Avyakt murli du vendredi 25 juin 1971

>

25-06-71 om shanti avyakt baapdaada madhuban

seva aur tapasya ki samaanta

apne ko vrikshapti ki santaan samajhte ho? vriksha ki nishaani bhakti-maarga mein bhi chali aati hai। jab tapasvi tapasya karte hain to vriksha ke neeche tapasya karte hain। iska rahasya kya hai? vriksha ke neeche tapasya kyon karte hain? uska kaaran kya hai, yeh shuru kyon hua, iska behad ka rahasya kya hai is srishti roopi vriksha mein bhi aap logon ka nivaas sthaan kahaan hai? vriksha ke neeche jad mein baithe ho na। chitra jo abhi gyaan sahit banaaye jaate hain vahi phir yaadgaar bhakti-maarga mein chalta rehta hai। vriksha ke chitra mein door se kya dikhaai deta hai? tapasvi tapasya kar rahe hain, jaise vriksha ke neeche tapasvi baithe hain। vriksha ke neeche baithne se automatically vriksha ki saareenolejbuddhi mein aa jaati hai। vriksha ke neeche baithenge to na chaahte hue bhi phal, phool, patton aadi mein attention jaata hi hai। to yeh bhi jab kalpavriksha ke neeche foundation mein baithte ho, to saare vriksha kaanolejbuddhi mein automatically rehta hai। jaise beej mein vriksha ki saari nolejrahti hai, isi reeti apne ko is kalpavriksha ka foundation athva vriksha ke neeche jad mein apne ko samajhte ho to saare vriksha ki nolejaaatometikli buddhi mein aa jaati hai। yeh jo aapki stage hai, uska yaadgaar bhakti-maarga mein chalta aaya hai। yeh hai practical, tapasya kar rahe ho। bhakti-maarga mein phir sthool vriksha ke neeche baithkar tapasya karte hain। dekho, shuru-shuru mein aapko nasha rehta tha ki ham vriksha ke oopar baithe hain। saara vriksha neeche hai, ham oopar hain। oopar bhi thahre na। agar vriksha ko ulta kar denge to oopar ho jaayenge। to jaise pahle nasha bahut rehta tha ki ham is vriksha ke oopar baithkar saare vriksha ko dekh rahe hain, aise hi abhi bhi yeh bhinna-bhinna prakaar se tapasya ka nasha rehta hai? pahle ki khumaari is khumaari se jyaada thi va abhi jyaada hai? woh sirf tapasya ka roop tha। abhi tapasya aur seva saath-saath ho gai hai। woh nasha sirf tapasya ka hi rehta tha। neeche utarne ka koi kaaran nahin tha। aur abhi tapasya aur seva - donon hi saath-saath chalti hain। donon kaarya chal rahe hain। to beech-beech mein apne aapko nasha chadhaane ka khaas attention rakhna chahie। isko hi battery charge kehte hain। aise anubhav karenge jaise sach-sach vriksha saara emerge roop mein hai aur ham saakshi hokar is vriksha ko dekh rahe hain। yeh bhi nasha bahut khushi dilaata hai, shakti dilaata hai। isliye vrikshapti aur vriksha ka gaayan bahut hai। to aise bhinna-bhinna prakaar ki seva karte hue bhi tapasya ka bal apne mein aapehi bharte rehna hai। jisse tapasya aur seva-donon combined aur ek saath rahenge। aise nahin ki seva mein aa gaye to tapasya bhool gaye। nahin, donon saath-saath rahen। combined roop hai na। to iski beech-beech mein checking karni padegi। jab tak checker nahin bane ho tab tak maker nahin ban sakte। world-maker va pees-maker - yeh jo gaayan hai woh tab tak nahin ban sakte jab tak checker nahin bane ho। apne oopar checking bahut chaahiye। doosra kitna bhi check kare to bhi itna nahin kar sakte, lekin apne aap ko check karne se hi apni unnati kar sakte ho। apne aapko check karna hai। checking karne mein samay nahin chaahiye। jab natural abhyaas pad jaata hai to samay ki bhi aavashyakta nahin, automatically chalta rehta hai। phir checking karne mein ek second bhi nahin lagta। agar apne aap ko check karo to usmein kitna samay lagega? ek second to kaise bhi busy hote bhi nikal sakte ho। sirf abhyaas ki aavashyakta hai। checking master banna hai। sabhi mein master banna hai। jaise master sarvashaktimaan, master knowledgeful ho vaise checking master bhi banna hai। achha।

drama anusaar sabhi theek to chal hi raha hai। lekin theek chalte hue bhi checking karni pade। kalyaankaari yug hai - yeh bhi jaante ho, phir bhi harek ko apne aur doosre ke kalyaan ka plan sochna bhi padta hai। aise kuchh naye- naye plan nikaalo, jismen avasthaaen kuchh jump den। sabhi chal to rahe hain aur chalte rahenge। lekin beech-beech mein extra force planning va sahayog ka milne se jump aa sakta hai। jaise rocket ko bhi agni ka force diya jaata hai tab hi ud jaata hai। aise hi light aur might ka force mile, jisse jump laga saken। iske liye extra force ke sahayog se hamko shakti ki praapti ka anubhav hota hai। yeh bhi zaroori hai। ek to manan shakti ki bahut kamjori hai। isliye majority ki yahi report hai ki vyartha sankalpon ko control kaise karen? is mukhya kamjori ko kaise-check up karke isko khatma karen, iske liye plan sochna hai। kamjoriyon ka to maaloom pad hi jaata hai। us par samjhaani milne se andar dab to jaati hain lekin sanskaaron ko khatma nahin kar sakte। isliye thode samay ke baad majority ki phir yahi report hoti hai। bhattheeaadi se bhi extra force milta hai, kuchh-na-kuchh parivartan hota hai। lekin yeh jo force yahaan se le jaate hain woh sadaakaal rahe, iske liye plan socho। bahuton ki complaint rehti hai ki shakti nahin hai। knowledge hai, lekinnolejko jo light aur might kaha jaata hai, to nolejadvaara apne mein shakti kaise bharen, woh tareeka nahin aata hai। jaise apne paas maachis ho lekin maachis se aag nikaalne ka tareeka na aane ke kaaran kaarya siddha nahin kar sakte hain। to nolejasbhi ko hai, lekin nolejse koi to light aur might ka anubhav karte hain aur koi sirphanolejko samajh varnan karte hain।nolejadvaara apne mein might kaise laayen - woh bhinna-bhinna yuktiyon dvaara bal bharna hai, jisse jump khaayen। achha।