Avyakt murli du jeudi 28 mai 1970

Brahma KumarisBrahma Kumaris> 28-05-70om shanti avyakt baapdaada madhuban

“high-jump dene ke liye halka bano”

kaun-sa samarpan hai? samarpan samaaroh to nahin hai na । is samaaroh ka naam kabo hai? yeh hai inhon ka apne jeevan ka faisla karne ka samaaroh । faisla kiya nahin hai, karne ka hai । abhi agreement karni hogi phir hogi ingejmet । uske baad phir sampoorn hone ka samaaroh hoga । abhi yahaan pahli stage par aai ho । abhi agreement karni hai isliye sabhi aaye hain na । jeevan ka faisla karne aai ho va nahin? baapdaada bhi harek ka saahas dekh rahe hain । ab koi baat ka saahas rakha jaata hai to saahas ke saath aur kkuh bhi karna padta hai kai baaten saamna karne liye aati hai । saahas rakha aur maaya ka saamna karna shuru ho jaata hai । isliye saamna karne ke liye himmat bhi pahle se hi apne mein rakhni hai । yeh sabhi saamna karne ke liye taiyaar hain? koi bhi pareeksha kisbhi roop mein aaye, pareeksha ko paas karne ke liye agar high jump dene ka abhyaas hoga to koi bhi pareeksha ko paas kar lenge । to yeh high jump lagaane vaala ka group hai । jo samajhte hain ham high jump dene vaale hain woh haath uthaayen । yeh to sabhi saahas rakhne mein number one hain । inhon ko bataana high jump kisko kaha jaata hai, uska pahla lakshan kaun sa hai? usko andar baahar halkaapan mahsoos hoga । ek hai andar apni avastha ka halkaapan । doosra hai baahar ka halkaapan । baahar mein sabhi connection mein aana padta hai । ek do ke sambandh-samparka mein aana hota hai, to andar bhi halkaapan, baahar bhi halkaapan । halkaapan hoga to high jump de sakenge । is group ko aisa halka banaana jo vahaan bhi jaaye to hil mil jaaye । itna saahas hai? agar itni sabhi kumaariyaan samarpan ho jaaye to kya ho jaayega?

is bhatthi se aisa hokar nikalna hai jo jaisa bhi koi ho, jahaan bhi ho, jaisi bhi paristhiti ho un sabhi ka saamna ka saken । kyonki samasyaaon ko mitaane vaale bankar nikalna hai । na ki khud samasya ban jaana hai । koi to samasyaaon ko mitaane vaale hote hain koi phir khud hi samasya ban jaate hain । to khud samasya na banna lekin samasyaaon ko mitaane vaale banna hai । phir baapdaada is group ka naam kya rakhenge? karma karne ke pahle naam rakhte hai isliye ki jaisa naam vaisa kaam kar dikhaayenge । itne ummeedvaar ho na । kehte hain na bade to bade chhote baap samaan… yeh group bhi bahut laadla hai । ummeedvaar hai । saahas ke kaaran hi baapdaada is group ka naam rakhte hain - shoor-veer group । jaisa naam hai vaisa hi sadaiv har kaarya shoorveer samaan karna । kab kaayar nahin banna । kamzori nahin dikhaana । kaali ka poojan dekha hai? jaise ka kaali dal hai na । vaise is saare group ko phir kaali dal banna hai । ek-ek kaali roop jab banengi tab samasyaaon ka saamna kar sakengi । vishesh kumaariyon ko sheetla nahin banna hai, kaali banna hai । sheetla bhi kis roop mein banna hai woh arth bhi to samajhti ho । lekin jab service par ho, kartavya par ho to kaali roop chaahiye । kaali roop hogi to kaali bhi kis par bali nahin chadhegi । lekin anekon ko apne oopar bali chadhaayengi । koi par bhi svayan bali nahin chadhna । lekin usko apne oopar arthaat jiske oopar aap sabhi bali chadhi ho un par hi sabhi ko bali chadhaana hai । aisi kaali agar ban gai to phir anekon ki samasyaaon ko hal kar sakengi । bahut kada roop chaahiye । maaya ka koi vighna saamne aane ka saahas na rakh sake । jab kumaariyaan kaali roop ban jaaye tab service ki safalta ho । to in sabhi kaaleepan ka lakshan sunaana । sadaiv ekras sthiti rahe aur vighnon ko bhi hata saken iske liye sadaiv do baaten apne saamne rakhni hai । jaise ek aankh mein mukti toosri aankh mein jeevanmukti rakhte hain । vaise ek taraf vinaash ke nagaade saamne rakho aur doosre taraf apne raajya ke nazaare saamne rakho, donon hi saath mein buddhi mein rakho । vinaash bhi, sthaapna bhi । nagaade bhi nazaare bhi । tab koi bhi vighna ko sahaj paar kar sakengi ।

jo kaarya koi group ne nahin kiya woh kaarya is group ko karke dikhaana hai । kamaal karke dikhaana hai । sadaiv ek do ke snehi aur sahayogi bhi bankar chalenge to safalta ka sitaara aap sabhi ke mastishka par chamakta hua dikhaai padega । vahaan bhi sneh va sahayog dene mein kami nahin karna । sneh aur sahayog donon jab aapas mein milte hain to shakti ki praapti hoti hai । jis shakti se phir safalta praapta hoti hai । isliye in donon baaton ka dhyaan rakhna, jo aapke jad chitron ka gaayan hai ki deviyaan ek nazar se asuron ka sanhaar kar deti । vaise ek second mein koi bhi aasuri sanskaar ka sanhaar kaane vaali sanhaarkaari moorta banna hai । ab yeh baat dekhna ki jahaan sanhaar karna hai vahaan rachna nahin rach lena, aur jahaan rachna rachni hai vahaan sanhaar nahin ka lena । jahaan master brahma banna hai vahaan master shankar nahin banna । yeh buddhi mein gyaan chaahiye । kahaan master brahma banna hai, kahaan master shankar banna hai । agar rachna karne badli vinaash kar dete to bhi wrong aur agar vinaash ke badli rachna rach lete to bhi wrong । kahaani suni hain na jab ulta kaarya kiya to to bichchhu tindan paida hue । to yahi bhi agar sanhaar ke bajaae ulti rachna rach li to vyartha sankalp bichchhu tindan misal ban padenge । to aisi rachna nahin rachna jo svayan ko bhi kaaten aur doosron ko bhi kaaten । aisi rachna rachne se saavdhaan rehna । jis samay jis kartavya ki aavashyakta hai us samay woh kartavya karna hai । samay chala gaya to phir sampoorn ban nahin sakenge । to is group ko bahut jaldi-jaldi agreement baad ingejmenta karna hai । seva kendron par service mein lag jaana yeh ingejmenta hoti hai phir service mein safalta poori hui, to teesra samaaroh hai sampoorn sampanna banne ka। teenon samaaroh jaldi ka dikhaana hai । chhote jaasti tej ja sakte hain । sikeeldhe, laadle bhi chhote hote hain na । isliye is group ko practical mein dikhaana hai । himmat hai na । himmat ke saath ullaas bhi rakhna hai । kabhi haar nahin khaana । lekin apne ko haar banaakar gale mein pirona hai । agar gale mein piroye jaayenge to phir kabhi haar nahin khaayenge । jab haar khaane ka mauka aaye to yeh yaad rakhna ki haar khaane vaale nahin hain lekin baapdaada ke gale ka haar hain । chhote-chhote komal patte jo hote hai, unhon ko chidiyaaen bahut khaati hain । kyonki komal hote hain to khaane mein maza aata hai । isliye sambhaal rakhni hai । jab apne ko ek ke aage arpan kar liya to aur koi ke aage sankalp se bhi arpan nahin hona hai । sankalp bhi bahut dhokha deta hai । jo bahut pyaare bachche hote hain to unko kya karte hain? kaala teeka laga dete hai । isliye is group ko bhi teeka lagaana hai । jo koi ki bhi nazar na lag sake । tilak ka arth to samaiaate ho, jaise tilak mastak mein tik jaata hai vaise jo bhi baaten nikleeka sabhi sadaiv sthiti mein sthit rahe iska yeh tilak hai । yeh sabhi baat sthiti mein sthit ho jaaye tab raajtilak milega । sthiti kaun si chaahiye? woh to samajhte ho na । is group ko yeh slogan yaad rakhna hai 'safalta hamaara janma-siddha adhikaar hai' asfalta nahin । safalta ka hi shrangaar karna hai । naynon mein bhi, mukh se bhi, mastak se bhi safalta ka swaroop dekhne mein aaye । sankalp bhi safalta ka। aur doosre jo bhi kaarya ho usmein safalta ho । safalta hi janmasiddha adhikaar ho । yeh hai is group ka slogan । bhatthi mein padne se sabhi kuchh badal jaata hai । sabse chhoti aur hi show karti hai । (poonam baapdaada ke aage baithi hai) jismen koi ummeed nahin hoti hai woh aur hi ummeedvaar ho dikhlaate hain । yeh kamaal kar dikhaayegi । baal bhavan ka ek hi yaadgaar hai । yaadgaar ko hamesha show case mein rakha jaata hai । to apne ko sadaiv show case mein rakhna hai । agar ek chhoti ne kamaal ki to is saare group ka naam baala ho jaayega ।

ab jo slogan bataaya ka woh karke dikhaana hai । chhoton ko bada kartavya kar dikhaana hai । inse sabhi se agreement likhvaana koi bhi vighna aae, kaisi bhi samasya aaye lekin aur koi par bhi bali nahin chadhenge । sachcha pakka vaayda hai na । jaise beej bone ke baad usko jal diya jaata hai tab vriksha roop mein phaleebhoot hota hai । is reeti yeh bhi jo pratigya karte hain phir isko jal kaun sa dena hai? pratigya ko poorn karne ke liye sang bhi chaahiye aur saath-saath apni himmat bhi । sang aur himmat donon ke aadhaar se paar ho jaayenge । aisa pakka thappa lagaana jo sivaae via paramdham, baikuntha aur kahaan na chali jaaen । jaise government seel lagaati hai to usko koi khol nahin sakta vaise almighty government ki seel harek ko lagaana hai । is group se koi bhi kamzor hua to in sabhi ke patra aayegen । samjha ।

achha !!!