeh hai haindalsa। inke bin heads kuchh bhi kar nahin sakte। jo bhi aate hain unko pahle pahle handle karne vaale yeh handle hain na। to aap logon ke oopar itni jimmevaari hai। agar aap handle theek nahin, to service ki handling bhi theek nahin hogi। lekin yeh sirf dekhna handle to hai lekin heads ko kabhi handle nahin karna। head ko hand ban kar rehna। baapdaada ke bhi right hand hain na, left hand bhi hain। right hand ko full power hoti hai, lekin hota hand hai। head nahin hota। handle to hain na। lekin kaise handle karna hai aur kaise baapdaada ke right hand banen, iske liye yahaan aaye ho। yeh group aisa hai jo ek-ek kamaal kar sakte hain। service ko saphalta ke roop mein la sakte hain। service mein saphalta laane ke liye do baaten dhyaan mein rakhni hai। sarva baaton mein sahayogi to ho lekin service mein saphalta laane ke nimitta vishesh yeh group hai। iske liye do baaten vishesh dhyaan mein rakhna hai ek hai nishaana poora aur doosra nasha bhi poora hona। nasha aur nishaana yeh do baaten is group mein vishesh aani chaahiye। jab nishaana theek hota hai to ek dhak se kisko marjeeva bana sakte ho। jo nishaane baaz hote hain woh ek hi goli se theek nishaana karte hain। jinko nishaana nahin aata, unko ३-४ baari goli chalaani padti hai। agar apni sthiti ka bhi nishaana aur doosre ki service karne ka bhi nishaana theek hoga aur saath-saath nasha bhi sadaiv ekras rehta hoga to service mein saphalta jyaada pa sakte ho। kabhi nasha utar jaata, kabhi nishaana chhut jaata,yeh donon baaten theek honi chaahiye। jismen jitna khud nasha hoga utna hi nishaana theek kar sakenge। serviceable to ho lekin service mein ab kya visheshta laani hai? serviceable unko kaha jaata hai jinka ek sekand aur ek sankalp bhi bina service ke na jaaye, har sekand service ke prati ho। chaahe apni service chaahe doosron ki service। lekin jab ho hi serviceable,to samay aur sankalp service ke bigar nahin jaana chaahiye। pharmaanbardaar ka arth hi hai farmaan par chalna। mukhya farmaan hai nirantar yaad mein raho। agar is farmaan par nahin chalte to kya kahenge?jitna-jitna is farmaan ko practical mein laayenge utna hi pratyaksha phal milega। purushaartha mein chalte hue kaun sa vighna dekhne mein aata hai,jo sampoorn hone mein rookaavat daalta hai? vishesh vighna vyartha sankalpon ke roop mein dekha gaya hai। to isse bachne ke liye kya karna hai? ek to kabhi andar ki va bahaar ki rest na lo। agar rest mein nahin honge to vesta nahin jaayega। aur doosri baat apne ko sadaiv guest samjho। agar guest samjhenge to rest nahin karenge to vesta nahin jaayega। chaahe sankalp, chaahe samay, yeh hai sahaj tareeka। achha sab phir samaapti ke din sabhi ke mastak ke bulb kitne power ke hain woh dekhenge। aur powerful honge to maaya us power ke aage aane ka saahas nahin rakhegi। jitna bulb ki power hoti hai utna saamna koi nahin kar sakta। aisi powerful sthiti dekhenge। serviceable ho, ab powerful bano। active ho,lekin accurate bano। to is group ko vishesh chhaap kaun sa lagna hai?accurate। koi bhi baat mein sadaiv accurate। chaahe mansa, chaahe vaacha, chaahe karmana – teenon mein accurate।

achha !!!